Post: #1
Title: ألــــــــــــــــقاك
Author: Ana Zaty Omdur
Date: 10-19-2004, 02:49 PM
Parent: #0
يقسو الزمن
تقسو علي واستحملك
الحب يغير كل شئ
ينسى ويسامح غلطتك
يقسو الزمن كم بالحنان
تغمرني دايما رقتك
القاك حزن ثابت دفين
ما تلومني يوم
ما الفكرة كانت فكرتك
القاك فرح أحلم أعيشه
باقى العمر برفقتك
ألقاك علم دافق غزير
ينفع صحابك و ملتك
القاك حنان رغم الستار
نظرات عيونك تفضحك
القاك مشاعر ورقة فيك
متل البحر هادي و عميق
أسبح فى موجه بصحبتك
والقاكا في ليلي القمر
القاك نور
باقة زهور
انغام تغني بقدرتك
غيب يا مساء وطل يا صباح
اشرق دوام بي بسمتك
هات با زمن عيد السنين
انا عايز اعيش
عمري الجديد بي رونقك
مشتاقه ليك شوق السنين
اتمنى دايما رؤيتك
مشتاقة لو اقدر كمان
لو بس أشوف يوم طلتك
واسعد بلحظات اللقاء
يتلاقى فرحي وبهجتك
لمتين تهل لمتين تطل؟
تسقي الدواخل مهجتك
بعدا يذيد من شوقى ليك
قربا يذيد بى فهمى ليك
حبا يذيد من فرحتك
~~~~~منيره~~~~~
|
Post: #2
Title: Re: ألــــــــــــــــقاك
Author: osly2
Date: 10-19-2004, 03:33 PM
Quote: يقسو الزمن
تقسو علي واستحملك
الحب يغير كل شئ
ينسى ويسامح غلطتك
يقسو الزمن كم بالحنان
تغمرني دايما رقتك
القاك حزن ثابت دفين
ما تلومني يوم
ما الفكرة كانت فكرتك |
امدر
لابد من التوقف فى ربوة هذا الابداع
بجيك راجيع بعد معز يجى
|
Post: #3
Title: Re: ألــــــــــــــــقاك
Author: عبدالله وداعه الامين
Date: 10-19-2004, 04:43 PM
x
Author: Ana Zaty Omdur
يقسو الزمن
تقسو علي واستحملك
الحب يغير كل شئ
ينسى ويسامح غلطتك
يقسو الزمن كم بالحنان
تغمرني دايما رقتك
القاك حزن ثابت دفين
ما تلومني يوم
ما الفكرة كانت فكرتك
يقسو الزمن مرات كتير
تصعب قسوة فرقتك
يتعب وتر حس التعب
وقتين يلامس حرقتك
لمن يغيب فينا السفر
والشوق يقالد رقتك
ساعة نشيل ليل الحروف
غربة و نفارق رفقتك
لو كان بغير كل شيئ
الحب صحيح ما غيّرك
يوم كنت مفتاح الامل
و اشواقي ديمة تسيرك
لا قلبي اداك الجفا
لا مرة ساكت حيرك
شكرا كتير منيرة على هذا الابداع و الحس الدافي وشكرا لهذة العاطفة الجياشة و انت تلامسين شقائف القلب. لكي الود و لنبل التحايا
و شكرا مطر
انا ما شوقي يا ام در لوووووووووووووووووول
|
Post: #4
Title: Re: ألــــــــــــــــقاك
Author: ASAAD IBRAHIM
Date: 10-19-2004, 05:58 PM
Parent: #3
امدرمانية
اولا رمضان كريم
ثانيا شنو الحاصل اليومين دي؟؟؟
البعد العاشر
عموما كلام جميل جدا
انا شخصيا محتاج اسمع منو كتيييييييييييير
المرة الجاية بالله شوفي طريقة يكون مسموع وكدة
كل التحايا والود
اسعد
|
Post: #5
Title: Re: ألــــــــــــــــقاك
Author: Ana Zaty Omdur
Date: 10-19-2004, 11:51 PM
الأخ العزيز أوسلى لك مودتى وراجيــــــاك
بس ما تتأخر وتتسب بى معز
~~~~~~~~~~~~~~~~~~~~~~~
الأخ العزيز عبد الله
أنت المبدع بحق تطوع الكلمه لتعبر عن أجمل ما فى الانسان
شكرا ليك على التشجيع والكلمات الطيبات و لك مليون تحيه
عبد الله قصدى شوقى
شوقى السرور يا بخت كل من يعرفك
أتمنى ليك
فرحن قريب يسعد قرايبك و صحبتك
~~~~~~~~~~~~~~~~~~~~~~~
الأخ العزيز أســـــــعد تصوموا و تفطوروا على خير
الحاصل دى من زمـــــــــــــان
شكرا على كلمات التشجيع وتسلم يا غالى
|
Post: #6
Title: Re: ألــــــــــــــــقاك
Author: Dr. Moiz Bakhiet
Date: 10-20-2004, 07:50 AM
Parent: #5
«رووووووقة» والله يا امدر
أنا رجعت من السفر وأوسلي سافر
منورة الأضواء امبارح في «عكس الريح»
|
Post: #7
Title: Re: ألــــــــــــــــقاك
Author: Ana Zaty Omdur
Date: 10-20-2004, 08:14 AM
ألف حمد لله على السلامه
أوسلى خليه نرتاح منه شويه
|
Post: #8
Title: Re: ألــــــــــــــــقاك
Author: ASAAD IBRAHIM
Date: 10-20-2004, 10:04 AM
Parent: #7
|
Post: #9
Title: Re: ألــــــــــــــــقاك
Author: mohammed alfadla
Date: 10-20-2004, 10:07 AM
| Quote: ما الفكرة كانت فكرتك |
شفتي الناس دي بتعمل في روحها شنو؟
|
Post: #10
Title: Re: ألــــــــــــــــقاك
Author: malamih
Date: 10-20-2004, 11:23 AM
Parent: #9
يا لروعة الكلمات وأنت تهدين هذه الكلمات في يوم عيد ميلادك بدلا أن نهديك نحن ما تستحقينه من كلمات .. فلنغني ونكتب لك في عيد ميلادك اليوم هذا المقام:
كتب كمال الجزولى أمدرمان تأتى في قطار الثامنة..ولكني
أقول (أمدرمانية) تأتي في ولوج العاشرة والفجر كأحلى ما تكون القصائد فهي سلطانة أمدرمانية شعبية .. تعشق الكلمة الجميلة والأنيقة وتغني لأبوداؤود والكابلي ثم تذوب في حنجرة سميرة دنيا.. أسمعتنا مرة أينعت في الروض زهرة ثم أعقبتها ب( الليلة وين الفي العصر مرورو)..تخرج أمدرمانية من حوارينا العتيقة لذا كانت أبعادها تأخذ شكل القصيدة والقصيدة عند أمدرمانية مفردة غامضة وراقية تتبعها ضحكتها النابعة من القلب لتخفي بعض من علل وجد حاضر.. أمدرمانية تحب السلام والأنعتاق وتفور عند الغضب كزجاجة الكوكاكولا ولكنها سرعان ما تصير أيس كريم شوكلاتة وبردآ على الجميع .. فهي أنثي بدرجة مشير (مع الأعتذار لحبيب نورة)..أسمعتنا يوما بعدها العاشر
ورددت عليها ببعد لا نهائي كانت النسبية تجول بين قصائدنا دون ما وجود لأنشتاين .. تخاصمنا وأحتربنا كثيرا ولكن شيئان منها ظلا يطاردانى بعدها العاشر وضحكتها النابعة من القلب ..لم يشأ ذلك البعد أن صار ملازمآ لي أينما سرت كصوت الكمان الذي أتبع أمل دنقل في شجويته الشهيرة وياليت عاصم الحزين كان معنا ..
نحتشد الآن لنقول لأمدرمانية كل عام وأنت بيننا ومننا ومن أشرعة السفن وحارات المتعبين .
|
Post: #11
Title: Re: ألــــــــــــــــقاك
Author: إيمان أحمد
Date: 10-20-2004, 11:34 AM
واو
خطيرة يا أمدر
(وانا زاتي امدر بالمناسبة )
إيمان
|
Post: #12
Title: Re: ألــــــــــــــــقاك
Author: عبد المنعم سيد احمد
Date: 10-20-2004, 12:53 PM
Parent: #11
الرائعة
امدر
رمضان كريم
ده كلو كان مستخبى وين
والله وحشتنا روقة
التحيات لكل زوارها والاصدقاء
حتى نأتى ونستمتع بالجديد
تقبلى تحيات العروسة
|
Post: #13
Title: Re: ألــــــــــــــــقاك
Author: Ana Zaty Omdur
Date: 10-21-2004, 03:54 AM
***
لحدى ما أجيكم راجعه
|
Post: #14
Title: Re: ألــــــــــــــــقاك
Author: Ana Zaty Omdur
Date: 10-21-2004, 05:55 AM
أســـــعد حبابك مرحــب
راجيـــــــــــــاك
شكرا على الموسـيقه الجميله
|
Post: #15
Title: Re: ألــــــــــــــــقاك
Author: Ana Zaty Omdur
Date: 10-21-2004, 10:22 AM
محمد هلا بيــك
جنس عمائل هى  بس خليها فى سرك
|
Post: #16
Title: Re: ألــــــــــــــــقاك
Author: Ana Zaty Omdur
Date: 10-21-2004, 10:25 AM
الأخ ملامح لك التحيه
تلون الأشياء بألوان زاهيه
تعطيها أبعاد حتى يكاد الانسان يرى المجرد
لى عندك رجاء
أن تجمع كل ما كتبت
وأن تكتب عن تاريخ المعانى, الأغانى والأمانى كل ما تعرف
وهو ليس بالقليل
وكل مودتى
|
Post: #17
Title: Re: ألــــــــــــــــقاك
Author: zola123
Date: 10-21-2004, 10:40 AM
حبوبة أمدر
كل سنة وانت طيبة
.......
كنت مخبية ده كلة وين ؟ 
|
Post: #18
Title: Re: ألــــــــــــــــقاك
Author: Ana Zaty Omdur
Date: 10-21-2004, 01:07 PM
ياألـــــــف مراحب إيمان الحبيبه
ما أخطر منك يا أمدرمانيه يا راقيه
|
Post: #19
Title: Re: ألــــــــــــــــقاك
Author: Ana Zaty Omdur
Date: 10-21-2004, 01:38 PM
منعم أخوى كيفك وكيف العروسه أنشاء تمام تحياتى لها
تقول شنو بس كان مخبئ وراء ستــار القربه من الأحبه
لكن طال البعاد ولم أستطيع كتمانه ففاض
|
Post: #20
Title: Re: ألــــــــــــــــقاك
Author: Ana Zaty Omdur
Date: 10-21-2004, 01:40 PM
مرحب زولا
تشكرى ياستى على حضورك الجميل
|
Post: #21
Title: Re: ألــــــــــــــــقاك
Author: خضر عطا المنان
Date: 10-21-2004, 01:56 PM
Parent: #20
Quote:
القاك مشاعر ورقة فيك
متل البحر هادي و عميق
أسبح فى موجه بصحبتك
|
قرأتها فأحسست بنسائم أبوروف تعانق روحي
المشتاقة لتلك البلادالتي طالت غربتي عنها
بالسنين .
الله يخليك يا أم در .
ورمضانك كريم.
خضر عطاالمنان
|
Post: #22
Title: Re: ألــــــــــــــــقاك
Author: Ana Zaty Omdur
Date: 10-22-2004, 02:17 AM
تسلم خضر
وأتمنى أن يعافى الوطن و نلتقى فى رحابه قريبا
|
Post: #23
Title: Re: ألــــــــــــــــقاك
Author: HAMZA SULIMAN
Date: 10-22-2004, 02:29 AM
Parent: #22
قرئتها باحساس امدرمانى
|
Post: #24
Title: Re: ألــــــــــــــــقاك
Author: Ana Zaty Omdur
Date: 10-22-2004, 08:37 AM
الأخ حمزه شكرا على المرور
وهكذا يجب أن تقراء
|
|