|
فضيحه تلفيزونيه سببها حماميزو الى يحي فضل الله
|
التلفزيون السوداني وفقع المراره تخيلوا معي انو حمزه عوض الله وفي اول يوم من العيد يستضيف قرني والرشيد ويقول انه يستضيف يحي قرني تخيل انو مزيع في تلفزيون قومي ما عارف اسم الزول الهو عاوز يحاورو وبرغم ذلك يتحدث عن ماركيز واسامه انور عكاشه كانهم لعبوا معه في زقاق من زقاقات المورده يا لهذه الثقافه السماعيه والشفاهيه خوفي عليك استاذي الرشيد من هولاء لكم الود معتصم سيد احمد
|
|
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: معتصم ود الجمام)
|
الاخ/ معتصم ود الجمام
كل عام و أنت بخير و عافية.
ما يفعله الاخ/ حمزة عوض الله, شيء اكثر من طبيعي, و كانت ستكون مصيبة اذا لم يفعل حمزة عوض الله ذلك. فماذا ستتوقع من جهاز اعلامي قائم علي رجل واحدة مكسورة؟ و قس علي ذلك بقية مؤسسات (نظام الانقاذ)!! فكل مرفق من مرافق هذا النظام, يعبر بجدارة عن افلاس النظام و جيشه العرمرم من الموظفين و الموظفات المختارين و المختارات بعناية اجهزة (حزب الانقاذ التسلطي)!! فلا تحزن يا رجل و الجايات اكثر من الرايحات و الجاتك في تلفزيونك سامحتك, لان ما خفي بضم الخاء و كسر الفاء كان اعظم.
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: معتصم ود الجمام)
|
كل عام وانت والاسره بخير يا معتصم تمنينا حضور الحلقه التلفذيون قدم شخصيات مهمه خلال برنامج العيد ولكن للاسف مقدمى البرامج غير متمكنين فى معرفه اداره حوار مع فنان وحلقه عقد الجلاد كانت اكثر فضيحه بعد ان سمعنا رائعة محمد مدنى لا تحلموا بعالم سعيد فخلف كل قيصر يموت قيصر جديد قالت المقدمه يا سلام تدعو الى التفاؤل التحيه لقرنى والرشيد وعقد الجلاد وكل الفنانين
| |
|
|
|
|
|
|
فضيحة (Re: معتصم ود الجمام)
|
شاهدت الحلقة اتحملت ثقالة حمزة عشان اسمع قرنى والرشيد
اعجبنى قرنى عندما رفض طلب حمزة باداء مشهد
وقال لهو التمثيل يريد استعداد وانا ما مستعد الان
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: معتصم ود الجمام)
|
العزيز معتصم
عيد سعيد
هو تلفزيون الانقاذ علي بعضه كدا فضيحة كبيرة و شوف كلام الاخت هادية و المثال الاوردته و زي ما حكيت قبل كدا واحد من اباطرة الاعلام التلفزيون في هذا الزمن الاحادي القبيح، مدير قناة النيل الازرق أكد انه بخجل من مشاهدة التلفزيون السوداني،،،اول حاجة هذا الحمزمة اضافة للصفات التي عددها الاخ الفولاني فهو يبدو انه عنده حساسية في التنفس و بالتأكيد لاحظتوا للصرير الذي يخرج مع كلامه و انقطاع نفسه،،،الكارثة انه في مشاهدين برسلوا ليهو خطابات اعجاب شديد!!! كدي خلونا من السلبيات فهي القاعدة و خلونا نحاول نجد استثناءات تمثل الجانب المشرق الاندر من لبن الطير،،،، فيما يخص المذيعين: في كوثر البشراوي عندها صوت متميز و ثقافة عالية و حضور متميز في المقابلات و النشرات الاخبارية دي كلمة حق برغم انها كوزة من اهل الحظوة و يبدو انها كانت في بعثة دراسية علي حساب الدولة في القاهرة و كانت محتفظة بوظيفتها في زمن التصفية التي شملت العديد من الناس اللهم الله و عيشة السوق و في حاجة تانية اريد ان اسأل عنها اهل الاختصاص و هي هل يجوز للعامل بالتلفزيون أن يتعاون مع قنوات اجنبية؟ فقد لاحظت انها تعمل مراسلة لقناة العربية و للحق هي ليست اول من تعاون مع جهات اخري مع الاحتفاظ بالوظيفة التلفزيونية فقد سبقها اخرون و بذا السؤال عام و ليس وقفا عليها في واحد اسمه عبد الله حافظ قدر مهول من الشعر لكن مشكلته انه بدشر شعره الحافظة دا و كمية من التهويمات الانشائية في اي ملف و يجل من مخزون ذاكته موضوع اساسي للحلقة البقدما كأنه هو الضيف و المقدم،،،،سلق شرحبيل (بأبيات حداد) و كان رد شرحبيل في كل مرة صمت بليغ يؤكد تهذيب الرجل و ابو عبدة يتمادي بالمناسبة دي كارثة خطيرة انه ينكشف السودان بهذه الصورة علي الكون لكن تلفزيون مديرة هذا المتحذلق ماذا نتوقع منه؟ ليتهم يدركون أن هذه القضية مسؤولية جسيمة و يخرجوا من تقوقعهم الايدلوجي و الحزبي الضيق الشائه هل نأمل في ذلك؟
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: محمد الامين احمد)
|
كل سنة وانت طيب يامعتصم ومرهف وامو بالف خير
خليني اجيب كلام عبير خيري ده Quote: كتب عنه كم هائل من الصحفيين وتحدث عن ضعفه كل السودانيين باتفاق كامل ولا أدري إلى أين ستقودنا التوصيات |
وخليني اقول ليك انت بتحب وجع القلب وبراك بتجيبو لي نفسك .. بعدين غير الزول ده ياربي مافي تاني ناس في السودان بيعرفو يقدمو ؟؟ خلاص كملو كلهم ؟؟
محمد سيد احمد... تعرف زي حمزة ده لازم يتعاملو معاهو كده .. يعني عايز قرني يمثل ليهو حسع دي .. ما كفاية قاعد هو يمثل ويسال ويرد ويقاطع وينهي البرنامج..
بعدين في حلقة اسرار مصطفي وجمال فرفور كان في كمية من الاحباط تؤدي إلي الغثيان المصاحب لحمي الملاريا...
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: tmbis)
|
ليه يا جمعه طوالي في ناس عاوزه تبرر العيب في المعد العمل فقرة قرني والرشيد حمزه ده بالله المفروض يحاور زول بعرف استانسلافسكي وبيتر بروك والتمثيل بادواتو عشان يقول لقرني قوم اعمل لينا جلكسه ذي ما كل الممثلين الجدد المللوجست بيعملو امين صديق والا قاسم احمد واحد فيهم قال واااااااااااااااي من هرس القزاز في الدم وانا هسه واي خالص معتصم
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: معتصم ود الجمام)
|
معتصم يا اخوي
فقع المرارة حاصل في اي حته من السودان في الحافلة ... والشارع... والكورة ... والحكومة... وفي المقابر...وفي السعايه والرعاية...وفي البورد هنا.......
والشورة المعوجة والشلمة واللخمة...
ياااااااخ ريحونا نحنا شعب جاء عفوا وسيظل في هذه البسيطة عفوا لمن تقوم الساعة.. وحمزة وغيرو كلوا طين في طين
والمثل بقول ام الكلب بعشوووووم
| |
|
|
|
|
|
|
Re: فضيحه تلفيزونيه سببها حماميزو الى يحي فضل الله (Re: معتصم ود الجمام)
|
اخخخخخخخخخخخخخخخخخخخخخخخخخ والله ياجماعة انا متأسفة انه اتأخرت ونكت زي مابقولوا الموضوع ده عشان اكتب فيهو من جديد. آخخخخخخخخخخخخخخخخخخخخخخخخخخخخخخخخخخخخخخ وآخخخخخخخخخخخخخخخخخخخخخخخخخخخ من حمزة عوض الله ياجماعة قدر مااقول ليكم بطني فارت علي كيف وكمان جايبينوا الأسبوع كله انا من كترت الثقالة والبياخة والبري والتفلسف والتدكتر والعبط والهبل والإستخفاف ماقدرت الا انه اتابع البرنامج ياجماعة ليه التلفزيون مصر يفرض علينا ناس زي حمزة عشان يقدمونا للقنوات التلفزيونية الفضائية التانية يا جماعة معقول في العيد مالقه زول يقدم ليهم البرامج لاحمزة. مايجي زول ينط لي في رقبتي يصلح لي لقتي ولا يتفلسف لي يزيد مرارتي فقع. البنت المقدمة مع حمزة اول يوم على مااظن نسيت اسمها سالت قني سؤال قبل ما تتمه وقبل ماقرني يسمعه وقبل وقبل نط الأسمه حمزه ده وقال ليها انتي السؤال ده جا في فكرك انك تسأليه قبل مايجيبوك التلفزيون ولا بعده. يعني انتي مستجدة في التقديم وما زينا نحن الأباطرة. وحركة هاتفونا البشنق يدينه فيها دي تعبتني شديد. واي متصلة تقول انا من اي بلد اي بلد الا هو زاره انتي في لندن في شارع كذا ولا كذا وانتي في القاهرة احنا قعدنا فيها و... و... و... و... جمال فرفور ساكت الحوار كله وفي الآخر قال لي حمزة عوض الله انتي من الصباح هارينا اسئلة خليني الأسالك. وعملية استعراض المعلومات والثقافة الانا بشوف انها ضحلة لأنها ماعلمته ادب الحديث مع الضيف والتواضع. اللفحي اللفحي اللفحي يلفح الكلام من خشم الزول قبل ما يتمه والسؤال ربع ساعة ونص ساعة هيا حماميزو هو قالوا ليك كدة. والشال الفلسطيني اللابسه الظهور والإنتشار بقضية فلسطينية حركات مملة سمجة مافي داعي ليها. حمزة عوض الله حيرني والله في روحي . حمزة ولا شكل ولا صوت ولا لباقة حديث مافي اي امتيازات قايتوا الله يصبرنا
| |
|
|
|
|
|
|
|