بـورداب الإمــارات .. أصحـي يانايـم .. وحـد الـدائـم

الـرائعين دوما أحلـى بورداب،،،
تحية وشـوق كمية،،
رمضان كريم وتصوموا وتفطروا على خير ،،
طال الغياب ووركود النشاط الإجتماعي والثقافي خلال الفترة الماضية ولنجد العذر للجميع في دوامة الدوام ومشاغل الحياة وضريبة الغربة والإغتراب من سلب لإرادة المرء وتسييره لاتخييره ..
هل لنا ان ننعم بلقاء الاحبة في أمسية رمضانية نعيد فيها بعض مما كان من جميل الايام وتواصلنا الإجتماعي الفريد ولتكن سانحة نتعرف فيها على الذين إنضموا لركب البورد ولم تتح لنا الايام شرف الالتقاء بهم ولتكن ساعات نطوي فيها عتمة الايام الماضية عبر صفحة بيضاء نسطر فيها بمداد الحب عهد التواصل للابد..
تحية لكل من سأل عنى خلال فترة انقطاعي عن البورد لظروف العمل وتحية لكل من شغلته ظروف العمل وكان في عداد المبتعدين وعوداً حميدا للجميع ..
ثمة إقتراح في الدعوة لافطار جماعي بمناسبة الشهر الفضيل وإحتفاء بألاخوة عرسان البورد الغاليين :
الزنجي
خالد عويس
والرائعة ساره ٍSakatawya

الحبيب الجريفاوي (بعادك طال ياالغالي) وبرنامج دون إشراف جمل الشيل لن تقوم له قائمة ..
الرائع أ.على إسماعيل ذو اسلوب ساحر ومؤثر في لم الشمل و حشد جموع البورداب عبر شخصيته المحبوبه بين البورداب أتمنى ان يقوم باتصالاته وسط البورداب من اجل إنجاح اللقاء.
الاعزاء الغاليين ،،
أرجو التواصل من اجل الإتفاق على موعد ومكان البرنامج والذي اقترح ان يكون بناء على موقع تواجد غالبية البورداب ..
للتنسيق رجاء الإتصال على
سمؤل شلبي 0507671615
محمد سيداحمد 0504912637
رجاء ثم رجاء وتاني كمان رجاء الحرص على المشاركة .
ولي قدام،،،

قولــتوا كــده ؟؟؟؟ على كييييييييييييييييييفكم .

بس ديل@@@ يا الشلبي
أنا زعلان جد@@ أسأل الزنجي

سلام لكل البورداب ورمضان كريم وكل سنة والسودان بالف خير وعافية
وسلام لبورداب الإمارات .... رمضان كريم ومستعدين للفطور بس قبل يوم 23 رمضان لأننا ماشين نلحق العيد في السودان وتشكر يا شلبي على المبادرة.

شلبتي الحبيب

انا ما قلتن ليك اعمل لي اتصال سريع ووصلك الكلام ده

يا ابني انا قلت الكلام ده من اول ايام رمضان

ولم اعبر اخير انت انا اسي والشباب عبرناك انا لحدي ما اختفي البوست مافي زول عبرني ساكت

ya bordab
Abdullah babiker,shalabi
Ana jayeekom after one month inshallah,7ata3malo lay shnooo
i miss all bordab UAE

your,
sari_alail

الأخ العزيز شلبي و جميع بورداب الإمارات
رمضان كريم

ألف ألف شكر على إهتمامكم و والله نحن معاكم معاكم بالتليفون .. و رونا المواعيد و نحن بنضرب ليكم ... أها كده كيف ؟

ساره و بدرالدين

الصديق الصدوق / شلبى - رمضان كريم

والله مقصرين وغلطانين - انشغلنا بهموم رمضان والدنيا ام بنايتن قش -
شكرا على التذكير - وبالذات برنامج الاحتفاء بالشباب العرسان -
انا قبل اسبوع تقريبا كنت والصديق عبدالله بابكر فى نقاش وعتاب حار جدا لبورداب الامارات وتطرقنا حتى لبوست الصديق العزيز عباس فيما يخص الفطور الرمضانى ولكن حينها قلت للاخ عبدالله بابكر انا والله خجلان اعقب او اداخل اخونا عباس ونحن حتى الان ما حسمنا موضوع الاحتفاء بالعرسان
فهذا البوست اراحنى من الكثير فانا معك وساتصل بيك وننسق فيما بيننا - و لازم يتم الاحتفاء بالعرسان يلا سيبو الكسل ونحن جاهزين الاستاذ /خالد عويس والاستاذ /الزنجى يستاهلوا اكثر من احتفاء .
اما فطور رمضان حددوا اليوم وانتم معزومين معاى انشاء الله لكل بورداب الامارات وهذا رقمى
0508818970

لكم الشكر والتقدير

الاعزاء الغاليين،،
ابو القنفد والله ماعندي خبر إنشاء الله خير!! إفتقدناك طوال الفتره الماضية ونتمنى ان يجتمع الشمل في رمضان .
الغالية إشراقة حمد الله على السلامة وعودا حميدا ، طال الغياب وما اجمل العودة بروح الوطن ،والله همة الشباب معانا هي التى تمكننا من ان يتم اللقاء قبل التاريخ المذكور وفي كل الحوال نبقي على وعد اللقاء .
الحبيب عباس ،، والله انا البوست المذكور (ما شفته قبل كده) ولكن اعتقد ان نتيجة البوستين ستكون واحده(طناااااش).
العزيز ساري الليل،،
عودا حميدا ولك الوعد منا بالتواصل .

سوأل
ماهي الجملـــة المفيده ؟؟؟ بقيتوا على شنو ؟؟؟ متين وكيف ووين؟؟؟

ودمتـــــــــــــــــــــــــم،،

سلام الاخ شلبي

رمضان كريم

مستعدين حددوا وقللوا لينا نعمل شنو

نحن حاضرين بكل انوع المشاركة

وكما قال الاستاذ علي
انا قبل اسبوع تقريبا كنت والصديق عبدالله بابكر فى نقاش وعتاب حار جدا لبورداب الامارات وتطرقنا حتى لبوست الصديق العزيز عباس فيما يخص الفطور الرمضانى ولكن حينها قلت للاخ عبدالله بابكر انا والله خجلان اعقب او اداخل اخونا عباس ونحن حتى الان ما حسمنا موضوع الاحتفاء بالعرسان

الرائعة دوما ساره Sakatawya
رمضان كريم وكل سنة وانتم بألف خير ،،
أجمل التهاني والتبريكات بمناسبة الزواج وبالرفاء والبنين إنشاء الله ..
لك التحية والشكر على التجاوب وأتمنى ان تكتمل المشاركات من الزملاء وخروج البرنامج بصورته المتكاملة ليتم تحديد الزمان والمكان سنكون على إتصال إنشاء الله...
ودمتم،،،،

الاعزاء الغاليين ،،
الاخ الغالي أ.على اسماعيل ،،،
العزيز عبد الله،،
لكم التحية والود،،
لعل مشاغل الحياة قد انستنا الاحتفاء بالاخوة العرسان والذين لحقت بهم الرائعة ساره من أبوظبي والقادم اكثر ،، ولتكن امسية الافطار بمثابة سانحة نحتفي فيها بالعرسان في ليلة رمضانية نتمنى ان نتشرف فيها بحضور جميع البورداب ..

اقترح ان تكون مدينة دبي مكانا للقاء لتوسط موقعها الجغرافي وسهولة الوصول اليها للجميع خاصة من لاتتوفر لديهم وسيلة انتقال..
يفضل أن يكون اللقاء نهاية أسبوع (أربعاء - خميس -جمعة)...
ولنتواصل من اجل المزيد من التنسيق ،،
ودمتم ،،

سلام
بس معليش عندي طلب لو ممكن يتحقق انو اليوم يكون يوم جمعة لانو انا دوامي حتى الساعة الرابعة يعني بعدها بكون طافئية موية ونور ولكن اذا بتعارض مع الاغلبية حددو انتو وبرضو بنجي

اهلين ببودراب الامارات بدون فرز

كيف عاملين مع رمضان

معليش كالعادة انا بجي متأخرة

حددوا البرنامج يكون بتين

وحاضرين
باي

العزيزه مناهل
الرائعة بت الاحفاد2001 ،،
تحية طيبة وكل سنة وانتو طيبين ورمضان الجاي انشاء الله ......
تحديد مكان وزمان الامسية متروك للمناقشة ولا اعتقد ان هناك خلاف في اقامته يوم الجمعة ليتناسب مع الجميع(بس كدى ماتجي يامناهل) والامر متروك للنقاش ..
بت الاحفاد2001 ،،
البركة في الطلة وياريت رمضان ده يجي كل شهر ،،نحاول التوصل الى تحديد الموعد وتفاصيل الامسية مع البورداب ..
ودمتم،،

الاخ شلبي
سلام
على فكرة ... فضل ليكم جمعة واحدة هي الممكن يكون فيها الافطار لانو الجمعة البعدها ممكن يكون في ناس مسافرين حتعملوا شنو

ويا حليل بت النيل اسة كانت قالت لي انت في اي مكان نحن بنجي ناخدك وانت عارف انا ضعيفة قدام السيارة كيف

ودمت

العزيزه مناهل ،،
مالك مصعباها كده ؟؟؟ لو ما الجمعة تكون خميس ولو ما خميس أربعاء ..
اما عن حضورك فأنا التزم بتوصيلك (ذهابا وإيابا) ما تشيلي هم ..

نفتقد بشدة الرائعة النشطة(شذى) يابت يانيل فهي علم في رأسة نار ، ففى الليلة الظلماء يفتقد البدر.
نتمنى لها حياة أجمل ومستقبل أرحب حيثما حطت رحالها في دول العالم الاول ..

ولي قدام،،،

الكتيابــــى ؟
محمد سيداحمد ؟
الجريفـــاوى ؟
تاج الســـــر ؟
عـــــــباس ؟

سلام يا جماعة

بالنسبة لي يوم الجمعة كويس

حددوا المواعيد و انشاءالله خير

اها متييييييييييييين

غايتو انا يوم الجمعه مابجي يا حبايبنا

يوم الخميس معقول والله لينا كلنا علا يوم الجمعه الصباح مافي مشكله

الحبيب علي اسماعيل كتبتنا مالك

شلبي يا عسل الاخبار عندك شنو

الرائعين أحلى بورداب،،،
تحية وود ،،
اتفق مع الحبيب عباس في ان يوم الخميس هو الانسب وذلك مراعاة لظروف الاخوه المقيمين في الامارات البعيده نسبيا من دبي حيث يتعذر الحضور والعودة ليل الجمعة(و بعدين دوام السبت ده من زمن المدرسة تعيس)..
الغالي أ.على سأتصل بك مساء للتنسيق والتشاور..
حقا نفتقد الرائعين المذكورين وإنشاء الله يكون لقاء الافطار بمثابة (لم الشمل) ويا جريفاوي (بعادك طااااااااال)..

الاعـزاء أحلـــى بورداب،،
تحية وشـوق كمــية،،،

بعد مناقشة جميع المقترحات فيما يختص بالأمسية الرمضانية فقد تداولنا الامر مع الاخوة البورداب الذين أمكنناالحصول على ارقام هواتفهم وبالتنسيق مع الاستاذ على إسماعيل بحكم علاقاته المتميزه بفندق الطائرة وقد تم وضع تصور بان تكون تفاصيل الامسية كالتالي:

المكان : فندق الطائرة **** (مقابل دوار برج نهار - ديره - دبـي)
الزمان : يوم الخميس الموافق 4/11/2004 ( الإفطار)

سيكون الإفطار عبارة عن بوفية مفتوح بمساهمة وقدرها خمسون درهم للفرد ويستثنى المحتفى بهم . كما وان هناك محاولات جاده لعمل برنامج مصاحب يليق و عظمة المناسبة ..

نرجو تأكيد المشاركة من عدمها حتى يتمكن الاستاذ على اسماعيل من تكملة الحجز حيث ان اجراءات الفندق تتطلب تحديدعدد المشاركين.
ما زال باب الاقتراحات مشرعا على مصراعية لمساهمة البورداب من اجل إخراج الامسية بالصورة المثلى..
ودمتم علـى عـهد التواصل أوفياء

فــــــــــــــــوق للأهمــــــــــــــية

صباح الخير يا جماعة

للاسف ما حقدر احضر الخميس لارتباطي بعزومة افطار

شكرا

الاخت إنسانة ،،،
تحية طيبة،،
تمنينا حضور الجميع وسنفتقد حضورك بكل تأكيد ،
ويبقى الرجاء بالمشاركة والتواصل مستقبلا.
ودمتي،،

الاخ شلبي

سلام

اعتذر عن الحضور .... مع تمنياتي بافطار هنئ وسلامي العميق للمحتفي بهم واكيد اكيد حايضيع على فطور مدنكل وكدة

انااااااااااااااااااااااااااااااا واحد

انا اتنين

الغالي عبس،،
الرائع الغائب الحاضر Zico ،،
تحية وود،،
اها وانا ثلاثة ,,,
وبالمناسبة سعدت جدا بتواصل الغالي جدا الجريفاوي والجميع موعود بلقاء فوق العادة إنشاء الله.

الاخوان الاعزاء


انا مرتبط بافطار جماعي في العمل ولازم احضره

بس حا اجي بعد الافطار والحق البرنامج المصاحب بالاحتفال بالعرسان

وربنا يجمعنا دائما في الخير

الاعزاء الغاليين،،،
تحية وود،،
التعازي القلبية الصادقة للجميع في وفاة حكيم العرب زايد الخير ونسأل المولى ان يتقبله قبولا حسنا..

نسبة لتعذر حضور الكثير من البورداب للامسية يوم الخميس و افساحا للمشاركة الجماعية مع الاخذ بعين الاعتبار لحتمية العطلة ليوم السبت فقد تم تأجيل الامسية ليوم الجمــعــــــــــــــــــة في نفس الزمان والمكان المحددين سابقا( فندق الطائرة - دوار برج نهار - ديره -دبي )...
الرائعين :
إنسانة
مناهل
عبدالله بابكر
محمد سيد احمد
أعتقد ان سبب الاعتذار وهو الارتباط بدعوات يوم الخميس قد انتفى وسنتشرف بحضوركم بكل تأكيد...

الجمـــــــــــــــعة
فندق الطائـــــــــرة
ولي قدام ،،،،،

يعتمد

الرحمه للشيخ زايد

الغالية إشراقة حيمورة ،،
ارجو الاتصال على رقم هاتفي الموضح اعلاه لاننى وبكل اسف فقدت رقم هاتفك وتعذر الاتصال للتنسيق .
الاخ عبد الله ،،،
حلوة يعتمد دي ،،

الرائعين البورداب،،،،

الـزمــان :الجــمعــــــــــــة 5/11/2004
الـمكــان :فنــدق الــطائــــرة ( دوار برج نهار - ديره - دبي)

ولي قدام،،

يا بورداب دبي الحلويين.. كدي يوم أطروا بورداب أبوظبي.. والله نحن ممكن نعمل لينا لمة هنا ونشوفكم وتشوفونا...سامحونا في التقصير
صديق منصوري

الاخ منصوري،،
تحية وود،،
نتمنى ان نتواصل مع الاخوة في ابوظبي ولكن التجبة تبرهن بان كل المحاولات السابقة فشلت بسبب عدم جدية الاخوة في ابوظبي ..
تشرفنا بتواصل فريد من بعض البوداب في ابوظبي ومشاركتهم في مختلف المناسبات:

حمزة سليمان
سوركتي
sakatawya
أعملوا ليكم همة ونحن حاضرين.
ونتمنى ان نتواصل مع الجميع،،

الاخ الصديق / شلبى - التحية والاحترام

تشكر كثيرا على هذا المجهود الجبار


للتاكيد

Quote: الرائعين البورداب،،،، الـزمــان :الجــمعــــــــــــة 5/11/2004 الـمكــان :فنــدق الــطائــــرة ( دوار برج نهار - ديره - دبي) ولي قدام،،

الحبيب علي اسماعيل

الحبيب شلبي

كدي اكدو لينا في افطار ولا لا عشان الواحد بيتحرك متاخر وما تخلونا ندفق مويتنا علي الرهاب

شلبي الدكتور ما اتصل علي زي ما انت قلت لي

الغالي أ.علي اسماعيل،،
الحبيب عباس ،،
تحية وود،،
نقدر الجهد الكبير الذي يقوم به الاستاذ علي وتنسيق بين البورداب و
ترتيب مع الفندق حرصا على تواصل الجميع.
الشغلانةإفطار تقيل أبقي جاى وما تشيل هم).
سأرسل لك رقم الدكتور Business Card

الـرائعة سـارة Sakatawya
حاولت الإتصال بك مرارا على رقم الموبايل القديم ولكن يبدو انه (مغلق)..
أرجو تأكيدالحضور يوم الجمعة 5/11
فندق الطائرة -مقابل دوار برج نهار - ديره - دبـي
ودمتم ،،،

فوق

العزيز شلبي و جميع بورداب الإمارات ..

أشكركم جميعا على المجهود الجبار و والله ما بتقصروا

أنا في الولايات المتحده و سافرت من يوم 23 \9 ... إنت ما عندك خبر و لا شنو ؟؟

قصدنا أنا و زوجي مشاركتكم عبر الهاتف من على البعد لشكركم جميعا ..

نتمنى لكم فطور مدنكل و كان نفسنا نكون معاكم ... أها ورونا الحاصل

ولي قدام

ساره و بدرالدين[B/]

فووووووووووووووووووووق

الغــالية Sakatawya
تحية وود،،،
باللللللللللللللللللللله (إطرشني كان سمعت) ..

ربما لتواجدي خلال العطلة الصيفية بالسودان لم اعلم مطلقابموضوع سفرك وكنت اعتقد انك مازلت بأبوظبي ...
اتمنى لك حياة زوجية سعيده وإقامة طيبة في الولايات المتحدة ..
التحية والتهاني عبرك الى زوجك واتمنى ان نلتقي في ساعات خير إنشاء الله ...
ودمتم،،،