Post: #1
Title: البطل السوداني يغتال الشرطة العراقية
Author: keiga2000
Date: 10-25-2004, 10:16 PM
بالامس حقق مريخ الامجاد مريخ البطولات المحمولة جوا مريخ الإنجازات اول انتصار له في بطولة الشيخ راشد آل مكتوم وحقق انتصار اسعد به الامة السودانية بلونيها الاحمر والأزرق وجماهير المهجر والجالية السودانية بدولة الامارات بثلاثية نارية لكل من عبدالحميد عمار (السعودي) بهدفين رائعين وهدف للاخطبوط العجيب فيصل العجب الا ان المريخ تراجع في اخر الشوط الثاني ليتمكن فريق الشرطة من احراز هدفهم الاول والاخير لتنتهي المباراة بفوز المريخ بثلاثية مقابل هدف
بين المشجعين السودانين والاعلام السودانية ظهر علم الهلال مما يدل على الوحدة والتكامل في التشجيع فجزاكم الله الف وانشاء الله في المسرات
|
Post: #2
Title: Re: البطل السوداني يغتال الشرطة العراقية
Author: تاج السر حسن
Date: 10-26-2004, 04:44 AM
Parent: #1
يا كيغا علم الهلال ماظهر حبا فى المريخ لكن لأنهم (الهلالاب الزعلانين) وبرضو نحنا بنهنئ المريخ الفريق الوحيد فى العالم الذى يهتم بالمنافسات والمباريات الوديه التى يحولها الى أنجاذات مزيفه ، علما بان الفرق الأخرى تستغل هذه المنافسات لأختبار لاعبين جدد أو للمزيد من الأحتكاك.
يفعل كل ذلك فى الوقت الذى يجوب فيه أخوان (عازة) و(مهيره) و(نورة) غابات أفريقيا يقاتل مع أنديتها القوية الشرسه.
|
Post: #3
Title: Re: البطل السوداني يغتال الشرطة العراقية
Author: keiga2000
Date: 10-26-2004, 10:57 PM
Parent: #2
هو بلاي الشايل العلم دا ما انت انا افتكرتك انت والتمست فيك هذه الروح الاخوية لكن اثبت لي انك فعلا مريخابي زعلان عشان كدا ماممكن ترجع تاني لتشجيع بطل السودان الاوحد في المحافل الدولية دوريا ووديا بس المصيبة الناس الماقدرو على الودي ولا الدوري ديل بعدين ياخوي انت الكونفدرالية دي مقتنع بيها فريق يغلب في بلدو ينغلب خارج بلدو حتى الان مافي فريق متفوق دا يدل على ضعف المستوى وفعلا دا مستواكم البوقعكم في بطولات مثل هذه وانتو الوديات ديل غير الفضائح جبتو منهم شنو في الامارات فضحتونا في السعودية فضحتونا في مصر فضحتونا حتى كاس سيكافا في السودان فضحتونا فيه كنا عاوزكم تشاركونا الكاسات الدولية لكن ياخسارة بعد دا ما اظن الهلال يشيل كاس تاني
هذه دعوة لك من موقع المريخ بابوظبي للحضور ولازم تشيل علم الهلال معاك عشان الوحدة
معكم نقف مع مريخ السودان .... بكم نقف مع مريخ السودان .... تعالوا نقف مع مريخ السودان
الوهاج يسطع في دبي
في دورة الشيخ راشد بن محمد بن راشد من 25 /10 الى 10 /11
مواصلات و جوائز
من و الى النادي السوداني ابوظبي قبل كل مباراة
معكم نقف مع مريخ السودان .... وبكم نقف مع مريخ السودان .... تعالوا نقف مع مريخ السودان
رابطة المريخ بأبوظبي
|
Post: #4
Title: Re: البطل السوداني يغتال الشرطة العراقية
Author: على اسماعيل
Date: 10-26-2004, 11:20 PM
Parent: #3
الاخ كيقا 2000 - لك التحية والاحترام
رمضان كريم وتصوم وتفطر على خير
يا سلام انا كنت هناك مؤازرا للمريخ (السودان) بدعوة كريمة من راعى الدورة - المهم يستفيد المريخ من الدورة وبالتوفيق انشاء الله .
الهلال له اسهامات والمريخ ايضا فى الكرة السودانية وكل له نجاحاته وله اخفاقاته فالاتحاد والوقوف مع المريخ مطلوب فى هذه المحافل وبالمثل ايضا ينطبق على الهلال عند تمثيل السودان -
نسأل الله للهلال التوفيق فى التصفيات الافريقية وللمريخ التوفيق فى جائزة الشيخ راشد الدولية . ولكن اقول لك وبدون تعصب الهلال دوما يلعب مع الكبار والفرق بين يا صديقى .
ولكم جميعا الود والتقدير
|
Post: #6
Title: Re: البطل السوداني يغتال الشرطة العراقية
Author: keiga2000
Date: 10-27-2004, 00:30 AM
Parent: #4
الاخ علي اسماعيل اشكرك على المداخلة
واي فرق كبار بتقصد دا مازاتو التعصب الهلال نحن بنتمنى ليه يحرز كاس خارجي حرام عليكم في كل الدول نجد ان هناك فريقين مشهورين يمثلان قمة الكرة في الدولة ويتشاركان حتى في احراز الكاسات المحمولة جوا فمثلا في مصر الاهلي والزمالك وفي تونس الترجي والافريقي وفي السعودية الهلال والاتحاد ومرات الاهلي وفي قطر السد والاتحاد وهلمجرا لكن في السودان فريق واحد هو الاحرز الكاسات الخارجية سواء مناسبات او منافسات دولية
وماالبتلحقوا جدعوا
نشكركم على مشاركتنا التشجيع ودا غصبا عنكم لان بلاد المهجر فيها الوحده
|
Post: #5
Title: Re: البطل السوداني يغتال الشرطة العراقية
Author: حمزاوي
Date: 10-26-2004, 11:41 PM
Parent: #1
اخي كيقا
السلام عليكم
نبارك لانفسنا مريخاب البطولات
مريخ الكاسات المحمولة جواً
والجماعة ناس ضد كل شئ خليك منهم
دوول ما حيجيبوا علبة صلصلة كمان من برا
. . . .
يا كيقا اخوي واصلوا دعمكم لمريخ السودان
ونحن معكم .
|
|