Post: #1
Title: فلما تلتلتنى بهدلتنى
Author: alfatih
Date: 11-14-2004, 06:14 AM
Parent: #0
تلتلتنى فلما تلتلتنى بهدلتنى
لفحت توبا المجرجر زى شوك سنط
غبرتنى ....
كايسة المشاكل زى كلب سحبوا العضام
منو بى جدارة ... عضعضتنى
ناسى المجانين كاسوا الحُقن فى كل عيادة
لقوا انبوبة تسمم شايلة كديس شنباتو زى
غفير عز الضُهر كلبشتنى ...
مجنونة جنك شمهروش
يهضرب الليل ... عز الكتاتيح
فى البلاستيك شمعتنى ...
بهدلتنى وعضعضتنى
كلبشتنى وشمعتنى ....
خميتا بنية تقول حرامى
فكفكتا اجزاءها وندمتنى
جاطت تكورك ...
سكلبت فى العصار الطار مديح
رقصت فينى وعفصتنى ...
البت ام شدوق ما ها ساهلة
تكاسية الالفاظ
كمسارية الحوار
بعيونا الماكنة طفشتنى
شينة وممسحة بزيت فرامل
مكياجا فى شنطة حديد
نعلاتا بوت عساكر
كم بيهو برطشتنى
لسانا موس ... حركات مجانين
كلماتا شوك ... لغاتا دق
ما فيش تفاهم ... حيرتنى
كاشّا الوليدات والسخيلات
قداما زى مجروس عساكر
ناس الحلة وووب
ناس الكشة وووب
السوق يفر وكت تدخلو
كايسانى بت الذين
كرهتنى ...
اخر المشوار
لبعتها تسعُ وتسعين لبعة
وبلنجة اخرى ... مشورتنى
لاقاها دفار شايل مساطيل
من الضحك طارت رويشاتا
مع الهبوب وفارقتنى
|
Post: #2
Title: Re: فلما تلتلتنى بهدلتنى
Author: سجيمان
Date: 11-14-2004, 06:22 AM
Parent: #1
Quote: فكفكتا اجزاءها وندمتنى
|
الفاتح؟ يا زول انت ماك نصيح؟...داير الاسياد يسختوك؟
دستور يا اسياد
جاهل وغبياااااان....وماهو عارف شي
خسمتكم بالله ما تعابوهو
|
Post: #3
Title: Re: فلما تلتلتنى بهدلتنى
Author: MASSOUB
Date: 11-14-2004, 08:14 AM
Parent: #1
الفاتح
عيد مبارك
سيجمان
| Quote: خسمتكم بالله ما تعابوهو |
والله انت زول كارثة
اعمل حسابك من الهواء الجايك
مسؤب
|
Post: #4
Title: Re: فلما تلتلتنى بهدلتنى
Author: معتز تروتسكى
Date: 11-14-2004, 10:59 AM
Parent: #1
صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 alfatih
الرجل المزيكه00
القصيده كلها مصطلحات عسكرية وديش00
مالك داير تهيجن فينا الناس00
ويقولو تربية اشلاق00
ياحليو يالفاتح قبل المعاش 00لوووول00
الفاتح ياخى انا بريدك عديل000
*اخر صورة للفاتح وحبيبته التى تلتلتو وبهدلتو مش ليهو حق؟
|
Post: #5
Title: Re: فلما تلتلتنى بهدلتنى
Author: lana mahdi
Date: 11-14-2004, 11:40 AM
Parent: #1
الحبيب الفاتح
دة يا ربي من تاثير ملاح القصب بعصير الروب؟؟
قصيدتك دى و البوست الفات ضرب من ضروب ممارسة العنف ضد المرأة
وارجي الراجيك
ولى عودة اليك ايها الانكفائي 
|
Post: #6
Title: Re: فلما تلتلتنى بهدلتنى
Author: alfatih
Date: 11-14-2004, 11:45 AM
Parent: #1
سجيمان
انا اصلى مسخوت
واولاد ماما ديل يفزعونى ويجدعونى بالنعلات
بس بينى وبينك كدة ما تكلم زول
انا بحب التفكيك اوى.. بدون صامولة
كل سنة وانت طيب
|
Post: #7
Title: Re: فلما تلتلتنى بهدلتنى
Author: alfatih
Date: 11-14-2004, 11:48 AM
Parent: #1
مسؤب ـ او مصعب
شكرا ليك
انت عارف شبابيكنا زنكى
وتسلم للمرور
|
Post: #8
Title: Re: فلما تلتلتنى بهدلتنى
Author: alfatih
Date: 11-14-2004, 12:05 PM
Parent: #1
وكت تبقى الذكرى عنوان للدواخل
ويبقى الشوق مشوار المداخل
تبقى يا معتز تروتسكى سايق قطار الاشلاق موديهو وين ؟
انت عارف المقومنى جارى وغبارى واقف لط شنو ؟
البوت البوت يا معتز
لابساهو ديمة .. دى مش تبهدلك .. توديك التوج
بس ما تقول الزول دة تحريضى ضدها
وبعدين تعال .. صورتك السمحة دى ما معكوسة ؟
يعنى انا الساكى البهدلتنى دى ؟
وقالوا البحوم بالليل حرامى
الراجل دة ناطى بالحيطة .. اقبض
تسلم كتير
وبريدك من زمن طول زمن مجهول بدون عنوان
|
Post: #9
Title: Re: فلما تلتلتنى بهدلتنى
Author: معتز تروتسكى
Date: 11-14-2004, 12:12 PM
Parent: #8
توحه000
اسمع انا معزور ابوى كان فى الديش 00
انت مالك ؟
ولا كنت فى جيش ال.....
صحى بريد مافرغ منى 00
وبجيك تانى000
ونشتهيك 00
|
Post: #10
Title: Re: فلما تلتلتنى بهدلتنى
Author: alfatih
Date: 11-14-2004, 12:16 PM
Parent: #1
الاديبة لنا
بقيت احب السمك
قالوا سمونى ابو مركب السمكاوى
بعدين طبيبى النفسى قال النساء
ديل مافى زول يهبشن بكلمة
زى اسرائيل .. طوالى امريكا
بتقوم فيك ويحلك الحلة بلة
انا اليومين الدساتير قايمة على
وبتذكر فى الغبار .. تتخيلى
الكتاحة ؟ .. بس دى البهدلتنى
وانا جن وجن الكتاتيح
طوالى ببقى انكفائي وبفرض حصار
حاولى ابعدينى منهن ما يجيبن كثافتى
|
Post: #11
Title: Re: فلما تلتلتنى بهدلتنى
Author: abdelgafar.saeed
Date: 11-15-2004, 06:34 AM
Parent: #1
الفاتح
بسم الله الرحمن الرحيم
يازول مالك الحاصل شنو
اه هسع ان شاءالله نصيح
فى زول جمبك يهبشك؟ عنك مامورود
قطعته مصارينا بالضحك.
الفاتح
كل سنه وانت طيب
ربنا يحقق الامانى
ياخ انت جيتك دى بقت حلم حلم
سعاد والوليدات بسلمو عليك كثير
نحنا فى انتظارك
عبدالغفار
|
Post: #12
Title: Re: فلما تلتلتنى بهدلتنى
Author: alfatih
Date: 11-16-2004, 06:21 AM
Parent: #1
العزيز جدا عبد الغفار
كل سنة وانت طيب واسرتكم الكريمة
ربنا يحققك امنياتكم
قلت لى مورود ؟
وحات سيدى كاسيت وردة
علاجها الوحيد بخرة ملفوفة
فى خريطة السودان الشقيق
انت عارف مافى زول بهبشنى
لكن كل مرة بهبش ذاكرتى الطارت ريش نعام
تسلم كتير وجيتى بقت زى الانقاذ
|
Post: #13
Title: Re: فلما تلتلتنى بهدلتنى
Author: المسافر
Date: 11-16-2004, 06:36 AM
Parent: #12
الفاتح
قال شينة قال
قلنالو ده كلام صحيح
وخطيبة ذاتو ولد قبيح
قوم الدنيا ليل
والموية بتسخن عليك
قام تاني جاب سيرة البحر
اشنفرها دي البهدلتك أوعك تكون ماكينة فوردكي مركبها في كومر
معتز
صورة القبلة أمس عرضت في فيلم داينج بيوتي
جوليا روبنسون قالت ليه أصلو راسمها بالذهب
كل سنة وانتم بخير
|
|