|
Re: الاحتفالية الأخيرة لبورداب الخرطوم للعام 2004 م الجرد السنوى (Re: almohndis)
|
لغابة الابنوس، ولغضبة الهبباي، ولمركز عبد الكريم ميرغني وشرطة كرري وللشاعرة ايمان ادم ولحبيب بلدو ولقمان وللباشمهندس ولامدرمان وجميع اهل السودان الف تحية،والله بختكم يا باشمهندس عثمان ... وكمان في ربوع امدر أمان...الواحد يحسدكم عديييل ... خلونا في بالكم واجردوا لينا معاكم ويا حبيب بلدو وصديق الموج بالنيابة عننا انجردوا مع ناس الخرطوم...
قـــــــف: نتابعكم بشغف ونشد من ازركم، من الرياض سلام، وللخرطوم الف تحية
| |
|
|
|
|
|
|
Re: الاحتفالية الأخيرة لبورداب الخرطوم للعام 2004 م الجرد السنوى (Re: almohndis)
|
باشمهندس عثمان والرائعات والرائعين بورداب الخرطوم..سلام.
أكرمتم وفادتي في يوليو الماضي. كنتم نعم الإخوة والأخوات..وعلى الرغم من أنني لا "أداري" إقليميتي القحة وأنّ "الخرطوم" لا تنزل لي من زوري ‘ إلآّ إنكم والنصيحة لله قلبتم الموازين ‘ وغرستم في نفسي أروع صورة. وستظل أنت والرقيقة عبير خيري والشاعران أنور وعاصم الحزين والفنان حمزة وملكة سبأودريمز والدكتور قرنق الطبيب الشاعر ظريف الدعابة وآخرين- ستظلون دائماًفي الذاكرة كأجمل ما يكون الرمز لشباب بلدي الواعي.
ويا باشمهندس عثمان شايفك قلت لأختنا هالة قوتة: (...الا انتى ياهالة كان جيتى نعمله ليك فى الهلتون ‘انتى سهاله!!)
قلنا كن كدة يا جماعة الخير الحكاية بقي فيها خيار وفقوس..وغايتو ..لينا الله وعيشة السوق!
| |
|
|
|
|
|
|
Re: الاحتفالية الأخيرة لبورداب الخرطوم للعام 2004 م الجرد السنوى (Re: hala guta)
|
المهندس عثمان
من جده سلام والف تحية
لقمان حسن همام ، هو نسيبى وصديقى وحبيبى ، فأنا متزوج أخته بت خالتو ، وهو صديق العائلة وزميل مهنة وصديق للمقداد شيخ الدين ، وهو رجل شفيف ، سمح اذا باع واذا اشترى فلذلك أوصيكم به خيرا فأحسنوا استقباله وأكرموا وفادته واستفيدوا منه ما استطعتم فهو بحر آداب لا ساحل له ، يعطيك بلا حدود ويشعرك بأنه يأخذ منك حتى لا يكون فى عطائه من ولا أذى فنعم هذا اللقمان الحكيم كسميه
كما أهنكم أيضا بحضور هاله قوته الى الخرطوم ، وأهنىء جمعكم المبارك وأحييكم من على البعد (رغم بعدى برسل سلامى) ، صدقنى يا عثمان ان حب بورداب الخرطوم قد أخذ حيزا كبيرا فى فؤادى ، ولا أمسى ولا أصبح الا بذكراكم العطرة تهز اركان روحى ولا تبارح مخيلتى فنعم الاخوان انتم ونعم الرجال والنساء ، وسأكرر الحضور لكم مرات ومرات اذا شاء رب العباد ، فالى لقاء قريب يا مهندسنا
| |
|
|
|
|
|
|
|