ربما لأنني سأغيب !!! وداعا..

اصدقائي الذين جعلوا الحياة ممكنة وجميلة وحلوة وفي معظم الاحيان ساهلة القياد وفالحة
الذين قرأوني والذين قرأتهم وانا في كامل تلبسي بالعشق
اصدقائي الذين كتبوا حسنا عن كتاباتي والذين تقاضوا عن سهوي و(لخبطاطي) بالصمت الأنيق ومضوا لا يرهقون حسي بتقريع لا عنيف ولا حتى عادي حتي بت احبهم اكثر من الذين امتدحوني
رغما عن اني كنت ساستفيد من الشتيمة والسب قدر استفادتي من المدح العالي وربما أكثر (لاننا اولاد لذين ما نجي الا بالتي هي اكعب)
اصدقائي منذ فترات طويلة مصاب بداء (ابعد عن البورد وغنيلو ) وكنت اتقاضى عن (الحكمة) واقرب منه اكثر وانا اذوب غناءا ربما لأن كثيرين كانوا يحملون في حبرهم بعض دمي وبعض حضوري العميق وربما لان الذين ذهبوا بعيدا عني كان البورد يقربهم ويكسر حكمة سيف عثمان (أفضل لمن ذهب أن يبقى ذاهبا)
وربما لكثير جدا


فقط سلامات
ولكني سانقطع جازما رغم ربما التي تفتح الموضوع تلك


(أفضل لمن ذهب أن يبقى ذاهبا)




-1- ( قــمــر )
قمرٌ تناثر كالرماد
يائسةٌ صورته على الماء تميل
والظلام يسنُّ ضحكته
ويشمت في خيوط الضوء
- جيلا بعد جيلْ – تسبح في ابتعاد
لكنَّ أسراب العصافيرِ
وغابات النخيلْ
وبعض أحلامٍ توزّع نبضها.. وطناً ونيلْ
وأطياف سهاد
جئن للقمر الجميلْ
والقمر جاء يعيد سترته على وجه جليلْ
ويشهق ضوءه بدراً
ويخلع عنه أثواب الحداد
ليس أوجع من ضوءٍ على هذا السواد


ليس اوجع من ضوء
ليس اوجع من ضوء
ليس اوجع من ضوء

ـــــــــــــــــــ
مقطع من قصيدة ثمانية مقاطع للرحيل
وداعا

سرير الروح 00
انا شخصيا مافاهم حاجه يابنا تلفون يا جايك بى هناك 00
والكلام ده لاقريتو لابعاين ليهو 00
بديت بى ياسر00
بى خضر00
وووو
وانت 00
اكيد الواحد حيعمل خط رجعه00
تعال اسامه قول بعد كل اسبوع قول اسبوعين00
لكن نهائى كده ياصاحب00
مابتجى 00
لو المشاغل ما حل 00
وبرضو بنجى نطل عشان خاطر عيون حلوين00
ورافضين الموقف العملتو ده لمن كان بتناقش معاكم فى زى ده كلكم رفضتو واصريتو واديتونى كلام زى السم وكان فيهو خصومه عديل00
عموما الى الان ما فاهم شى 00

Quote: انا شخصيا مافاهم حاجه يابنا تلفون يا جايك بى هناك 00

ولا انا لكنها الحقيقة المزعجة
شكرا جميلا
وابقوا عشرة
تحياتي

أسامة معاوية
كل عام وأنتم بخير ..
أشتم رائحة حزن وأسى لكنني لا أفهم ..
تحياتي .

امير تاج السر
ساحتفي بحزني واسايا كثيرا لانهما من جاءا بك اخيرا لتقول حروفا في حضرتنا
شكرا عميقا
شكرا علي المرور

سلام ...
أسامة ؛
برغم أنها المرة الأولي ،
ورغم أننا :

Quote: (لاننا اولاد لذين ما نجي الا بالتي هي اكعب)

أتمني لك حظ سعيد ...

سلامين ...
وبرغم انها المرة الاولى أيضا
أشكرك جدا
جدا
تحياتي

اسامه

لا تذهب ...تماما

اخرج للهواء الطلق
بعض غياب
و
تعال

شكرا يا صديقي
دعني اجرب ولكني اشك
عموما تحياتي جدا

والله لم اقرأ اصدق من هذا الشعر من قبل..
هل هذه وداعية؟ يا ابن معاوية؟
على كل حال ربنا يعدل خطوتك.. ويرعاك..
اهديك هذه الاغنية البكاءة:
http://www.20six.co.uk/pub/tngo/Ya_Remal_7iltna.ra

بالمناسبة: صحى الشايقية يهود؟

الجميل: أسامه
كل عام وأنت بخير
والسنه الجايه تتحقق الأماني
والله ما فاهم الحاصل شنو ..؟
لكن يا ريت لو ترسل لي التلفون في الأيميل بتاعي
مع تحياتي
مهدي الأمين

Quote: ليس اوجع من ضوء ليس اوجع من ضوء ليس اوجع من ضوء

اسامة :

كل سنة وانت بالف خير ..وربنا يحقق الاماني..

رافقتك السلامة ..وسنترقب عودتك محملا بالمدن ..وسرائر الارواح ..واخواتها,,,

كل الود ..والتحايا..

عادل عثمان
شكرا علي الكلام الجميل جدا
مسألة اليهودية دي انت متكرب عليها نفتش ليك رد واللا تخلينا كدا؟
شاكر علي الوقوف الجميل معي
ما نجيك في كعب يا عزيزي


مهدي ازيك
ربنا يحقق الاماني كلها
والسنة الجاية انت ونادوس فوق جدا
00989121115443
ودا موبايلي


ايهاب
تحياتي الصادقة جدا
وكل سنة وانت اجمل واكثر روعة
شكراليك ياخي

عزيزي أسامة معاوية

أولا كل عام وأنت بألف خير

نميل سيدي علي ما تكتب في صمت ونكاد نحفظ كل ما تخط يداك فبروح سيف الدين التي لا تبارحك ... توهط ... فمكانك بيننا لا يشغله سواك.

تأكد، حتى في الأراك يا أسامة موجود النت

طارق ع الأحمدي

شكرا جزيلا طارق الاحمدي
روح سيف هي التي ستغيبني لاني اعد معها العدة علي عمل
شكرا جدا ليك
تحياتي

عزيزي اسامة،،
ما اظن اني اكون اذكي من الاخوه السبقوني واقول ليك انا فهمت حاجة!
لكن متوقعك وبعاين ليك ، وحتماً ستعود وسنلتقي0

عزيزي اسامه معاويه الطيب
اذهب ولكننا سنحتفظ
بعقد ايجارك الابداعي الي
حين عودتك السريعة المطلوبه

دا شنو يا أسامه ؟
ما تقول لي أنا ذاتي ما عارف ....
بعدين ياخي انتو قايلين نحن هنا في السودان بنلقي وقت والا طريقه بالساهل عشان نخش النت ونلقي حاجه كويسه نقراها ؟

العزاء الوحيد هو ما قاله الولد الجميل عاطف خيري قبل أن يرحل عن هذه البلاد :
تعاتبك علي رغبة في الرحيل
بعد حين يتقاذف الدود أخبارنا
فأنظري ألي أي دود يقود العتاب .....

ابوعبيدة
صديقي
كل سنةوانت طيب ومحقق امانيك
ما حقول ليك انا ما فاهم انا فاهم جدا وباسى شديد واسف ممض ولكني ....
بنتلاقي في الضحية في السودان وبنحكي كثيرا
تحياتي يا جميل


الموصلي
ياسيدي نكلفك رهق المرور والموءازرة(معليش يجبرني الكي بورد علي هذه الطريقة الغريبة للكلمة)
فقط دع ابتسامتك الناصعة هذه تحلق بالبورد وعندها سنعود رغما (عن اللي خلفونا)
شكرا جميلا يا استاذنا كلنا


الوليد
تسلم يا رائع ويسلم عاطف خيري معاك
شكرا ليك تماما
اقدر جهودكم والله ولكني اخشي كثيرا من استمرار مر
سلامات يا صديقي

عذب الجمال قلبي
عندما اختار الرحيل
قلت يا جمال صبرا
قال كل الصبر عيل
قلت يا جمال قصدك
قال صحراء الجنوب
قلت ماذا ضم حملك
قال مسكا وطيوب
قلت ما داءك قلي
قال هجران الحبيب
قلت هل زرت طبيبا
قال تسعين طبيبا
قلت يا جمال خذني
قال لا حملي ثقيل
قلت يا جمال أمشي
قال لا دربي طويل
قلت أمشي ألف عام
خلف عينيك أسافر
قال يا طير الحمام
حنظل عيش المهاجر
.............
عذب الجمال قلبي
حينما اختار الرحيل
كلما خلف دمعا
فوق خدي يسيل*

_________________
*من الأدب الشعبي الفلسطيني

أسامة رد على التلفون.. أنا ضربت الليلة

شكرا فاضلابي
اكيد سنتكلم وسنسمع بعضنا وتلك الضحكات الموسومة بقلق البحر وعاطف
حا اضرب ليك
وحا امشي السودان في الضحية (الاخيرة من باب كاوا يكاوي مكاواة)
اشواقي

عزيزي أسامة

بما أن روح سيف هي الدافع للغياب فليكن إذا غيابك وهيطامهيطا...
نحن علي إستعداد تام لكل ما تحتاج أو يحتاج له ذلك الغياب...

طارق ع الأحمدي

اسامة ، كل سنة وانت طيب والعاقبي انشاء الله بي وليداتك

شنو يا زول قول بسم الله ماشي وين ..؟؟؟


شرووم

أسامة معاوية

كنت سامعك بأذني وبقلبي ، وكذلك سامع الطمبور الحنين الكان عامل خلفية لصوتك المعبأ بشجن الدنيا كله!
أذنك خانتك أو سماعة هاتفك فوتت عليك فرصة { متعة } ونسة نجيضة معاك وفوتت علي التنسيق معك لزواج متعة في قم!
صلح سماعتك ، عالج أذنك ، جفف حزنك وتعاااااال فرح ليالينا!

طارق
شكرا ليك جا واثق في وقفتك معي واتعشم كمان
سلامات



عبدالله
سلامات وكل سنة طيب والسنة الجاية بدكتورتك يا رب





ابو ساندرا
تحياتي
وانا ذاتي ما سكت ليك مشيت واتصلت علي الرقم بس جاني هندي قال هادا موب رقم عبدالرحمن
والحقيقة قال لي رقم تاني ما حفظتو
اتمناك مرة اخري
بيننا كثير لم نقله

عزيزنا اسامه لقد عرفناك هنا واحببناك

ومن خلالك احببنا سودانيز اون لاين

رقم رفض طلب عضويتنا او بالاصح مجاهلتنا وانت المصبرنا على مواصلة تطلع الموقع فابغاء لغيرك وكن كما انت وفى انتظار جديدك مع عاطر تحياتى


غسان وهبى

شكرا جميلا غسان وهبي
وشكرا لخضر الذي بقي صامتا
سنلتقي
وكم اسعدتني كتابتك لي واحزنني كونك لا زلت تننظر (ولا تعليق لي )
شكرا وعبرك عميق حبي وامنياتي بعيد سعيد لك ولخضر وللذين من حولكم
سلامات

أسامة
انشاء الله العيد ينفعك
أنا ذاتي ولا داير أمشي هناك ولا حاجة
ياخي مشتاقين ياخ

العزيز اسامه
اذا ما الغربة لمتنا
علي ذات الخلق واخلاق
وطن وان كان في زمتنا
فكيف يبقي الزمن فراق
(حميد)
لك الوطن الذي حلمنا به كثيرا فاثر النوم في احضان الغير لظروف بالغه التعقيد لم اتمكن من التواجد في الفترة السابقه عدت علي اجد بعضا من مايشجعني علي الاستمرار والتصفح فوجدت مدينتك الانيقه دخلتها عبر كافه دروبها واحزنني موضوع هذا البوست وين تمشي ياقمر الهنا ؟ عدت وانتظرك هنا ياصديق بالمناسبه ارسلت لك رساله علي الرقم 009121302266 يبدو انها ضلت الطريق اتمني ان تبحث عنها في طهرانكم علها ضلت طريقها لاحدي صبايات فارس . لك الود المقيم