Post: #1
Title: أخوي الجنا المطوفش (سجيمان) ... ألحقني .. إتهمشت لمن إتهشمت
Author: aboalkonfod
Date: 10-07-2004, 00:38 AM
تلحقني وتنجدني .. بي بركاتك .. أخوي الجنا المطوفش
الشاعر قال:
تموت الجمال في الصحاري هملة سااااااااكت .. والرعاية والعناية
والتدليل .. والتدليك .. تلقاها الكلابُ - إنتهى قول الشاعر -
زمااااااان كان دخول الحمام ما زي خروجو .. عيلي الزمن العلينا
دة .. بقن وااااحد !!
تدخل وتمرق .. تمرق وتدخل .. تاني تدخل وتمرق .. زي الفأر الموسوس
لا كديس .. ولا سنجاب يشتغلبك الشغلة .. لمن تغلبك الحيلة تعمل فيها
(فأر ميت .. رسمي وشعبي)
تقلب (الهوبا) .. تنطط .. تصرخ .. تجعر .. تقلب الطوبا .. (هههههه) تعضي العقرب في ضنبا .. ناس قريحتي راحت .. يعملوا فيها عميانين
وطرش .. (الطرش يا يابا اليحاحو بالسماعات).
تمشي الحداد .. لا الصايغ .. تنسجلك قفص .. تهندسو .. تجملو .. تضربو
أورنيش .. تكب كل (شرتيتك وكنزبتك) فوقو .. لمن أهل القدح يعرفو حاجة .. تربي شنبك .. تفريشو .. وتسريحو بكل أنواع الأصباغ والكريمات والمزينات والمجملات والمطهرات والمطولات والمسودات .. يغنوبو البنوت فوق الدلوكة:
(الكنفد) التش .. مالو ما جا
الشنبو حش .. مالو ما جا
الشنبو حش .. مالو ما جا
دة التشانا .. تش مالو ما جا
بعد دة مافي (قرد) يشتغلبك الشغلة .. التقول طالبون مغصة !!
جيتك الليلة يا أخوي (المطوفش) فيشان تنصفني !!
سوي الواجب فوقي
أخوك/ كنفد
|
Post: #2
Title: Re: أخوي الجنا المطوفش (سجيمان) ... ألحقني .. إتهمشت لمن إتهشمت
Author: سجيمان
Date: 10-07-2004, 00:49 AM
Parent: #1
اخي ابا القنفد
هون عليك يا اخي
هذا عصر السحالي
كُن سحلية.... تجد الرعاية
وكيف يرعوك وانت مقفند؟
هذا عصر الزواحف
كن زاحف عل ركبيتك تجد العناية
اياك وان تخرج راسك من جرابه
السيف والسياف والنطع بالباب
انه عصر ابا القدح
احمل قدحك.... تجد من يحترمك
وابو القدح يعضي اخاه.. في الجهة الشمالية الشرقية
من بوعو......
هذا عصر العاهرات
لا تكن عاهره.....
ولكن حاول ان تكون قواداً
تدين لك الدنيا
|
Post: #4
Title: Re: أخوي الجنا المطوفش (سجيمان) ... ألحقني .. إتهمشت لمن إتهشمت
Author: AnwarKing
Date: 10-07-2004, 05:56 AM
Parent: #2
Quote:
هذا عصر العاهرات
لا تكن عاهره.....
ولكن حاول ان تكون قواداً
تدين لك الدنيا |
يا دكتور الكلام دا بدينك فى عيوني...
انت البيجيك فى كي بوردك كلو بتكتبوا ولا شنو؟
حا أكلم أختى الصغيرة ما تقرا ليك تانى...
منك جكّة كبيرة والله...
أنور
|
Post: #3
Title: Re: أخوي الجنا المطوفش (سجيمان) ... ألحقني .. إتهمشت لمن إتهشمت
Author: قرشـــو
Date: 10-07-2004, 01:23 AM
Parent: #1
الحبيب ابو الكنفد ( مع انننا بنقول ابوالقنفد)
جابنى الشوق سيدى ليك لما لقيت اسمك مع انى لم امتلك رموز فك سيفرة رسالتك للحبيب الدكتور المفوه سجيمان ..
والله ليك وحشة يا حبيب
بركة الجيت ( ما قاصد الاغنية والله) ياحبيب ونورت الديار..
لك التحايا والحب
|
|