Post: #1
Title: ولا شنو يا رمضان
Author: توما
Date: 10-17-2004, 06:23 AM
Parent: #0
- رمضان السنه دي جا بارد خلاس
- بارد شنو يا هنايه والله اتو بس في شان ما بتمرقو علي الناس
- كيفن ما بنمرق يا دي ؟؟!! ما ياني دي اسا في شارع الله ..ولا شنو يا رمضان ؟
- لا لا بس تمرقو قبال الضحويه دي للخدار وتاني زولا بشوفكن مافي ولا شنو يا رمضان ؟
- يا نسوان هوي ما تنبحن فينا وتوجعن راسنا مع الصيام ده..راسنا ده براهو مقفل
لا شاي ..لا قهوه ..لا سفه ..راسكن ده انتن بس للنضمي واللوليح
شيلن خداركن ده امشن بلا جضه..... نسوان جنهن نقه مع الصباح
- اجي يا رمضان اسا انت النقه خليت ليها شنو ؟
- بري يا بت امي شيل شيلي ارحكي رمضان ده مو براهو الليله ...
وعموما رمضان كريم جدااا
|
Post: #2
Title: Re: ولا شنو يا رمضان
Author: لؤى
Date: 10-17-2004, 11:34 AM
Parent: #1
توما
رمضان كريم وكل سنة وانتى طيبة
ـــــــــــــــــــــــــــــــــــــ
[email protected]
|
Post: #3
Title: Re: ولا شنو يا رمضان
Author: بدرالدين شنا
Date: 10-17-2004, 07:29 PM
Parent: #1
آي
توما ياخ إزيك
رايك شنو نتشارك البوست دا ونشرك معانا ناس كمان ونعملوا بوست يومي ونعمل فيه فقرات مختلفة ونشوف ناس يساهموا معانا في الفقرات مثلاً زي تمبس ولا عمك تنقو الناس البعرفوا ينزلو حاجات مسجلة ينزلوها وزي ناس الملا عمر وقرشو وياسر حنا يساهموا بي فقرة دينية وزول زي ابوجهينة ممكن يعمل لينا فقرة إجتماعية والجندرية برضو عندها مساحة للجندرة وبنات العباسي ديل يتفسحن على كيفن زول يعترضن مافي وسجيمان ولا أقول ليك سجيمان دا خليهو ممكن يعمل لينا مشكلة مع رمضان لأنو الإتنين نفسهم حار
المهم الأسماء المذكورة دي ليس حصرياً وإنما الباب مفتوح وبعدين البوست يكون عمره يوم واحد وتاني يوم نجيب أخوهو لمن ينتهي رمضان
الأخت توما
أشكرك على المداخلة الظريفة في هذا البوست
العندو نكتة برضو ممكن يسوقها بس تكون مكنتها نضيفة وما عاملة حادث قبل كدا
المهم البوست يكون تراويح نهارية
|
Post: #4
Title: Re: ولا شنو يا رمضان
Author: almulaomar
Date: 10-18-2004, 04:41 AM
Parent: #1
توما هوي برانا صايمين ما توجعي لينا رأسنا ده والحمد لله من ما أدوني ليهو (رأسي) ما لفيت فيهو عمه ولا خرمت لي سفه ولا شاي ولا قهوة أصلو ما بسف وبرضو حكاية الشاي والقهوة دي أنا ما داخل ضمن كرت التموين بتاع السكر حق ناس بيتنا.
الناس في رمضان أخلاقها في رأس نخرتها الواحد لو قلت ليهو السلام عليكم يقول ليك بتعرفني من وين أو لو إتكرم عليك وخلاص بقي كويس وعاقل يقول ليك أهلاً وتعالوا شوفوا الدفسيبه والكبسيبه في مواقف الحافلات وسوق الخضار والفرن ألالي ومحل التلج وهاك يا شكل ونبز وضرب ، ورمضان ده يا عالم شهر تراحم وتواصل ومحبة وتجديد وتمنين العلاقات بين الناس مش شهر حرب وضرب وإنتو كان ما قادرين على الصيام الجابركم عليهو شنو
|
Post: #5
Title: Re: ولا شنو يا رمضان
Author: عبدالماجد فرح يوسف
Date: 10-18-2004, 12:22 PM
Parent: #1
واحد صايم زهج من مرتو سابليها البيت ومشا بيتهم
لقا ابوهو راشي الحوش وراقد ليهو في عنقريب هباب
الاب: مالك ياولدي مادي بوزك شبرين
الإبن: أمدو شبرين ولا "الصلحي" ذاتو مابنفع.
الوالد: كدي قول اللهم اني صائم وجر العنقريب داك وتعال اقعد جنبي أحكي لي.
الإبن: مرتي دي كرهتني روحي زاتو تنق فيني من الصباح.. رجعتني السوق المركزي اربعة مرات التقول شايفاني راكب لي كريسيدا مكندشه.
الوالد: مالا هي المرا جاينكم ضيوف ولاشنو.
الإبن: لاضيوف ولا مايكل اوين كل الموضوع انو امها وابوها جايين يفطروا معانا... يعني لو كان عازمين البشير كان حاترسلني حلقة الخضار في جدة؟.
الوالد: كان احسن علي الاقل كان جبت لي البوكسي موديل 78
الابن: يصمت...ثم...
تعرف يا ابوي والله النسوان ديل كلهم نقناقات وبقصرو العمر إلا امي دي الله يديها العافية.
(صوت الام يعلو من الداخل)
الام: انت ياراجل لسا مكوع في العنقريب ده الناس العازمهم ديل بدورو ياكلوني انا...قوم الحق السوق المركزي جيب الحاجات نسويها لي ضيوفك ديل اليطفحو.. بس تفلحو لي حرَم تفطر معانا.
الاب: قتا لي كيف ياولدي ماعدا أمك
يضحكان
ارحكاكا علي السوق كان النسوان ديل يتكتمن...
|
Post: #6
Title: Re: ولا شنو يا رمضان
Author: عبدالماجد فرح يوسف
Date: 10-22-2004, 01:36 PM
Parent: #1
ولا شنو يا رمضان
|
Post: #7
Title: Re: ولا شنو يا رمضان
Author: abuguta
Date: 10-22-2004, 09:55 PM
Parent: #6
ولا شنو ياتوما
وين العصيدة
يابت ما جبتها لى...
وين ملاح النعيمية...
ارسلى لى
كمشة فى السعودية...
اكل المطاعم
سبب لى قرمشة وجهية..
جضومى لحقت
جضوم بدر الدين شنا
الصحراوية..
يابت وينك مسجلة غياب
سيبى الرش بتاع الطرحة دا
بتكسرى صيامك..ليكم كم يوم
الكهرباء قاطعة...
بالله دى حالة دى...
شوفى اخوك عشان يجيب التلج
انتى ما تطلعى فى الحر دى
توما
رمضان
كريم
انا اسى عطشان ...امس ما تسحرت نمت بعد المسلسل
طوالى...عشان كدا كفاية نقة
|
Post: #8
Title: Re: ولا شنو يا رمضان
Author: اساسي
Date: 10-23-2004, 01:27 AM
Parent: #7
توما اخر المعتقات مازلت استمتع كثيرا بهذا القلم...
يا اخوانا التلج جابوا ولا لسع ..؟
خليهم يختوا فيهو نشارة الخشب دي ما يسوح كله...
ايوا لفوه بالخيش عليكم الله السخانة دي لحام عديل كدا للمغرب بيبقي
ليكم موية زير كله ...
يا بت بلي الابري دا
اسمع يا جنا بل لي التوب داك وجيب الجردل بتاع الموية دا حداي
انتو الظهر اذن ...
يا زول هوي ظهر شنو لسع الساعة يادوب حداشر
|
Post: #9
Title: رمضان
Author: توما
Date: 10-23-2004, 11:13 AM
Parent: #1
طبعا الحصل كالاتي
انو
لؤي رمضان كريم وتصوم وتفطر علي خير ان شاء الله الكريم
اما فيما يخص بدر الدين نشاه
الفكره جميله ولحدي ما نعملها يكون العيد جا
عشان كده وتيمنا بالمقوله ..نقوم نعمله في البوست ده
رايك شنو نبدا؟؟
الملا عمر
تحياتي وسعادتي بحضورك
رغم تواجدنا في المكان ده الا اصلو ما اتلاقينا اظن
عموما حبابك الف ..
اما فيما يخص رمضان سيد الخدار فهو رجل بتاع مشاكل
واخلاقو ضيقه ولا يخلو من شمارات ..واعوذ بالله من الشمارات
اما رمضان الكريم الطيب ربنا يدينا خيره واجره وثوابه
ويجعلنا نقدر عليهو
ود عمي يا فرح
خليت للنقه شنو اسا انت
لكن النصيحه لله النسوان نقناقات
وبعطشن شديد في رمضان علا ما بتكلمن
وكان ما الجغيمات المع الوضوء ديل علي قول حبوبه
كان ماتن
يا اب قوته
رمضان كريم
تصدق بالله انا عندي اعتقاد مصحوب بيقين ويلامس الواقع المعاش
انو السعوديين ديل جنهم اكل
معناها مطاعهم مدفوسه اكل وجددددداد
بمناسبه الجداد دي عندي ود بت خالتي صغير كده
وجنو اكل مره بعد الغداء قال لامي يا حبوبه مافي حاجه ياكلوها
قالت ليهو يا حمودي اسا انت مش قمت من الغداء
اكلني بعد ده
وبضحكه ثعلبيه خبيثه رد آكل الدجاج مبتسما
والله يا حبوبه لو في طريقه انتي ذاتك ناكلك
وطبعا دي ما القصه المقصوده تصدق
اساسي جداااا
طبعا ازيك
وكل سنه وانت طيب والسنه دي معرس نهي الحوصاء
ياخي نهي دي استنتك كتير حرام عليك
بالجد قربت تشكيك ل الله
وانت شكيه الله دي ما بتقدر عليها
عليك الله جاركم داك ما رسل ليك جواب تاني تقرينا ليهو معاك؟؟
|
|