إلى .. الضلضول .. الدلوكة .. أب سرجاً ما خمج

أمس بليل .. قلت لي (أم العيال) .. بدور أمشي إتعشى مع جارنا (ود الفحيل) .. سعلت الله .. دخلتلي في أمراً ضيق بلحيل .. وخشيت جوة ضفوري .. وعينوتاتي المشرطات ديل .. بحلكن وإدورن وحمرن .. زي الشاربلي عبارين (مريسة) .. من الشفتو .. وحات شنباتي .. اليرقن فوقن الصقر .. ما صدقت نظري ..

كدة يا (ود الفحيل) .. بالمختصر المفيد .. والواضح المو فاضح .. فنترب قمت نطيت .. وشلت كرعي .. وخبطت الباب .. جا زولك .. فارد
إيديهو ويهوزز في شنبو العاجبو داك .. المتل شنب (صدام حسين) .. قبل ما يحتوهو العمريكان .. أهلاً مرحب حباب .. فضل .. وإنزغمت وخشيت .. زولك أصر .. قعدت .. بعد شوية بحلك عويناتو وبرم شنبو (ونهر) و (زمجر) .. يا ولية جيبي العشا .. وحات اللقمة الساعة القامت وهبت فوقو .. التقول (شاهين) .. إنقضالو في (حُبارى) .. وجنس صواريخ .. يا مبهدل .. يا بطيني .. وأصلك ما بلقوك إلا في المغلباك دي ،،، عيلي (المفراكة) ... حجزتها منو.

ـــــــــــــــــــ

يا جنا هووووي أوعا (الوليدات) يغشوك .. ويزهليلوبك .. أنهر (المرة) و (أضفرة) ووريها العين الحمرة ... وخوفا .. وأهرشا
و (أحسما) ...
وإنت يا (الميطيميس) صدقت .. وبرمت شنباتك .. وتنهر وتقهر وتجعر .. فوق (المرة) .. فيشان يشوفوك (خيانك) .. ويخلعو عليك لقب (شلبي) و (فحل) من الدرجة الأولى .. كلو بوروك ليهو .. وحات الأخوة .. لمن تقفل بابك وإنت و (المرة) .... عيييييييييييييييييييك : لا حبيب لا صحبن قريب بحلك منها .. (يحلك منها الحلة بلة) ... لا تحانيس بتنفع لا توسل بجيبلو شئ .. والشافك بيت (القوا) ما كضب يا (شلبي)

هوووووي .. أكان (المرة) قالت ليك أطلع الجبل .. لا تعصيها .. وتجيبلك كُبر راس وفحولية مافي ليها داعي .. جبل الجن دة ..
إنت طالعو .. طالعو .. إكان رضيت وإكان أبيت .. عيلي وصيتي ليك يا (أب شنب) .. أطلعو من عصراً بدري .. في البرودية .. فيشان تنزل في البرودية .. وتلحق تفطر مع (أم عيالك).

وكمان عضو على الطلب دة .. بي سنيناتكون:


طلب تصريح خروج من المنزل رقم ( )
ــــــــــــــــــــــــــــــــــــ
سعادة الزوجة الحبيبة ............. المحترمة

أتقدم لسعادتكم بطلب التكرم بالسماح لي بالخروج من المنزل في
يو .......... الموافق .../ .../ ... م من الساعة ... حتى الساعة ...
وذلك للأسباب الآتية:
1) ...............
2)................
3) ..............
4)...............

كما أتعهد لسعادتكم بصفتكم السلطة العليا بالمنزل بأن أعود في الوقت المحدد لانتهاء التصريح مع استعدادي لتحمل كافة العقوبات المنصوص عليها أدناه في حالة تأخري في الحضور في الوقت المحدد.

مقدم الطلب
الزوج .........
التوقيع .......
ــــــــــــــــــــــ
خاص بالاستعمال الرسمي (يُعبأ من قِبل الزوجة فقط)
ــــــــــــــــــــــــــــــــــــــــــــ
بعد الاطلاع على طلب الخروج من المنزل المقدم من زوجنا الحبيب، وبعد مراجعة مبررات الخروج ومراجعة ملف مقدم الطلب قررنا نحن (الزوجة) التالي:
* يُسمح للزوج بالخروج من الساعة ... حتى الساعة ... بناء على ساعة الزوجة لمنع التحايل من قِبل الزوج.
* عدم السماح للزوج بالخروج وذلك للأسباب التالية
- عدم انتهاء مدة العقوبة السارية من البند ( ) في تاريخ ...
- لتجاوز مقدم الطلب العدد الأعلى من التصاريح لهذا الشهر.
- نظراً لتعكر مزاج الزوجة هذا اليوم.
- نظراً لرغبتنا الذهاب للسوق مما يستوجب بقاء مقدم الطلب عند الأطفال.
- نظراً للأناقة الزائدة عن الحد مما يستدعي الشك في سبب الخروج.

الزوجة:........... التوقيع:............... التاريخ:.........
ـــــــــــــــــــــــــــــــــــــــــــــــــــــ
لائحة العقوبات
ــــــــــــ
بند1- النوم الإنفرادي وبدون عشاء لمدة ( ) يوم
بند2- الحرمان من الحقوق الزوجية لمدة ( ) يوم.
بند3- الحرمان من المصروف لمدة ( ) يوم.
بند4- الحرمان من استخدام الهاتف لمدة ( ) يوم.
بند5- العبوس والتكشير في الصباح والمساء.
بند6- مصادرة الموبايل.
بند7- المنع من مشاهدة القنوات اللبنانية مع مشاهدة القناة السودانية لمدة ( ) يوم.
ـــــــــــــــــــــــــــــــــــــــــــــــــــــــــــــــ

عزيزي أبو القنفد
تحياتي
و عودا حميدا بهذا الزخم الجميل ..

هذا البوست لن أجعل أم العيال تراه بتاتا ..

تسلم

(عزيزي أبو القنفد
تحياتي
و عودا حميدا بهذا الزخم الجميل ..

هذا البوست لن أجعل أم العيال تراه بتاتا ..

تسلم )

.. حبابك ألف أخي وعزيزي أبا جهينة .. وربنا يبارك فيك

.. حرام عليك .. بكلم ليك ناس حقوق النسوان .. جاني شمار
تحت تحت .. قالوا ناس (رجاء) .. سربوهو في الحلة.

وتسلم

..

.....

يا أبوالقنفد

مرفق صورة من آخر طلب تقدمت به
************************************************************************************

طلب تصريح خروج من المنزل رقم (52345 )
ــــــــــــــــــــــــــــــــــــ
سعادة الزوجة الحبيبة التاية بت أم حقين المحترمة

أتقدم لسعادتكم بطلب التكرم بالسماح لي بالخروج من المنزل في
الموافق 25/ 10/ 2004م من الساعة 06 حتى الساعة 12
وذلك للأسباب الآتية:
1) للعشاء مع الجكسوية
2)................
3) ..............
4)...............

كما أتعهد لسعادتكم بصفتكم السلطة العليا بالمنزل بأن أعود في الوقت المحدد لانتهاء التصريح مع استعدادي لتحمل كافة العقوبات المنصوص عليها أدناه في حالة تأخري في الحضور في الوقت المحدد.

مقدم الطلب
الزوج عــلى الحلاوى
التوقيع ــــــــــــــــــــــ

خاص بالاستعمال الرسمي (يُعبأ من قِبل الزوجة فقط)
ــــــــــــــــــــــــــــــــــــــــــــ
بعد الاطلاع على طلب الخروج من المنزل المقدم من زوجنا الحبيب، وبعد مراجعة مبررات الخروج ومراجعة ملف مقدم الطلب قررنا نحن (الزوجة) التالي:
* يُسمح للزوج بالخروج من الساعة ... حتى الساعة ... بناء على ساعة الزوجة لمنع التحايل من قِبل الزوج.
* عدم السماح للزوج بالخروج وذلك للأسباب التالية
- عدم انتهاء مدة العقوبة السارية من البند ( ) في تاريخ ...
- لتجاوز مقدم الطلب العدد الأعلى من التصاريح لهذا الشهر.
- نظراً لتعكر مزاج الزوجة هذا اليوم.
- نظراً لرغبتنا الذهاب للسوق مما يستوجب بقاء مقدم الطلب عند الأطفال.
- نظراً للأناقة الزائدة عن الحد مما يستدعي الشك في سبب الخروج.{ْْْX}

الزوجة:التاية بت أم حقين التوقيع :............... التاريخ15/10/2004

الأخ/ علي الحلاوي ...

طلبك مزور ... بقيت كمان تزور توقيع التاية بت أم حقين ...
يا زول شيل شيلتك .. أرجا الراجيك .. التاية حا طبق عليك
العقوبات كلها من البند (1) ولغاية البند (7)، بإلاضافة للعقوبات
غير المنصوص عليها ... والإنت عارفها كويس