Post: #1
Title: مبروك قصي مجدي سليم
Author: koki
Date: 11-23-2004, 10:18 AM
فرح ... كثير
هاهم الأصدقاء يصنعون الفرح
الف مبروك
وبيت مال وعيال
هذا هو قصى مجدى..................
Quote: {في إعتقادي أن الفن هو رسالة فكرية جمالية ... وهو إعتقاد لا ينتفي مع قناعة أخرى بأن الفن لغة الدلالة .
كثيرا ما كرهت المقدمات ..فأبلغ مقدمة هي العمل الأدبي نفسه . فالفن أبلغ من أي مقدمة .
( قصي مجدي سليم ، من مواليد واد مدني 1979 حي 114 ، الابتدائي والمتوسطة مدرسة الاهلية الابتدائيةوالأهلية أ المتوسطة ، السني الثانوية ، قصر الشباب والاطفال قسم الدراما دورة عامة / خاصة 1999ممثل ومخرج مسرحي / طالب بكلية القانون جامعة النيلين )}
|
http://wadmadani.com/html/finon/kossay00.htm
(إلى الاستاذ /محمود محمد طه /واعظم كتبه سعيد الطيب الشايب )
قالوا :
إبقى ، دونك والنهر ،
أغسل عنك ، ولا تهتم لشيء . إقراء من دفتر أشعارك ،وجعا عربيا ، او إقراء
الام الإنسان على هذا الكوكب .
قالوا :
إمشي فوق جدار اللغة العمياء وأمتعنا . صوِّر من خلف الماكينة السحرية ،قتلا
مرضا ، ألما .
إرثي أفواجا بؤساء .........كانوا بالأمس يهزون العرش الأسود معنا .
قالوا : ابقى ... لا تمضي ..... دونك و النهر
دونك والنهر . دونك والنهر .
ــــ هل يحملني ذاك النهر إلى الخرطوم ؟؟
ويجلسني في صهو (المقرن) ؟؟
هل يقتل عمدا ما خبأت من الذكرى ، من قمح شتوي ,,
من وجع عربي يلعق في تاريخي
ويقتلني
بالخزي
وبالعار
ومعركتي ضد المنفى .
هل يحملني ذاك النهر
إلى (بحري) __(مدني)__(أم درمان).
كيف يعمدني نهر لا يمشي نحو الخرطوم ؟؟
ــــ لا يحملك النيل إلى الخرطوم .
ــــ بل يحمل أمتعتي فوق ظلال الشك
ويرميني في العتمور
ــــ لا يحملك النهر إلى مدني
ــــ وأين النهر بلا مدني ؟؟
ــــ لا يأتي النيل إلى البقعة أم درمان
؟؟____ ومن أين لك الأسطورة يا نيلاً ليس يمر بأم درمان؟؟
وكيف لام درمان ألالق وليس هناك __الحارهْ الأولى*__
كل بحار الأرض وانهار الدنيا
لا تسوى من غير
(الحـــــــــارة الأولى) .
وكيف يجوز لبعضي أن يغتالوا مني ذاك البعض؟؟
واترك كي ارثي غيري ؟
ــــ دوني نهر ؟؟
لكني نهر .
لكني موج.
غضب غضب غضبْ .
يا ربي ــ عفوك ــ هذا غضب ياكلني
ــــ وما شانك أنت ؟
ــــ وما شان القصاب يُذبِّح كل شياه الأرض ليمتعنا
..... مبضع قصاب أمتعنا .....
ــــ غير منظار الشؤم وعاين نحو مدينتنا
ــــ أي المدن تعاين وجه الظلم وتخنع ؟
أي رجال انتم ؟ أي نساء ؟
والقاتل يمشي مرفوع الرأس
أيا جبناء
أي رجال ؟
أي نساء؟؟؟؟؟؟؟؟؟؟؟؟؟؟؟ ..
عفوك مولاي
فنحن عجزنا عن تصديق الرؤيا ، بل نحن
عجزنا عن تأويل الرؤيا .
ــــــــــــــــــــــــــــــــــــــــــــــــــــ
هامش
*الحارة الأولى /من حارات مدينة الثورة بأم درمان حيث كان يقطن الأستاذ الشهيد /محمود محمد طه
|
Post: #2
Title: Re: مبروك قصي مجدي سليم
Author: Hussein Mallasi
Date: 11-23-2004, 10:21 AM
Parent: #1
الف مبروك
و تغلبك بالعيال ....
|
Post: #3
Title: Re: مبروك قصي مجدي سليم
Author: osama elkhawad
Date: 11-23-2004, 02:49 PM
Parent: #1
ألف مبروك
لكن داير ألوم خالك
ليه خالك الشاعر عادل عبدالرحمن ما كلمنا؟؟؟
مبروك
المشاء
|
Post: #4
Title: Re: مبروك قصي مجدي سليم
Author: محمد صالح علي
Date: 11-23-2004, 03:28 PM
Parent: #3
21 أغسطس
Quote: انا بحب ......... موش خبر جيد .... ميسون .... معاي هنا في الجامعة ..... وان شاء الله نبقى رجال زيك ونعرس سرييييييع ... ولو انك ما عرست سريع لكن يلا نمشيها ليك دي ...
|
21 أكتوبر
| Quote: انا الليلة ماشي أخطب ميسون |
21 نوفمبر
Quote: سيدي
سلام عليك وبعد
انا عقدي الجمعة الجاية
ومشغوووول جدا جدا
سلااااام
تحية خاصة لي نوسة
|
صديقي الصغير الجميل النقي المحب ... السلام
لك كل حبي وشوقي
ماتتخيل فرحتا قدر شنو بي مسألة الزواج دي
وربنا يتمم بخير
وسلام وحب لميسون وفرح بيها
لك تحيات نوسه وحبها وفرحها
|
Post: #8
Title: Re: مبروك قصي مجدي سليم
Author: koki
Date: 11-23-2004, 06:38 PM
Parent: #4
محمد صالح
لقد فعلها هذا الفتى الانيق
احبها ... احبته ........ تزوجا
لهم اجمل الامنيات
الف مبروك لقصى وعقبال محمد السر
|
Post: #10
Title: Re: مبروك قصي مجدي سليم
Author: koki
Date: 11-23-2004, 06:47 PM
Parent: #4
محمد صالح
لقد فعلها هذا الفتى الانيق
احبها ... احبته ........ تزوجا
لهم اجمل الامنيات
الف مبروك لقصى وعقبال محمد السر
تحياتى لنوسه
|
Post: #7
Title: Re: مبروك قصي مجدي سليم
Author: koki
Date: 11-23-2004, 06:33 PM
Parent: #3
الاخ اسامة الخواض
لك الشكر على مرورك الجميل
مبروك لقصى وتمنياتنا بحياة زوجية سعيده
والتحية عبرك للاخ عادل عبد الرحمن
|
Post: #5
Title: Re: مبروك قصي مجدي سليم
Author: محمد سر الختم
Date: 11-23-2004, 06:16 PM
Parent: #1
ماشي يا قصة
أها لقيت العروس
لكن تلقي ليك وزير زيي وين؟
عموماً نتمنى لكما حياة زوجية سعيدة
|
Post: #9
Title: Re: مبروك قصي مجدي سليم
Author: koki
Date: 11-23-2004, 06:44 PM
Parent: #5
محمد السر ... عفورا (الوزير مع وقف التنفيذ)
ميسون و قصى يتناثر من حولهم كل الفرح والاصدقاء
مبروك لهم وعقبالك
|
Post: #6
Title: Re: مبروك قصي مجدي سليم
Author: koki
Date: 11-23-2004, 06:32 PM
Parent: #1
تسلم يا حسين على مرورك الجميل والمباركه للصديق قصى
وعقبال كل الاصدقاء
الريح كودى
|
Post: #11
Title: Re: مبروك قصي مجدي سليم
Author: محمد حسن العمدة
Date: 11-24-2004, 02:02 AM
Parent: #6
وانا اقول قصي اختفى وين ؟
الف الف مبروك يا قصي وعقبال بيت مال وعيال دا ناس امريكا ما عملوها عفارم عليك
اخيرا استقر قصي اكاديميا واجتماعيا
تشكر يا koki
|
Post: #12
Title: Re: مبروك قصي مجدي سليم
Author: طلال عفيفي
Date: 11-24-2004, 02:30 AM
Parent: #11
مليون مبروك يا قصي .
والله العظيم بختها ..
(بس حاول أول أيام ما تتناقش معاها عن تمفصل الأبداع
حول السؤال الطبقي )!
عيني بارده عليك وعليها ..
......
مبروك كمان هذه الفرحه لأصدقاء قصي ومحبيه .
مبروك يا كودي ويا وزيرنا ودالسر ويا محمد صالح .
ودامت الأفراح ..
...
طلال
|
Post: #13
Title: Re: مبروك قصي مجدي سليم
Author: Yaho_Zato
Date: 11-24-2004, 09:49 AM
Parent: #12
عزيزي سيد الاسم
كل الأماني الجميلة لك ولميسون.. حاضرا ومستقبلا
قصي همرور
|
Post: #14
Title: Re: مبروك قصي مجدي سليم
Author: ايهاب
Date: 11-24-2004, 09:55 AM
Parent: #13
الف مبروك قصي وبيت مال وعيال
ان شاء الله بس العرس كان في مدني
|
Post: #15
Title: Re: مبروك قصي مجدي سليم
Author: Nagat Mohamed Ali
Date: 11-24-2004, 09:56 AM
Parent: #1
العزيز قصي
لك وللعروس خالص التهاني والأمنيات بحياة سعيدة
تقبل تهاني فاطمة، عزة ونوّّار.
وسيأتيك بولا بتهنئته.
كل مودتي
نجاة
|
Post: #16
Title: Re: مبروك قصي مجدي سليم
Author: سفيان بشير نابرى
Date: 11-24-2004, 11:42 AM
Parent: #15
الاخ...
كوكى ....
شكرا جزيلا على هذا البوست...
قصى ازيك يازول ياجميل... والف مبروك... قبال الكبيرة ...
مبروك شديد عليك ميسون ... ومبروك انت برضو عليها.
الف شكر كوكى
سفيان
|
Post: #17
Title: Re: مبروك قصي مجدي سليم
Author: قصي مجدي سليم
Date: 11-24-2004, 11:49 AM
Parent: #1
انا بادي من تحت لي فوق...
شكرا العزيزة أستاذة نجاة.. ولكي ولأستاذي عبدالله بولا كل التحايا والأشواق وسلامي الخاص (لفاطمة،عزة ، نوار) وعقبالهم.
شكرا ليك إيهاب: الزواج بعد غد الجمعة 26/11/2004م ببري نص آخر محطة ِش محمود شريف والدعوة عامة لكل البورداب بالسودان وكمان لو في ناس دايرين يجوا مرحب بيهم طوالي.
عزيزي همرور: شكرا لك على تمنياتك الطيبة .. وشكرا على إيميلك الرقيق الجميل . وشكرا على وجودك ..هنا.. معنا.
طلال يا اخوي انا ما عندي سكة أنظر لأنو هي ما حتديني فرصة كلو كلو انت قايلها هي بتقصر طيب أمسك عندك (هي إتخرجت من فلسفة النيلين 2002م إتخرجت من لغة إنجليزية دبلوم النيلين2004م بتعمل في كورس فرنسي في المركز الفرنسي وهسي في المستوى التالت) اها منو يوصوهو على منو؟؟ مشتاقين شديد وبتصل بيك تلفونكم ما برد.. زيك كده.
محمد حسن العمدة(ود أهلنا) شكرا ليك على رسالتك الجميلة وزي ما قلت آخيرا آخيرا آخيرا. ده فضل من أفضال الفكرة الجمهورية الكتييييييرة علينا.
كوكي .. أصبر لي شوية.
ود السر إنت نسيت أيوب ولا شنو.. هل تصدق لي قرابة الشهر هسي بفتش فيهو وما لامي فيهو.. (..........) قالوا في الهدى بلد ناس أمه بت الماحي رضي الله عنها وجمعنا بها في ساعة خير. أصعب حاجة في هذا الزواج هوغياب الأحباب (محمد السر؟؟ إنت عارف أنا بحبك قدر شنو؟؟ ولا ما عارف؟؟).
العزيز أسامة الخواض لك الشكر وعتاب في محلو لي عادل .. كان قد إتصل بي اليوم صباحا وجبنا سيرتك وكتير من الاحباب.. ربنا يجمعنا في ساعة خير ووطن خير وبلد خير وأهل لازال فيهم الخير.
الاستاذ حسين ملاسي: شكرا شكرا شكرا وإن شاء الله تعادل في الحب ونغلب بعض بالآمال العراض والتعاون على الحياة.
محمد صالح:أحبك... ياخ بالمناسبة انا كاتب نص فيك انت ونوسة ليهو قرابة الستة شهور هسي وبس ما لاقي لي وقت أرسلو فيهو ليك من أبياتو مقطع بقول:
إظفر بذات الحب لا شلت يداك
إظفر بذات الحب قد تربت يداك.
كوكي .. أبو الريح ... قال لي عادل عبد الرحمن الليلة في تلفون من أمريكا في زول منزل ليك تهنئة في سودانيز اونلاين قلت ليهو منو ده قال لي والله ما عرفتو لكن اسمه المستخدمو كوكي قلت ليهو ده ما الريح كودي ياخ . .. وكان تلفون جميل من عادل انتقلنا فيه للسنوات الطويلة التي إفترقنا فيها عن بعضنا .. كان عادل أكثر من أب بالنسبة لي ...كنت دوما أحس به قربي .. في كثير من الأماكن التي أرتادها .. في بيوت كنت أدخلها في السابق وأحجمت عنها الآن. في مذاقات ألفتها ولم تألفني . ولكنه لا زال دخانا كثيفا في عقلي أحب وجوده . كل هذا عني وعادل .. ولكنك يالريح كنت حاضرا معي طوال هذا اليوم ... وانا اسأل نفسي يا اخوانا شقي الحال ده عرف من وين موضوع العرس ده قلت بكون كلمه محمد صالح لكن تاني قلت لا ما بكون لانو محمد كان ممكن إنزل الخبر براهو .. الخ .. المهم حتى الان انا مندهش .. وهي خاصية أحبها فيك .. مقدرتك دوما على إدهاشي .. حتى بعد أن باعدت بيننا المسافات المادية .. لا زلت تحتفظ بخاصيتك العجيبة. الريح!! أمشي ربنا يعدلها عليك محل ما تقبل يا أخوي.
الأعزاء
الأحباب
الأصدقاء
الأخوان...........
تقبلوا مني _ لطفا _ حبي
|
Post: #18
Title: Re: مبروك قصي مجدي سليم
Author: مريم بنت الحسين
Date: 11-24-2004, 11:52 AM
Parent: #1
قصي مجدي سليم... صديقي القديم الجديد.. الف الف مبروك.. وتقبل مباركة شذى ...
لك التحية من على البُعد.. والسلام ليظلل عشكما الجميل..
بنت الحسين
|
Post: #19
Title: Re: مبروك قصي مجدي سليم
Author: kamalabas
Date: 11-24-2004, 11:58 AM
Parent: #1
ألف مبروك وبيت مال وعيال وتفاهم وأستقرار
كمال عباس
|
Post: #20
Title: Re: مبروك قصي مجدي سليم
Author: Raja
Date: 11-24-2004, 12:02 PM
Parent: #19
العزيز مجدي..
لم اجد اجمل من تهنئة كمال عباس: ألف مبروك وبيت مال وعيال وتفاهم وأستقرار..
وربنا يديم الهناء..
|
Post: #21
Title: Re: مبروك قصي مجدي سليم
Author: Rawia
Date: 11-24-2004, 12:22 PM
Parent: #20
الف مبروك
كل المنى بحياه هادئه وحب
|
Post: #22
Title: Re: مبروك قصي مجدي سليم
Author: قصي مجدي سليم
Date: 11-27-2004, 05:52 AM
Parent: #1
شكرا شكرا شكرا للجميع
لكم محبتنا
قصي
ميسون
|
Post: #23
Title: Re: مبروك قصي مجدي سليم
Author: خضر حسين
Date: 11-27-2004, 08:18 AM
Parent: #1
يا ولد انت جادى؟؟؟؟؟؟؟؟
|
Post: #24
Title: Re: مبروك قصي مجدي سليم
Author: قصي مجدي سليم
Date: 11-28-2004, 04:21 AM
Parent: #1
آآآآي جااااد يا خال
عقبالك
|
Post: #25
Title: Re: مبروك قصي مجدي سليم
Author: Hadia Mohamed
Date: 11-28-2004, 05:57 AM
Parent: #1
يا شاب الف مبروك
ما شاء الله الدنيا ده بقت جاريه بى سرعه ولا كبرنا نحن
قصى كتب شعر
قصى ماشى ادخل الجامعه
قصى عرس
والله بعد ده نمشى نحج
قول لى هدى مبروك عليك التحببحب من هسه ده جايه منه الحبوبه يا قصى
الف مبروك وعقبال الكبار وديل عادل عبد الرحمن واسامه الخواض طبعا.
|
Post: #27
Title: Re: مبروك قصي مجدي سليم
Author: sympatico
Date: 11-28-2004, 06:40 AM
Parent: #25
الاخ قصي
الف الف مبروك لك وللعروس ميسون
وربنايجعل ايامكم كلها سعادة وهناء
|
Post: #26
Title: Re: مبروك قصي مجدي سليم
Author: Yasir Elsharif
Date: 11-28-2004, 06:40 AM
Parent: #1
العزيز جدا قصي مجدي سليم
لك ولميسون التحايا النواضر وملايين التبريكات.. والتحية والشكر لكوكي..
لقد فاق الوصف شعورنا، وحالت الظروف دون حضورنا.. نسأل الله أن يجمع بينكما في حب أبدي سرمدي، وأن يمتعكما ببعضكما، وأن يرزقكما الذرية الصالحة التي تقر بها أعينكما..
لقد تمنينا أن نسمع أصواتكما في جلسة البالتوك البارحة، وقد أحزننا تعطل الصوت من عندكم في السودان مع تمكنكم من سماعنا .. بعد خروجكم من الجلسة دخل صبري الشريف من الولايات المتحدة، وهو يقرئكم السلام والمباركة..
ياسر وإلهام
|
Post: #28
Title: Re: مبروك قصي مجدي سليم
Author: فتحي البحيري
Date: 11-28-2004, 07:04 AM
Parent: #26
مبروك ياجنا
كل عام وانتم بخير
وعقبالي أنا
|
Post: #29
Title: Re: مبروك قصي مجدي سليم
Author: قصي مجدي سليم
Date: 12-04-2004, 02:53 AM
Parent: #1
لكم التحايا والشكر جميعا...
جعلتم لزواجنا طعما أجمل .. بوجودكم.. الآن يفهم تماما قول المعري
الان يذاق قول المعري
ولو أني حبيت الخلد فردا
لما أحببت بالخلد إنفرادا
كونوا معنا
نكن معكم ..
غيبوا عنا..
نكن معكم
(ميسون،قصي)
|
Post: #30
Title: Re: مبروك قصي مجدي سليم
Author: مأمون التلب
Date: 12-04-2004, 03:12 AM
Parent: #1
يا سلاااااااااام
الأصدقاء الجميلين جداً
قصي وميسون
أولاً:طبعاً أنا قلت ليكم التهنئة شخصياً
و؛اجي بي جاي برضو
(زي ما عملت في البوست بتاعي (وها أنا بينكم أخيرا)
أفتخر بأنني أخذت لكما هذه الصورة
ولن تتصورا مدى فرحي بهذا
وثانيا:
تهنئة ثانية على شكل الزواج الرائع المختلف والمميز
الذي أعاد إلى المرأة كرامتها ومكانتها
الزواج الذي أدهش ولا يزال يدهش كل من سمع به في الخرطوم
الزواج الذي أصبح به (الحب) هو الرابط الأساسي بين الزوجين...
شكراً لكما
أولاً: على أنكم خليتوني وشرفتوني بي تصويركم (طبعاً ده تكرار عشان الضهب)
وثانياً: للنموزج الذي أهديتموه لأبناء هذا الشعب
وأتمنى أن نراه قريباً يطبق على أرض الواقع.. في السودان، والعالم..
لكم حبي...(ما كلو طبعاً في باقي لي ناس تانين... ما تستعجلوا منهم أمي)
وخالص الأمنيات بهناء وسعادة
|
Post: #31
Title: Re: مبروك قصي مجدي سليم
Author: محمد صالح علي
Date: 12-04-2004, 03:23 AM
Parent: #30
فرح فرح
فرح فرح
فرح فرح
فرح فرح
حب حب حب
حب حب حب
حب حب حب
حب حب حب
يا الله
محمد و نوسه
|
Post: #33
Title: Re: مبروك قصي مجدي سليم
Author: محمد صالح علي
Date: 12-04-2004, 03:59 AM
Parent: #31
ميسون ، قصي
عجبتنا جداً الصورة ... إعتبرناها صورة زفافكما
بدلتك ... نظرتك اليها حد الحضن
وفستان زفافها ... إبتسامتها الزاهية بك
صورة خارجة من مرآة المجتمع المستوية... ولكن زاوية السقوط
لا تساوي زاوية الإنعكاس ... الشعاع خارج بزوية منحرفة تماماً
بفعل كل هذا الحب ... وللحب هذه المقدرة و هذ القوة
للحب كل هذه المجابهه
نوسة و محمد
|
Post: #32
Title: Re: مبروك قصي مجدي سليم
Author: Tumadir
Date: 12-04-2004, 03:27 AM
Parent: #30
انا كنت وين؟؟
قصى سليم ..الوليد النشط زى الشعلة ونحن بنزور بيت اسرتو ايام عرض دنيا صفا...بعد سكتنا على شعرو ابداعو ..كمان جابت ليها عرس..وعروس حلوه زى دى...وانا مافى؟؟
عيب الشوم.
حبيبى ...حلاتك وحلاة عروسك..
الف مبروك ...بيت مال وعيال..وجمال ..والتحية موصولة للصديق عادل عبد الرحمن ولاسرتك الكريمة
"اوعك تقول لى خالتو...جنى وجنها...وما تكلم زول"
|
Post: #35
Title: Re: مبروك قصي مجدي سليم
Author: Marouf Sanad
Date: 12-04-2004, 04:09 AM
Parent: #32
قصي ازيك
ياخي الف مبروك ..انشا ربنا يوفقك.....زمان لم نلتقي.....
لك الود
|
Post: #34
Title: Re: مبروك قصي مجدي سليم
Author: مريم بنت الحسين
Date: 12-04-2004, 04:06 AM
Parent: #1
ميسون وقصي.. ويا قصي أسمح لي أقدمها عليك 
الصورة جميله خالص خالص.. ربنا يزيدكم فرح على فرح...
سعيده بيكم جداً..
وطالبني اتصال... بدل الأبا يجي داك ...
ولا يمكن أنط ليكم كم يوم السودان.. زي ما علمتها قبل كده
مع وافر محبتي
بنت الحسين
|
Post: #36
Title: Re: مبروك قصي مجدي سليم
Author: قصي مجدي سليم
Date: 12-04-2004, 06:13 AM
Parent: #1
مريم يا اختي والله دايرين جيتك تاني ومتحججين عدييييييل كده
إن شاء الله تعمليها بي جد
معروف .. أيها الصديق القديم .. لك التحايا والود ,, حاول الإتصال بي
أو مراسلتي على إيميلي .. ستجد تفاصيلي في إعداداتي الشخصية.
ماما تماضر .. تحياتي ... ليست لك فقط بل لذلك الزمن الجميل الذي
علمتم فيه طفلا ما معنى أن يضج حولك الأحباب .. ففقد طفولته وهو
يبحث عن زمان لا يمت له بصلة .. فهو من زمن يموت من حولك الأحباب.
شكرا لكم ... شكرا
محمد صالح ... نوسة .. ميسون بتقول ليكم:
(بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم
بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم
بنحبكم وبنحبكم وبنحبكم وبنحبكم وبنحبكم وبنحبكم وبنحبكمبنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم
بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم
بنحبكم وبنحبكم وبنحبكم وبنحبكم وبنحبكم وبنحبكم وبنحبكم
بنحبكم وبنحبكم وبنحبكم وبنحبكم وبنحبكم وبنحبكم وبنحبكم بنحبكم وبنحبكم وبنحبكم وبنحبكم وبنحبكم وبنحبكم وبنحبكم .........
|
Post: #37
Title: Re: مبروك قصي مجدي سليم
Author: قصي مجدي سليم
Date: 12-04-2004, 06:16 AM
Parent: #1
مامون التلب :
لو كتبت لك عن الذي أتمناه لك من أماني طيبة وجميلة .. لما وسعني
هذا المكان المرحاب الواسع..
شكرا لك صديقا حقيقيا (رغم ما يدور حولك من لقط) هاهاههاهاهاهاها
شكرا لك صديقي شكرا شكرا
|
Post: #38
Title: Re: مبروك قصي مجدي سليم
Author: هشام عبيد يوسف
Date: 12-04-2004, 10:53 AM
Parent: #1
بقدر ما فرحت بخبر زواجك يا قصى فقد فوجئت به
بصراحة فقد كنت أظنها تهنئة بالدخول
أرجو أن ترسل لى النفاصيل يا مأمون التلب
إن شاء الله بيت مال وعيال يا قصى
|
Post: #39
Title: Re: مبروك قصي مجدي سليم
Author: محمد صالح علي
Date: 12-04-2004, 02:37 PM
Parent: #38
بنا فرح عظيم
محمد ، نوسه
|
Post: #40
Title: Re: مبروك قصي مجدي سليم
Author: عبد الله بولا
Date: 12-04-2004, 04:43 PM
Parent: #1
عزيزي قصي،
خالص تحياتي ومحبتي،
أحر تهانيَّ لك وللعروس،
لكن عاد أمانة ما اتلومتَ، عرس عديل وما تكلم عمك وخالتك واخياتك؟
كيفن الكلام دا يازول؟ دحين موأعوج؟
لكين ان جيت للجد أنا المحيرني عرس الوليد اللي أول امس شايفة شافع رغم، الفلسفة والشعر والنقد والنبوغ المبكر. وكان كلَّمتني من بدري أمانة ماكنتَ أسوِّيلَك بنينةًً وعديلةً مهين خمج. و"البنينة" طقس غنائي للحِنَّة، يسبق العديلة، وهو خاص ببربر وأريافها. وقد انتشر خارجها في دار الرباطاب ودار الجعليين من باب التأثر بحاضرة حواضر بلاد السودان وباب الريف، ليس إلا.
وأسوي لي عروسك كمان بنينة لي العروس. ونحن ناس بربر عندنا بنينة العروس براها لحنها مختلف من بنينة العريس . ودي في دار الجعليين والرباطاب مافي. وعاد بنية العروس أمانة مي سمحة لحنها مكَّرب وفيه تطريب شديد. البنينة ست اللسم عندنا أباياً عن جد ماتسمع كلام الرباطاب والجعليين. لكين فاتتك عاد شن نسوي. ربنا يبارك في زواجكُن وفي ذريتكُن إلى يوم الدين.
بــــولا
|
Post: #41
Title: Re: مبروك قصي مجدي سليم
Author: محمد حسن العمدة
Date: 12-05-2004, 01:02 AM
Parent: #40
الاستاذ الكبير عبد الله بولا
| Quote: لكين ان جيت للجد أنا المحيرني عرس الوليد اللي أول امس شايفة شافع رغم، الفلسفة والشعر والنقد والنبوغ المبكر. |
والله كلامك جد زمنا الناس بتكبر بجسما لكن زمن ناس قصي الناس بتكبر بعقلا وقصي فعلا فلتة وانا اتوقع ان يكون له شان في مستقبل ايامه وايامنا
كثيرا ما اتذكر تلك الكلمات المدهشة والجريئة تحت راكوبة عمنا سليمان الملك عليه رحمة الله وهي تنطلق من قصي كالصواريخ فتصيب من حوله بالدهشة واتذكر حواراتنا في قهوة استاذ .... والله نسيت اسمو يا قصي الفي السوق الصغير ؟؟ - وفي منزل عمنا خضر الله يرحمه واخيه سليمان .
هذا قصي الذي كنت اعرفه
|
Post: #42
Title: Re: مبروك قصي مجدي سليم
Author: Ibrahim Algrefwi
Date: 12-05-2004, 01:43 AM
Parent: #1
قُصي مجدي
سليم
والعروس " الصابرة "
حُبي لكما وامنياتي باحوال هادئة ويسر
اخوكم قرمبوز : وما من ناس مامون من مكان اظرف شويه
|
Post: #43
Title: Re: مبروك قصي مجدي سليم
Author: nada ali
Date: 12-05-2004, 02:41 AM
Parent: #1
الف مبروك لميسون و قصىّ مجدى سليم
امنياتى لكما بحياة سعيدة
شكرا كوكى و عقبالك
|
Post: #44
Title: Re: مبروك قصي مجدي سليم
Author: قصي مجدي سليم
Date: 12-06-2004, 01:09 AM
Parent: #1
هشام العبيد .. تحياتي ... انا برضو فوجئت بي سفرك ..
شكرا على التهنئة الجميلة.
محمد ونوسة أمس اليوم كلو انا وميسون نتونس بيكم...
شنو الحكاية يعني؟؟؟؟؟؟؟؟؟؟؟؟؟
أستاذي .. أبي ... صديقي .. بولا ... ممكن نخليك للنهاية؟!!؟!
شكرا ود العمدة على كلامك الجميل الذي أتمنى أن أنال حظا منه
القهوة كانت قهوة أستاذ حاتم (أبو نظارات).. كنت دوما أحب
القهاوي ... ولكنها إرتبطت عند أهلنا (بي قلة الأدب) وانا
كنت أعتبرها منذ صغري ملتقى للناس يمكنك فيه أن تعرف أحوالهم
وترى أنماطهم المختلفة وتسمع حكاياهم الخ الخ ولكن الاهل (عفى
الله عنهم) لم يروا فيها غير مكان للعب الورق وشرب الشيشة ..
الحق يقال أنني حقا كنت أفعل ذلك في ذلك الوقت .. ولكن ليس
لمثل هذا ذهبنا في الأصل .. ولا زالت القهوة حتى الا هي المعين
الذي أهرب اليه بذاكرتي عندما أحاول كتابة شئ ما
شكرا ود العمدة ....
الجريفاوي .. قرمبوز ... شكرا للرسالة الجميلة .. لكن قصة(صابرة)
دي ما بخليها ليك .. أصبر لمن نتلاقى.
الاستاذة الجميلة ندى :
شكرا لرسالتك الجميلة جدا وامنياتك الجميلة برضو
سيدي بولا .. والاسرة ..
أطلت علي الاستاذة نجاة من مدة قصيرة وبعد التهنئة وعدتني بطلتك .. حقيقة
فرحت.. وانتظرت هذه الرسالة الجميلة ... هذه ليست رسالة (عفوا) هذه قطعة
فنية جيدة جدا ومن النوع البشاركوا بيهو في المسابقات الكبيرة.
اما قولك:
Quote: لكن عاد أمانة ما اتلومتَ، عرس عديل وما تكلم عمك وخالتك واخياتك؟
كيفن الكلام دا يازول؟ دحين موأعوج؟ |
والله أعوج شديد واللوم راكبني من طرفة شعيراتي لاااااعن فرصة رجلي . لكن اهلنا بقولوا:
(اللوم بجي بالغفلات) اها انا طالب السماح .. دحين بلقاهو؟؟؟
وقولك
| Quote: لكين ان جيت للجد أنا المحيرني عرس الوليد اللي أول امس شايفة شافع رغم، الفلسفة والشعر والنقد والنبوغ المبكر. |
والله عرس الوليد ده محير ناس كتاااار لكن أخير نعرس شفع كده ولا أخير حق (كمال قسم الله)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا منتظر البنينة خصوصا وانا ما سويت أي حاجة في عرسي (بي خطوة نحو الزواج في الاسلام
من بدايتو لي نهايتو) لكن ممكن الزول بعد داك يعمل ليك تجاوزات (خصيصا ليك) انت ولنجاة وللبنيات ... خياتي. وبالمناسبة نحن في إحتمال كده إنو نجي فرنسا أها دي خليها في سرك وأول ما نجي أشبطوا فينا للبنينة طوالي .. ونحن بنعمل فيها ما دايرين
لكن انتو أصروا شدييييد بعد داك بنلقى مافي مفر من إنو نجبر الخواطر وكده...
| Quote: ربنا يبارك في زواجكُن وفي ذريتكُن إلى يوم الدين. |
؟؟؟؟؟؟؟
الله يبارك فيك ..؟؟
تحياتي لجميع من معك من أهل وأصدقاء .. وأرجو أن نلتقي قريبا قريبا قريبا
|
Post: #45
Title: Re: مبروك قصي مجدي سليم
Author: خضر حسين خليل
Date: 12-06-2004, 01:19 AM
Parent: #1
العزيز
قصي وعروسه
اجمل التهاني والامنيات
بحياه زوجية مستقرة
لكما العمر الجميل
|
Post: #46
Title: Re: مبروك قصي مجدي سليم
Author: قصي مجدي سليم
Date: 12-07-2004, 06:53 AM
Parent: #1
العزيز خضر
تحياتي وودي وشكري على تهنئتك وأمنياتك الطيبة........
ولك المحبة الدائمة
|
Post: #47
Title: الفاتح خلف الله, صديقك يا قصي, يهنئك بالزواج
Author: osama elkhawad
Date: 12-09-2004, 09:06 AM
Parent: #1
الفاتح خلف الله صديقك يا قصي يهنئك بالزواج,
وهو الان مقيم معنا في فرجينيا
المشاء
|
Post: #48
Title: Re: مبروك قصي مجدي سليم
Author: على عمر على
Date: 12-09-2004, 05:47 PM
Parent: #1
مبروك ميسون وفصى
|
Post: #49
Title: Re: مبروك قصي مجدي سليم
Author: على عمر على
Date: 12-09-2004, 05:49 PM
Parent: #1
مبروك للاخوان قصى وميسون
محمد الجزولىواقبال الجعلى وحسن الجزولى الصغير
|
Post: #50
Title: Re: مبروك قصي مجدي سليم
Author: قاسم المهداوى
Date: 12-10-2004, 03:16 PM
Parent: #1
قصى مجدى سليم
بدايه عزرا انى اتيت متاخرا
اولا مبروك وحدها لا تكفى ولكن املى ان تتقبلها حتى تمكننى ذاتى من
التعبير بصوره اكون راضى عنها على ادنى تقدير
قصى
اذا كان ال............ ابو الفنون فانت بنفسج هذا الوجود
صدقنى متزكر كل الامكنه والشخوص حتى اخره مره شفتك فيها وانت مسافر
يادابى فهمت انت ليه كنت مستعجل
الاخ عادل جلال بيقول ليك مبروك وسعاده قدر الكون
خبرى انا طبعا زهجت من الدبله المرميه فى كل حته ولبستها فى اصبع
يدى اليسرى وعامل ليك فيها زى حابى كده لسه بفتش لى فى بقاريه بى زمام
وحلق واخضر شفاه
|
Post: #51
Title: Re: مبروك قصي مجدي سليم
Author: ميادة
Date: 12-10-2004, 10:46 PM
Parent: #1
قصي مجدي سليم…
الف الف مبروك وبالرفاه والبنين انشالله…
ست البنيــــــــــــــات
|
Post: #52
Title: Re: مبروك قصي مجدي سليم
Author: قصي مجدي سليم
Date: 12-11-2004, 04:25 AM
Parent: #1
تحياتي من عبرك يا أستاذ أسامة للصديق القديم الفاتح خلف الله وبلغه تحياتي وعلمي بمحاولاته المستمرة للاتصال بي وفشله وارجو أن توصل له رقمي وهو 0912475714
علي ترويس؟؟؟؟؟؟؟؟ يااااااااااه انت حي يا زول ؟؟ والله شوق شوق شوق شديييييد
شكرا شكرا على التهنئة والطلة الجميلة.
وشكر عبرك للشيخة إقبال الجعلي وللأستاذين (الجزولي الأب والأبن)
قاسم المهداوي!! صاحبي ...
شكرا على الرسالة .. يا اخوي الما دارك ما لامك ... مشتاق ليك شديد وربنا بي بركتو
إوقعك في بقارية (أصيلة) تملاك محبة وسلااام
وسلام
ست البنات لااااحدهن
ميادة
ان شاء الله ربنا يديك العافية والصحة ويطرح فيك البركة يمه
|
Post: #53
Title: Re: مبروك قصي مجدي سليم
Author: تاج السر حسن
Date: 12-11-2004, 04:35 AM
Parent: #52
مبروك لك يا زين الشباب وعقل الكبار وحكمة الشيوخ.
|
Post: #54
Title: Re: مبروك قصي مجدي سليم
Author: قصي مجدي سليم
Date: 12-11-2004, 06:24 AM
Parent: #1
| Quote: مبروك لك يا زين الشباب وعقل الكبار وحكمة الشيوخ. |
تاج السر يا اخوي ... والله قاعد تخجلني عدييييييل كده
شكرا شكرا شكرا على التهنئة وارجو مرة أخرى ان انال حظا مما قلت
اخوك قصي
|
Post: #55
Title: Re: مبروك قصي مجدي سليم
Author: قصي مجدي سليم
Date: 12-24-2004, 10:26 AM
Parent: #1
يا علي ترويس...
امبارح كنا في بيتكم.. كان في جلسة عامرة.. وكانت في المدام .. وكل اهلها
وفوجئنا بوجود محمد ترويس كمان.......
مشتاقين ليكم شديد والله
|
Post: #56
Title: Re: مبروك قصي مجدي سليم
Author: وليد محمد المبارك
Date: 12-24-2004, 10:35 AM
Parent: #55
مبروك يا قصي
مع انها متاخره
لاكن شفنا البوست ده متاخر
اظن كانو داسنو
|
|