ندى القلعة برنقز بطعم الليمون والكاتشب

كلاهما يقرمش وله طعم رائع ولعمري لم اري في حياتي فنان يقرمش
الغناء زي بت القلعة ومن قبلها الراحل ابو علي حسن عطية ..
عندما اشاهدها قبل ان تبدأ بالغناء تدلهم الدنيا في وجهي وتنتابني
حاله اشبه بحالة عمي الالوان .. وعندما تبدأ تغني وهي جالسة اشعر
بجرجحة في حلقومي ووتزداد ضربات قلبي الى 120 درقة في الدقيقة لتضخ كل
ما في جسمي من دم الى اجزاء لم يصلها من قبل من تاريخ ولادتي..
وعندما تقيف وتبشر على احد المتيمين اشعر وكانني اسبح بين السماء والارض
من شدة التطريب لاجد نفسي وقد سقطت في كوم من الحطب فأجده العنقريب
لكن حالف وحات سيد الحيشان التلاتة في الباوقة حوش حمد واللمين وحوش
جدي كاكراج ارجع السودان اودي بت القلعة معاي الباوقة لتغني لمدة
تلاتة ايام وفي اليوم الاخير اجيب معاها ياسر تم تام ...( نضرن علي )

تعرف يا ود الباوقه
مرة كانت النجفه الرائعة ندي القلعة بتغني (شقاني)
وانا وولدي (حمزه) بنعرض وهاك ابشر والعرضة مولعة نار
والوليه ام العيال بترقص لينا وتدينا الشبال
اعاين القى ليك عمود الكهربا الجنبا برضوا بيرقص معانا
شفت الهناء والسعادة
وتقول لي تلاتة ايام
قول العمر كلو

العم حمزاوي والاخ عباس .. تصدقوا بت القلعة دي لما تجئ في التلفزيون
الجماعة في الرياض محلفني اتصل عليهم واحد واحدعشان يشوفوها وفيهم واحد عمرو 65 سنة...
* سيجمان هو شيخ الطريقة القلعاوية ونحن حيرانو ولا مش كدا ياعم حمزاوي

تعرف يا ود الباوقة ياللوال ما عرفتك

وبعدين ندى دي هي المكسرة فيني....مش انا

الله

طلع المكسرين كتاااااااااااااااار

طيب وين لابدين من زمان

سجيمان شيخنا يلحقنا وينجدنا

هو الاداكم الطريق

يا ود الباوقه اخوي
انا لمن اسمع ندي القلعة برجع شاب صغير
ويا ريت ما تقول لي عم حمزاوي في حضرت ندي
قول لي اخوي الصغير حمزاوي
. . . .
سجيمان اخوي
قلت شنو
وبعدين ندى دي هي المكسرة فيني....مش انا
يا سجيمان يا ود عم بله انت كبرت وعجزت
وغنايك مات يا حليلك
فات القطار
ما يتكسر فيك حواء طقطاقه ولا عائشة الفلاتية ولا مني الخير
انت من زمن دور بينا البلد دا واحرق الجزلين يا وابورجاز
انت تعرف ندي القلعة من الكلاكلة القلعة
وانا القلعة زاتو
ما تقول لي القلعة مؤنث يا محسي ولازم تقول زاتها
قلعتنا دا ضكر وابن ستين ضكر كمان
تعرف ليه عشان جاب ندي القلعة

ود الباوقه

أنحن قبيل شن قلنا

السمؤل