اها وبعدين !!

اها وبعدين يا دنيا خبارك
هدت حيل الغبش اهوالك
بركت خيل القدره قِبالك
سقطت مني مشيمه امي
وقعت من الفرح النقطه
واصبح همي يولد نكته
وانا بالجد جد اتلومت
مادي يميني يلاقي الصد
وبحلم بكره يكون بالجد
وما ينساني حبيبا منسي ومنفي
وأم بتعد في العيش والنيه
وشافع كل مناهو ..عشاهو
بدل الحلم يكون طعميه
وعما ليا
بدل الشافع بقدر يولد ميه
علا اختار الصوم
وما هماهو اللوم
لوم الحله اخير من بكا اولادو
وعينها التبكي كسيره قصادو
حنينه السمحه
تلبس ضحكتها تقدل
ما هماها الناس والجوع ..الفقر ..الهم ..المطر ..القبر ..العين والكسره
ما هماها عشان فاتت دنيانا بحسره
وطوقت الضحكات بايدها
وما هماها
قالو انجنت
واحدين قالو اتهبشت
واحد يحلف شافها ات..
جدعت داك الهم بغادي
وما هماها
عشان الهم
شن سوي الهم
شن جاب الهم
وشن جابت الدنيا
غير الهم

اها وبعدين
مالك يا دنيا ومالنا
ما تخلينا خلاص في حالنا

مالك ود العم السافر بره
بملك كل الطين في امقر
وبرضو اصر
يسافر بره
قال ناس بره
آآه يا يمه بقولو حلاتم
ولا بناتهم
ولا اقول ليك دولاراتهم
بس يكفيني اسوق عرباتهم
خلا الطين وناس حبوبه
وعن حبوبه
لسه تغني لفارس الحوبه
وراجيه مجيهو
مالك سافر
نسي ايام البلد الطيب
وشال من لقبو الولد الطيب
وقال انا مالك
مالك كل شوارع البلد الفاتحه ايديها
ودخل كل راس مالو وشارك واحد
وعرس واحده
وطلق تاني
وباع راس مالو
وصاحب واحد
وشارك واحده
وباع اخلاصو
وطلق نفسو
وعرس مالو
وشارك زيو كتار في الدنيا طريقهم واحد
واصبح مالك
يملك ايه في دنيا غريبه ..كئيبه ..مريبه
وفات حبوبه
تموت بتغني في سيره مالك




ولسه ..

aha badeen safarta bara
wa lessa musafer
aha shino lika

توما!!!

ياتوما كلمي توما تلاقي فرح
-------
وبحلم بكره يكون بالجد
وما ينساني حبيبا منسي ومنفي
__________
سأعود ياتوما بس الدنيا ماعندها ذنب
وشكرا يارائعة

اها وبعدين!!

ياتوما









ولسه

الطريق القديم المؤدي إلي الوطن مغلق للصيانة..
المطر القديم توقف حتى إشعار آخر بسبب الصيانة..
الزمن القديم توقف و عقارب الوقت تحتاج إلى صيانة..

توما...

تعثر مرور رسالتك فضلا رجاء المحاولة مرة اخرى

توما
هناك
هنــــــــــــــاك
قادرة تشوفي
شمال حبه لا لا كدا كتيرة لي قدام كمان ايووووواتلك هنا بس
شايفا اللمبة المولعة ديك؟؟ آآآآآآآآى
تحت فرع الشجره شــــــــــويه كدا ..
شفتيها؟؟؟؟
بـس الله يفتح عليك..
ده نور بيتنا...
مابعيد مش؟
ساعة بالكرعين

المسافر
شن ليك انت اللي هسه مسافر

و انا شن لي غير البي

غالبا صادف الكي المواجع مو كدي؟

محمد صالح

ازيك وازي نوسه وازي الحب؟

هوبفل
لسه والله
لكن جميل انك لسه هوبفل

طيفور
تعثر الزمن في خطاه وهو حاملا السعاده نحو السودان بحجر الغبن ووقع علي خشمه وتفا قدومو
وعليه امتنع عن المحاوله مره اخري لئلا يكسر رقبتو كجا

لكن بالجد المطر القديم طول ما جاء مش؟

شافني شفتو ويا عيوني انتو خفتو

تصدق شفتو يا فرح

شفتو الليله دي شوف عين عدييل

تاني كلامي طلع صـــــــــاح
أها الجنب بيتنا دا منو قال حايقعد في فجتو دي إمكن شهرين تلاتة