Post: #1
Title: ورحل صلاح شتات..
Author: walid taha
Date: 10-20-2004, 02:09 AM
Parent: #0
انتقل مؤخراً الاخ العزيز والشاعر المرهف صلاح شتات من مسكنه السابق فى حى (منفوحة) الى داره العامرة بحى (الجرادية) بمدينة الرياض ...
كل الامنيات باقامة سعيدة ... وعل هذا (الرحول) يعلن ثورة جديدة على ذلك الصمت ويوقد تلك القريحة الشعرية من جديد..
بالمناسبة كده بقينا جيران ويالاسعدى ..
صلاح شتات رمضان كريم
وقالو الرحول عز العرب ..
أرقد عافية
الوليد ،،،،
|
Post: #2
Title: Re: ورحل صلاح شتات..
Author: نيازي مصطفى
Date: 10-20-2004, 03:04 AM
Parent: #1
وليد
يا اخي روعتنا
شكلك كنت قريب في السودان وتاثرت بالصحف الرياضية وصحيفة الدار ..تحياتي وتحايا لقريبي واخي صلاح "شتات" حقيقة اكتشفت اخيرا ان شتات هو اخونا الانيق والشاعر المرهف صلاح احمد البشير .
ولا ادري ان كان الاخ المهندس والشاعر عبد الرحمن احمد ايضا موجود هنا باسم مستعار ..
مبروك للاخ صلاح الانتقال من درك منفوحة الى حي الجرادية ولكن الم يكن من قبل في الوزارات ؟؟
كانت لي تجربة سكن في منفوحة مع اخوة واصدقاء لي من ابناء قريتي ان انسى لن انساها تلكم الايام .
..تحياتي واشواقي
|
Post: #3
Title: Re: ورحل صلاح شتات..
Author: garjah
Date: 10-20-2004, 11:02 AM
Parent: #2
يا
رااااااااااجل
|
Post: #4
Title: Re: ورحل صلاح شتات..
Author: اساسي
Date: 10-20-2004, 11:17 AM
Parent: #3
المرة الفائتة يا وليدنعيت دكين لانه عرض كمبيوتره للبيع وقلت الهم ارحم دكين وقطعت قلوب العذاري علي فتي احلامهم دكين ضحوي ... اليوم تنشر خبر نقل سكن صلاح شتات لمسكنه فتردي ما تبقي من قلوب عذاري
بالله يا وليد انت بتودي خبر الموت كيف لو دا خبر الرحول عندك؟؟؟
|
Post: #6
Title: Re: ورحل صلاح شتات..
Author: عصام دهب
Date: 10-20-2004, 11:48 AM
Parent: #4
اللهم أرحمه و أغفر له ... آمين .
|
Post: #14
Title: Re: ورحل صلاح شتات..
Author: شتات
Date: 10-20-2004, 05:53 PM
Parent: #6
الأخ عصــام دهــب .. ومعاك نقول آميييييييييييييييييييييييييييين
|
Post: #13
Title: Re: ورحل صلاح شتات..
Author: شتات
Date: 10-20-2004, 05:52 PM
Parent: #4
العــزيز أســاســي ..
تحــياتي .. وعمييييييييق أشــواقي ..
انت يا أسـاسـي نســيت انو وليد دا صــاحب دكـين .. ديل سـاكنين جنب مقــابر حلة حمــد .. يعــني عادي جدا ..
كل الشــكر يا أساســي ..
وكل سنة وانت طيب ..
|
Post: #23
Title: Re: ورحل صلاح شتات..
Author: معتصم دفع الله
Date: 10-21-2004, 05:36 AM
Parent: #4
| Quote: بالله يا وليد انت بتودي خبر الموت كيف لو دا خبر الرحول عندك؟؟؟ |
تعرف يا أساسي ..
وليد دا كان ودا ليهو خبر بكاء لي زول يجيهو في وشو يتبزه في كتفو تبيز ..
ما تقوم ياخي فلان داك مات ..
أساسي الأساسي
كل سنة وأنت طيب ..
رمضان كريم ..
جايينك آخر الشهر ..
|
Post: #12
Title: Re: ورحل صلاح شتات..
Author: شتات
Date: 10-20-2004, 05:51 PM
Parent: #3
قــرجة ..
مشتاقين كتير والله ..
وتحياتي الحــارة ليك ولكل أفــراد أســرتك الكريمــة ..
تصــوموا وتفطـروا على خير ..
وكل سنة وانتو طيبين
|
Post: #11
Title: Re: ورحل صلاح شتات..
Author: شتات
Date: 10-20-2004, 05:50 PM
Parent: #2
الحبيب الغــالي نيازي ..
تعرف أول مرة أعــرف انك هــنا ..
وسعــيد جدا بــوجــودك في سودانيزاون لاين ..
فعــلاً كنت سـاكن في الوزارت ورحلــت الملـز ثم منفوحـــة ومنهـا الى الجــرَّادية ويتواصــل الرحــيل ..
عبدالرحمــن ما عضــو في البورد لكــن متابع البورد .. طبعــاً صاحبك وبتعرف جــاري أيام الله الســبعة .. كلمتو اليوم وبســلم عليك كتير ..
لكن والله يا نيازي ليك وحشــة وشــوق كتيييييييييييييير ..
وليك ولكل الأهــل أطيب التحــايا ..
وكل سنة وانت بألف خــير ..
ولنا لقــاء ..
|
Post: #22
Title: Re: ورحل صلاح شتات..
Author: نيازي مصطفى
Date: 10-21-2004, 03:42 AM
Parent: #11
اخي الحبيب صلاح
والله اني لاكثر سعادة بكم
Quote: عبدالرحمــن ما عضــو في البورد لكــن متابع البورد .. طبعــاً صاحبك وبتعرف جــاري أيام الله الســبعة .. كلمتو اليوم وبســلم عليك كتير ..
|
الله يسلمه والله كلي شوق ..
لكن بالله هو لسه ماو صل من زماااان جاري
تحياتي واشواقي للجميع
وكل سنة "وانتو " طيبين
|
Post: #19
Title: Re: ورحل صلاح شتات..
Author: معتصم دفع الله
Date: 10-21-2004, 02:35 AM
Parent: #2
نيازي مصطفى
رمضان كريم وكل سنة وأنت طيب ..
أولاً مرحب بيك في سودانيز أون لاين الحوش الكبير ..
معليش جاءت متأخرة شوية ..
بعد ما أخطرني إسماعيل وراق والصادق خليفة بوجودك معنا هنا ..
الشباب كلهم هنا بخير ..
أرقد عافية ..
|
Post: #21
Title: Re: ورحل صلاح شتات..
Author: نيازي مصطفى
Date: 10-21-2004, 03:31 AM
Parent: #19
الاخ معتصم دفع الله
وانت طيب يا حبيب
ان شاء الله تصوموا وتفطروا على الف خير ..
سعداء جدا لوجودنا بينكم
تحياتي لكل الاخوان
وسنلتقي ان شاء الله ..
|
Post: #5
Title: Re: ورحل صلاح شتات..
Author: Nada Amin
Date: 10-20-2004, 11:46 AM
Parent: #1
العزيز صلاح
أتمنى لك اقامة هانيئة في المسكن جديد و ربنا يجعله مصدر أمان و استقرار لك.
بس ما قلت لينا حترحل تخلي معتصم براه و لا شنو؟
رمضان كريم لك و للعزيز معتصم و لكل بورداب السعودية و تصوموا و تفطروا على خير ان شاء الله.
|
Post: #15
Title: Re: ورحل صلاح شتات..
Author: شتات
Date: 10-20-2004, 05:55 PM
Parent: #5
الغـالية ندى أمين ..
والله يا ندى ياهو دا الحـال من حـي لي حـي ومن شقـة لي شقــة .. وربنا يسهــل بس ..
انا ومعتصم ما ساكنين مع بعض بحـكم مواقـع العمل .. لكن تقريبــاً زي الســاكنين مع بعض دايماً بعد الشغــل بنتلاقــى ..
تحياتي الحارة ليك وكل سنة وانت بألف خــير ..
|
Post: #24
Title: Re: ورحل صلاح شتات..
Author: معتصم دفع الله
Date: 10-21-2004, 09:24 AM
Parent: #5
الغالية ندى
كل سنة وأنت طيبة ..
تصومي وتفطري على خير ..
تعرفي سبعة سنوات من عمر غربتنا لم نتفارق من مسكن واحد وحتى الغرفة نتشاركها سوياً لكن تقولي شنو ظروف الشغل هي الفرقتنا .. وبعدين الخميس والجمعة بكون معاهو في البيت وباقي الأسبوع هو بكون معاي لآخر الليل ..
شفتي الدنيا دي عجيبة كيف ؟
وعلى فكرة نحن بكرة فاطرين مع محمد الجعيلي ..
|
Post: #7
Title: مبروك البيت الجديد لصلاح شتات
Author: Raja
Date: 10-20-2004, 03:30 PM
Parent: #1
والله يا وليد ما حنسامحك لعنوان البوست ده..
تعرف.. لقيت البوست ولقيت الردود 5.. قلتا أكيد الموضوع زي "صور" بتاعتي ديك..
لكن بالجد بالجد العنوان مزعج..
..
اها بعد ما شاكلتك.. اقول لصلاح ان شا الله العتبة الجديدة تبقى خضرا عليك..
..
وليد وصلاح.. رمضان كريم..
|
Post: #8
Title: مبروك البيت الجديد لصلاح شتات
Author: Raja
Date: 10-20-2004, 03:33 PM
Parent: #1
..
sorry..
|
Post: #9
Title: Re: مبروك البيت الجديد لصلاح شتات
Author: Esameldin Abdelrahman
Date: 10-20-2004, 03:38 PM
Parent: #8
ياخي بوظت اعصابنا
والله ما عارف اكتب شنو
غايتو ربنا يسامحك
وان شاء الله بالزيادة والرفعة
ورمضان كريم
|
Post: #17
Title: Re: مبروك البيت الجديد لصلاح شتات
Author: شتات
Date: 10-20-2004, 06:01 PM
Parent: #9
الأخ عصام الدين
تعرف يا عصام ذكرتني نكتة .. واحـد من بتوع الأفلام كان منفعل مع الفيلم وفي مشهــد كان في واحد من الخونة مترصـد للبطل وعلى وشك الانقضاض عليه وصاحبنا يصرخ يا بطل اعمل حسابك .. يا بطل اعمل لفيت "يعني اتلفت" .. وفجـاة استدار البطل وقضى على الخائن
صاحبنا تنفس الصعـــداء وقال للبطــل " آي ياخي ما تقول شايفو .. بوظت أعصــابنا "
شكــراً ليك أخ عصام ..
وكل سنة وانت طيب ..
|
Post: #16
Title: Re: مبروك البيت الجديد لصلاح شتات
Author: شتات
Date: 10-20-2004, 05:58 PM
Parent: #8
الغــالية رجاء ..
| Quote: قلتا أكيد الموضوع زي "صور" بتاعتي ديك.. |
وليد قال ليك واحـدة بي واحــدة والبادي كان أروع ..
تحياتي الحارة يا رجــاء وكل الأمــاني الخضــراء ..
وتصـومي وتفطــرى على خير ..
وكل سنة وانت طيبة
|
Post: #10
Title: Re: ورحل صلاح شتات..
Author: شتات
Date: 10-20-2004, 05:48 PM
Parent: #1
وليد ..
ويتواصــل الرحــيل ..
حتى الرحيـل الأخــير .. والسقــــوط الكبير
وســينهال علىّ التراب .. وتـفرغ من شــئونهــا الأقــدار ..
وستبكــي علىَّ الباكـيات والباكــــون .. وربمـــا لا بواكـــيَ لي..
(وحاجــة من عاش لا تنقضــى) .. بس عندى شـوية حاجـات كدة ما خلصـــت .. بس أخلصــها ونرحل الرحيل الأخير ..
..
تحــياتي ليك يا حـبة ..
وكل ســنة وانت طــيب ..
|
Post: #18
Title: Re: ورحل صلاح شتات..
Author: معتصم دفع الله
Date: 10-21-2004, 02:30 AM
Parent: #1
والله جنس سلبطة في الدنيا دي ..
قال بينا جيران قال ..
|
Post: #20
Title: Re: ورحل صلاح شتات..
Author: democracy
Date: 10-21-2004, 03:21 AM
Parent: #1
مبروك الدار الجديدة ابوصلاح
|
|