انا لا كعيت لا انصقعتا

(انا لا كعيت لا انصقعتا لكن مافى غاغا فى امدرمان ما دخلتا فيها)

عبارة قالا استاذناشوقى بدرى اعجبتنى جدا وشفتا فيها روحى
انا كمان لا كعيت لا انصقعتا لكن مافى قعدة دورت انا ما فى نصها
فى جبل اولياء بيوت العرقى كلها بعرفا بيت كانى وبيت جلابية وبيت زينب وبيت فانى فى اسكندرية ياما رافقت الناس لبار المحبة وفى القاهرة ياما دفعونى الشيرنق وفى صنعاء ياما مشينا للبيع العرقى مع الكوارع داك وفى ليبيا ياما حتينا شجرة البلح ومشينا قطرنا العرقى
فى اجازتى الاخيرة جانى ضيف فى الجبل وقال داير عرقى قلتا ليهو انا ما متاكد من مكانو لكن تعال نمشى بنلقاهو مشينا حلة العساكر نشمشم نشمشم بس هنا شمينا الريحة لقينا بيت العرقى ملاصق مسجد انصار السنة

اتمنيت اشرب مرة واحدة فى حياتى فى رومانيا عزمت ماريانا عشاء فى الفندق الجرسون طوالى فتح قزازة الفن روشى وكبا لى انا قلت ما بشرب البت قامت بالقزازة كلها طلعنا من الفندق اصرت نرجع السكن كدارى ضربا الهوا وشالا الهوا شلعت وقعدت تغنى وقالت لى انت ما بتشرب ليه الشراب دا الذا حاجا فى الدنيا اها اليوم دا اتمنيت الفى راسا يكون فى راسى

`

الكلام وينو ياراوية

والله بس مشتاقه ليك

وحبيت اعاكسك لما لقيتك اونلاين

انا قبيل عديت على الموضوع دا وقريته وضحكت

مواضيعك عميقه وخفيفه ومتنوعه وحلوه حلاوه روحك
وعمق ثقافتك و خفه دمك

لكن تعاني الاهمال

راوية العزيزة

لمن ما يهببوا لينا فى بوست نقول زى ما قال اسامة الخواض الكلام عاى النوعية


يعنى نوعيا اطلالة راوية تساوى كتير

المرة الجاية بكتب عن مباراتى للمساطيل

Quote: انا كمان لا كعيت لا انصقعتا لكن مافى قعدة دورت انا ما فى نصها

كلامك دا كان بيقولو زول زكرتني ليهو

محمد سليمان (هندسه شبرا)............ كان برضو بيقول كدا

Quote: يعنى نوعيا اطلالة راوية تساوى كتير

دا كتيير

العزيزة راوية
قضينا ايام جميلة مع محمد سليمان هنا فى ابوظبى من 98--------2000
هو الان فى السعودية

ما كتير عليك ياراوية العباسى

محمد .. انت شهرا ما ليك فيه نفقه
بتقطر تمرو مالك ؟


ويسبر: والله انا ذاتي اتمنيتا تكون في راسك

اللهم اني صايم... ده كلام شنو وفي رمضان ... يازول استغفر... وبعدين شنو يعني لافي العالم علشان الكعه والصقعه.... اقول ليك حاجه ........... والا خليها بعد العيد وكل وسنه وانته طيب

شكرا على الامنية بار


وليم

اقول لا كعيت لا انصقعتا
تقول لى لافى العالم للكعة والصقعة

العزيز محمد لك التحيه يا اخوى انحنا الاثنين عندنا مشكله حنموت وعندنا حب استطلاع نعرف البحصل شنو فى راس الناس دى لمن تكع تنصقع او تكتح . انا مره واحده ضقته لكن غلبنى ابلع . سنه 71 لمن القذافى اختطف الطياره واعدم الاخ بابكر النور والاخ فاروق حمد الله وجعتنا الحقاره وذى هافتايم كامل بندق فى الليبيين فى السفاره انا انفردته بالسفير . لمن البوليس قبضنا كان ما اكلنا من اليوم القبليه بعد تعب وشكل جابوا لينا سندوتشات وبيره طبعا الدنماركيين بصحوا من الصباح قبل الشاي بشربوا بيره طلبت مويه قالوا لى فى الدنمارك مافى شراب غير بيره عاوز اشرب ولو ما شربته قبل كده اتعلم . قلت للضابط انا حاشرب لمن النظام الفى السودان ده يتغير .
اها يا ضراعى بعد ما نميرى طار جبت لتر شيفاز ريقال ومليت الكبايه اخدته لى جقمه حسيت بيهو طلع بعيونى ونخرينى . طوالى بزقتوا . سألت الجماعه ده بتشربوا كيف ضحكوا قالوا لى ده حرير بالنسبه لعرقى العباسيه .
الغريبه الملك فاروق ملك مصر كان مثال للدعاره الا انه لم يكن يشرب الخمر ابداً .. جماعه من اولادنا فى العباسيه وانحنا صغار حدود خمستاشر ستاشر سنه كده اتشاركوا جابوا ليهم قزازه عرقى وفى حفله فى الاربعين كبوا العرقى فى الكوز واخونا عبد الرحيم على حمد شال الكوز مليان لى عينو واحده من خالاتنا فى العباسيه قالت ليهو ياولد ادينى المويه دى قال ليها دى ما مويه قالت ليهوادينى , مده ليها الكوز قايلها طبعا حتشم الريحه وتقول برى . وحياتك الخاله صنقعت بالكوز رجعته فاضى بنفس واحد ولا حتى مطقت شلاليفها وبعد داك تعال شوف الشكله مع عبد الرحيم كيف يفرط فى الشغلانه .
فى ردى على مواجهات سياسيه فى التسعينات كتبت قديماً اذا اى واحد عاوز يرد على افكار انا مستعد اواصل معاهو لكن اذا اى انسان عاوز يتطرق للشخص والاصل والفصل فانا ممكن من الاول اديكم شهاده بأنه ابوى بقرطص وامى بتصفى وانا كنت بقطع مفاحض فى الترماج , وحقيقه ان البعض كان يمازحنا اولاد العباسيه بهذا الكلام . ولقد كنت بارعاً فى لف السجاره خاصه عندما يتعب الآخرون من اللف وكنت اعرف اغلب ستات العرقى ويمكن عن طريق الشم اعرف اذا كان العرقى داشر محروق او قد اضيف له السيكران .
ولك التحيه .
شوقى ...

صديقى العزيز ابو حميد - تحية واحتراما - وين يا استاذ

مبروك العيد عليك وعلى الاسرة الكريمة المدام والزهرتين سماح وسارة -

انا حبيت ارد بعد العيد عشان ما اجرح صيامى بالريحة -

حبينا نمر ونسلم والله يديك العافية
ودمت

الاستاذ شوقى
تحياتى
الغريبة انا اصلو ما عندى اى موقف دينى او اخلاقى من الشراب لكن الخوف من سيطرة العادة ابعدنى من الشراب والسيجاير
لكن الانس والونسة تعجبنى مع السكارا
جربت القات فى اليمن ولو العرقى والبنقو زى القات تكون فاتتنا حاجات لذيذة خالص

على اسماعيل كل عام وانتم بخير

الاستاذ شوقى
تحياتى
الغريبة انا اصلو ما عندى اى موقف دينى او اخلاقى من الشراب لكن الخوف من سيطرة العادة ابعدنى من الشراب والسيجاير
لكن الانس والونسة تعجبنى مع السكارا
جربت القات فى اليمن ولو العرقى والبنقو زى القات تكون فاتتنا حاجات لذيذة خالص

على اسماعيل كل عام وانتم بخير