كــــاظـــم الـــســاهــر ....... و نــدي الــقــلــعــة

الأخوة والأخوات الكرام فى البورد

رن هاتفي المحمول معلن عن وصول رسالة
جديدة إدخلت يدي فى جيب البنطلون بلهفة
شديدة للغاية لان معظم الرسائل التي تاتى
فى محمولي تكون من السودان ولاننى دائما فى
شوق شديد لسماع اخبار عن السودان ... من خلال
الرقم عرفت بان الرسالة من أحدى اصدقائي العزاز
أنسان جميل مليان فرح وإبتسامات واحد من أصحاب الطرفة والفكاهة
في سوداننا الحبيب ... وهذا هو نص الرسالة

Quote: الحبيب السمؤل إلتقت المطربة ندي القلعة مع كاظم الساهر فى إحدى الحفلات !!!! لا تتعجب يا صديقى فالعالم اصبح عبارة عن غرفة فى ظل العولمة الحالية سأل كاظم الساهر ندي القلعة سمعت بى حافية القدمين ؟ ردت : ندى القلعة قائلة كيف ما سمعت بيها دي مش / دق الباب وجأنأ وأنا جريت ليه حفيأنه

السمؤل

samwal ebrahiem- يديك العافية
ياخي جننتنا- شنو الجاب لي جاب
والله دي عملوها قلعة بالرجالة
ولي كل واحد قلعتو والحمدلله إنها سميت على الكلاكلة القلعة
وما على قلعة تانية

سموأل اخوي
كيفك
كل شئ ولا ندي القلعة
تمبس نسيبي قوم بالرد على سموأل دا
قال كاظم الساهر قال
والله ما يجي بسمة من بسمات ندي القلعة
لمن تهييم البسمة تتفجر بسيماتك درر
. . .
كبيسبة اخوي
قف وتأمل

سمؤل فتح عينك زي الريال ابو عشرة هي

كلو شيء ولا ندي دي

والله اسي حمزاوي ده يسل ليك السكين


هي سا كبسيبه

الجب كتير اسي امانه في زمتك هي ما احلي منو


حمزاااااااااااااااااااااااااااااوي

كبسيبة
شكرا كثيرا على المرور
والتعقيب ... انت عارف
يا كبسيبة اجمل حاجه عاجبنى
صورتك الجميلة دي ولازم يوميا
ادخل البورد ومن ثم الى بروفائلك
عشان اشوف سماحة صورتك
ولو ما صورتك دى عزيزة على كنت
قلبتها معاك دافورى فى كلامك دى

Quote: إنها سميت على الكلاكلة القلعة

مالا الكلاكلة القلعة بالمناسبة
الكلاكلة القعلة دى غالية علينا
السمؤل

قريبى حمزاوى

Quote: والله ما يجي بسمة من بسمات ندي القلعة لمن تهييم البسمة تتفجر بسيماتك درر

ماكنت قائلك مكسر للدرجة دى
وكان قلنا كلامك دى صاح مليون فى المئة
الجاب حافية القدمين لى دق الباب وجانا انا جريت ليه
حفيانة شنو

عباس اخوي
قولك حقيقة ندويه القلعاوية
هي وبس
وحنعمل جمعية المعجبين بالمطربة ندي القلعة هنا في البورد
عبااااااااااااااااااس اخوي

اخوي سموأل
قلت لي اني مكسر في ندي
اخوك مش مكسر اخوك مقطع هته هته فيها
من الفتيح للخور للمغالق من علايل أبوروف للمزالق
قدلا يا مولاي حافي حالق بالطريق الشاقيه الترام

عباس أخوي

Quote: سمؤل فتح عينك زي الريال ابو عشرة هي كلو شيء ولا ندي دي والله اسي حمزاوي ده يسل ليك السكين

الحكاية مدام حتجيب ليها
سكاكين حفتح عينى زى الفنجال
مش الريال ابو عشرة
تسلم على المرور ويديك العافية
للنصيحة الجميلة دي

سمؤل يا حبيب،

أنا زاتي ندى القلعة دي بقيت ما برضى فيها

خاصة بعد ما اكتشفت انها بتقرا البورد دا حتة حتة

أما زولي «سجيمان»
(وانا متأكد هسة بجيك ناطي)
حافظة بوستاتو كلها..

وقالت لي قول ليهو «يا ولدي» إذا انا مكسرة فيك من ورا الشاشة
لما ألاقيك في حفلة يحصل ليك شنو..

والله العظيم تلاتة قالت لي قول ليهو كدا

دكتور معز

قول ليها انا كمان

انا كمان

انا كمان

والله يا السمؤل الله يديك العافية
شفت ندي دي مكسرة فيني كيف؟..والله الواحد زاتو بقى يخاف من ناس ليلي عليوي.....يعني ما نمشي مصر ولا شنو يا جماعة؟
... وبعدين ندى دي مش ان جات جارية ولاقتني حفيانة...كان جات ماشة حريّنا.....ولا كان جات حابية.. اصلو ما بهببو ليها.....

سجيمان اتجدع يا يابا

ما قالت مكسره فيك

احسدك

ندى القلعة وكاظم الساهر ،،
والله مثل عجيب ،،
اتلاقو وين ؟
صحي يا ندى ، بقيتي تلاقي كاظم الساهر في الحفلات ؟؟

حمزاوي يا قريبى

Quote: وحنعمل جمعية المعجبين بالمطربة ندي القلعة هنا في البورد

والله يا قريبى دى لفته بارعة منك
حق نعمل ليها دراسة جدوي ... وإجتماع
عاجل جدا وهام للغاية
عليك الله يا قريبي عندما يتم تنفيذ اللجنة
اضعنى في اللجنة الإستشارية المحايدة
السمؤل

سمؤال هووووووووووووووووي

يا فيها يا مافي لجنه محايده يعني تعاين وتطلع بس كده لا

يا مكسر يا ما مكسر حدد موقفك من اسي دي

انتو ندى القلعة دى شنو?

كستاوي

تسلم على المرور
والمساهمة الاستفهامية

Quote: انتو ندى القلعة دى شنو?

رد عليك حمزاوي بالاتي

Quote: كوستاوي اخوي قلت شنو انتو ندي القلعة دي شنو عليكم الله شوفوا جنس الكلام دا صدقني لو كنت جنبك في واشنطن البيقولوها دي كنت اعمل فيك شنو كوستاوي ما بيعرف ندي القلعة الرماد كال حماد كوستاوي حنرسل ليك كتيب عن ندي القلعة قام باعداد الكتيب رابطة معجبي ندي القلعة بالبورد

كستاوي ما تصدق كلام حمزاوي دي
قال رابطة معجبين قال لي هي بقت ود الامين ولله محمد وردي

السمؤل

العزيز عباس

Quote: سمؤال هووووووووووووووووي يا فيها يا مافي لجنه محايده يعني تعاين وتطلع بس كده لا يا مكسر يا ما مكسر حدد موقفك من اسي دي

انتو الظاهر يا عباس رسمين جدا
ومدام انتو رسميين كده بقول ليك ما مكسر
وليه حاجه انا عندي المالئه عيني

السمؤل

بروف معز الغالي
البوست نور بـ طلتك
البهية أيها الجميل الرائع

Quote: أنا زاتي ندى القلعة دي بقيت ما برضى فيها

علي كل حال يا بروف دي رآي ورد ندي القلعة كان فيه جهل عميق

Quote: وقالت لي قول ليهو «يا ولدي» إذا انا مكسرة فيك من ورا الشاشة لما ألاقيك في حفلة يحصل ليك شنو.. والله العظيم تلاتة قالت لي قول ليهو كدا

شايف البوست جاب شمار
والله لو كنت عارف كده كنت
عملتو من زمان
السمؤل

دكتور سجيمان
لك التحية والتقدير
على المرور والطلة
الجميلة الرائعة

Quote: وبعدين ندى دي مش ان جات جارية ولاقتني حفيانة...كان جات ماشة حريّنا.....ولا كان جات حابية.. اصلو ما بهببو ليها.....

سجيمان كلامك كلام رجال والله وعجبتني جدا عشان ما بتهبهيب ليه
السمؤل

كوستاوي اخوي
قلت شنو
انتو ندي القلعة دي شنو
عليكم الله شوفوا جنس الكلام دا
صدقني لو كنت جنبك في واشنطن البيقولوها دي كنت
اعمل فيك شنو
كوستاوي ما بيعرف ندي القلعة
الرماد كال حماد
كوستاوي حنرسل ليك كتيب عن ندي القلعة قام باعداد الكتيب
رابطة معجبي ندي القلعة بالبورد
كدا يا دكتور معز وسجيمان حاولوا تدخلوا في اللجنة دي
مافي طريقة ليكم خالص

قريبى حمزاوى

Quote: كدا يا دكتور معز وسجيمان حاولوا تدخلوا في اللجنة دي مافي طريقة ليكم خالص

لي ما زكرت اسمي انا ذاتي ما داير ادخل في اللجنة دي
السمؤل

العزيز عباس

Quote: سجيمان اتجدع يا يابا ما قالت مكسره فيك احسدك

وانت المزعلك شنو
السمؤل

الخال ودقاسم

Quote: ندى القلعة وكاظم الساهر ،، والله مثل عجيب ،، اتلاقو وين ؟

لا تتعجب ايها الخال العزيز
فـ العالم اصبح عبارة عن غرفة
فى ظل التقنيات الحديثة
وإحتمال كمان يكونو اتلاقو
فى عيد ميلاد نانسى عجرم
السمؤل