برلوم كرت كرتونة

بسم الله الرحمن الرحيم

يا أخوانا انا برلوم جديد لنج
و حقيقة الأنضمام للنخبة الموجودة في المنتدي دي مسؤلية إترددت كتير في إني أتحملها لكن غايتو الله يقدرني وأكون في مستوي يؤهلني أني اقول و افتخر أني عضو في المنبر الحر , و بيني و بينكم اذا بيقيت في المستوي كان بها و اذا ما بقيت في المستوي ما تشيلوا حسي !!!!! أوكي

الأخ خالد عبد المحمود
حيث أن مجموع مشاركاتك قد بلغ مشاركة واحدة ممثلة في هذا المقال ، فحسب أنك لم تعد برلوما أو كرت كرتونه ، أهلا وسهلا بك وخالص أمنياتي لك بالتوفيق والسداد ويلا شد حيلك وشارك بكثافة لكي تنافس عواجيز البورد ناس قرجه وأب حراز والفنان الموصلي في عدد المشاركات

مرحب بيك خالد البيت بيتك

شكرا ليكم يا شباب ومعليش انا جاني عمل طارئ عشان كدة اتأخرت في الردود و العتبي لكم حتي ترضوا
أحكي ليكم نكتة انا لي ساعة بحاول أدخل المنتدي و ما قادر كل ما أدخل كلمة السر يقول لي هذا المستخدم غير موجود .

( ما قلت ليكم لسة برلوم )

البرلوم خالد سلامات يا زول
انت صدقت انك برلوم ولبدت ولا شنو ؟
زمان الزول بفرح بي ملابس عيد رمضان يلبسا من ليلة الوقفة ما يملصا الا في وقفة عيد الضحية عشان بكون منتظر الجديد
والجديد شديد
كمل الباندويدث بي عرق العافية وما تسألني من الباندويث يعني شنو
دي تعرفا بعد السنة التانية

ولي الحين داك

اقعد عافية




أبنوسي

انا منكم
احبائى انا منكم
انا من نبعكم قطره
انا منكم
وبنا تتكون الجمله
انا منكم
وانا وانتم ضمنا
احمرار الغروب والحريق
انا قلبى لاينبض بدونكم
لايسير وحده فى الطريق
انا منكم
انا ونفسى بعدكم
لاتسوى شيئا
انا والمكان نبكى
عليكم حتى
انا منكم
انا من دمكم
قطره
انا وانتم
نكون القلبا
انا منكم
يبقى فى مشاوير حنمشيها من جديد ياخالد اتزكر وختها فى مواعيدك فنحن كم نشتهيك ونتفدك من داخل ذاكرتنا الخربه00
يااااااااااااااه00 يبقى لازما عليك توقف هذا المد ياخالد00
وكل ما اقول قربت ليك ياصديق تلقانى بادى من الف 00
هل هذا لاننىاحسك ؟
ام اعزك؟
*ملاذ الشتاء.....

شكراً ليك يا تبلدي و شكراً ليك يا معتز وانا في الحقيقة ما من الناس البلبدو انا بطبعي شليق و بدخل خشمي دة في أي شئ يعني لو فتشتو البورد دة حتلاقو اسمو دة كتير خلاص و التحية الصادقة جداً ليكم يا رائعين

الاخ خالد


اهلا ومرحب بيك

الف مرحب بيك يا المكاشفي و شكرا علي الترحيب