تنبيه للأخوة المسافرين للسودان خاصة العرسان

طبعا اظرف ما في زواجي هو سرقة موبايلي القيم الذي يعادل ثمنو مليون جنيه سوداني وكذلك موبايل العروس
حيث كنت احس واعمل حساب منذ وصولي السودان حيث انو المغتربين بيكونوا مرصودين سافرت مدني وسافرت الخرطوم وشندي وسافرت سنجة وكنت دائما باجر عربة في المواصلات الداخلية وكنت حريص على نفسي وفلوسي وموبايلي حتى يوم الحنة الاولى والحنة الثانية مع مرعاة فيها شيل فوق ودفر وكبسيبه لكن مرقت من كلو الحمدلله لياتي اليوم الموعود يوم الكرامة او الحنة الكبيرة حيث كانت عزومتي غداء وحوالي الساعة العاشرة قالوا لي حنتك دي ماشالت تعال اقعد ندبله ليك ثالث وقعدت رغم انفي وانا راقد في غرفتي والضيوف من كل الجهات فيهم الاهل وفيهم المعازيم وفيهم معازيم المعازيم وفيهم المامعروف تبع ايهم ورغم ذلك حريص على موبايلي وتذكرت ان اضرب للمدام في هذه اللحظة (إرادة الله فوق كل شي) وطلعت الموبايل من جيبي وفي هذه اللحظة بالذ1ت ياتو لي بتلفون البيت حيث ضربت لي المدام بحجة انو موبايلي مغلق وفي الحقيقة هذا من قدر سرقة الموبايل حيث الشبكة سيئة في مدينة ودمدني وخاصة اذا كنت داخل غرفة ونواصل... اضطرت المدام الضرب لي في تلفون البيت الارضي واذا بي امسك السماعة وانسي ان ادخل موبايلي داخل جيبي وكانت هناك عين ترصدي بتمعن وكانها تتحين مثل هذه اللحظة وفي لحظة اندماج كامل مع المدام اذا باللص الحريف ياخذ الموبايل وربما تكون لصة اتخيلوا مدى المصائب في السودان وبعد الانتهاء من المكالمة بحث عن موبايلي فلم اجده تخيلته تحتي او اخذته احد اخواتي وانتظر حتى شالت الحنة لاتفاجا وبكل اسف بفقدات موبايلي في اسعد ايامي وهذا قدره المكتوب رضيت بالمكتوب والكل يكفر لي وانزعجت لذلك حيث ادخلت الضيوف في حرج وظهرت للجميع كانو لايهمني الموبايل (ربنا يعوضني) ومضى ذلك اليوم المهم بدون موبايل وكل في الخليج وامريكا يحاولوا ان يباركو لي فاضظريت لاخذ موبايل ود عمتي حتى يوم الزواج حيث زوجتي عندها موبايل واكون خلاص اثنين في موبايل لانو تاني ماحنتفارق ومر يوم الدخلة بسلام وجلست مع العروس واخذت منها الموبايل لكن اعطيته لها عشان يكون معها للتجهيز للجرتق وفعلا جاء موعد الجرتق مع الصبوحية الجميلة واتصلت على الزوجه بان تكون جاهزة عشان نشتت وردت علي خلاص طالعين وفعلا كان الجرتق وكان قطع الرحط وخلاص التجهيز والبكاء والوداع للاسرة ولكن حصل مالم يكن في الحسبان حيث تركت الزوجة الموبايل في غرفتها وطلعت للجرتق لترجع وتجده قد لحق اخوه (موبايلي) فاضطريت ان لا ارجع لابن عمتي العزيز موبايلو وحكيت ليه الحادث الجديد فاصبحنا عريسين مسروقين في ليلتين جميلتين لمرصودين والله كريم وهذه بمثابة نصيحة واحكي لكم بعض نكت سرقات الموبايل الذي اصبح في السودان شئي عادي
احد المسافرين ترك موبايلو في المقعد وذهب يجيب ليه جريدة فاذا بجارته في المقعد تستولى على الموبايل ولجهلها بالموبايل تتركه فاتح في شنطتها لياتي صاحبه ويبحث عنو ويصيح لقد سرق موبايلي فاذا باحدهم يساله من النمرة ويتصل عليه ليرن الموبايل داخل شنطت الجارة العزيزة يافضيحة
القصة الثانية
واحدة سرقت كذلك موبايل من احد الشباب وما قفلتو واتصل عليها الشاب قالت ليه ياخوي شوف ليك شغله انا امنيتي في الدنيا املك لي موبايل عشان كدا شوف غيرو صاحبنا هددها بالقبض على الموبايل وبعد فترة اخبر صديقه بالحادثة فاتصل صديقه بالسارقة اللذيذة ودخل فيها شمال صوتك الحلو لازم اقابلك وهاك ياكلام عسل رفع من معنويات السارقة طبعا صاحبنا اتصل كانو اتصل خطأ ووقع في ست الغرام وهاك يامواعيد وهاك تجهيزات وتاتي اللحظة الموعوة ويتقابل احباب التلفونات السارقة وصديق صاحب التلفون المسروق وتاتي السارقة وتجلس وكمان بكل وجاهة ترمي بالموبايل في التربيزه كانها صلاح ادريس ولا ود الجبل فاذا بالمسروق ياتي وياخذ موبايلوا ويقول لسارقة اللذيذة ماقلت ليك بقبض علي موبايلي
ولنا عودة

المريخابى (المصرج) كيقا
هو يا اخوى انت لسه ماتميت شهر بقيت (تفتى) ؟؟؟
وبعدين هى كان بقت على الموبايل دى بسيطه ، انت خلاص عمرك أنسرق خليك من الموبايل ... أنت ماسمعت عندنا واحد صاحبنا قال العرس ده فلم (هندى) ناهيتو المقابر ....
وان شاء الله تتطلع ليك العروس (رشاشه) ما تكون مصرجه ذيك ... دمت.

المريخابى (المصرج) كيقا
هو يا اخوى انت لسه ماتميت شهر بقيت (تفتى) ؟؟؟
وبعدين هى كان بقت على الموبايل دى بسيطه ، انت خلاص عمرك أنسرق خليك من الموبايل ... أنت ماسمعت عندنا واحد صاحبنا قال العرس ده فلم (هندى) ناهيتو المقابر ....
وان شاء الله تتطلع ليك العروس (رشاشه) ما تكون مصرجه ذيك ... دمت.

المريخابى (المصرج) كيقا
هو يا اخوى انت لسه ماتميت شهر بقيت (تفتى) ؟؟؟
وبعدين هى كان بقت على الموبايل دى بسيطه ، انت خلاص عمرك أنسرق خليك من الموبايل ... أنت ماسمعت عندنا واحد صاحبنا قال العرس ده فلم (هندى) ناهيتو المقابر ....
وان شاء الله تتطلع ليك العروس (رشاشه) ما تكون مصرجه ذيك ... دمت.

الاخ تاج السر حسن
انا ذكرت انو بعد الزواج طوالي انتصر المريخ على الهلال بهدف نجم الدين ابوحشيش وكاد الهلال ان ينهزم من اهلي مدني لولا ضربة الجزاء الظالمة مما يدل على الفال الحسن وانتظروا الخير الجاي من الزوجة العزيزة والعرس حلو والله حلو على حسب الريده
بالمناسبة اهديك هذه النكتة الفنان الجيلي عبدالماجد عمل عملية تجميل في مصر وجاء السودان وساله اخوه الاصغر منو بلاي ياخوي يالجيلي العملية بتكلف كم في مصر رد الفنان الجيلي على حسب قباحتك
لذلك اقول ليك العرس على حسب اشياء كثيرة وماتسمع كلام الناس ودق صدرك والله وملائكته يحفونك ودعواتنا معاك

أنت يا كيغا يا اخوى أنا ماقلت ليك أنت مصرج ، هسه الحسين بعد أيام قليله ح نحتفل بعيد ميلاده الثالث، وزل شاعر من هسه ...
أها أنت أبقى أبو بنات ساكت بس ما يكونن مصرجات.

Alf Mabrouk Keiga

Wa aljatk fe mobilek sam7tk

شكرا ليك ياعجب ياخوي تاج السر انتظر بس المفاجات القادمة باذن الله

انت الكبكبه ليك شنو تخلي تلفونك بره

الكبكبه بسببها الله يعرس ليك لو مامعرس اقول اقدار بس اتخططت من اجل السرقة رغم حرصي الزائد وهذا القدر

الف مبروك يا عريس..
والجاتك فى موبايلك...ريحتك.

انور

الحمدلله على كل حال يا انور كينغ واشكرك على الموساة

عقبالك يا حبيبنا عندي محمد

لكن العرس ما بيخليك تكبكب ذي ده

عقبالك يا حبيبنا عندي محمد

لكن العرس ما بيخليك تكبكب ذي ده


يكونو ضبحو ليك الكديسه يا فرده