Post: #1
Title: يا تلفزيون يا
Author: mohmmed said ahmed
Date: 10-16-2004, 00:35 AM
بسم الله ابتدينا شهر رمضان وقلنا نشوف تلفزيونا
مسلسل فى انتظار ادم الهادى الصديق مصر يكون فتى اول من السبعينات حتى اليوم تيمنا بالاداء المصرى المرة قالوليها ولدك نجح طوالى بطريقة مصرية مضحكة احمد نجح احمدك يارب
جمال حسن سعيد ممثل ظريف واحبو جدا لكن ما معقول من اول يوم فى الفضائية السودانية مقدم برنامج الساعة5الساعة 8 فى النيل الازرق برضو مقدم برنامج الساعة 7 فى السودانية عامل اسكيتش الحكاية شنو وجع وش
البوست مباح للتعليق عن برامج التلفزيون
ونحنا لسا حتجينا ثقالات حمزة سليمان
|
Post: #2
Title: Re: يا تلفزيون يا
Author: shammashi
Date: 10-16-2004, 01:13 AM
Parent: #1
يا خي جمال دا بقى ظاهرة في القناتين من رمضان الفات
بعدين خفة دم أكتر من اللازم لدرجة العبط
لكن اسخف حاجة العصرية ساعة ضيقة الخلق الشديدة ديك جايبين أمين حسن عمر مع د. الحبر .
ياخي الزول دا ما يمشي يعمل ليهو عمليية جيبو أنفية بعدين يجي يتكلم
وكان زهجان من الكلام ما في زول جابرو.
اللهم إني صائم
|
Post: #4
Title: Re: يا تلفزيون يا
Author: خضر عطا المنان
Date: 10-16-2004, 01:46 AM
Parent: #2
أخي : محمد
عن أي تلفزيون تتحدث ؟؟؟؟؟
والى أي محطة تشير هنا ؟؟؟
فقط ليتك تجلس ولو لبعض الوقت لتشاهد الاعلانات التجارية
لترى أين أهلنا الغبش الغلابة وأين هؤلاء ؟؟؟؟.
هل تلك المشاهدالاعلانية من السودان فعلا ؟؟؟؟؟؟.
وأين هي من مشاهدـ على الضفة الاخرى ـ يمكنك من خلالها
أن تحصي حتى عدد أضلاع شيخ يتكسر أو ام متهتكة الجسد
او طفل يتشبث بثدي أمه وهو مسافر في غيبوبة
قد لا يرجع منها ابدا !!!!.
لك محبتي .. ورمضان كريم .
خضر عطا المنان
|
Post: #5
Title: Re: يا تلفزيون يا
Author: خضر عطا المنان
Date: 10-16-2004, 01:47 AM
Parent: #2
عفوا .. مكرر عن طريق الخطأ .
معذرة .
خضر
|
Post: #3
Title: Re: يا تلفزيون يا
Author: Munir
Date: 10-16-2004, 01:40 AM
Parent: #1
| Quote: ونحنا لسا حتجينا ثقالات حمزة سليمان |
يازول قول بسم الله ـ انت لسه في العشر الاوائل
طبعآ قاصد حمزة عوض الله ـ بصراحة الرجل دا فاهم،، لكين متفلهم ـ يضرس
|
Post: #6
Title: Re: يا تلفزيون يا
Author: Munir
Date: 10-17-2004, 00:13 AM
Parent: #3
وياريت واحد ينبه عازف العود المتميز عوض احمودي أن يركز فقط علي العزف ولا يتداخل مع الفنانين في اثناء الاغنية لأن صوته بصراحة أجش ـ
|
Post: #7
Title: يا
Author: mohmmed said ahmed
Date: 10-18-2004, 01:12 AM
Parent: #1
شماسى
جمال والله ظريف لكن خايفين ليهو من كترة الطلة
الصديق خضر
الاعلانات فعلا تقول ما من السودان
منير
يازول حمزة سليمان دا صحبى انا قاصد القشرى حمزة عوض الله
يازول فاهم شنودا متحذلق ساى
|
Post: #8
Title: يا
Author: mohmmed said ahmed
Date: 10-19-2004, 11:35 PM
Parent: #1
امس اتحفونا ناس النيل الازرق بسهرة جميلة مع السمندل والفنانة الرائعة اسرار بابكر اجبرونى على السهر ومصاقرة التلفزيون حتى الثانية صباحا
نبيل متوكل قدم مشاهد صامتة معبرة عن ظاهرة سوء استخدام الموبايل كانت خفيفة الدم
الهادى الصديق كل يوم يطمم بطنى الله يطمم بطنوما بيعرف يمثل
|
Post: #9
Title: Re: يا
Author: Osman M Salih
Date: 10-20-2004, 04:43 AM
Parent: #8
العزيز محمد سيد أحمد
مسكاقـنا،
و رمضان كريم.
أستميحك عذراً في تسخير مروري من هنا
لإبلاغك بالتالي:
هاتفـتُ الأستاذ عثمان حامد قبل أيام قلائل
وناقشنا العديد من المسائل.
إميلي في البروفايل، راجياً الحصول عـلى
إميلك.
اسمان
|
Post: #10
Title: Re: يا تلفزيون يا
Author: خضر حسين خليل
Date: 10-20-2004, 04:58 AM
Parent: #1
العزيز محمد سيد احمد
رمضان كريم بمناسبه برامج التلفزيون
اول يوم في رمضان واثنا ماانا بحاول اشتري الفول واللازي منو في مطعم سوداني فجاة صن كل من بالمطعم لانو بي بساطه كان في فرقه الهيلاهوب عاملين فيديو كليب او شكل منلوجي لاغنيه المطربه ناسي عجرم اه ونص نص .. مالفت انتباهي هو الشكل الدرامي الذي نفذ به هذا العمل اتمني ان تفيدونا بمذيد من تفاصيل هذا العمل بالتحديد
|
Post: #11
Title: Re: يا تلفزيون يا
Author: Dr. Moiz Bakhiet
Date: 10-20-2004, 07:34 AM
Parent: #10
الأخ العزيز محمد سيد أحمد،
في استعراض برامج رمضان عبر سهرة «أهلاً رمضان» التي قدمت مساء وقفة رمضان أعجبتني استضافة المعد «هاشم علي» الذي ابتدر اللقاء قائلاً بكل الصراحة والوضوح: المرة دي ما ح نقول رمضان فاجأنا.. والله لتُحمد للأخ هاشم هذه الشفافية لأن رمضان - والله أعلم - شهر يتكرر كل عام وموجود على المفكرة المكتبية وهو أحد الشهور الهجرية التي تحسب بحركة القمر، لكنه لا يفاجئ أحد في الدنيا غير تلفزيون السودان!! نحن في انتظار وعد هاشم بأننا سننبهر من الصباح حتى المساء. قبل إصدار الأحكام أود القول أنه لحسن الحظ أن اليوم الأول كان جمعة فظللت متابعاً التلفاز من الصباح إلى المساء متنقلاً بين الفضائيتين السودانيتين وبالفعل انبهرت.. لكن بقدرة هاتين الفضائيتين على إحداث الملل واجتراره.. ولسة ح نشوف.
|
Post: #12
Title: Re: يا تلفزيون يا
Author: Dr. Moiz Bakhiet
Date: 10-20-2004, 07:37 AM
Parent: #11
• مخمد جمال مبهور ومعجب بالمدير..
سهرة «أهلاً رمضان» التي قدمها المذيع «محمد جمال» واستعرض فيها برامج رمضان لهذا العام الهجري واستضاف فيه السيد مدير التلفزيون.. هل شاهدتموها؟ جل ما مميز هذه السهرة هو حالة الدهشة والإنبهار على وجه الأخ محمد جمال وهو في حضرة السيد المدير.. وااااااو..!!
|
Post: #13
Title: يا
Author: mohmmed said ahmed
Date: 10-21-2004, 00:41 AM
Parent: #1
ابننقا تو اسمان هكر فى
الان ارسل لك ايميلى
الاخ خضر
ما شفت عمل الهيلاهوب هم بيعملو حاجات جميلة لكن ما بتخرج من اطار المنلوج
د المعز اهلا بالطلة
كدى ايدك معاى وتابع التلفزيون الايام الجايا دى جاينا المريخ ولازم نمشى نشجع نحنا صهاينة وكدا
فى اشراقات يعنى لو شفت السمندل بى قمصانن البرتقالية الجميلة واسرار المدهشة
فى اعلان عن حلقة وردى يوم 13 رمضان والمذيع طارق كبلو دا جيد ورزين
|
Post: #14
Title: يا
Author: mohmmed said ahmed
Date: 10-21-2004, 01:01 AM
Parent: #1
اسمان ايميك مافى
دا ايميلى
[email protected]
|
Post: #15
Title: يا
Author: mohmmed said ahmed
Date: 10-22-2004, 09:46 AM
Parent: #1
ناس عبد السلام جلود ما عارفم الهيلاهوب ولا الهلهوبا ولا شنو
المهم
عامل منلوج عن الديون بلحن مدحة وبطريقة اداء المديح والزى والطار بتاع المداحين
شكلها ما كان جميل
المديح ليهو مقام التوقير والاحترام
جد قلة ذوق
|
Post: #16
Title: يا
Author: mohmmed said ahmed
Date: 10-23-2004, 09:34 AM
Parent: #1
حلقة وردى يوم 12 رمضان
والما عندهم الفضائية السودانية حنسجل ليهم فديو وخاصة اهلنا النوبين طبعا وردى من اعظم شعراء النوبية
|
Post: #17
Title: Re: يا
Author: mahmed alhassan
Date: 10-23-2004, 11:14 PM
Parent: #16
سهرة امس 23/10 لاأذكر اين سجلت ولكنها كانت عن أحد مشايخ الصوفية 0 ولكن اللافت للنظر بصورة مخجلة في الاستديو في الخلفية ( مرور أحد السحالي _ الجندب ) فضلا عن ذبابة لم تفارق وجه الضيف المتحدث 00 عجبي ؟
|
Post: #18
Title: Re: يا تلفزيون يا
Author: كبسيبة
Date: 10-24-2004, 00:37 AM
Parent: #1
عليكم بالنيل الأزرق فقط
وأرى أن يتم تحويل تلفزيون السودان
إلى دار للعجزة للمذيعين والمذيعات
تلفزيون مجروس ومن الصباح لي نص الليل
من الأمس .. من الأمس .. من الأمس
|
Post: #19
Title: يا
Author: mohmmed said ahmed
Date: 10-25-2004, 00:56 AM
Parent: #1
امس فى سهرة ممتعة ادهشنا عبد القادر سالم بغناء معتق وجميل وبحديث العارف عن كردفان والمردوم والجرارى والدرملى
مذيعة جميلة بزى افريقى صاخب
|
Post: #20
Title: يا
Author: mohmmed said ahmed
Date: 10-26-2004, 11:51 PM
Parent: #1
الماشاف وردى امس نص او تلت تربع عمرو ضايع
غنا نوبى يحلق بك فى السحاب
حديث شيق وذكريات واراء فى الفن والحياة
طافت الكاميرا بقرانا فى الشمال فزغردت اشجان الذكرى
مفاجاءة الحلقة المذيع طارق كبلو كان فى مستوى الجلسة
كبلو دا مذيع رزين مافيهو خفة ناجى ولا ثقالة حمزة عوض الله
الحلقة تسجل فى رصيد الايجابيات للتلفزيون
|
Post: #21
Title: يا
Author: mohmmed said ahmed
Date: 10-27-2004, 11:29 PM
Parent: #1
فايزة عمسيب
ممثلة رائعة
كل يوم اشاهد المسلسل السودانى التعيس فقط للاستمتاع باداء فايزة
اداء طبيعى منساب الانفعال بما يناسب الموقف الدرامى تلقائية تصل للمشاهد وتقنعه بوهم ان ما يشاهدة هو الحقيقة وهذا هو الفن
اداء فايزة هو نتاج لموهبتها وليس لتوجيهات المخرج وهذا يبدو جليا عند المقارنة مع كل طاقم العمل مع استثاء عثمان احمد حمد يقترب من التلقائية
لكن الكرور ناس الهادى الصديق وناهد فتحى وبلقيس عوض بس يخلوك تضحك من العوارة
|
Post: #22
Title: Re: يا تلفزيون يا
Author: نصار
Date: 10-28-2004, 10:49 AM
Parent: #1
الاخ محمد
و المشاركون
تلفزون الانقاذ يجيد صناعة البؤس و المخازي
في لقاء في البالتوك قلت لبابكر حنين ان
الفضائية السودانية مخزية و لا ترقي لان تخرج
علي الفضاء العالمي الفسيح و بعد ان اوضحت له
اني اخذ علي السلطة امتطاءها للتلفزيون في
البروباقندا و تصفيتها للكوادر المبدعة بمقاييس
سياسية، الا انا نتمني أن ننظر للامر بروح قومية
طالما ان الدنيا تنظر لنا عبر هذه النافذة الاعلامية
ففاجأني الرجل باتفاقه المطلق مع نقدي و زاد من عنده
انه رغما عن صلته بالعمل التلفزيوني في قناة النيل
الازرق الا انه يشعر بالخجل كلما شاهد التلفزيون السوداني
و انه يتفادي مشاهدته!!!
ماذا نتوقع من تلفزيون كل المسؤولون عنه عيونوا تعيين
سياسيا و ليسوا من الكوادر التي تدرجت في الجال و شهد
لها بالكفاءة،،،
احسن حاجة الامتناع عن مشاهدة هذا التشويه المؤلم
|
Post: #23
Title: يا
Author: mohmmed said ahmed
Date: 10-30-2004, 10:03 AM
Parent: #1
العزيز نصار
قبل فترة جوا ناس تلفزيون السودان وسجلوا حلقة هنا فى الشارقة عن دور الاعلاميين خارج السودان فى السلام
اختا فرصة وقلتا ليهم دور الاعلام فى السلام نشر الثقافات المتعددة واعتماد سياسة الشفافية والبعد عن الاعلام الموجهه
الناس ديل مكنكشين فى التلفزيون وما بيسمعوا الراى الاخر
انا متابع للقناة الفضائية وبحاول اشوف من وجهة نظر فنية لما يقدم
يعنى المسلسل البكتل الزول بالمغصا دا كل يوم بشوفوا
امس بنشوف فى المسلسل شقيقى عمر علق على اداء الهادى الصديق وقال الزول دا اكتر من 30 سنة بيمثل دور الشاب العاشق الموله البكتل عينو وحتى اليوم ما قادر يجيد هذه الشخصية
فرقة الهييلاهوب محتلين الشاشة كل يوم يقدموا منلوجات قبل 50 سنة بلبل ةخليل شطيطة قدموها بس هسا شوية رقيص وازياء كدا
يعنى نحنا حتى الان فى مرحلة المنلوج ولو شفتا مؤلف المنلوجات اسمو طارق الامين كيف بيتكلم عن الشغل والابداعى تقول دا تشيكوف
|
Post: #24
Title: يا
Author: mohmmed said ahmed
Date: 11-01-2004, 01:57 AM
Parent: #1
امس فى النيل الازرق حوار حول دارفور
تحدث د محمد الدومة اول مرة استمع له
تحدث بشجاعة وبموضوعية عن دور الحكومة فى تدهور الاوضاع فى دارفور
وقال ان الديمقراطية هى الحل لمشكلة دار فور ومشكلة السودان
وانتقدت الشمولية والتمكين
الصحافى ضياء البلال كنت اتوقع منه اراء اكثر شجاعة كان متحفظ وما قدر يقول كلمة الحق عن الدور السلبى للحكومة فى التعامل مع الاحداث فى دارفور لكنه قال باهمية انعقاد مؤتمر جامع لحل المشكل السودانى
|
Post: #25
Title: يا
Author: mohmmed said ahmed
Date: 11-01-2004, 07:44 PM
Parent: #1
امس فى سهرة النيل الازرق
غنت شابة جميلةبصوت رائع واداء مدهش
اغنية الشفيع
لحن الحياة منك وما تقول نسينا الماضى وصرنا ناسنك
اسمها رماز
|
Post: #26
Title: Re: يا
Author: Dia
Date: 11-01-2004, 10:41 PM
Parent: #25
محمد سيد احمد سلام ورمضان كريم
اخوي بطل البحلقة فى المذيعات فى رمضان خليك مركز
قومية شنو ياخوى ده حكومة همها الكنكشة والتلفزيون هو مثال للوجه الكالح للانقاذ والجواب يكفيك عنوانه كما يقول اهلنا- اى امين حسن عمر على راسه ومديره منسق الشرطة الشعبية سابقا- ود.حمزة الوجه المطل دوما عليه.
شى غريب امس حمزة وعبدالله مذيعين يستضيفان ضيفين نادر خضر واخر من المصنفات الفنية
ياجماعة والله حمزة والمذيع الاخر تكلموا ثلثى الزمن وتركوا للضيفين ثلث ولدى احصائية للزمن قمت بها عن طريق ساعتى STOP WATCH
|
Post: #27
Title: Re: يا
Author: Tumadir
Date: 11-02-2004, 00:58 AM
Parent: #26
انتو التلفزيون السودانى ده بتشوفوه كيف؟؟
|
Post: #28
Title: Re: يا
Author: على اسماعيل
Date: 11-02-2004, 01:17 AM
Parent: #27
الاستاذ الصديق / محمد سيداحمد - التحية والتقدير
رمضان كريم - انت عندك وقت لقدر ده كله ؟
تخريمة
كده مر على بوست شلبى وخلينا نتفق على اللمسات الاخيرة للاحتفاء بالعرسان
لك الشكر والتقدير
|
Post: #29
Title: يا
Author: mohmmed said ahmed
Date: 11-02-2004, 09:48 AM
Parent: #1
الاخ dia
مذيعات شنو الببحلق فيهن شناتن مرة
تماضر الغالية
بشوفو والمغصة ما سكانا
يعنى الهادى الصديق وواحد اسمو طارق مفروض يدرسوا طريقة تمثيلم فى معاهد التمثيل ويقولو احذر ان تمثل مثل هولاء
|
Post: #31
Title: يا
Author: mohmmed said ahmed
Date: 11-05-2004, 11:01 AM
Parent: #1
تانى امس فى سهرة الفضائية السودانية جمال حسن سعيد متحكر وقابض المجلس يعنى معقول بس يقدم برنامج ويقدم حلقات كوميديا لاكثر من 10 ايام وبعد دا يستضاف فى برامج
اليوم لم اشاهد فى انتظارادم
ياربى اتعاورا كيف
|
Post: #32
Title: Re: يا تلفزيون يا
Author: Walid Safwat
Date: 11-05-2004, 11:26 AM
Parent: #1
مسلسل ادم لم يظهر ليومين.. ترى المانع خير...
|
Post: #33
Title: يا
Author: mohmmed said ahmed
Date: 11-07-2004, 02:19 AM
Parent: #1
ادم دا بقى زى جودو ما معروف جا ولا ماجا
المسلسل الجديد حلقة واحدة ما بنحكم عليهو لكن فى ملاحظة عن الفترة التاريخية الاحداث قبل خروج الاستعمار لكن فى اشياء كدة حديثة بتظهر يعنى الابواب فى الريف فى الفترة ديك كانت من الخشب مش الابواب الحديدية الحديثة برضو ابسطة بلاستيكية حديثة شايلنها فوق جملوالكلام دا مفترض قبل 50 سنة او اكتر
المسلسل قادنى للتفكير بانو قصة الاستعمار الانجليزى دى ما عميقة فى الوجدان السودانى ومافى مشاعر عدائية عميقة ضد الانجليز يعنى عبارة زى الله يرحم ايام الانجليز شايعة ومتدوالة ومقبولة
ولا رايكم شنو
|
Post: #34
Title: ياتلفزيون السجم ونعيق البوم
Author: Dia
Date: 11-07-2004, 09:12 PM
Parent: #33
الاخ محمد سيد احمد
اتفق معك تماما جمال سعيد يترك العيش لخبازه والتلفزيون ده ماملك احد
منحى اخـــــــــــــــــــــــــــــر
واصل تلفزيون السودان سقوطه واسقاطاته وتفرغ للاساءة لابناء السودان جميعا فى مهاجرهم فبعد ان قدم حلقات صنف فيها جميع بنات الاقاليم بالسقوط والانحلال وممارسة الرزيلة عاد وتفرغ لنساء المغتربين والهمز واللمز وكان ذلك الانحلال والتفسق يمس ويلاحق اسرة كل مغترب او ابنائه بالسودان
مرة اخرى عاد التلفزبون اخيرا وبدا فى تصوير المهاجرين فى امريكا بانهم اناس لاضمير لهم زواج مصالح واسر مفككة وكذب وهلم جرا وكل ذلك فى مسلسل يعرضه التلفزيون على الملا
ثم عاد التلفزيون وقدم حلقة عن الاطفال اللقطاء وانصب تعليقها كان الابناء اللقطاء كلهم لفتيات من الاقاليم وبدؤا يتحدثوا عن المدينة واحتياجاتها والظروف والضغوط التى فيها ومايجابه بنت الاقاليم فيها وكان الامر مردود او مصدره بنات الاقاليم
لا ادرى من اين اتى هولاء رغم ان العاصمة كلها يعود اصلها للاقاليم
ان هذه الظواهر سببها ضعاف النفوس مستغلين الوضع الاقتصادى المتردى الذى افرزته الانقاذ ورجالاتها وان هذه الظاهرة لا مكان جهوى او جغرافى لها فهى سلوك منحرف وخاطى يوجد فى اى مكان وموجودة منذ القدم وحتى فى المجتمعات التى تتوفر فيها كل شى.حتى وفى عهد الرسول
شجع الكثيرين من ضعاف النفوس العلاقات الغير سوية ولقد شهدنا الكثير من المسؤلين الذين كانت لهم علاقات مريبة مع موظفات لديهم وبعضهم مع موظفيين وسواقيين فى مثال حى لحالات الانحراف الجنسى. بل ان بعضه تزوج بعد ان فاحت رائحته.
لا ندرى هل نسيت ادارة التلفزيون ودولة الاسلام قول عمر والله لو عثرت بغلة فى العراق لكنت مسؤول عنها
صحيح هذا زمن المهازل ولكن هذا السوء والتعفن الضميرى يرتبط باصحاب هذا الاناء الذى ينضح بكل القيح والسوء ونقول اتقوا الله وتذكروا يوما تسالون فيه عن اعمالكم
لا يسعنى الا أن أهدى هذا القول الذى قاله رجلقابلته وهو متسول ويمدح
ان طال الليل لابد للفجــــــــــــــر وان طال العمــــــــــــــــــــر لابد للقبر
ياتلفزيون السجم ونعيق البوم
|
Post: #35
Title: يا
Author: mohmmed said ahmed
Date: 11-09-2004, 01:25 AM
Parent: #1
العزيز ضياء
الغريب انو البقدموا الصور المشوهه لابناء الاقاليم هما نفسهم من ابناء الاقاليم وفجاءة لقو نفسهم بيشتغلوا فى التلفزيون
امس بابكر صديق قدم سهرة جميلة فى النيل الازرق شباب غنوا وابدعوا وخاصة الشاب الغنا قطار الشوق
امال النور بتقدم ملاحظات قيمة وعلمية
|
Post: #36
Title: يا
Author: mohmmed said ahmed
Date: 11-09-2004, 11:56 AM
Parent: #1
فى مسلسل السيف والنهار
ملاحظة حول اداء سعاد محمد الحسن تؤدى الشخصية وهى فىشكل من العبط ثم فجاءة تخرج من نمط اداء الشخصية وتفلت منها
كذلك جمال عبد الرحمن يؤدى شخصية التاجر بنمط محدد وفجاءة يعود كجمال عبد الرحمن الواقعى
|
Post: #37
Title: يا
Author: mohmmed said ahmed
Date: 11-10-2004, 12:33 PM
Parent: #1
شفتو حمزة عوض الله بالفيونكة
|
Post: #38
Title: يا
Author: mohmmed said ahmed
Date: 11-12-2004, 03:02 AM
Parent: #1
جايانا برامج العيد اتمنى اشاهد
وردى ابوعركى الهادى الجبل محجوب شريف شرحبيل محمود عبد العزيز النور الجيلانى مصطفى سيد احمد الجيلى الشيخ
لكن انا براهن على ديل حيظهروا فى الشاشة
جمال حسن سعيد فيصل احمد سعد عصام عبد الحفيظ نادر خضر فرقة الهيلاهوب
الراهن كدا
اى واحد من ديل يظهر تدفعوا لى 10 دولار ولو ما ظهر انا ادفع 10 دولار
|
Post: #39
Title: يا
Author: mohmmed said ahmed
Date: 11-14-2004, 01:51 AM
Parent: #1
امس سهرة اول يوم جميلة
عقدالجلاد
لكن هل يمكن للاسماء الجديدة فى الفرقة ان تعوض اصوات
انور
مجاهد
عمر بانقا
|
Post: #40
Title: يا
Author: mohmmed said ahmed
Date: 11-15-2004, 02:34 AM
Parent: #1
امس استضافوا 3 ضباط من الدفعة 17 فى الكلية الحربية
واحد بيحكى عن ذكريات الكلية قال كان معانا رمضان زايد وهو من اولاد النوبا وقرا كمبونى نحنا بنقول ليهو انت دخلت كمبونى بالغلط
كلام عنصرى سخيف
|
|