Post: #1
Title: رجاء وطلب من الاخ بكري ابوبكر
Author: ASAAD IBRAHIM
Date: 10-19-2004, 07:04 PM
Parent: #0
الاخ بكري
رمضان كريم
وكل عام وانت والاسرة بالف خير
لدي طلب بسيط ارجو ان تستجيب له
الرجاء اعادة خانة التوقيع
اولا : تعطي الاعضاء خانة اضافية للتعبير عن انفسهم
كما انها،ثانيا، تضفي علي البوستات شئيا من الجمال
مع الشكر
أسعد
|
Post: #2
Title: Re: رجاء وطلب من الاخ بكري ابوبكر
Author: اساسي
Date: 10-20-2004, 00:05 AM
Parent: #1
انت بالله يا اسعد متذكر الزول دا لاسع ..!!
والله طلع من بالي خالص ..؟
بكري رمضان كريم وكل سنة وانت طيب ... بالله ماسك المنبر دا لسع ولا اجرتو لماليزين زي شركات البترول القايمة في الخرطوم اي حاجة تسال منها يقولوا اجروها للصينين والماليزين...
|
Post: #3
Title: Re: رجاء وطلب من الاخ بكري ابوبكر
Author: معتز تروتسكى
Date: 10-20-2004, 01:22 AM
Parent: #2
اسعد ازيك ..
مالك داير تكتلنا فى البلد البعيده دى بالمغسه..
بوافقك فى الاختراح...
زى مالقال الزميل اساسى ..
*انت بالله يا اسعد متذكر الزول دا لاسع ..!!
والله طلع من بالي خالص ..؟
بكري رمضان كريم وكل سنة وانت طيب ... بالله ماسك المنبر دا لسع ولا اجرتو لماليزين زي شركات البترول القايمة في الخرطوم اي حاجة تسال منها يقولوا اجروها للصينين والماليزين...
واضيف انا
احىىىىىىىىىىىىىىىىىىىىىىىىىىى...
قايتو...
المهم بمانسبة اساسى ده هنا وهدنة شهر رمضان
فى حاجة كانت ولا زالت قدر ما تذكرها اضحكها..
طبعا حكاية الزميل اساسى دى ليها علاقه بالموضوع ..
لانو موضوع كوز كوز ده بقى ماجايب حقو ..
قلنا نغير ليهو الماركه شويه لكن مرات بنرجع ليها ولا ما كده يازملاء (اسعد واساسى)...
طبعا ..الشى البضحكنى مره اظنو فى واحده من البوستات دى ايام المعارك والحروب الصليبه
فى واحد كتب لى الزميل اساسى ده قال ليهو
*اساسى المااساسى ...
قدر ما اتذكرها اضحك..
ماعارف القالها منو لكن اعتقد الرفيق دينق ...
(الحنكوش دينق )على حسب رواية اساسى ...
وتخلف المذاهب والرواء..
ورمضانكم نقعة زير...
|
Post: #4
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-20-2004, 09:37 AM
Parent: #3
الاعزاء اساسي ومعتز أو معتز واساسي 
والله انا ما زلت مؤمل في انو الاخ بكري يرد سلبا او ايجابا
مع انو مساء امس كان اونلاين لفترة طويلة
المهم نصبر ونشوف
شكرا ليكم كتير للمساندة
وفي انتظارك يا حضرة الامين.
أسعد
|
Post: #5
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-20-2004, 03:10 PM
Parent: #4
فوق
|
Post: #7
Title: Re: رجاء وطلب من الاخ بكري ابوبكر
Author: معتز تروتسكى
Date: 10-21-2004, 00:35 AM
Parent: #6
مرحبا بك فى سودانيزاونلاين ,وطنك عندما تكون بعيدا عن الوطن , السّودان بلد جميل, ممتلئ بالتّاريخ و التّراث. نتمنى لك اقامة طيبة وسعيدة بين صفحات موقعنا و التى اتمنى ان تنال رضاك,والتي اسعى الى تطويرها و تجديدها باستمرار .ارجوك اتصل بى فى أي وقت اذا كان عندك سؤال ,استفسار, او اى مشكلة تواجهك فى الموقع . على [email protected] ولك تحياتى و حبى . بكرى ابوبكر - امين الموقع
*جنس كضب!!!!!
|
Post: #10
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 06:21 AM
Parent: #7
الحبيب معتز
ارجو من الاخ بكري ان يقرن الكلام المكتوب بالعمل وان لا تكون مجرد شعارات
عموما نجد له العذر بكثرة المشغوليات
ونتوقع ان يرد علينا
وشكرا يا عزيز
اسعد
|
Post: #12
Title: Re: رجاء وطلب من الاخ بكري ابوبكر
Author: معتز تروتسكى
Date: 10-21-2004, 06:41 AM
Parent: #10
الاخ اسعد ازيك..
مشغوليات شنو ياراجل ..
ده اسمو لميس كلام ..
افضل ان تقول للاعور اعور فى عينو...
وبعدين انت ما اول واحد يتمنى منو خدمه وتجاهلوا كده..
ده اسمو لعب العقول نحن ماجهال عشان الراجل الاسمو بكرى ده يقعد يسوى كده زى ما داير..
صحى بنكتب فى المنبر بتاعو لكن ما معناها يقعد زل فينا كده ..
كلامنا نقول ليهو فى عينو قبلو قبلو ماقبلو اليرفدنا ..
اصلو مافراقه معانا...
وبعدين مشغوليات شنو ابتاخرو قدر ده مايهو دا مرات بكون اون لاين بالساعات ..
قالبو يجى يمعل ليهو شغلانه صغيره كده...
وهو قالو ليهو الناس الهنا دى كلها فاضيه ..
وحاتك انا عندى كتب تشيب الراس راجيانى وبرضو ياهو بجى بكت ..
قال مشغوليات قال...
يا يصلح طريقه دى عشان هو مابتعامل مع ناس صغار..
يا حنقول ليهو كده فى عينو توش..
لانو اساسا مابينا وبينو الاحترام والكلمه الطيبه ..
لكن مادام هو قاعد يتفرج ويضح زى ماقالوا..
والله مانسكت ليهو شفته الا يرفدنا وكمان كلام زى النار..
قال مشغول قال ...
|
Post: #13
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 07:29 AM
عزيزي معتز
طبعا انا من زمان كنت بقول في جنس كلامك دة
تعرف طلعت شنو؟؟؟
للاسف البعض هنا قالو انا ما عندي موضوع غير مهاجمة بكري !!!!!!!!!!!
وكأنوا في تار بايت بيني وبينو
عموما
كل ما هنالك زي ما انت قلت ، بينا الاحترام
وكمان كلنا مشغولين فعلا
يا اخوي ما تمرض نفسك ساي
بكل وضوح
بكري داير يستجيب للناس ويرد عليهم علي الاقل سلبا او ايجابا
الحمد لله
لا داير يتجاهل الناس
ويعمل فيها سيد المنبر والعجبو عجبو والما عجبو يشرب من البحر
انا ما عاجبني والله
وكمان انا متاكد انو شاف البوست دة من اول لحظة انا كتبتو فيها
لانو انا رفعتو فوووووووووووووووووق وهو كان اونلاين
ويا بكري والله كدة عيب
من تواضع لله رفعه يا اخوي
ورمضان كريم
|
Post: #14
Title: Re: رجاء وطلب من الاخ بكري ابوبكر
Author: معتز تروتسكى
Date: 10-21-2004, 07:54 AM
Parent: #13
اسعد الحبيب ازيك مره تانيه..
ياراجل خليهم يقولوا الدايرين يقولو مايهو كل شى واضح قدامهم يعنى يجيبو ليهم نضارات ...
بعدين بكرى شنو النحن نقعد نهاجم فيهو وحاتك زى ما قالو العارف عزو مستريح...
فعلا ينا الاحترام لى كل زول لكن كمان لمن تبقى فيها مسخره ولعب ..
بعد ده كل زول يلزم حدو ..
البقول عينا قويه اليقول اى قويه خلى بكرى يطردنا..
اخير يطردنا بى راسنا مرفوع مش يجى يطنقع فينا زى ماداير ويعمل العجبو..
فى زول هنا سيد زول ...
واها انا البوست ده كان افضى نفسى بباريهو والنشوف اخرتها...
يا اخوى يا اسعد الكلام الطيب ده بينفع مع الناس البستاهلو..
شنو تقول ليهو من تواضع ...
ياخى يطنقع فى الداير يطنقع فيهو لكن ما جنسنا نحن البجى يسوى فيهو حركاتو دى...
الواحد سكت سكت لكن لقى الشغله فاتت حده واحسن يخليها مع بكرى عشان ماخربها من البقيه واحد واحده ..
مايصح الا الصحيح..
كلام الببكيك ولا كلام البضحكك..
وسلامات اسعد..
وشكر لى بويتك ده عشان كل الواحد تجيهو زهجه يجى يفضيها فى الناس البستاهلوها يا اخوى..
وحاتك البحترم نفسو نشليو فى الراس ولى غادى وكمان ....
عليك دينك عاين بره شوف فى كم واحد جاء تاوق ماختى قلمو لكن مامشكله من زمان لو بنسمع كلام الببكينا ما كان ده حال السودان خليهو الممبر ده والباقى بتمو هنا...
بــــــــــوســــــــت.....]
|
Post: #15
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 08:45 AM
Parent: #14
أسمع يا معتز
عندي ليك رأي
بس ارفع البوست دة لفوق
واديها صنة اربعة وعشرين ساعة
لحدي بكرة زي الوقت دة
ونشوف شنو باليحصل
وبعدها زي ما بيقولوا لكل مقام مقال
الدايرين نقولوا بقي واضح لكل ذي عينين
ولا تحزن لعدم مشاركة الجماعة مع كثرة دخولهم
ياها العادة الناس ترجي ترجي ترجي عشان الاخر شنو
وفي جماعة بعد داك بيجو ناطين وراكبين الموجة
لا عليك منهم
بس 24 ساعة
وسلامي يا صاحب
|
Post: #16
Title: Re: رجاء وطلب من الاخ بكري ابوبكر
Author: معتز تروتسكى
Date: 10-21-2004, 09:06 AM
Parent: #15
الخو ابو السعود...
تب ماعندك عوجه..
اسه انا ماشى انخمد ..
دخلنا فى اليوم التانى..
اخلي ليك الدبانيه..
لحد ما اصحى انا واستلم ..
ومن الدغش قبل ما امشى الجامعه بجى بديهو رفعه...
بس الشى المحيرنى وحقوا ما اتحير يا اسعد..
انت بكرى بعمل كده مالو..
ماعارف لكن انا اعتقد الزول ده عندو حاله نفسيه..
جد ما كلام من فراغ انا عندى علاقه بالسايكلوجى ..
دى شغالانه بالبلدى كده اسمها حب لفت الانظار وكده..
لانو مافى شى جابرو على كده ..
عشان شنو يعنى ..
منبر ولا بنبر كلو صابون ...
المهم فتك بعافيه ياحبيب..
ولمن دغشنا يطلع نشوفو بجى ..
اشك فى ذلك عشان نحد بعد ده نشوف اليه تانيه ..
ماعارف يا ابو السعود لكن ..
الله يستر مايكون كلام راويه صاح..
لووووووووووووووول
ممكن نعزر الشاب ده ..
هى زاته عمايلو دى بتخلى الماداير يشك يشك ويالف من عندو كمان..
ياسيد بكرى اعقل نحن ما بنحن فى شافع..
زول طالب من خدمه ..
يعنى جاك فى بيتك وطالب منك خدمه داير تسويها سويها..
ماداير تسويها قوليهو لا..
لكن ما بالزله وكسر الرقبه ..
سياسه فرض الامر الواقع دى ..
شى قبيح ..
اعقل....
وناسك البكتبو ديل
وقايمين فيها الليله اكتوبر اكتوبر
ياحليل اكتوبر بتاع البوبار ده ..
اكتوبر ده ثوره تستاهل ناسها.
المهم علقته على الشغلانه دى فى البوست بتاعى
خش شوفو ابو السعود وشوف كلامى ده صاح ولا غلط..
اشوفك..
|
Post: #9
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 06:19 AM
Parent: #6
الاخت الفاضلة هالة قوتة
رمضان كريم وتقبل الله
شكرا للمرور والمؤازرة
ومعا نطالب الاخ بكري علي الاقل بالرد علينا
مع الشكر
اسعد
|
Post: #8
Title: Re: رجاء وطلب من الاخ بكري ابوبكر
Author: المكاشفي الخضر الطاهر
Date: 10-21-2004, 01:35 AM
Parent: #1
فوق
نؤيد وبشدة
اساسي انت ما عندك بيت إجار ولا شنو ؟
|
Post: #11
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 06:22 AM
Parent: #8
شكرا الحبيب المكاشفي
للحضور والمساندة ولا عدمناك
اسعد
|
Post: #17
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-21-2004, 02:50 PM
Parent: #11
واحد
|
Post: #18
Title: Re: رجاء وطلب من الاخ بكري ابوبكر
Author: bakri
Date: 10-21-2004, 03:23 PM
Parent: #17
thanks Asad
for tech. issue this is disable and thank you for understanding
|
Post: #19
Title: Re: رجاء وطلب من الاخ بكري ابوبكر
Author: معتز تروتسكى
Date: 10-21-2004, 03:37 PM
Parent: #18
السيد الرئيس ازيك...
مبروك الاسم الجديد...
ومحن مافى لينا شكر يا الخو ..
مايهو نشيل ونرفع فى البوست اكتر من سيدو ...
المهم نحن شكرنا يطير وانت يوم شكرك مايجى ..
بس الغلانه دى اخونا اسعد محتاجلها شديد بالحيل..
باقيلك ناوى يسوى بيها شنو ماتعرف..
قايتو كدى قضيبو غرضو دهوالباقى خليهو علينا ..
صباحاتك بيض يا الريس بكرى....
اها ابو سعود قولك شنو مع الريس ده بعد كده...
كدى نمشى مصالحنا ونجيكم صادين ...
النشوف اخرتها..
كان باقى فيها اخر..
هذا زمانك يامهازل فامرحى...
قد عد كلب الصيد فى الفرسان...
|
Post: #20
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-22-2004, 09:04 AM
Parent: #19
Quote: thanks Asad
for tech. issue this is disable and thank you for understanding |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #21
Title: Re: رجاء وطلب من الاخ بكري ابوبكر
Author: معتز تروتسكى
Date: 10-22-2004, 10:34 AM
Parent: #20
اسعد حبيبنا ازيك ..
المستغربلها شنو
يازميل حتتوقع شنو..
الراجل غاب غاب وجاء كتب ليهو كلمتين .
زى ما قالو يقطعنى كان فهمته شى..
(تمخض الجبل فولد فار)
ثم ثانية يا باشمهندس بكرى ..
انت ماقاريت كلام الامنجى بلير حبيبنا ..
قال شنو ..
قالوا ليك الكتابه اللغه الرسميه للمنبر عربى..
اذا ما سمعته كلامو شيل شيلك..
ده امنجى وبجو يقفلو ليك دكانك ده..
المهم لاعز لمن انزر...
ابو السعود اللخو اها بعد ده قولك شنو نواصل مع الزلمه ده ولا نفكوا عكس الهوا..
قايتو انا عندى نيه اواصل اشوفك رايك ياابو الزمل....
|
Post: #22
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-23-2004, 10:24 PM
Parent: #21
الحبيب معتز
تحياتي
انسي .... تعرف النسيان دة حاجة جميلة خلاص
انسي وعيش
لأنو مافي فايدة تب ... تب
المهم اشوفك يا حبيب
اها قول لي كيف رمضان هناك؟؟؟
دوما اسعد
|
Post: #23
Title: Re: رجاء وطلب من الاخ بكري ابوبكر
Author: معتز تروتسكى
Date: 10-24-2004, 05:57 AM
Parent: #22
العزيز اسعد00
ازيك ياباشا00
زى ما قلته انسى لكن اكيد بجى اليوم التانى نرجع فيهو للموزال ده00
لانو الزول بكون ما مرتاح نفسيا00
من العمايل المامنطيقه دى00
والحاجه المضحكه وكويسه 00
يا اسعد 00
حجزنا ليك الجماعه كلهم بره00
يتفرجو بس 00
وحاتك لو خلونا انت وانت بس اجمل شى00
على الاقل ما بيناتنا نفاق ودجل 00
وتبطيب ولميس كلام فى الفارغ 00
يتلمو فى الفارغه ومواضيع 0
عارف بقدر ما هى ما هامانى وكمان بضحك فيها 0
لكن وحاتك شفقان عليهم ومستغرب 00
كيف انو العواره فى الناس الكبار شينه كيف؟00
زى ماقلتنا حبوبتنا ربنا يديها العافه ؟
استغرفتك يا مالك روحى00
حكاية تشوفنى دى اكيد بتشوفنى 00
بس فى المنبر بتاعنا بى هناك 00
ورمضان ياهو بس عطش وصيام طبعا اكيد ما زيى رمضان الحاجه والحاج ولاخوانى فقط00
ده البهمنى من السودان بتاعهم ده0000
كان جديد ولا قديم00
طبعا صايم 00رغم الكلى لكن قلت اصوم لو الواخد تعب يفطر 00
وياهو مع الجامعه والكليه اليوم بفوت وماشين فى السكه نمد00
انت كيف والوليدات مع البرد الخشه ده 0
ولسه بتودى المدرسه(لووول) ولا خلاص اصبحوا يمشوا براهم 0
سلامى اليهم والى المدام00
ربنا يخليك ويخليهم ليك 00
وكل سنه وانت طيب00
ابو السعود000
|
Post: #24
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-24-2004, 07:48 AM
Parent: #23
تعرف يا حبيب
خليك من الهم ووجع القلب
وخلينا نغير الموضوع
بتحب الاوبرا والغناء الاوبرالي ؟؟؟
ما مهم الاجابة انا خاجيب ليك اوبرا هنا
بالنسبة للبرد يا حبيب يا دوب رسل عيالو بس
الوليدات بنوديهم وبنرجعهم وحليمة في عادتها القديمة
سلامك وصل وهم كمان يبلغوك التحايا
المهم ارقد عافية
وما تنسي اهم حاجة
"لا يكلف الله نفسا الا وسعها"
مع كل الحب
ملحوظة اخيرة:
كان ما عجبوك الناس المرعوشين ديل قول لي نغيرهم.
|
Post: #25
Title: Re: رجاء وطلب من الاخ بكري ابوبكر
Author: معتز تروتسكى
Date: 10-24-2004, 08:10 AM
Parent: #24
هههههههههههههههههههههههههههههههه00
مبالغه يا ابوسعود 00
وحاتك ماعارف اقول ليك شنو00
لكن حلوه الوهمه دى00
انا فعلا بحب الاوبرا 00
وكمان الاوبرا الايطاليه (على وزن المكرونه والبتيزا) لووووول بموت فيها000
نحن وين لينا مع المسلسلات00
ياهو الا لغة الكدايس دى00
اقول ليك شى 000
التلفزيون مفتوح 25 ساعه والصوت مخفوض000
حتى زملانا المعانا هنا نفس الدقه 00
الشغله دى مورثه من القبالنا 00
ماسودانين ولاقين الملح ده وبحبو الضر0000
خلاص ياحبه00
انت احضر وتعال احكى لى000
كانو حضرته000
اما حكاية البرد برضو شايف عيالو وصلونا بى جاى (زى ماقالو جى لى برودو)00
عندنا ناس هنا الحمام بالدفره 000
* زى ماقلته احمدربك القانون ده هنا مافى 00
بعدين وحاتك ماعارف لكن مشتاق للرفاق الصغار 00
قول ليهم يازملاء عمك بسالم عليك وكان لقيتو ليكم اجازه كده تعالو طلو بى جاى 00
مع الكوماندز ده000
وتانى نضحك ونسممع اوبرا0
|
Post: #26
Title: Re: رجاء وطلب من الاخ بكري ابوبكر
Author: ASAAD IBRAHIM
Date: 10-24-2004, 08:59 AM
Parent: #25
اها يا حبيبنا جيتك راجع
طبعا الناس الهاي هاي
بيقولوا انهم بيحبوا الاوبرا
وتلقاهم ما فاهمين الحاصل شنو
لكن هي بقت من صفات الجماعة المرتاحة
المهم
بالنسبة للتلفزيون حقكم
انا البعيد دة
يمكن فاتحين لي زي عشرومية قناة كدة مجانا
ملح بس المشكلة الواحد ما فاهم الحاصل شنو
المهم
ادناه صورة حديثة للوليدات وابوهم
عشان خاطرك يا عمهم
وتقبل تحياتهم
بالمناسبة انشاء الله نجيك هناك
بس دايرة ليها صنة شوية
تحياتي للمعاك
|
Post: #27
Title: Re: رجاء وطلب من الاخ بكري ابوبكر
Author: معتز تروتسكى
Date: 10-24-2004, 09:37 AM
Parent: #26
وحاتك ماشاء الله00
يسرو القب ويفرحو العين00
وتانى ماشء الله00
ربنا خليهم ليك ويخليهم لى عمهم 00
طبعا ديل لازم يطلعوا زى عمهم 000
رفاق فى السلك0000
لووووووووووووووول
وتحياتى ابو السعود0
ليك وولى كل الرفاق00
ولك تحيات من هنا000
وينظرون هذه الصنه بفارغ الصبر لكى يروكم اما مهم000
|
Post: #28
Title: Re: رجاء وطلب من الاخ بكري ابوبكر
Author: Amjed
Date: 10-24-2004, 11:50 AM
Parent: #1
اسمعو هنا دا
اانا ما بحب الاوبرا بحب هاجر كباشي
انفع؟؟؟
|
|