Post: #1
Title: هل تعود أيام بوردنا الاولى ؟
Author: garjah
Date: 10-06-2004, 08:12 AM
Parent: #0
كولا جاني شاكي يسجر
لقاني في بوست الحلوة هناك مبنشر
قال لي مااالك صباحك وشيشو مكشر
قلت ليهو زعلان من بوردي خلاس حردتو الورور
طريت ايام كنا نجر النم والجمال ديمة مسكر
واليوم الجمال مسخ وشيشو محجر
ونضم السياسة بقى حجار سوسو مكركر
حليل رحمابي لما يكون مزاجو صافي ماهو معكر
نتحلق حول بوستو كلمة كلمة نقرا ننمر
وتجيك جندرية لافحة توبا الا تخت كلاما تمرر
وحروزة اب شنبا غليد في بوستاتو ديمة نقرقر
درس عصر تماضر من بدري نحجز نجر البنبر
وين ضحاك ايامك يا بوردي وين تموينا وينو السكر
السكر وينو ....يا ناس ؟
|
Post: #2
Title: Re: هل تعود أيام بوردنا الاولى ؟
Author: Tumadir
Date: 10-06-2004, 08:29 AM
Parent: #1
الاجابة: لا
بدون تفكير
|
Post: #6
Title: Re: هل تعود أيام بوردنا الاولى ؟
Author: garjah
Date: 10-06-2004, 02:05 PM
Parent: #2
تماضر
يا زمن وقف شويه
واهدي لي لحظات هنية
وبعدها
تررررررلم
وبعدها
شيل مني نبقي وشيل وباقي دومي
شيل ناس هناي ديك الكرهونا شيل ناس هناية كمان الاشتكونا
وديهم هناك بورد الادارة يجعرو فوق بعض كفاية يااخ ما قبضونا
|
Post: #3
Title: Re: هل تعود أيام بوردنا الاولى ؟
Author: Sidig Rahama Elnour
Date: 10-06-2004, 08:31 AM
Parent: #1
وبعد أصبح البورد دافوري يدفر
وبقي كلامو ساكت بايت مخمر
ترجع أيام البورد (حركة وراء) لساتك تنبشر
السكر في التموين والحال متعثر
|
Post: #4
Title: Re: هل تعود أيام بوردنا الاولى ؟
Author: kov_123
Date: 10-06-2004, 08:39 AM
Parent: #1
يييييييييييييييييييييييييييييييييييييك !!!!!!!!!!!
انت اتنكت من وين !!!!!!!!!!!!!!!!!
|
Post: #5
Title: Re: هل تعود أيام بوردنا الاولى ؟
Author: عبدالله الصادق الفحل
Date: 10-06-2004, 09:03 AM
Parent: #1
العــــاقبة لديكم في المصـــــــــــــرات يا قرجة اخوي..
|
Post: #7
Title: Re: هل تعود أيام بوردنا الاولى ؟
Author: garjah
Date: 10-06-2004, 02:20 PM
Parent: #5
كوف
يا قديم يا مدلل
شنو كده ما عارف اتحلل
انت مسجل قبلي بشهر
اقدمية يعني يا فردة
شان كدة بنديك
سلام تعظيم
صديق
شايفك تسجيلك كرت يا فردة
ونمرك جدييييدة شهر تسعة
والله اخوانك اطقشو في دروب النيت دي جنس طقيش
دخلت البورد شيبة واحدة ما عندي
هسع الواحد بقى زي العامل شكلة في طاحونة
الفحل
المصرات دي يبلعوها كيفن عاد
|
Post: #8
Title: Re: هل تعود أيام بوردنا الاولى ؟
Author: 3bdo
Date: 10-06-2004, 10:33 PM
Parent: #7
قرجة وصحبة البوست
سلامااات
ألا ليت أيام الصفاء جديد ... وبوردٌ تولي يا صديقي يعود
وودٌ ولطفٌ يملأ القلب صافيا... يزيل الهموم والنفوس تطيب
صعب صعب يا علي... بكري مسك العضوية في يده ولم لينا زمرة كده من السياسيين غير المشاكل ما عندهم.. وكل حزبيين لموا ناسهم وجو للبورد يجعجعوا وعاملين نفسهم ملائكة هذا الزمان
الحل في انه نتلم في بوستات محدده زي ( خيمة صحبة الخير) ... الواحد يجي يروح عن نفسه في البوستات ... مش يتغم بي مشاكل العالم اللي ( ماخده قلم علي روحها دي )
|
Post: #9
Title: Re: هل تعود أيام بوردنا الاولى ؟
Author: abuguta
Date: 10-06-2004, 11:32 PM
Parent: #8
هل تعود ايام
بوردنا الاولى...
دنيا كانت حلوة
قبل يجونا
ناس شعيرة
مجدولة...
يكبو
الكمونية
مع الفولة...
وبكتوبو
الوال
بدل الشولة..
قول بالله
لا حولة...
قايلين
البورد
بكون دولة...
ووزارت
وسفارات
وانتخابات
وبكرة
لينا الجولة...
هم عايشين
هاى هاى
وناس
عيشتها على
المولى...
عيش مدروش
بالكيلة
وما لهم
حولة...
وناس فى
الخلا
ساكنين
ومهمشين
يالهولة...
بس الهولة
مش فى الجوع
ولا العطش
فىالناس
القاعدين
فى الفنادق
ومتبنين
قضاياهم
مين الاولى...
مافيش
ايام حلوة
بتجى راجعة
لان الذكرى
هى الاحلى
ياحليل
ايام بوردنا
الاولى...
غريبه انا كنت معاكم بس من منازلهم...
|
Post: #10
Title: Re: هل تعود أيام بوردنا الاولى ؟
Author: Munir
Date: 10-07-2004, 02:11 AM
Parent: #7
سلام جاكم يا عزيز ـ
شايفك تسجيلك كرت يا فردة
ونمرك جدييييدة شهر تسعة
نحن يا قرجة ياصديقي تسجيل قديم لكين محافظين مابنمشي بالدقداق 
|
Post: #11
Title: Re: هل تعود أيام بوردنا الاولى ؟
Author: معتصم دفع الله
Date: 10-07-2004, 02:45 AM
Parent: #10
الحبيب قرجة
سلام شديد يا مان
يا ريييييييييييييييييت ..
تعود تلك الأيااااااااام ..
|
Post: #12
Title: Re: هل تعود أيام بوردنا الاولى ؟
Author: cola
Date: 10-09-2004, 04:21 AM
Parent: #1
ويااااااااااحليل الحلوين الراحو
|
Post: #13
Title: Re: هل تعود أيام بوردنا الاولى ؟
Author: garjah
Date: 10-09-2004, 07:01 AM
Parent: #12
الحبيب عبده
كيفك يا غالي
ياخي بعد كانت الصفحات كلها حقتنا عايز تقفلنا في اوضة
يا شيخ حرام عليك
تجي نقلبا
ابوقوتة
قهوة تواصل مظبوطة
كلام مهضوم فهم مقرمش ما بعرف الجوطة
وان دار الوغى تلقاهو في نصها بالبوز يديها شوتا
يا حبيب والله مشتاقين
منير
الباشمهندس
كيف يا رايق
قلت لي الدقداق بجيب وجع الركب وبيخفف السوست
خليك في الظلط الناعم وحاذر السرعة
معتصم
كيف الغالي
انا عارف لولا ما نجده من صبرك انت وعم التنقو
والنغم الجميل البتنزلوهو لينا
لفكينا البيرك من زماااان
كولا
ود الخال
عساك طيب
والله طلتك تفرح القلب الحزين
ولا تحرمنا من جمال جياتك
|
Post: #15
Title: Re: هل تعود أيام بوردنا الاولى ؟
Author: kov_123
Date: 10-09-2004, 12:50 PM
Parent: #13
تشكر يا قرجة!!!!!
|
Post: #14
Title: Re: هل تعود أيام بوردنا الاولى ؟
Author: zola123
Date: 10-09-2004, 10:38 AM
Parent: #1
أبو نورة سلام
عايزنا نرجع زي زمان؟
قول للزمان ارجع يا زمان
|
Post: #16
Title: Re: هل تعود أيام بوردنا الاولى ؟
Author: garjah
Date: 10-10-2004, 07:04 AM
Parent: #14
الزولة
العائدة من السودان ...انتي عارفة لو كتبتي مذكراتك عن السودان وانتي هناك لطلبت منك ان
1/ تجيبي كمية من الدوم وتنزلي فيهن كد.
2/ يكون في جيبك دائما كميات من فول الحاجات والتسالي والقونقليز .
3/ تمشي الموردة وتضربي كمية من السمك وتشربي من موية الزير الفي المطعم .
4/ تفطري بفول في نادي الاطباء.
5/ تتغدي في مطعم البوادي في نمرة اتنين .
6/ تحومي برجليك ولما ترجعي البيت وتعايني لكرعيك تنكري وتحلفي تقولي ديل ما حقاتي .
7/وتمشي لاهلي في بحري وتسلمي عليهم وتقولي ليهم قرجة بسلّّّّم عليكم .
|
Post: #17
Title: Re: هل تعود أيام بوردنا الاولى ؟
Author: garjah
Date: 12-05-2004, 07:13 AM
Parent: #1
up
|
Post: #18
Title: Re: هل تعود أيام بوردنا الاولى ؟
Author: AlRa7mabi
Date: 12-05-2004, 09:02 AM
Parent: #1
قرجة الظريف
شكرا ياخ لمجاملتك بتسجيل إسمي ضمن قائمة الشرف
ولكن بحق هاك الزول دا والناس المشاركين في هذا البوست
هم فعلا من أيام البورد الحلوة والتي ( لن ) تتكرر على ما أظن
أهل العوض .. حردان من دلالو ولا مالو ..
رحمابي
|
Post: #19
Title: Re: هل تعود أيام بوردنا الاولى ؟
Author: ابوحراز
Date: 12-05-2004, 10:07 AM
Parent: #18
غايتو ترعة وانكسرت
صراحة مع ترحيبنا للكل
ولكن هناك مواضيع هامة فقدت قيمتها
يعني الواحد بقى ماعارف يقرا شنو ويخلي شنو
يعني انا كنت ناوي أنزل بوست كل أسبوع
لكن مع الغرق دا الظاهر حا نلزم المسار الأيمن
أمس بالليل رديت على أحد المشاركين في بوست الشاحنات
مشيت اشرب بس ياكافي البلاء
جيت لقيت البوست غتس الصفحة الرابعة
أها مليت الجك موية وختيتو جمبي
قال نمرة اتنين قال
والله العظيم المطعم دا أكلنا فيهو أنا وست النفر
يعني كل شيء طاعم
طبعاً ست النفر قلت ليها ماشاء الله المطعم دا كل شيء فيه طاعم
قالت لي عشان انا معاك
شوف ليك نرجسية نسوان
حتى الجداد المشوي دا عاوزات يشاركن فيهو
قال الجداد البدّّّّخن قال
طبعاً الكلام دا على مسئولية " الديك "
الديك سألوه ليه واقف جمب الشواية بتاعت الدجاج
قال بعاين للجداد ال 000000 دا
|
Post: #20
Title: Re: هل تعود أيام بوردنا الاولى ؟
Author: soma
Date: 12-05-2004, 10:40 AM
Parent: #19
يا سلااااااااام عليكم يا سلااااااااااااام..
يا سلاااااام انا آآآآآآآه يا سلااااااااااام
الاهل الطيبين.. والله ليكم وحشه قدر حنان البلد ولمة الاهل بعد فراق دام شهور وشهووور..
اسماء لامعه اختفت زمن .. والواحد كان لما يمر ويشوفهم اون لاين يرتاح نفسيا ..ناهيك لما يجوك متاوقين بالباب فى بوست تكون كاتبه بى مزاااااااج
والله يا حليلكم كلكم
قرجه الحنين
تماضر بت الاهل الطيبين
صديق رحمة النور الزول الهادىء الرزين
kov_123 .. الشوق نيلين
عبد الله الصادق الفحل مرحبتين
عبده.. قرة الوالدين ..
اب قوته ود الجروف والطين..
منير .. منور مرتين ..
معتصم دفع الله .. مرحبابك ونفتح ليك الباب ضلفتين..
كولا ..يا كولالالالالالالالالالا انت وينك وين ..
زولا الحنيــــــــــنه .اهديك زهرتين..
الرحمااااابى يا ود اهلى الحلاوين .
ابو حراااااااااز يا للفرح بساااااتين..
والله يا اهلنا يعلم الله ليكم مشتاقين
ويا رب تعود الايام الجميله ..
واكيد حاتعود بعد طلتكم السمحه
ويا رب تجيب الباقين
واولهم السمح مو شين
بدر الديــــــــن
لكم الود خدااار بالضفتين
وتسلموااا
قرجه لك التحايا قدر سماحتك..
|
Post: #21
Title: Re: هل تعود أيام بوردنا الاولى ؟
Author: DEEK_ALJIN
Date: 12-05-2004, 11:24 AM
Parent: #20
اهلا بالصحبه المعتقه .. والحنين لى ايام زمان
الزمن السمح ... لما كنا بنفقد بعض ... وبنعرف منو الغايب
ومنو الزعلان .. ومنو الاجاويد شادين ليهو مسنجرات وايميلات
ده بزكرنى اهلنا الكبار لما يتكلموا عن الخرتوم زماااان
اها دحين يا قرجه ياخوى كان الخرتوم رجعت ذى زمان المنبر ده بيرجع
ولك ولكل الاحبه سلامات .. وتحيات ..وزكريات فى القلب باقيه
ديكو
|
Post: #22
Title: Re: هل تعود أيام بوردنا الاولى ؟
Author: garjah
Date: 12-07-2004, 07:55 AM
Parent: #21
الاستاذة الاديبة الرقيقة
سوما
يا لجمال الطلة
نرجو ان نواصل الاحتفاء بالكلمة الجميلة
في اسهاماتك الراقية
حروزة
جبنا سيرة الاوط جانا ينط
واصل يا حبيب كتابتك عن العزوبية الجميلة
وعن ست النفر
ولا تتوقف
رحمابي النقيب
والله طلتك ليها طعم تاني
ارجوك لا تغب
ديكو الجميل
ياخي من الليلة الباردة ديك تاني ما شفناك
وينك وين
اظهر وبان عليك الامان
|
Post: #23
Title: Re: هل تعود أيام بوردنا الاولى ؟
Author: BitAlhana
Date: 12-07-2004, 08:29 AM
Parent: #1
هي يا قرجة سلامات وليكم وحشة والله
كلنا فاقدين ايام البورد الحلوة .... خيمة كول وناس راحيل وتغريد والصادق وام الاولاد ( وانا) ما انا بت الهنا!!!! وناس الفاضل وشدو و كولا ويازول يازول مش لاقيته ليك في الخرطوم وطلع احلى زول
وكمان حروزه المشاكس، شايفاه زي عقل كدي ... ما بعرف ده الكبر ولا ست النفر ؟؟؟؟
وناس ودالدامر و أهل العوض و ابوكي يا السارة .....
سجمي أنا بعرف البطان ديل كلهم!!!!!!
على العموم كانت أيام حلوة لكن نتوقع الجاي يكون احلى، خصوصا انه في ناس سمحين سماحة تعقد عديييييييييييييييييييييييييل كده
بجي صااااااااااااااااااادة
|
Post: #24
Title: Re: هل تعود أيام بوردنا الاولى ؟
Author: ود المايقوما
Date: 12-07-2004, 08:38 AM
Parent: #1
احم
|
Post: #25
Title: Re: هل تعود أيام بوردنا الاولى ؟
Author: Salah Abuhigill
Date: 12-07-2004, 10:29 AM
Parent: #1
سلام يا أهل البيت
فالوا زمان فى شاعرا قال
وما حب الديار شغفن قلبى
ولكن حب من سكن الديارا
"أو كما قال"
دحين نحن مافى شئ جابنا لى دياركم دى إلا إنــــــتــــــــو...
وبنحبكم عديـــــــل ....
"يلا حبونا" يا عملات رمضان زايد "الله يرحمو"
وأديكم ســر
" الهيجه الحاصلا اليومين ديل ده فرحة دخول ســـاى ... أدوها روقه ..
لا أصبعنا بى يغطى وشيشنا
ولا العين بتفندر فوق الحاجب
تسلمو كلكم
أبحجل
|
Post: #26
Title: Re: هل تعود أيام بوردنا الاولى ؟
Author: garjah
Date: 12-08-2004, 06:55 AM
Parent: #25
بت الهنا
والله مشتاقين
وانتي من المؤسسات للحوش ده
وداقة فيهو كم وكمين طوبة
علا بتغيبي كتير
وطلتك بصراحة فري رير
بس كلمينا نفرش ليك الحوش حرير
وسلامك انشاء الله يكون وصل لشلة المحاربين القدامى الذكرتيهم
ود المايقوما
بس احم بس
ياخي سيب البخل ده وخلي حكاية المرور السريع دي واتوهط معانا الحوش ده
سلام ليك يا قديم
ابوحجل
روّق الجاز يا حبيب
Quote: لا أصبعنا بى يغطى وشيشنا
ولا العين بتفندر فوق الحاجب
|
عافي منك الكلس
شكلك عندك خيزرانة والا بسطونة
علا عكازي ده ما اظن عندك زيو
اصلو هو التاني في الدنيا دي الاول كان حق جدي دفناهو معاهو حسب وصيتو
وده ياهو التاني الما فيهو ليهو تالت
اها شن قولك ؟
شرّفتنا والله
|
Post: #27
Title: Re: هل تعود أيام بوردنا الاولى ؟
Author: mulhim
Date: 12-08-2004, 07:27 AM
Parent: #26
وانا يا اب عكاز ما شفتنى مره متوهط فى بطن الحوش ده
|
Post: #28
Title: Re: هل تعود أيام بوردنا الاولى ؟
Author: brakat
Date: 12-08-2004, 07:51 AM
Parent: #1
حبيبنا قرجة
تحياتي لك وللأمورة الصغيرة
الإنسان دائماً ما يحن للأيام الخوالي حتى وإن كانت قاسية
وتلك طبيعة في النفس البشرية، وأعتقد إن البورد موعود بأيام جميلة وإضافات ثره
مبارك
|
Post: #29
Title: Re: هل تعود أيام بوردنا الاولى ؟
Author: garjah
Date: 12-08-2004, 10:52 AM
Parent: #28
يا ملهم العواطف يا يا .......
على قول ابو الامين
يازول من المؤسسين وعندك 88 سهم بس
ده معناها انك زول مرور سريع وماك متوهط الحوش
ازول ابرم طاقيتك وجيبا حدا عينك واتقريف ليك بي قهوة وانت بتشوف تفكيك عمنا دريدا
الصديق بركات
حباب الاصيل
ايام زمان دايما حلوة
المدرسة رغم انو كنا بندّق كل يوم لكن برضو بنطراها بمحبة شديدة
انكش صديقك كـــــولا عساهو يعود
|
Post: #30
Title: Re: هل تعود أيام بوردنا الاولى ؟
Author: singawi
Date: 12-09-2004, 01:09 AM
Parent: #1
قرجة
قبل السلام .. ويييييين العضضضضة
وراك وراك .. ان شاء الله من القرموشي
حليل زمنا
عليك أمان الله الخروف البقول أنا أنا تشتريهو بي طرادة وتجي راكب فوق ضهرو
رطل السكر بي مليمين
وجوز الحمام أررررربعة
|
Post: #31
Title: Re: هل تعود أيام بوردنا الاولى ؟
Author: عاطف عمر
Date: 12-09-2004, 03:39 AM
Parent: #1
الأخ العزيز قرجة
تحياتي
إن أجمل الأيام يوم لم نعشه بعد
معزتي
|
Post: #32
Title: Re: هل تعود أيام بوردنا الاولى ؟
Author: garjah
Date: 12-13-2004, 06:59 AM
Parent: #31
سنجاوي
نورا خشت المدرسة وانت راجي العضة
جيبب واحد من اولادك الصناديد وجردل دهب نعقد ليكم عليها.
تحياتي للاسرة الكريمة
صديقي الجديد
عاطف عمر
تحياتي يا غالي
ونحن في رجا اليوم داك تعب مننا الانتظار زاتو
سلام للغالي
|
|