Post: #1
Title: لو أعيش زول ليه قيمه أسعد الناس بي وجودي
Author: Ridhaa
Date: 10-20-2004, 10:27 PM
كلمات الاستاذ قاسم الحاج:
لو اعيش زول ليهو قيمة اسعد الناس بوجودي
زي نضارة غصن طيب كل يوم يخضر عودي
ابقي دار لكل لاجئ او حنان جوه الملاجئ
ابقي للاطفال حكاية حلوة ضمن الاحاجي
بيها يتهنو وينمو واحرسهم طول ليلي ساجي
والقي في راحة نفوسهم بسمتي وطول ابتهاجي
لو اعيش طول عمري نسمة لو مع الايام سحابه
اهطل ادي الدنيا بسمة اوري وادي واسقي غابة
لو اعلم طفل واعد لسه ماعرف الكتابة
ببقى شجرة ظلالها ورافة تحتي نايمين ناس تعابة
اشقي والقي وابقي بهجة في النفوس لكل مناضل
ابقي لمعتل علاج وابقي للفلاح سنابل
ابقي للثوار سلاح اعتي من قذف القنابل
وابقي للكداح الملوح كل حد موفور وعادل
|
Post: #2
Title: Re: لو أعيش زول ليه قيمه أسعد الناس بي وجودي
Author: Ridhaa
Date: 10-20-2004, 10:45 PM
Parent: #1
|
|