103 قارئي ولا رد واحد هل هذا رفض ام خجل

كان البوست بعنوان ختان البنات, واندهشت حين وجدت لا رد هل يعني هذا ان موضوع البوست فارغ ولا معنى له ام اننا نخجل مناقشة مثل هذه الامور علنا???

العزيز ابو مهند..

ســـلام..

اصبر على رزقك..

انا بوست معاداة الحركة الشعبية مشى لنهاية الصفحة الأولى أول يوم من غير اي رد..

..

تحياتي

سلام يا رجاء وشكرا للزيارةوالكحة ولا صمة الخشم
اما عن رزقي فانا مافارش في ليبا انا طارح موضوع والناس ديل كل يوم سالين السنتهم فينا حقوق المراة والانسان وهلم جرا وين مشو الليلة ولا افتح لي موضوع عن دارفور او الاسلام عشان يجو ينافقوا
تسلمي رجاء وتحيات للشاعر ابو القاسم

ابو مهند
ماتزعل واصبر لكن بينى وبينى وصلنى شمار انو فى طابور خامس.

اخوي ازيك وشكرا لزيارتك ولما تعرف الطابور ال5 كلمني

up كيتا عليكم

ابو مهند العزيز

انت تانى قول داير تنزل بوست وانا

بلم ليك الشباب كلهم وبجيك ان شالله

نتونس ساكت ... ونعيد الزكريات الجميلة

وحكاوي اسرة امدرمان فى بونا ..


وبرضو up

again up

يا ابو مهند افتكر لازم تعرف انو معاير قبول البوست او عموم فائدته ليس فى عدد بوستات الردود ولكن فى اشياء اخرى قد لا توجد طرائق معلومة لاحصائها ، بعدين انت مالك ومال ختان الاناث دى عادة انقرضت تقريبا او خفت فى المجتمع السودانى لكن برضو النقاش فيها مفيد لكن بحذر وتادب

بعدين انت مالك ومال ختان الاناث دى عادة انقرضت تقريبا او خفت فى المجتمع السودانى لكن برضو النقاش فيها مفيد لكن بحذر وتادب ???
عزيزى محمد حامد,اولا العادة لم تنقرض وخاصة ان جزء كبير من المشاركيين كانوا يصرون على ان السودان من اكبر الدول الممارسةلهذه العاده.
ثانيا عني انا وتدخلي في كلام هذا لا تعليق عليه,, اما عن الكلام بادب او حذر فلا ادري ماذا تقصد ارجو التوضيحبعدين انت مالك ومال ختان الاناث دى عادة انقرضت تقريبا او خفت فى المجتمع السودانى لكن برضو النقاش فيها مفيد لكن بحذر وتادب ???
عزيزى محمد حامد,اولا العادة لم تنقرض وخاصة ان جزء كبير من المشاركيين كانوا يصرون على ان السودان من اكبر الدول الممارسةلهذه العاده.
ثانيا عني انا وتدخلي في كلام هذا لا تعليق عليه,, اما عن الكلام بادب او حذر فلا ادري ماذا تقصد ارجو التوضيح

Quote: كان البوست بعنوان ختان البتان, واندهشت

مهند
كدي اول شئ هو ختان البنات ولا البتان لانو شنو البتان
ديل قبيلة باكستانية وفي منهم في تورا بورا كمان ويمكن
افتكروك بتتكلم عنهم والناس ما دايرة مشاكل مع سام
ولا اقول ليك كدي افرز الحجبات الفي الرقبة فيهم حجاب العمى


اسمع ده جن شنو اوعك تقول لي جن جويد

الاخ ابو مهند

لك التحايا

اول حاجة عشان بوستك يردوا عليهو لازم يكون عندك

شلة او ما يسمى بالكوم والا مافى زول يجيب خبرك

ما تسمع كلام موضوعى وما موضوعى والله فى ناس هنا

بس ما يكتبوا كلمتين والا تنهال عليم الردود من

الشلة وبعدين يصير 1 2 3 4 5 ... تانى حاجة شنو

طهارة (البتان) ديل... البتان هم باكستانيون يملاؤن

الامارات طولا وعرضا ... امكن البورداب ما فهموا الكلام

عشان كدة ما ردوا عليك ..

بالمناسبة انا اكثر زول اعانى من هذه الشللية البغيضة

حتى اننى فكرت بالانسحاب من البورد ولكن قلت الصبر احسن

فعليك بالصبر ابا مهند .

لك الود والاحترام.

احمد داود NZ

يا اخوانه وينهم البتان ديل
عاوزين كولي(طُلبَهْ)