Post: #1
Title: سؤال وعاوز رد الان !
Author: محمد حامد جمعه
Date: 11-27-2004, 06:14 AM
Parent: #0
يا جماعة (مسعولين ) من الخير ممكن مواطن يرشد اخيه المواطن عن كيفية رفع (صورته ) بجوار بوستاته فانا من انصار الشفافية واحب ان يرانى الناس ، مضت نحو ساعتين ونصف والموقع يحولنى لكمية صور بعضها مفهوم وبعضها لابد ان تجازف و(ماعاوز انقر ساى ) حتى لا افجع فى صورة (كدا ولا كدا ) .. معليش استحملونا .. اخوكم جديد والجديد شديد و(براى ) لكن بس ساعدونا وارشدونا واخطرونا بذلك سريعا .. ممكن يا شباب
|
Post: #2
Title: Re: سؤال وعاوز رد الان !
Author: lana mahdi
Date: 11-27-2004, 06:18 AM
Parent: #1
يا برلوم
كدى قبلي ما تجو تكابسو
فى دليل البرالمة الجدد
فى واحد من البوستات ما عارفة فى المنبر ولا الارشيف
الف مرحبا بك يا محمد واقامة طيبة
|
Post: #4
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:21 AM
Parent: #2
شكرا يا (مولاى ) بالمناسبة دفعتنا دى الظاهر حتكون زى دفعة الخمسمائة البيقولها فى الجيش ولا رايك شنو ، لكن باين عليهم بورداب ثقات واهل كلمة انيقة
|
Post: #7
Title: Re: سؤال وعاوز رد الان !
Author: lana mahdi
Date: 11-27-2004, 06:32 AM
Parent: #4
لاكين بالغتا يا محمد
فى ضبابية جندرية عندك باين
اديت السناير فرصة عمرهم فيك يا برلوم
|
Post: #3
Title: Re: سؤال وعاوز رد الان !
Author: سجيمان
Date: 11-27-2004, 06:21 AM
Parent: #1
سوعال زي دا يا اخوي بيسعلوهو بالماسنجر....عشان شنووووو؟.....عشان ما يقولو انت ما بتعرف حاجة....ويحقرو بك.... اعمل نفسك عارف اي حاجة.... لكي تجد لك موطئ قدم......
الصورة من الجهاز بتاعك؟
ولا موجودة في موقع سيرفرو بيسمح برفع الصور؟
ولاّ رفعتها في الموقع هنا؟
عليك بان تعرف الاسم الاخترتو للصورة.......عشان بعدينك تعمل عليهو كليك....لانو ممكن تعمل كليك علي حاجة شينة.....ونقعد بعدين في السكارى جونا السكارى جونا....
|
Post: #5
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:28 AM
Parent: #3
يا دكتور سيجمان (تلحقنا وتفزعنا ) بالمناسبة بقرا ليك مرات فى (الاضواء ) وبتابع بوستاتك هنا وفى (الموقع داك ) عارفو طبعا - عشان ما نعمل ترويج -
تعرف قلت اعمل بنصيحتك واعمل (الود مفتح ) لكن ما ممكن بوستى يكون (ابيض ) وفارغ كفؤاد ام موسى من (صورتى ) واتلفت جاى جاى والاستشرتهم طلعوا (لاحقين اخوك ) وخايف امشى محل (تحميل الصور ) الصورة تطش تمشى موقع لناس (القاعدة ) ولا السى اى ايه ولا اى حتة فيها (جر شكل ) زى مابيقولو المصريين (نروح فى داهية ) ولا كلو كوم ولو الصورة دى مشت محل صور (مش تمام ) على القسم اهلى (البقارة ) يطبقو فوقى نظريات .. خليها مستورة .
اسمع يا دكتور (الصورة ) هسة فى جهازى - الكمبيوتر - وما عارف اعمل شنو ؟؟؟؟؟؟
|
Post: #6
Title: Re: سؤال وعاوز رد الان !
Author: Raja
Date: 11-27-2004, 06:30 AM
Parent: #1
الفاضل محمد حامد..
ســـلام وتحية..
الخطوة الأولى ان تفتح "تحميل الصور".
الخطوة الثانية ان تقوم بتحميل الصورة حسب تعليمات الصفحة..
الخطوة الثالثة.. يأتيك عنوان هو عنوان الصورة: غاليا ما تكون:
xxxgif
http/www.xxxxxxxxxxxxxxxx= اسم الملف
ضع مكان اسم الملف عنوان الصورة اعلاه.. ويصبح عندك العنوان كاملا
اذهب للبروفايل وضع كل العنوان في خانة الـ "Image"..
وستجد ان صورتك قد نزلت..
تحياتي..
|
Post: #9
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:36 AM
Parent: #6
(الله يسلمك يا اختى ) يا رجاء .......... يديك العافية ويجعل يومك زى ابتسامتك الكبيرة العابرة للقارات والقلوب دى ...... شكرا يا عزيزة
|
Post: #10
Title: Re: سؤال وعاوز رد الان !
Author: ودالعباسية
Date: 11-27-2004, 06:43 AM
Parent: #1
يامحمد انت بتين جييت داير تعرف الحاجات دي كلها
كدي اول حاجة خلى الناس القدامك يعرفوا ؟؟؟؟
دقيقة بس
يارجاء وسيجمان
انتو ما شايفين البوست بتاعي ( لله يامحسنين )
ولا ما عاجبكم يعنى
|
Post: #11
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:55 AM
Parent: #10
يا جماعة (استحملونا ) لكن المسالة جاطت معاى (معليييييييييش ) اخوكم زول خلا ومسطح ويمكن (مخلوع ) يا جماعة انا سنتين ويمكن تلاتة (محروم ) من عضوية المنبر دا ولمن جات الفرصة ما بضيعها سنتين تلاتة يا جماعة والله قربت اكتب (خمسة سنين طويلة ) مرت ليلة ليلة لكن ربكم لطف وادتنا (القرعة )
المهم يا رجاء وسيجمان - ود العباسية انت لاحق اخوك - الظهر معاى كالاتى
Success
The following files were successfully uploaded :
md4.jpg
ضع اسم ملفك فى العنوان ادناه لمشاهدة ملفك
http://www.sudanhosting.com/cgi-bin/bandwidth.pl?type=pic&name=اسم ملفك
مثال
بعد اتمام العملية بنجاح يعطيك البرنامج اسم الملف الذى اخترته ...فمثلا اذا كان اسم الملف الذى اخترته هو bakri.gif
يكون الكود
img src="http://www.sudanhosting.com/cgi-bin/bandwidth.pl?type=pic&name=bakri.gif"
ما تنسى اغلاق الكود مستعملا <>
|
Post: #18
Title: Re: سؤال وعاوز رد الان !
Author: Raja
Date: 11-27-2004, 10:37 PM
Parent: #11
الأخ العزيز محمد..
ســـلام..
أها دي صورتك.. لكن حجمها كبير شديد.. يمكنك ان تقللها حتى تصبح في حجم الصورة الصغير..
واتبًع نفس الخطوات الفاتت.. واكتب لينا النتيجة هنا..
|
Post: #12
Title: Re: سؤال وعاوز رد الان !
Author: Raja
Date: 11-27-2004, 06:55 AM
Parent: #10
سوري يا محمد..
نرد على تخريمة ود العباسية..
لووووووووووووووول يا ود العباسية
من امبارح كل ما اشوف البوست بتاعك اموت من الضحك.. ومسكتا نفسي بالعافية ما ادخل اقول ليك: الله يدينا ويديك ..
|
Post: #13
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:57 AM
Parent: #12
شنو يا ود العباسية انت مؤجر بوستى دا من الباطن
|
Post: #14
Title: Re: سؤال وعاوز رد الان !
Author: محمد حامد جمعه
Date: 11-27-2004, 06:58 AM
Parent: #12
شنو يا ود العباسية انت مؤجر بوستى دا من الباطن
|
Post: #15
Title: Re: سؤال وعاوز رد الان !
Author: ودالعباسية
Date: 11-27-2004, 07:25 AM
Parent: #12
| Quote: من امبارح كل ما اشوف البوست بتاعك |
شفتى يا رجاء وقعتى بى لسانك براك 
لكن ما كان العشم وانا كلمتك فى البوست
الظهرتى فيه عضلاتك داك تزكري..
على العموم انا برضو منتظرك ما تخليك زي ايهاب
معاي هنا وما داير يساعدنى ...
|
Post: #16
Title: Re: سؤال وعاوز رد الان !
Author: Raja
Date: 11-27-2004, 07:38 AM
Parent: #15
الأعزاء محمد وود العباسية..
اولا محمد..
أمشي حمًل الصورة.. والبيجيك كلو اكتبو لينا هنا..
حنساعدك بعد داك..
بدل صورة بكري.. حتكون صورتك..
ود العباسية..
حأجيك بهناك..
|
Post: #17
Title: Re: سؤال وعاوز رد الان !
Author: أبو ساندرا
Date: 11-27-2004, 08:44 AM
Parent: #1
محمد حامد جمعة
قلت لي لنا مهدي يا {مولاي} والليلة يابورداب جاكم واحد لديح وفصيح وسعال ،يااخ الأخت لنا دي واضعة صورة حبيبها و أبوها ،إنت ماقريت الإسم، تيمنآ به فبالاهي ما تغلط
|
Post: #20
Title: Re: سؤال وعاوز رد الان !
Author: عامر الأمير
Date: 11-27-2004, 10:52 PM
Parent: #17
محمد حامد جمعة يازميل تحياتي
ياأخوي الناس دي ماتفك أوراقك ليهم بدري كدا وأسمع كلام دكتور سجيمان فيه كتير من النصائح والإرشادات وملح كمان وأنتبه لي كلام أوبو ساندرا وختو حلقة في أضانك بيلاقيك بعدين وكت تسخن الأمور وأستفيد من الفنيات العالية البتقدمها ليك رجاء هسع لأن بعدين الحساب حايكون دبل . شكرا لكل من ساهم بطريقة مباشرة أوغير مباشرة في الشرح المفيد
عامر الأمير
|
Post: #19
Title: Re: سؤال وعاوز رد الان !
Author: ABUHUSSEIN
Date: 11-27-2004, 10:49 PM
Parent: #1
محمد حامد جمعة لكن ما بكري جاب لينا حاجات خطيرة
لنا مهدي ياختي الزول دا عكليته عديل كدا
ود العباسية يا خوي شايفك لافي كل البوستات تشحد حتى بوستات البرالمة.. كدي أمشى البوست بتاعك ختيت ليك فيه مساعدة ما بطالة على الأقل حق الفطور
رجاء العباسي و الله لكن بقيتي مدرسة خصوصية كمان دا الإتعلمتيه من أولاد بمبا
لكن المسكين دا ما وريته كيف إصغر حجم الصورة و شكلوا كـدا ماحا إتفك منك إلا إخلص كل شئ
|
Post: #21
Title: Re: سؤال وعاوز رد الان !
Author: Kabar
Date: 11-27-2004, 11:00 PM
Parent: #1
|
Post: #22
Title: Re: سؤال وعاوز رد الان !
Author: Hatim Salih
Date: 11-27-2004, 11:41 PM
Parent: #21
والله يا محمد كبرت وقامت ليك صلعة ... كانت أيام
حسع عندي كام رواية ليوسف السباعي وعدد أثنين لأحسان عبد القدوس ومستني أبادلهم معاك طبعا زي زمان تبديل نهائي!! ها ها
التحية لسودانيز اونلاين وفعلا العالم أصبح قرية
|
Post: #24
Title: Re: سؤال وعاوز رد الان !
Author: محمد حامد جمعه
Date: 11-28-2004, 00:34 AM
Parent: #22
مرحبا بالجميع ........... كيف اصبحتوا طبعا يدوب وصلت (الخرطوم ) هسة جاى من امدرمان والكوبرى (القديم ) مغلق والكوبرى الجديد زى (خرم الابرة ) والعربات ماشية ببطء قاتل والعجب اذا اتعطلت عربة فى وسطه ؟؟؟؟ ميتة وخراب مواعيد ووقت
اها جيتكم لموضوع الصورة ......... جاهزين .. يحلكم منى الحلة بلة
|
Post: #23
Title: Re: سؤال وعاوز رد الان !
Author: Ana Zaty Omdur
Date: 11-28-2004, 00:28 AM
Parent: #1
ألف مرحب بيك ولدنا محمد
أتمنى لك إقامه جميله ومفيده فى هذا الوطن
عن إذنك تخريمه لى رجاء
لكن ما بقيتى جد خطيره
تهكرى الصورة قبلى ما صاحبها ينزلها 
|
Post: #25
Title: Re: سؤال وعاوز رد الان !
Author: محمد حامد جمعه
Date: 11-28-2004, 01:11 AM
Parent: #23
اهلين مرحبا ......... يا جماعة رجاء دى فاعلة خير ما تخلو المسكينة ..... يعنى ما تعمل خير فى زول (مسطح ) زينا ......... الله يخليها ساعدتنى وباقى الناس واقفة بس (تبرلم ) فينا
|
Post: #26
Title: Re: سؤال وعاوز رد الان !
Author: محمد حامد جمعه
Date: 11-28-2004, 03:52 AM
Parent: #25
يا جماعة عبرووووووووونا
|
Post: #28
Title: Re: سؤال وعاوز رد الان !
Author: محمد حامد جمعه
Date: 11-28-2004, 06:08 AM
Parent: #27
يا ابو احميد ........غيرنا وصغرنا الصورة ،ثم ماذا بعد هذا .......اسوى شنو زى ما قال اسماعيل حسن
|
Post: #29
Title: Re: سؤال وعاوز رد الان !
Author: محمد حامد جمعه
Date: 11-28-2004, 06:16 AM
Parent: #28
يا شباب يا سجيمان ........يا اخوانا ادونا طلة خلونا نخلص من الحاجات الاجرائية دى عشان بعد الصورة عاوز اخش فى (الشنكارات ) ....عشان تشوفو (العجب )
|
Post: #30
Title: Re: سؤال وعاوز رد الان !
Author: Raja
Date: 11-28-2004, 01:17 PM
Parent: #1
الأعزاء الفوق جميعا..
ســــلام..
يا محمد أصبر علي لغاية بكرة حاصغًر ليك حجم الصورة وأعمل ليك ليها تحميل وعنوان أديك ليهو في ايدك.. تقوم تمشي بيهو لمحل "ملفك" عشان تختو مكان عنوان الـ "Image".. اتفقنا.. انا كنتا ما فيشة واتوقعتا زول يكون عمل التصغير ليك..
عامر الأمير.. مليون مرحبا  ..
أبو حسين.. ســـلام.. أمًال ايه.. خبرة تلاتة سنين ..
حاتم صالح.. مليون مرحبا ..
أمدرمانية الحبيبة.. شغل على ميًة بيضا.. لوووووووووول
|
Post: #31
Title: Re: سؤال وعاوز رد الان !
Author: محمد الامين احمد
Date: 11-28-2004, 01:31 PM
Parent: #1
تحية طيبة للجميع
الاخ محمد حامد ، الى ان تأتى لك الاخت العزيزة رجاء بالصورة الجديدة
اتبع الخطوات التالية
1) انسخ هذا الرابط
http://www.sudanhosting.com/cgi-bin/bandwidth.pl?type=pic&name=md4.jpg
2) اذهب الى ملفك (فوق على اليسار)
3) قم بوضع الرابط فى المكان المخصص للصورة (image)
4) اضغط change profile
5) مافى حاجة ، كده خلصنا ، يله جرب
|
Post: #32
Title: Re: سؤال وعاوز رد الان !
Author: Raja
Date: 11-28-2004, 02:17 PM
Parent: #31
يا محمد الأمين..
الصورة كبيرة..
صغًرها اكتر..
|
Post: #33
Title: Re: سؤال وعاوز رد الان !
Author: محمد حامد جمعه
Date: 11-28-2004, 11:44 PM
Parent: #32
صباح الخير يا شباب .............صباحات الله بيض كيفكم
|
Post: #34
Title: Re: سؤال وعاوز رد الان !
Author: lana mahdi
Date: 11-28-2004, 11:47 PM
Parent: #1
صباح النور
الاتاوة ؟؟
|
Post: #35
Title: Re: سؤال وعاوز رد الان !
Author: محمد حامد جمعه
Date: 11-28-2004, 11:57 PM
Parent: #34
يا (لنا ) سلاااااااااااامات كيف يا سعادتك - بالكسر طبعا عشان التانيث -
|
Post: #36
Title: Re: سؤال وعاوز رد الان !
Author: محمد حامد جمعه
Date: 11-29-2004, 02:13 AM
Parent: #35
ايوة يا جماعة وين الارشادات
|
Post: #37
Title: Re: سؤال وعاوز رد الان !
Author: محمد حامد جمعه
Date: 11-29-2004, 09:39 AM
Parent: #36
up
|
Post: #38
Title: Re: سؤال وعاوز رد الان !
Author: Elnasri Amin
Date: 11-29-2004, 09:45 AM
Parent: #1
انت يامحمد لا زم تنزل الصوره فى الاول و بعداك الشنكارات
كدى ابدا بالشنكارات اول و اذا عجبتنا الشنكارات بنساعدك فى الصوره
شنكارات يعنى شنو؟
مرحب بيك فى البورد
النصرى
|
Post: #39
Title: Re: سؤال وعاوز رد الان !
Author: محمد حامد جمعه
Date: 11-29-2004, 09:50 AM
Parent: #38
الشنكارات يا (نصرى ) من مستلزمات اللعب واكتمال الزى للاعب الكرة وهى (واقى للساق ) حاجة كدة مصنوعة من مادة خشنة قريبة للبلاستيك
بالمناسبة موضوع (الصورة ) دا انا شايفو مهم لانى بحب اشتغل فى النور واكون معروف دعما للشفافية زى ما بيقولو اليومين دى فى الصحف
|
Post: #40
Title: Re: سؤال وعاوز رد الان !
Author: محمد حامد جمعه
Date: 11-29-2004, 10:48 AM
Parent: #39
up
|
Post: #41
Title: Re: سؤال وعاوز رد الان !
Author: محمد حامد جمعه
Date: 11-30-2004, 05:57 AM
Parent: #40
يا رجاء ........والجميع ........اها الحكاية شنو
|
Post: #42
Title: Re: سؤال وعاوز رد الان !
Author: محمد حامد جمعه
Date: 11-30-2004, 05:57 AM
Parent: #40
يا رجاء ........والجميع ........اها الحكاية شنو
|
Post: #43
Title: Re: سؤال وعاوز رد الان !
Author: nahar osman nahar
Date: 12-09-2004, 10:20 AM
Parent: #1
الشفافية الكاملة
|
Post: #44
Title: Re: سؤال وعاوز رد الان !
Author: Tumadir
Date: 12-09-2004, 12:41 PM
Parent: #43
عاد يا محمد حامد جمعه شفت البرالمة ..البدخلو البورد بالجملة وبالقطاعى
جنس قوة عينك ما شفتها
ممن ما جيت البورد واقع فينا ارهاب..اعملو داك وسووا دة...
الله يحضرنا زمانك...ويشوفنا صورتك يابتاع الشفافية انت
|
Post: #45
Title: Re: سؤال وعاوز رد الان !
Author: Rawia
Date: 12-09-2004, 12:50 PM
Parent: #44
|
Post: #48
Title: Re: سؤال وعاوز رد الان !
Author: Tumadir
Date: 12-09-2004, 01:07 PM
Parent: #47
والله قالو الفالح زى الصالح
انا البوست ده ما قريتو ..لما كتبت الكلام ده..
|
Post: #50
Title: Re: سؤال وعاوز رد الان !
Author: Kostawi
Date: 12-09-2004, 01:14 PM
Parent: #48
nahar
?What's going on
this has happened twice
today
ده توارد خواطر خطير
طيب ايه رأيك نفكر في مليون دولار تقع لينا من السما
تسلم يا ملك
|
Post: #52
Title: Re: سؤال وعاوز رد الان !
Author: nahar osman nahar
Date: 12-09-2004, 01:26 PM
Parent: #50
انا بقول كوستاوي ده شايفو وين
لي قدام
مع الود
نهار
|
Post: #49
Title: Re: سؤال وعاوز رد الان !
Author: Raja
Date: 12-09-2004, 01:08 PM
Parent: #1
لقد قدمت مساعدتي لمحمد جمعة مثل اي زميل جديد طلب المساعدة.. وما ندمانة عليها حتى ولو مشت لشخص لا يستحقها..
لأني لا أتخيل روحي اساعد SMC او من يمثلها..
|
Post: #51
Title: ٌRe
Author: رانيا بابكر
Date: 12-09-2004, 01:23 PM
Parent: #1
السلام عليكم
و الله انا يا اخ محمد كنت زاتى ما عارفه انزل صورتى كيف لكن عملت محاولات قبل هذا البوست و قلت اجرب
و تشكروا يا بورداب
|
Post: #53
Title: Re: سؤال وعاوز رد الان !
Author: Ahmed Al Bashir
Date: 12-09-2004, 01:36 PM
Parent: #1
Raja
Salam
Don't feel sorry that you were helping a security dog; this one got transpiracy
Gal shafafiya gal
|
Post: #54
Title: Re: سؤال وعاوز رد الان !
Author: Anwar Ahmed
Date: 12-09-2004, 01:44 PM
Parent: #1
الشفافيه وما ادراك مالشفافيه
|
|
