مشتاقييييين ياحبايب

يسرنا أن نطل عليكم من نافذة الوطن الأنيقة هذه بعد غيبة
فالمكان والزمان دونكم غريبان ونجدها سانحة نكرر فيها التحية
للأخ الحبيب بكرى وجنود البورد المجهولين الذين يزرعون هذا
الأثير إلفة وتواصلاً إجتماعياً أعادنا لدنيا السودان الحبيب على
بريق اسطر ودودة ....

نتقابل
حقيقه بقولها ما بحلم
غصباً عن عيون الهم
وعن كل الضباب الجايي
والمبهم
وعن زمنى الصِبح جاسوس
يهّرب للحزن خبرى حنتقابل
وأشيلك في العمر وأجرى
أحبك ينقطع نفسى
وأضمِك نتفرق واحد
نتقسّم على العاشقين
ونتقابل بدون ندرى
القاك والأّ تلقينى
لا دايرك معايا عروس
ولا بيك ينجبر دينى
ولا شايلك معاى واجهه
حنتقابل وترسم
فى حشا الأيام تصاويرنا
نضيع فى زحمة الفرقة
تحس بالألفة ناس غيرنا
مع ضو الشمس تشرق
ملامحنا وتعابيرنا
صحى الأيام مشت
لكن
نحن الليله موجودين
لا بنتعب ولا واقفين
ولا كملت مشاويرنا

أبوكي يا ساره
حقيقة أسعدتني عودتك

جد أنا سعيد بعودتك (أبا ذر) ،، ومشتاقين شوق لا يوصف
وينك ووين أيامك ،،، لك وحشة ،،، وخلينا نشوفك
ألف مرحب بيك تاني وبعودتك ،،

الإخوان
الملا عمر
أبو القنفد
لكما أحلى وأرق التحايا
ولكل الرواد الأجلاء
ووالله نحن أسعد
ونتمى أن يستمر التواصل بيننا
أبو القنفد
العين فاقداك
ووالله آخر برمجة( خلينا نشوفك )