نـــــكــــــــــــــات ،،،،،،،،

مكنيكي سألوه بتحب ياتو فنان قال ليهم: بحب مايكل داتسون ومازدا الرومي

• سودانية إشتركت في مسابقة ملكة جمال العالم فازت بلقب MISS Call

• جنوبية راجلا إستشهد في الجنوب أدوها كشك، قالت ناس يعرسوهم وناس كشك.. سلام يجي كيف؟

• عمك تاجر ضان قال كل ما ينوي يحج الحج بجي مع الضحية

• مسطول ماشي في الشارع شاف مكتوب التطعيم ضد الجدري قال ديل لاعبين بتين!!

• شيخ جامع قطع إشارة المرور الحمرا ركن علي اليمين وسجد سجود سهو

• مسطول أدا الجدادة كف قال ليها كل يوم بيض .. بيض جبنة مافي!

• حلفاوي مشي الحج قال للفوج المعاهو: لو شديتو حيلكم راح نعيد مع أولادنا

• رباطابي إخلاقوا في نخرتو واقف في الشمس الساعة 12 جاهوا واحد بي ضهروا مشبه عليهو قال ليهو (حمد النيل)..قال ليهو (لا أحمد شرفي

• واحد زغاوي مسمي بتو ( احب ) عشان المعلمه في المدرسه تناديها ( احب هارون اسحق ابكر )

• واحدة عملت الحبيب بورقيبة لواحد.. قام عمل الضو قدم الخير لأهلها .. وأهلها لما عرفو إنو ما عامل كمال شغيل .. عملو ليهو الجزيرة أبا .. الإتنين قامو عملو الضوء الشارد .. وعملو عقد الجلاد .. أم البت لمن عرفت الخبر عملت عبد الله الدوخي

• شايقيه فتحت جواز زوجها لقت المهنه راجل اعمال مسحت أعمال و كتبت عوضيه

• + بعد إعلان شركة الإتصالات السودانية بضرورة إضافة الرقم تسعة بعد الرمز الأول في دليل الهاتف ظهرت الرسالة الآتية

*ا9حمد
ن9وال
ب9در
ط9لال
ع9ثمان
مسطول يعدل في موبايلو بعد إضافة الرقم 9

• مسطول سالوهو منو من الانبياء كان بتكلم مع الحيوانات قال ليهم طرزان

• اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو ؟

• واحد مسطول قالو ليهو مراسل الجزيرة مات فى العراق قال ليهم هو المرقو من مدني شنو

• مسطول سايق عربية وراكب جنبو صاحبو قام قال ليهو لف يمين فرد عليه المسطول وقال ليه لف انت انا سايق.

• غراب مسطول جالس في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك

• فلاتي مسطول بيضرب في ملاح ملوحه كارب، كل ما ياكل ليهو لقمة يلحس صوابعه ويقول : هلو لكن أفن

• مسطول قاعد فى البيت والكهرباء قاطعة طبعا فاتح الشبابيك جات طيرة دخلت من الباب وخرجت من الشباك بحلق فيها كدا قال ليها يعنى عملتى شنو

• مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا أيها الكافرون

• واحد قال لي مسطول أنا بردان من المكيف... قال ليهو تشرفنا وأنا علي محمود من عطبره

• واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو

• فيه اثنين محششين مسافرين وقفوا عند محطة نزل واحد منهم وقال اخوه : شو اجيبلك ؟ قال له : أي شي .... راح جاب لنفسه عصير ولاخوه قلم

لا حولااااااااااااااااا..

ياخينا انت نكت النكت دي من وين ..

معاى حوالى 6 شباب هنا ... عسكرو في بوستك دة ... وجزء كبير طبعو كمان ..

حقيقة ..نكاتك رووووووووعة
هل من مذيد..؟.؟؟

اخوي سامو انشاء الله انزل باقة جديدة
وهاك ديل كمان
مسطول أتصل بالخطوط قال ليهم كم تستغرق رحلة الخرطوم لندن قالوا ليهو لحظه قال ليهم شكراً
مسطول صدم ليهو بنت بالعربية قالت ليهو انت ماشفتني قال ليها ايوا لكن مامتذكر وين
مسطول دخل محل ساعات قال ليهم الساعة بكم قالوا ليه بـ 500 الف جنيه قال ليهم طيب الخمس دقائق بكم.
مسطول مشى مكاتب سودانير حجز لأخوه لما جاء قال ليهو الحضور الساعة 4 والقيام الساعة 6 والدفن الساعة 7
واحد مسطول أيام حظر التجول لقووه ناس الدورية نايم في الرصيف قاموا صحوا قالوا ليهو انت ماعارف انو في حظر تجول قال ليهم هسي المتجول فينا منو.
مسطول قالوا ليه رايك شنو في الزواج المبكر قال ليهم يعني زي الساعة كم كدا
مسطول ماشي في الشارع سالوا واحد قال ليهو ياخ حدائق 6 ابريل بوين قام حكه راسو وبدأ يفكر قال ليهو ياخ ماقالوا ليك سنة كم؟
مسطول مشى زار ليه جماعة كدا وقاعد يسأل في بتهم الصغيرة اسمك منو ياشاطرة قالت ليه أسماء قال ليها يعني مافي أسم محدد كدا.
مسطول عينوه رئيس قسم الإيتام أول حاجة طلب أجتماع مجلس الأباء.