قصيدة جديدة

فيلم حب وسياسة


موسيقى سخيفة و هادية
و أسماء الcast
بطولة
الرؤساء الخانو الدم بالزيت
والناس الضاعوا بي قولة (أبيت)
والناس القايلة الشارع بيت
وامبارح ويوم الليلة وبكرة
وطبعا...
زهرة

______________
المشهد الأول

الكاميرا تصور من طيارة
تنزل بالzoom
بشويش
ونقاط في الأرض تبين
تكبر
بشويش
لي بيوت وحجارة
الكاميرا التانية تلف في الحارة
الدنيا سخانة وهم
والكومبارس
ماشين بي حزن
وتقلة دم
الكاميرا التالتة تصور
أقدام لراجل ما
جزمة جلد
أصلي ولماع
الكاميرا... تطلع بشويش
لي لبس الجيش
وتصل الكرشة
cut
_____________
المشهد التاني

في الكادر واحد شكله كريه
الجمهور بيصفر
في سينما النيل الأزرق
ولا الأسود، ما متأكد
واحد في الصف العاشر بيقول للجمبو:
- أب جلة..!
- الخاين ؟
- أيوة (يرد بي عرفة و زهو )
- طيب، وين أب شلخة؟
- ما بيظهر هسع..
cut
_____________
المشهد التالت

في الشارع سهو و ضو
و حمام سارح في السما والناس
في الشارع ناس
لو عرفو بحبك كيف
بستغربو كيف عايش للآن؟
جمب الدكان
أولاد الحلة
اتمنيتم لو عرفوا بحبك كيف للآن..
جمب بيتنا طيور
وعمود النور
واقف سرحان
cut
______________
.......
.......
أحداث
وأحداث
و أحداث
.......
.......
.......
______________
المشهد الأخير

في الكادر
ضو مارق من جوة الزول القاعد نص الأوضة
ضو أزرق خافت
الكاميرا تقرب
ويظهر انو القاعد
واحدة
أجمل من عصرية
وكرسي وخرطوش موية
أجمل من موية
أجمل من أجمل حاجة
الواحدة القاعدة
تعاين للكاميرا
و تقول اسمي
يبرد جسمي
و أرجف
و أموت
ويموت المخرج
والكومبارس
ويموتوا الناس
cut
__________
موسيقى سخيفة
و أسماء الcast



محمد علي الفاضلابي
أوسلو 2004

ازيك يامحمد

مرحباراوية

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 محمد علي الفاضلابي 00
تانى تحيه00
الفاضل النرويجى00
جنس عمايلكم دى المابتخلى الزول يقرا00
انت لو ناوى على طلال براو ما مشكله لكن شكلك ناوى على الجميع 00
اليومين دى اجازه تهانى ورسائل ونرجع للبرنامج اليومى 00
انت كيف واختفيت فى مرسم وجيت بالمصيبه دى00
ياخى انت نازل من حوش المطر00

عزو
براحه يا راجل
بعدين أنا قادر عليك براك لامن تجيب لي فان جوخ؟
شكرا يا جميل
و زميل

ابو الزمل00
اها لو قطعت اضنك مابخليك00
تخلى الرجل يتهور براهو 00
يلا ورينها ليها00
ومستمتع بالمداخل 000
والاستديو والتصوير00

تروتسكي
داير تبشتني مالك
خلاص يا الوجاهة الكاتلاني كمان داير تقطع أضاني؟
يا زول تستاهل (قطع الرقبة)*
مش الأضان
_______________
*طبعا ما وضحت ليك منو فينا الحيقطع رقبتو

جاب ليها قطع رقبه كمان00
انتو الواحد ما يدهو سر ومفتاح00
اكشن00
لقطة اعدام000

اكشن تاني
معتز تروتسكي في الواطة وفاضلابي شايل سكين كبير وراجي الله يرسل ملاك بي خروف عشان معتز يتخارج

اكشن تاني
معتز تروتسكي في الواطة وفاضلابي شايل سكين كبير وراجي الله يرسل ملاك بي خروف عشان معتز يتخارج
المخرج00
STOP
الدخول غلط يتم تبديل الادوار او الاستعانه بدوبلير تانى000

يظهر انو الله جاب لى خروف كبير 00
يا ابراهيم00

*الخروف من المخرج000

mohammed alfadla
لاحولا...... سنما ومسرح وشعر

كل سنه وانت طيب
ربنا يحقق الامانى



عبدالغفار

عبد الغفار
و أنت أطيب
شكرا على التشجيع

الفاضلابي

(ضو أزرق خافت
الكاميرا تقرب
ويظهر انو القاعد
واحدة
أجمل من عصرية
وكرسي وخرطوش موية
أجمل من موية
أجمل من أجمل حاجة)


فاضلابى
شكرا
وقصيدة للعيد
تحملها كاميرتك النافذة
واحساس الكاميرا
واصل للروح
وانت تنادى
من اوسلو

كل الشوق
فى صرة ليك




سلام

عزيزي الفاضلابي
كل عام وانت طيب السنة الجاية النخلة اطول
تانيا محمود بتاع البيز بسلم عليك كتيييير وقال السنة دي يسمع جديدك انشاءاللة

فوق











باحلو





يا جميل





يا شفاف






سلام

قصيدة جميلة...
محمد الفاضلابي اخوي....
عرفتك من زمان بتسوي كل الحاجات ...
رسم...
شعر...
سباحة...
,بنات سمحات....
وكمان زاتو ود بحري ..اة
لمن سميناك hero

كمان جابت لية سينما ؟
غايتو...
.....هي غايتو القصيدة سمحة و فيها ريحتك....
,شكرا جزيلا علي التلفون الجميل...
.....
اسمع بالمناسبة رسل (قصيدة تويا)...كان لقيتاما غالية ...
عشان عندي شغل بيها كدا....




ضياء

dear all
sorry don't have arabic today
kolo sana ow into tayben
isam i will come back to tell somthing that i can't say in english
dia
i don't have nothing to do with cenima
but our friend talla afifi few days ago wrote somthing in the same way
and i felt like steeling the style to make a poem and i did
any way thank to tallal our cenima friend who gave me the whole thing up
mutaz
wait i am coming back
batta
thanx alot and tell mahmoud bita3 albase my regards
every body
coming soon

fadlabi

عصام
تعرف يا صاحب أن للحب مراقي
من ارتقاها كما يجب فنى
والفناء على رأي أصدقاءك النفري وابن عربي ،فناء عن ذاتك لذات من تحب و بذاته
فالهوى كما اخبرتني عنهم يأكل ما دخل فيه
فاحترس
عندي صاحب قال أن فتاة تشبه الصوت دست له السم في دفتر الجامعة
كتبت له عن الحب والهوى والعشق
فأصيب بالسهر و التدخين بشقيه
فاحترس

فاضلابى 00فاضلابى 00فاضلابى 00فاضلابى 00فاضلابى 00

أشعلينى بك من أظافرى
ومن هدأتك فى
أنقذينى
وأبنى قداسا لاعضاء الله المدفونة فى
الكهف المهجور:
ـلا ملجأ منك الا
اليك ـ
علىغصن دفلى
آيل
للموت0














سلام

على كفّك
آيل
للحنين:
ـ هو قلبى



من نص( لئلا أنام لئلا أصحو00) للشاعر اكرم قطريب

فاضلابى
تقبلونى فى جيلكم/ن

انتو جيل مدهش
بتدونى الاحساس بان الحياة جميلة ومليان ضراعها بالامل

لك كل المنى الفى القلب بحياة محتشدة بالحب

Ishraga Mustafa
طبعا بعد اذن محمد (اشراقه)00 انتى فايتانا وين0
مايهو مصيرنا فى يدك ومصريك معانا00الحجل بالرجل 000
وحاتك لم الاتى الا لان تعليقك فيهو حنين ما اعتيادى دفعنى بان اخط اخر قطرات حبر قلمى هنالانك تستاهلين00
انسانه جواك جوقه حاجه لسه ما شفنها منها شى000
تحياتى ليك والعيد كما تشتهين من الامانى ولصغيرتك00وكل الاسره00

*الفاضلابى00
نهاية المشهد الفى السيناريو ما مطابق للواقع00
ابقى اظهر 00
وياريت لو تحكى كمان عن ليالى بعانخى00
وايامها000

اشوفك فى الاستدويو بعد الشغل مايخلص المكساج والدبلجه 000
تحياتى ايضا 00
لطلال00
قرمبوز00
عصام00
ضياء00

اشراقة
ممكن انت تقبلينا جمبك
مكانك في أرواحنا لا بين جيلنا فقط
انت معانا طوالي

عصام
في الليالي الطوال *** اذ ينير العدد
غارق في الهيام *** قيل هذا بعد
ليت هذا الهوى *** بحره لو يحد
حرقتني الهموم *** يا حبيبي مدد

اما بعد
فالبلاد على حالها
والبنات شاهقات



شوق كثير
وسلام

تروتسكي
سأتصل بمعاليكم لمناقشة أشواق طارئة

معتز
اقدر افوتكم ويين
ما نتو فى نبضى
وفى عشم بكره البهتف بيهو
انتو الحنين
وضنا صباحاتى
ومن غيركم بينتحر حنين مساءاتى

شكرا يامعتز


الفاضلابى

انا منكم وفيكم
وفى جواكم
وفى خاطر مناكم
لبلد ماليك حد الغرق

اشراقة
.......
.......
.......
لم تتركي لي ما أقول

المشهد الرابع والعشرين
تلك البت الجنينة
تاخذ نصف دورة في اتجاه اليمين
وتقول (( اسمعني انا ماشة تجارة))
فياخذ الفاضلابي نصف دورة في اتجاه اليسار
ويبصق تلك السفة الانيقة مستخدما اصبعه السبابة وينحني قليل
البت الجنينة في حالة اندهاش تمام
انت بتسف؟؟؟
اقول ليك خلاص انا ماشه البيت
وعندما يتجاوزان ذلك الباب
يقول الفاضلابي خلاص اقول ليك اوصلك السوق السوق العربي
وهنا يظهر حميدو وهو يعرج عرجته الشهيره
ويقول الفاضلابي وهو ممتعض(( كل زو عاهة جبار وخاص الاعرج فهو عندما يمشي يشغل الملائكه عن زكر الله
ويشتت

وتصب مطرة في أسرة القانون المدني
ويتبلا قميص حبيب الكل الجديد
فيطنطن
يسقط عادل الفحل ذاتو...

يا لهذا الجمال ، يا لهذا البهاء ، يا لهذه الروعة
فاضلابي العزيز كل سنة وإنت طيب ، وشكرا لهذه العيدية ،،،
كل يوم بريدك أكتر..

أستاذي ود قاسم
(مجد المواسم والرجل الكثيف)على قول تماضر
أنا في سعادة لا توصف
بتعليقك هذا
فشهادة من يعلم ،يعتد بها
شكرا جزيلا
و أعلم أنني أحبك أيضا

فاضلابي و معتز والناس الجميلين الزاروكم

ده بوست بفرح عديل كده...
كلو سنة و انتو مدهشين

منى عبيد
أنا في اللحظة دي قاعد جمبي حسن الحاج وقال هو مشتاق ليك شديد خالص ذاتو
قمت غالطتو منو المشتاق فينا أكتر
وللآن بنتغالط

Fadlabi
!This poem is wearing a color different to your other works
It's very special and lovely
Great work
Thanks to u
Iman

فاضلابي العزيز ,
صاحبي ومتفقدي ..

قرأت "قصيده جديده" مذ أول يوم نزلت فيه على البورد ..
لخمتني وقرأتها عدة مرات ..
أكثر ما عجبني فيها حرية الحركه .
يبدو والله أعلم يا محمد أنه سيأتي علينا وقت تكون فيه
الفنون كلها compact , يعني يكون في عمل واحد فيهو سينما
وشعر ونحت ومسرح وموسيقى ..(الخ,..)..

.....
أنا أخذني العيد بخبزه وخبيزه وزياراته العائليه ..
اليوم ينسرب مني دون أن أحس به ..
.....

أقرأ السيناريو الإنت كاتبو ده فألحظ كل مره فكره جديده ..
كتابه فيها برق و تومض ..

....
أحتاج ان آتي مرة أخرى ,وأكتب مرة أخرى ..
لحينها أكرر مع إيمان :

Quote: Fadlabi !This poem is wearing a color different to you other works It's very special and lovely

...
طلال






______________________________
*Moy 35mm cine camera.
إبتكرها آرنست موي/Ernest Moy في
العام1909 (انجلترا).
المتن مصنوع من خشب المهوجني .





.

الفاضلابى0
سلام ياصاحبى00
اشواقك تغمرنى 0
انى اغرق 00اغرق00
عموما لازلت اطلب منك ان تسرد ايام بعانخى 00
فمنك للكلام سيره تانيه000

*اسمع مسرح ورقص كلاسيكى ينفع00
عموما لمن نجيك راجعين نشرح القصيده0
فالتفسير لم ينتهى00
هسسسسسسسس0
ابتدا العرض00

تروتسكي وبعد
مشتاقين

معتز الإمتحانات خلصت?

Quote: يبدو والله أعلم يا محمد أنه سيأتي علينا وقت تكون فيه الفنون كلها compact , يعني يكون في عمل واحد فيهو سينما وشعر ونحت ومسرح وموسيقى ..(الخ,..)..

حصل يا صاحبي
هنا والآن
قرب منزلي قاليري أسمه ram يعرض فن التركيب وهو تمامايطابق الوصف أعلاه
أنا عارفك عارف عنه لكن حأكلمك عنه زيادة يمكن يوم نعمل معرض تركيب سوا..أنا وأنت وعماد ببو وأميمة حسب الرسول
كل سنة وأنت جميل
وعالي
وعايش بأقل الخسائر


ممثلكم في بحر الشمال
والناطق الرسمي لحزب بلاطة أمام الحسناوات زرق العيون
محمد

أيمان صاحبتي السايبرية
كل سنة ونحن أصحاب
وانت جميلة
وبتشجعيني

محمد صاحبنا السايبري
وانت أجمل، وبتكتب وتحب وتغني للحياة الجميلة
فكرة التركيب مسيطرة علي من يوم ما إنت كتبت عنها.
في انتظار كلامك.
من سنوات لقيتني بشخبط بالكمبيوتر غير الطريقة التقليدية بتاعت الورق والألوان، واتخيلت المسألة ممكن تتطور.....
بيعجبني شغل الفنانين البقو يدخلوا فيه شويات
بتاعت تكنولوجيا وحركات تتماشي مع العصر وكده.
إليك هدية من أواخر الشخبطات..
السودان ينزف



طلال عفيفي
الكاميرا بدعة،
تماماً

أما العصور القديمة دي فيها حاجات،
غرايب!
لكما تحياتي
إيمان

أيمان الجميلة
برضو حصل
وياما في معارض للرسم بالكمبيوتر ،رسمك جميل مع انك مستخدمة برنامج بسيط جداpaint brush على ما أظن..!
شكرا على اللوحة..
محمد

إيمان
لو عايزة زول يحكي ليك عن الرسم بالكمبيوتر معانا راجل فنان جدا في المنبر اسمه أحمد المرضي
من أبرع السودانيين في هذا المجال
خشي فيه لفت وقولي ليه أنا الحرضتك

شكراً يا محمد علي التشجيع والنصائح
وفعلاً البرنامج هو paint brush البدائي جداً،
كنت زمان بستعمل برامج أحسن، منها واحد اسمه Corell Draw
إمكاناته أفضل بكتير.

الأستاذ أحمد المرضي شغله بديع، وعامل روائع
للاحتفال بشرحبيل، لهما الاثنين التحية.

تحياتي ليك يا فاضلابي
وأمشي بيت الصور بتاع قرمبوز
أكيد عندك بِدع تضيفها أكتر
ما تخاف
وحاول تنسي،
فهذا العالم ذاكرته مثقوبة
إشمعني نحنا وجيمس ناختواي يعني؟

هناك حأحكي عنه الكتير
سلام
إيمان

إيمان


مشيت لكن ما قدرت والله
حأحاول تاني
corel draw برنامج جيد و أنا شخصيا بحبه جدا
حاولي تسألي أحمد لأنه أكيد حيدلك على بلاوي
تحيات طيبات زاكيات




محمد

فاضلابى 000 يازول عووووووووك



دعوة لك هذا المساء
لن تندم , ضرورى ان تكون حاضرا000

ستلتقى امدر 00مع بحرى

تعال




سلام

الساعة كم
ونمرة ياتو تلفون

في إطار خطة رجل البر و الإحسان , الأستاذ عصام عبد الحفيظ
لرفع ظلم البلاد عن كاهل العباد فستنتظم هذا المساء "قعده"
في الصافية يؤمها الفنان "الجقر" .. وتأتي هذه السلسله من
اللقاءات الليله في إطار برنامجنا الموزاي الداعم والمضاد
ل"الخرطوم عاصمة للثقافة العربية " ..
سيحضر القعدة عقد فريد من الصبايا والفتيه , سنغني ونرمم
إعجابنا ببعض .

قد نتحدث عن التشكيل بشكل عابر ..
لن نتكلم في السياسة أبدا ..

والدعوة عامة ..


...
طلال

ياك الفاضلابي
بالله هي النرويج فيها تمباك

الساعة كم يا طلال
إنتو دايرننا نجي ولا لأ
ما تدونا التفاصيل كاملة يا شباب
لا حولا ولا قوة