Post: #1
Title: هام : AT بدلا عن @
Author: برهان تاج الدين
Date: 11-05-2004, 11:28 AM
الاخوة و الاخوات ..
اكثر الطرق شيوعا فى نشر الفيروسات عبر البريد الالكترونى هى عملية المسح التلقائى للانترنت للبحث عن العناوين المنشورة ثم اغراق اصحابها بالرسائل المفخخة . و هى عملية ( طرشاء ) لا تستهدف احدا بعينه . البرنامج يعتبر اى جملة على الويب فى وسطها @ هى بريد الكترونى .
لاحظت ان معظم الاعضاء ينشرون عناوينهم بهذه الطريقة .. و قبل ان تتوهط عناوينهم على الويب يبدا الاغراق . و تبدا الجرسة 
الرجاء ابدال العلامة @ بكلمة AT و كلنا سيفهم المقصود و من ثم ارجاع الرمزالى اصله عند المراسلة .
|
Post: #2
Title: Re: هام : AT بدلا عن @
Author: برهان تاج الدين
Date: 11-05-2004, 11:35 AM
Parent: #1
للاسف البروفايلات لا يمكن تعديلها لانها لا تقبل غير فورمات الايميل المعروف ..
يمكن التحايل على ذلك بوضع قوسين حول @ ..
اذا لم تكن الفاس وقعت فى الراس اصلا
|
Post: #3
Title: Re: هام : AT بدلا عن @
Author: Elnasri Amin
Date: 11-05-2004, 11:46 AM
Parent: #1
سلام يابرهان
كلام تمام التمام..و صحيح 100%
بس المشكله انو اللحظه التخت ايميلك فى البروفايل طوالى المشاكل بتبدا ..يعنى و بصراحة كده الموقع مستهدف..
قبل فتره عملت ايميل للربا و التلاف زى ما بقولو...و نزلتو فى اى موقع فى الانترنت و بعد فتره طويله(لاحظ طويله) باظ و رميتو الزباله,,
قمت عملت واحد تانى و ختيتو فى البروفايل طوالى المشاكل بدات و بسرعه خارقه
فى ناس قاعده متخصصه لتدمير ايميلات الاعضاء بالموقع
|
Post: #4
Title: Re: هام : AT بدلا عن @
Author: Adil Osman
Date: 11-05-2004, 11:54 AM
Parent: #3
فعلا مشكلة كبيرة يا تاج الدين والنصرى
اول ما نشرت بريد الالكترونى هنا فى المنبر الحر بقت تجينى رسائل ملغومة بمواقع عجيبة، وفيروسات متلتلة. ولحسن الحظ عندى برنامج للحماية من الفيروسات ولولا كده كان كمبيوترى لحق الزينين والشينين..
أؤمن على كلام النصرى ان هذا الموقع مستهدف بصفة خاصة. الله يكفينا شر المخربين والمخربات (عشان الجندريات ما يزعلن)
|
Post: #5
Title: Re: هام : AT بدلا عن @
Author: برهان تاج الدين
Date: 11-05-2004, 12:03 PM
Parent: #4
مرحبا نصرى و عادل .
تلك البرامج تستهدف المواقع ذات معدلات الحركة العالية . اعتقد س.اون لاين واحد منها . لذلك لا اعتقد بوجود استهداف . غايتو الله اعلم .
النصرى حفلتنا وين ؟
|
Post: #6
Title: Re: هام : AT بدلا عن @
Author: Elnasri Amin
Date: 11-05-2004, 12:11 PM
Parent: #1
| Quote: لذلك لا اعتقد بوجود استهداف |
يابرهان
ده الموقع السودانى الاول من حيث الحركه والزائرين...
اما الحفله فنحن فى انتظار المدعويين الذين تاخرو كثيرا عن الحضور
|
Post: #7
Title: Re: هام : AT بدلا عن @
Author: برهان تاج الدين
Date: 11-05-2004, 03:44 PM
Parent: #6
النصرى ما فهمتنى ...
قصدت اننى لا اعتقد بوجود استهداف للمنبر لشخوصه انما لحركته العالية ..
و برضو الله اعلم
| Quote: اما الحفله فنحن فى انتظار المدعويين الذين تاخرو كثيرا عن الحضور |
طيب رجعوا لينا الشيرنج
|
Post: #8
Title: Re: هام : AT بدلا عن @
Author: Sidig Rahama Elnour
Date: 11-06-2004, 03:29 AM
Parent: #7
الاخ برهان
سلام
أنا أضع أيميل على البروقايل يخص الشركة التي أعمل بها ، لانني أعتقد بأن لها مجموعة برامج ضد الاختراق والفيرسات ( كلامي ده صاح والا خارم بارم ؟ ) وهل تنصحني بوضع أيميل أم لا في البروفايل ؟
بعدين ياخ أنت كبرت خلاص في البورد ده وعجزت لمن دائرين يودوك الخدمة الإلزامية تقول للنصري الحفلة وين ؟ الله يعوضنا في الشيرنيج واللبسات الجديدة الأشتريناها للحفلة.
|
Post: #10
Title: Re: هام : AT بدلا عن @
Author: برهان تاج الدين
Date: 11-06-2004, 05:40 AM
Parent: #8
صديق يا دفعة ..
ازيك و رمضان كريم .
المشكلة الاولى هى الاغراق فى حد ذاته .. يعنى كل يوم تفتح بريدك تلقى عشرة رسائل مجهولة فالموضوع مزعج غض النظر عن محتواها ( قطعا 99% منها يحتوى على فيروسات او ديدان ) . و اشهرها فصيلة (حصان طروادة ) التى ما ان تتسلل الى جهازك حتى تبدا فى ارسال المعلومات عنك و رصد حركتك على الجهاز .
على العموم لا انصحك بوضع بريدك على البروفايل من غير ان تموهه .
-----------------------
كلامك صاح و الله يا دفعة .. كبرنا لكن برضو.. ح نزرزر النصرى
|
Post: #9
Title: Re: هام : AT بدلا عن @
Author: معتز تروتسكى
Date: 11-06-2004, 04:30 AM
Parent: #1
خالص التحايا...
اخى وحبيبى العزيز ..
برهان ازيك وصحتك..
كما ذكرت مشكلة الايميلات للزملاء الاعضاء فعلا مشكله ..انا من الناس الكانت بتجينى رسائل من احد الزملاء وكان محملة بالفيروسات واعلم انه لم يبعثها لانه حتى هذا الايميل لغاه فقط المشكله بيجى التسائل كيف بتم العلميه دى واذا كان الاعضاء تخلصوا من تلك الايميلات ..هل مازال مصطلح الهكر موجودا بيننا ام هو من هذا المنبر ام من ماذا ..
المشكله ياعزيزى برهان سيد الحوش زاتو مابجى عشان يهبب لينا ونعرف منو الحاصل شنو لكن ياهو ماشين فى السكه نمد..
بالمناسبه او تكون ايملاتى بتعمل ليك ازعاج لانى منتظر منك تحدث ايملك بتاع الهوت ميل التقفل او تعمل واحد جديد..عشان ارسل ليك الرساله بس لانو انا داك مابستعملو كتير لكن مؤمن ياباشا..
على العموم منتظر اخبارك..
وتحياتى للاهل ولك...
|
Post: #11
Title: Re: هام : AT بدلا عن @
Author: سجيمان
Date: 11-06-2004, 05:45 AM
Parent: #9
تسلم يا برهان فركة بنت ستين الف كلب..... لكن الخواجات ولاد مائة الف كلب
|
Post: #13
Title: Re: هام : AT بدلا عن @
Author: برهان تاج الدين
Date: 11-06-2004, 05:55 AM
Parent: #9
عزو ازيك
مشتاقيين ياخى ..
الحاصل يا معتز انو بيحصل استنساخ للعناوين (colon) . و بعداك تبقى خارجة من سيطرة صاحبها حتى لو اتقفلت او حصل ليها اى حاجة . حكاية الاغراق دى جرست العالم كلو و شركات كبيرة زى مايكروسوفت قالت الروب . بل جيتس قال متوقع حل بى نهاية 2007 .
الهدف ليس تخريبى بحت .. انما تجارى ايضا عن طريق تجميع المعلومات عنك و رصد حركتك على الشبكة و بالتالى تحليل عاداتك الشرائية و من ثم بيع المعلومات لشركات التسويق لاستهدافك مباشرة .. يعنى الموضوع كبير شوية و متورطة فيهو شركات كبيرة . (اكان عارفين عاداتنا الشرائية كانو قطع شك عفونا من الموضوع دة )
سيد الحوش دة شكلوا رمى طوبتنا .. و دى اسمها( اكلو ناركم )
----------
عارف كل يوم متوقع رسالتك .. و اعاين ليها .. و نسيت موضوع الهوت ميل .. ليك على هسة اعملو و اختو ليك هنا .. بالطريقة الجديدة
|
Post: #14
Title: Re: هام : AT بدلا عن @
Author: برهان تاج الدين
Date: 11-06-2004, 06:03 AM
Parent: #13
معتز هاك :
burhantageideen AT hotmail.com
لقيتنى كيف
|
Post: #16
Title: Re: هام : AT بدلا عن @
Author: معتز تروتسكى
Date: 11-06-2004, 06:19 AM
Parent: #14
شكيتك على الله 00
لقيتك مبالغه 000
واكيد برسل ليك فيهو رغم انو راسى فى البدايه لفه...
كنت داير اقول ليك رسلو لى فى الايميل العندك...
لكن ياهو..
يلا اانتظرنى..
*وياريت لو كنت اون لاين دلوقت..
|
Post: #23
Title: Re: هام : AT بدلا عن @
Author: معتز تروتسكى
Date: 11-08-2004, 06:47 AM
Parent: #14
بيبو ازيك 00
انتظرته منك شى يورينى الحاصل شنو ما عرفتخ داير ارسل ليك وماعارفك رسيت على شنو 00
لفيت لى راسى مره واحده بل at دى ..الرساله منتظراك بس انت قول عووك 00
اضفيتك برضو ما شايفك اون لاين00
نورنا بيبو00
تحياتى كتير ليك 000
يلا منتظرنك
|
Post: #24
Title: Re: هام : AT بدلا عن @
Author: برهان تاج الدين
Date: 11-08-2004, 03:18 PM
Parent: #23
عزو ..
الليلة اليوم كلو افتح فى الميل ..
و اجرى و اجيهو تانى
بس تشيل ال AT و تخت بدلها @
اقوليك حاجة .. عشان اسهل ليك الموضوع .. تلقى رسالة منى فى الياهو .. بس اعمل ليها Reply :
المشكلة اخوك صايم فى الخرطوم ., و بخش النت عبر Firewall ... يعنى مسنجر ما لاقى ليهو طريقة خالص ..
يللا مستنيك .
|
Post: #26
Title: Re: هام : AT بدلا عن @
Author: معتز تروتسكى
Date: 11-09-2004, 04:35 AM
Parent: #24
بيبو ...
وحاتك الرساله جاهزه بس الكان مخلينا ملاوزين ايميلك ده وقالوا الخواف ربى عيالو المهم رسلناها بى تقاريرها ...
ويلا اتوقع ردك عشان ارعرف وصلتك..
افوتك بعافية....
|
Post: #12
Title: Re: هام : AT بدلا عن @
Author: Raja
Date: 11-06-2004, 05:49 AM
Parent: #1
العزيز برهان..
ســــلام..
شكرا لك على الفكرة الجديدة التي سيعرف الهكر طريقة لإختراقها ايضا  ..
انا غايتو اي ايميل يجيني ان شا الله من راوية اختي ما قاعدة افتحو الا الزول يتصل بي ويقول لي هو او هي رسلت لي ايميل.. وكمان 2 شهود..
لووووووووووووووووول
المهم.. المنبر مستهدف لشخوصه.. أقولها وأنا أعرف عن ماذا اتحدث..
وكلنا في انتظار الحفلة..
|
Post: #15
Title: Re: هام : AT بدلا عن @
Author: برهان تاج الدين
Date: 11-06-2004, 06:10 AM
Parent: #1
سجيمان ازيك ..
. | Quote: لكن الخواجات ولاد مائة الف كلب |
و الله كلامك صاح ..
لكن ليك على ..الفكرة دى بتدينا سنة لى قدام .. بعداك الله كريم
شكرا للطلة ..
|
Post: #17
Title: Re: هام : AT بدلا عن @
Author: برهان تاج الدين
Date: 11-06-2004, 06:52 AM
Parent: #15
رجوية ازيك ..
ليتغلب الهكر على هذه الطريقة فعليه ان يتخلى عن المسح العشوائى ( سبب الاذية ) . او فعليه جمع اى جملة فى الانترنت تحتوى على كلمة AT ( حوالى كم مليار الا شوية ) .. ثم يغربل مرة اخرى .. واذا فعل ذلك .. حلال عليه عناويننا بعد الشقاوة دى .
| Quote: .. المنبر مستهدف لشخوصه.. أقولها وأنا أعرف عن ماذا اتحدث |
اكيد انت تعرفى عن ماذا تتحدثين ..
ما اود قوله ان الاستهداف الذى يعانى منه أعضاء المنبر هو جزء من الاغراق العام الذى يعم الشبكة فى هذه الايام و يتخير من المواقع اكثرها حركة .. ليضمن من الصيد انشطه .. لذلك لا داعى للهلع و اخذا الامور بمنظور شخصى . .. و انما بعض الاحتياطات البسيطة تقى الناش شر الازعاج .
اما الاستهداف ال (تحت تحت ) فاكيد موجود .
| Quote: انا غايتو اي ايميل يجيني ان شا الله من راوية اختي ما قاعدة افتحو |
انا غايتو .. كان جانى ايميل من راوية ...فيروساتو يتونسن بى برة ..... برضو بفتحو !
|
Post: #18
Title: Re: هام : AT بدلا عن @
Author: Ahmed Khalil
Date: 11-06-2004, 07:09 AM
Parent: #17
|
Post: #19
Title: Re: هام : AT بدلا عن @
Author: برهان تاج الدين
Date: 11-07-2004, 01:23 PM
Parent: #18
الاخ احمد خليل
سلامات
غايتو الشمس دى غلبتنى تب .
لكن ح اعتبر انو الفكرة عجبتك,
بما انو كدة .. شكرا يا حبيب
|
Post: #20
Title: Re: هام : AT بدلا عن @
Author: samo
Date: 11-07-2004, 01:59 PM
Parent: #1
Quote: العزيز برهان..
ســــلام..
شكرا لك على الفكرة الجديدة التي سيعرف الهكر طريقة لإختراقها ايضا ..
انا غايتو اي ايميل يجيني ان شا الله من راوية اختي ما قاعدة افتحو الا الزول يتصل بي ويقول لي هو او هي رسلت لي ايميل.. وكمان 2 شهود..
لووووووووووووووووول
|
لوووووووووووووووول ساكت يا رجاء......... والله لوووول لمن غلط ..
والله ضحكت من كلامك دة لمن جانى وجع ركبة ..
شكرا يابرهان .. وحنتبع فكرتك لحد ما يلقو طريقة ويفرتكو امو ..ال AT بتاعتك دى ..
|
Post: #21
Title: Re: هام : AT بدلا عن @
Author: Ridhaa
Date: 11-07-2004, 02:39 PM
Parent: #1
الاخ برهان تاج الدين
سلام
شكرا لهذا البوست المفيد.
مرارا وتكرارا قمت بابلاغ أعضاء المنتدى بخطورة الفيروس المسمى بحصان طروادة The Trojan horse دا فيروس خطير لو ضرب جهازك يحلك الحل بله ... وأؤكد لك بأن 99.99% من اجهزة أعضاء المنبر مصابة بذلك الفيروس المدمر .
الشئ الثاني يقوم الهكر بتزوير الايميل الخاص بالاخ بكري وذلك بتغيير وتبديل بعض الحروف مثلا لاحظ الفرق بين التالي
[email protected] افرض هذا ايميل حقيقي
[email protected] هذا ايميل مزور
ممكن تلاحظ الفرق بين الاثنين هنالك حرف E زائد
هذه واحدة من مصايد الهكرز يرسل ليك ايميل وانت تفتكر انو دا بكري وتقوم بحسن نية تديه المعلومات وخلافه ..
أو تكون الرسالة ملغمة بمرفقات عندما تفتحها تقوم بالتدمير او التجسس .
نرجو من الجميع الحرص والتأكد من مصدر الرسالة قبل فتحها فبذلك تضمن سلامة الجهاز .
وكل عام والجميع بخير
|
Post: #22
Title: Re: هام : AT بدلا عن @
Author: Ridhaa
Date: 11-07-2004, 02:59 PM
Parent: #1
ايام هجوم الهكرز على المنبر اذكر واحدة من الاخوات وصلها بريد فيه مرفقات ومكتوب انه وارد من بكري فحرصا منها قبل فتح الايميل عملت بوست للسؤال هل هذا عنوان بكري الحقيقي علما بان عنوان بريد بكري كان مثبت في الصفحة الاولى
المهم ردت عليها الاخت طيبة القلب راوية بحسن نية بان ذلك هو العنوان الصحيح علما بانه كان المزور
فتدخلت ولكن بعد فوات الاوان وقمت بعمل بوست لتنبيه الاعضاء لذلك .
الحرص وعدم التسرع مطلوبين
|
Post: #25
Title: Re: هام : AT بدلا عن @
Author: nour tawir
Date: 11-09-2004, 01:20 AM
Parent: #1
الاْخ العزيز برهان
مساء الخير
تجدنى أكثر الناس ضررا من حكاية الايميل هذه.
وعلى العموم تشكر على الوصفة وسوف أجربها أنشاء الله.
سلام...
|
Post: #27
Title: Re: هام : AT بدلا عن @
Author: برهان تاج الدين
Date: 11-09-2004, 06:25 AM
Parent: #25
الاخ رضا
سلامات و شكرا على المرور .
على قولك .. قليل من الحرص و التريث .. تمنع بلاوى .
|
Post: #28
Title: Re: هام : AT بدلا عن @
Author: برهان تاج الدين
Date: 11-09-2004, 06:35 AM
Parent: #25
عزيزتى نور ..
منورة البوست و الله .
| Quote: تجدنى أكثر الناس ضررا من حكاية الايميل هذه |
طبعا ... لازم .
ابقى عشرة يا استاذة .. و افتحى عيونك ...
و لو احتجتى اى مساعدة ,, أأمرى ,,ّ
مع ودى ..
برهان
|
|