رمضــان كريـــــــــم

ياخوانا صبحكم الله بخيرو انشالله...

صحيت الليلة الصباح بدرييييييييييييييي والحالة المعنوية طاقشة السماء والدنيا ماشايلاني من الفرح والسعادة (والحمدلله)، وازيدكم من الطقاشة بيت انو الليلة آخر يوم في الأسبوع، ياسلاااااااااااااااام...

فقلت بما انو نفسياتي في السماء وبما انوماعندي طريقة أبارك ليكم رمضان قبل رمضان فكرت إني انزل البوست دة، وجيت من الصبااااح تاوقت وقلت أشوف إذا في زول نزل معايدة رمضان خير وبركة إذا مافي خلاص (على الاقل الواحد يستعمل العلامة بتاع مميز دي)، واهو تراني جيت وبقول ليكم...



رمضان كريم وتصوموا وتفطروا علي خير...
وربنا يتقبل منكم ومنا صالح الاعمال والدعوات...
وربنا يصومنا رمضان الجاي في ربوع سوداننا الحبيب او في المحل العايزنو(بعافيتكن)....


ست البنيــــــــــــات

تصومي السنة

الجاية

يا رب يا كريم

عندك تيمان

يسرخو زي تلفونات المدير

ترفعي واحد

التاني يسرّخ

والله ياقرجة حيرتني...

Quote: يسرخو زي تلفونات المدير ترفعي واحد التاني يسرّخ

ماعرفت ابكي ولا اضحك، ماعرفت اقول ابرى ولا اقول يا مييييييين...

عموما يديك العافية وتصوم وتفطر على الف خير انشالله...


ست البنيــــــــــــــــــــــــات

رمضان كريم
وتصوموا وتفطروا على خير
واهنيك يا ميادة على رمضان وادام الله السعادة
وربنا يحفظك

الأستاذ الكبيــــــــــــر حمزة سليمان...

Quote: وادام الله السعادة

جمعا يارب...


ست البنيــــــــــــــــــــــــات

كل سنة وانتي طيبة
شهر مبارك
اللهم تقبل صيامنا
واجعلنا من عتقاء
هذا الشهر المبارك

حمزاوي...

وانت بالف خير ويتبارك الشهر علينا وعليكم انشالله...



ست البنيــــــــــــــــــــــــات

مـــيـادة ... يا سـت البنيات



أسـعدت صباحاً... تصـومي وتفطري على خير أنشاء الله ....

دائماً سـباقه، تعرفي الليلة كان دا برنامجي من الصباح أخطط من امس المساء .. ولكن

على العموم الحمد لله ما مشــت بعيد برضـو التهاني مننا وفينا ولينا... يا أخـونا عبر الاثير

رمــضــان كــريــم ... بطـعم الحلـو مـر و الآبـري والقراصــة والعصــيدة وبقية مائدة رمضان "السودانية"

تقبل الله منكم ومنا الصيام والقيام .. ونسأله حسن الخـاتمــة

ميادة ست البنيــــــــــــات

كل سنة وانتي بخير ومعنوياتك فوق

أخونا صـلاح بن بن ...

وانت بالف خير انشاء الله ... نيابة عن سـت البنيـــات

وينك انت يا أخــي ما حــد بشوفك .. ولا بسمع عنك

يا أخي اظهر وتعال رمضان فرصة نشوفك هناك ... وعلى سلك التليفون على الاقل

أديك الف عافـــية ... وتاني رمضان كريم

بن بن العريس...

تصوم وتفطر على خير انشالله...

وبختك السنة دي فطورك مدنقل ...



ست البنيــــــــــــــــــــــــات

وليد تولتومية تسعة وتسعين...

بعدين نسيت اهم حاجة في التربيزة بتاعة رمضان...
الرقاق
تصوم وتفطر على خير انشالله والسنة الجاية عريس انشالله...



ست البنيــــــــــــــــــــــــات

ميادة ست البنيات لي حدهن ..

تقبل الله منا ومنك .. وأعاننا على صيامه وقيامه ..

ورزقنا في أوله رحمة ...

وفي أوسطه مغفرة ..

وفي آخره عتقاً من النار ...

آمييييييييييين ..

وصلى الله على نبينا المختار أفضل الخلق وأشرفهم وعلى آل بيته الكرام الطيبين الأخيار .. وعلى صحابته الغر الميامين الأبرار ..

آميييييييين ..

الاخ عبدالباقي الجيلي...

Quote: تقبل الله منا ومنك .. وأعاننا على صيامه وقيامه ..

منا ومنكم صالح الاعمال انشالله...
بعدين بالله لو ممكن كتر لينا من اعاننا دي، محتاجين ليها شديد والله...

Quote: وصلى الله على نبينا المختار أفضل الخلق وأشرفهم وعلى آل بيته الكرام الطيبين الأخيار .. وعلى صحابته الغر الميامين الأبرار ..

عليه الف صلاة وسلام...

شكرا على المرور والدعوات اللذيذااااااات...



ست البنيــــــــــات

الاخت مياده


كل عام وانتى بالف خير يا ستى وتصومى وتفطرى على خير وربنا يعينك على صيامه وقيامه ويجعلك من المعتقين من النار فى هذا الشهر الكريم ...

قرشـــــــو...

انا كان عارفاك بتمر بهنا كان من زماااااااااااااااان نزلت البوست دة...
تصومو وتفطرو على الف خير...


ست البنيــــــــــات...

ميادة
كل رمضان وحضرتك بخير ، وربنا يتقبل منا جميعا ، ويجعل أيامنا كلهامواسم للعمل الطيب ،،

ميادة

ربنا يتقبل منك ومننا ومن جميع المسلمين وكل رمضان وأنتي بألف خير

ميادة
رمضان كريم
ردي على التلفون ..
تحياتي للوالدين

ابي جهينة...

الله اكرم وتصوم وتفطر على خير انشالله...

Quote: ردي على التلفون ..

ياتو تلفون ولا خير وسيلة للدفاع الهجوم!!!



ست البنيـــــــــــــــــــــات

الاخ عمر الماحي...

منا ومنكم صالح الاعمال والدعوات انشالله...


ست البنيـــــــــــــــــــــات

الخال ودقاسم...

Quote: حضرتك

معقولة بس، هو العين بتعلى على الحاجب!!!

تصوم وتفطر على خير انشالله...


ست البنيــــــــــات

مياده ست البنيات
وست الوليدات كمان


والله شوفتك يا ستى بقت بالدراهم

وبصراحة ليك وحشة ( اكان ما يجوا الجمعة يقولوا على بساكك فى البنيات فى البورد) شديدة لانه غيابك طاااااااااااااال

كل يوم افتش اقول امكن القى ليك بوست من الحاجات الجميلة ديك انسى بيها الكان والحاصل فى البنبر وما القى حاجة ..
ما صدقت لقيتك بتهنى باجمل الشهور واحلاها قلت اطل واخد البركات قبل الزحمة ..

رمضان عندكم لكن يا ست البنيات

ما تقولى لى ...

نهاركم كلللللللللللله نوم تحت الكندشة

وليلكم سهر للصباح ..

البلد دى كده والبجيها من بره لازم يبقى كده ويقلب ساعته البيولوجية ويتكيف مع الطراطيع والتقاطيع وكل انواع الحلويات والفطائر والمعجنات ...

لك تحياتى واحترامى

العزيز قرشو...

Quote: والله شوفتك يا ستى بقت بالدراهم

طيب انا بظهر بس انت اجدع لي منهم شي
انا قاعدة ومتوفرة بكسرة علا زنقة الشغل نسو شنو عاد، اكل العيش مررررر...
بعدين انت لوك الصبر وانشالله قريب دة بتلاقي ليك بوست لكن عاد كان ماشفتك بهناك شيل شيلتك مع ست البنيات والوليدات...

Quote: ( اكان ما يجوا الجمعة يقولوا على بساكك فى البنيات فى البورد)

جماعة البورد هينين، كعب الجماعة التانيين ...

Quote: ما تقولى لى ... نهاركم كلللللللللللله نوم تحت الكندشة وليلكم سهر للصباح ..

يا ريـــــــــــــت...

Quote: الطراطيع والتقاطيع...

جمبك دكشنري قريب؟؟؟


رمضانك كريم وتصومو وتفطرو على دشليومية خير انشالله...


ست البنيــــــــــــات والوليدات

ألأخت ميادة

كل عام وانت بخير
رمضان كريم

السمؤل

الله أكرم يا ميادة
وأعاده الله على أمة الإسلام بكل خير.

الأخ ورّاق...

رمضانك كريم، وتصومو وتفطرو والاسرة الكريمة بخير انشالله...


ست البنيــــــــــــــــات

الله اكرم

وتصوموا وتفطروا على خير

كنـــــا عايزين نعزمك فطور يوم الخميس الجاي


لكن في خيانات .. حاصلة ..

خلي العزومة دي علي ضمانتي .. في اقرب خميس .. في رمضان الجاي داااك..

ألأستاذة / ميـــادة

من ما فتحت البوست ده شميت ريحة ألآبرى ... الحكاية شنو؟؟

كل سنة و انتى طيبــة .. وعبرك أذف التهنئة لكل ألأصدقاء

فى البورد و خارجـــه...

الفولانى

الحبيبة ميادة..

كل يوم وانت وأسرتك بألف خير..



ورمضان كريم..

تصوموا و تفطورا على خير

الاخت الكريمة ميادة

الله اكرم

نسال الله ان يتقبل منا ومنكم صالح الاعمال

مع امنياتي بكل الخير

اسعد