Post: #1 Title: ااااااااح بعد طلاع روح Author: عبدالناصر معتصم Date: 11-27-2004, 03:32 AM Parent: #0
ااااااااااااح.....بعد طلاع روح و سنتين و نصف انتظار الواحد بقى عضو فى سودانيزاونلاين, انشاء الله يارب نقدر ونشرف المنبر دا,و ربنا احمينا من شر المهاترات و الكلام الكعب, انا من سنتين و نصف متابع لكل احداث و مواضيع المنبر لكن للاسف كنت فقط مشاهد من الخارج, مرات بفور الدم فى عروقى بكون داير فرصه ارد و لا اعقب لكن للاسف تانى ما كنته بقدر لانو ما عندى اجنحه اقدر اطير بيها و اصل لمرافى المنبر و اشارك. لكن الحمد لله ربنا عوض صبرنا خير. و ارجوا من الاخوة الاعضاء السناير" الشباب منهم و العجايز" قبولى كصديق و عضو جديد بينهم. و يلا نقول بسم الله و نضرب ضربه البدايه و ربنا اوفق الجميع.....مع خالص شكرى و تقديرى للاخ بكرى ابو بكر.......و السلام
Post: #2 Title: Re: ااااااااح بعد طلاع روح Author: محمد اشرف Date: 11-27-2004, 03:35 AM Parent: #1
الف مرحب
و الدار دارك
Post: #4 Title: Re: ااااااااح بعد طلاع روح Author: محمد اشرف Date: 11-27-2004, 03:40 AM Parent: #2
الظاهر عليك مستعجل شديد
من هسع باديها ببوست مكرر
Post: #3 Title: Re: ااااااااح بعد طلاع روح Author: alsngaq Date: 11-27-2004, 03:39 AM Parent: #1
عبدالناصر اخوي
الف مرحب بيك
لكن نصيحة مني ليك يا اخوي روحك دي ابقى عليها عشرة
Post: #5 Title: Re: ااااااااح بعد طلاع روح Author: أبو ساندرا Date: 11-27-2004, 03:47 AM Parent: #1
عبدالناصر أها خرمجة البرالمة الدايشين بديت بيها من قولة تيت ، وبعدين إنت لمن روحك طلعت ، جاي ليه ؟ أهلآ بيك ونتوقع أن تساهم في الحوارات الذكية والمشاغبات الحلال
Post: #6 Title: Re: ااااااااح بعد طلاع روح Author: عبدالناصر معتصم Date: 11-27-2004, 03:49 AM Parent: #1
العزبز محمد اشرف, عارف اخوك برلوم و كدا يعنى ما فى داعى للاحراج السريع دا قدروا ظروفنا يا حلوين. تسلم و لك الشكر و التقدير
العزيز alsngaq لك الشكر و التقدير و ترحيبك دا ما حانساه ليك عقبال ما نرحب بيك فى بيت العدل "طبعا لو ما كنته خشيته قبل كدا لانو الترحيب مرة واحدة بس"
Post: #7 Title: Re: ااااااااح بعد طلاع روح Author: ود الشيخ Date: 11-27-2004, 04:03 AM Parent: #1
Quote: مرات بفور الدم فى عروقى بكون داير فرصه ارد و لا اعقب لكن للاسف تانى ما كنته بقدر لانو ما عندى اجنحه اقدر اطير بيها و اصل لمرافى المنبر و اشارك.
مرحب بيك والبورد منور واهو مناسبة احكي ليك النكته دي
قال الحمار والصقر ركبو طيارة الصقر شاف الناس بتضرب الجرس المضيفة بتجيهم الحكاية عجبتو بقى يطير يضرب الجرس ويرجع يرك المضيفة تجي تسألو يقول ليها مافي حاجة بتمنتش ساي اها كم مره كده كرر الحكاية وبعدين بطل اها القصة دي عجبت الحمار بقى يضرب ليك الجرس بي كدرو تقول يقد الطيارة عمل الحكاية دي كم مرة المضيفة اشتكت للكبتن وقالت ليه الصقر علم الحمار وبالطريقة دي الحمار بوقع بينا الطيارة قالوا الكابتن زعل وجا قال ليهم بلا صقر وبلا حمار ارمي الحيوانات بره اها هنا الصقر قال للحمار اها بتعرف تطير الحمار قال ليه لا الصقر قال ليه وطيب بتتمنتش مالك اها يا اخوي الحاجات الكانت بتفور دمك ديك اكرب ليها جناحينك وابقى عشرة ما تقول ما وصيتك خصوصا في تلاته نفرات كدي ستبدى لك الأيام
Post: #8 Title: Re: ااااااااح بعد طلاع روح Author: عبدالناصر معتصم Date: 11-27-2004, 04:57 AM Parent: #7
العزيزين ود الشيخ و ابو ساندرا تحيه و تحيات
بمناسبه البرالمه دى احكى ليك الموقف دا. واحد برلوم جاى الهند جديد لنج زى كدا فى سودانيزاونلاين, مما نزل من الطيارة بسال عن "البونفايد" "شهادة القيد فى الجامعة" لان الظاهر اهله موصنه شديد عليها و قالوا ليه بتسهل ليك فى المواصلات و السكن و الاعاشه "اظنهم مفتكرنها زى صندوق دعم الطلاب و كدا". سأل 1000مرة بطلعوا البونفايد من وين, واحد من اخوانه الطيبين هنا شاف ليه ميزان الكترونى فى الصاله برة " تدخل روبيه اظهر وزنك" جاته فكرة بت كلب, قال للبرلوم تقيف هنا "فى الميزان" و تقول اسمك مرة بالانجليزى و التانيه بالعربى بصوت عالى اجيك البونفايد طالع. البرلوم ما صدق خلى شنطه و طلع فى الميزان و قد اكورك اردد فى اسمه و منتظر البونفايد اطلع. "اظنه لاسه بكورك"....نسأل الله ما نكون زى صاحبنا البرلوم دا........
مع تحياتى
Post: #9 Title: Re: ااااااااح بعد طلاع روح Author: محمد الامين احمد Date: 11-27-2004, 04:58 AM Parent: #1
اضغط السهم
Post: #10 Title: Re: ااااااااح بعد طلاع روح Author: عبدالناصر معتصم Date: 11-27-2004, 05:14 AM Parent: #9
العزيز محمد الامين
لك الشكر و التقدير, ترحيبك ملهلب و ريحته Java Script +VBScript+HTML يا خوى قدم لى وردة حمراء جميله تنسينا عالم التكنلوجيا الجامدة دى. اظنك يا خوى معزب المرة اسكربتات ساى.
ما تمش ترسل ليك اميل للمرة فيه اللغاويس دى اطلع فيه فايروس و لا مصيبه زمان تضيع ليها مستقبله ساى. ها ها ها ها ها
اخى محمد لك الشكر و التجله تحياتى
Post: #12 Title: Re: ااااااااح بعد طلاع روح Author: برير اسماعيل يوسف Date: 11-27-2004, 05:37 AM Parent: #10
نرحب بالاخ/ عبد الناصر معتصم.
Post: #11 Title: Re: ااااااااح بعد طلاع روح Author: ودالعباسية Date: 11-27-2004, 05:35 AM Parent: #1
Quote: واحد برلوم جاى الهند جديد لنج زى كدا
يازول هوووووي كايثا هى ...
انت مازولنا زاتو مرحب بيك وحبابك 1000
وابقى عشرة على الهنود و الآركى ..
Post: #13 Title: Re: ااااااااح بعد طلاع روح Author: محمد الامين احمد Date: 11-27-2004, 05:38 AM Parent: #1
Quote: يا خوى معزب المرة اسكربتات ساى
لوووووووووووووووووووول
كمان جابت ليها مره، مالك على انا لسه بدرى
اخوك مواليد 80
لك من التحايا اعطرها
Post: #14 Title: Re: ااااااااح بعد طلاع روح Author: almulaomar Date: 11-27-2004, 06:00 AM Parent: #1
عبد الناصر معتصم أهلا بيك ومرحب بيك
Post: #15 Title: Re: ااااااااح بعد طلاع روح Author: Elsadiq Date: 11-27-2004, 06:02 AM Parent: #14
Post: #17 Title: Re: ااااااااح بعد طلاع روح Author: عبدالناصر معتصم Date: 11-27-2004, 06:30 AM Parent: #15
العزيز برير اسماعيل: لكى الشكر و التقدير
العزيز "الملا عمر": و الله يا اخويك ترحيبك شكلوا طالبان ...طالبان, غايتوا انا معاكم من اسى عندكم اى طلبات دايرين تنسفوها اخوك مستعد اشاء الله تجيب 5 فول و 2 كوارع انا معاكم, اخى لك الشكر و التقدير
العزيز محمد الامين: شنو يا مان 80 دى على انا, الاسكربتات دى بتاعت سبعينات و كدا, خلاص يا خوى ما بينه نقول 75 العزيز ود العباسيه: انت ود العباسيه بتاع بونا و لا واحد تانى , لو هو زاتو انت ما ولدنا مننا و فينا, اخوك قريب هنا و هنا العباسيه و الفت..... جيران بونا و حيد..... برضوا جيران, كان راجل انقر انا من وين
العزيز صادق: و الله اثلجته صدرى بترحيبك الحار دا, طبعا اخوك بتاع مزازيك و كدا لك منى كل الشكر و التقدير
Post: #19 Title: Re: ااااااااح بعد طلاع روح Author: ودالعباسية Date: 11-27-2004, 06:51 AM Parent: #17
Quote: كان راجل انقر انا من وين
ياخوي كدي الرجالة دي خليها وقول لى انت من العباسية
وانا فى بونا ما كان اسمى ودالعباسية
Post: #18 Title: Re: ااااااااح بعد طلاع روح Author: Sidig Rahama Elnour Date: 11-27-2004, 06:34 AM Parent: #15
مرحبا بكم
مرحبا الف
Post: #16 Title: Re: ااااااااح بعد طلاع روح Author: إسماعيل وراق Date: 11-27-2004, 06:23 AM Parent: #1
ألف مرحب حبابك عبد الناصر نزلت أهلاً وحللت سهلاً
Post: #20 Title: Re: ااااااااح بعد طلاع روح Author: عصام عبد الحفيظ Date: 11-27-2004, 06:54 AM Parent: #16
عبد الناصر حبابك ألف[/B
والبيت بيتك نتمنى لك اقامة طيبة
سلام
Post: #21 Title: Re: ااااااااح بعد طلاع روح Author: Isam Widaa Date: 11-27-2004, 09:32 AM
اهلا بيك يا عبد الناصر
Post: #22 Title: Re: ااااااااح بعد طلاع روح Author: kamalabas Date: 11-27-2004, 10:06 AM Parent: #1
أرحب بكافة الأعضاء الجدد في بيتهم العامر وأرجو أن يستفيدوا من أيجابيات العضوية القديمة وأن ينبذو سلبياتها وحساسيتها ومشاكلها . كمال
Post: #23 Title: Re: ااااااااح بعد طلاع روح Author: abdalla BABIKER Date: 11-27-2004, 10:08 AM Parent: #1
