الاخ بكرى ابوبكر........................................... هذه الحرية؟؟؟؟؟

الاخ الكريم بكرى ابوبكر

تحيه طيبه

المعذرة ولكن قراركم الاخير لم ولن يكن موفقا وان كانت الحرية تعنى ما كتب فى هذا البوست


محمد بن راشد ال مكتوم... متى تتعلم
-----------------------------------


يكون من الاحسن توقف المنبر الحر حتى يتعلم الناس الاول ماذا تعنى الحرية قبل ان يعلموا الاخرين


لك منى الشكر والتقدير

هشام مدنى

الاخ الكريم بكرى ابوبكر
تحيه طيبه

ارجو ان لا يطول الانتظار

مع تحياتى

هشام مدنى

الأخ هشام

تسلم
ومعك ضد هذا الأسفاف
وفي انتظار بكري

ياخى انت اقعد فى بيتكم ..خلى الناس تمارس الحقوق الطبيعية فى التعبير ..
و عشان ما ترجف يا هشام ما تدخل البوستات السخنة دى .. خليك بعيد ...
و لو انت كدا طوالى يا أسحب عضويتك عشان تريح بالك .. و أقول ليك حاجة
جديدة : من الليلة الكلام كلو تانى زي دا .. نار الله الموقدة .. قوم جارى ..

الاخ عبداللطيف

ارجو ان تخاطب الناس باحترام واكررها لك تانى وثالث ليس لدى ما اخاف عليه او منه

مع تحياتى

و أنا اليوم دى عاطل .. شغلى كلو هنا .. مواضيع ساخنة و بس ..
أقلب النت دا صفحة صفحة و أجيب الأشياء التخليك ترجف . و لو ما دخلت
بدخلك و بجيب اسمك بالخط العريض ..
عشان اوريك خوفا ما بتعرفو ..
الا تقول الروب ..و تلبد .. و ما تدخل ..و ما اشوفك ناطى ..

لا تعليق عليك



شكرا

الاخ الكريم بكرى
تحيه طيب

سوف اكون فى انتظارك
مع تحياتى
هشام مدنى

لعناية الاخ بكرى ابوبكر

هشام مدنى

غريبة يا اخى عاوز تكتب وتنتقد الناس فى المابيعجبك وتسطر رائيك كان فى بوست ولا كان فى فريق طايرة ولمن نكتب نحنا ونعلق فى موضوع عاوز تكتم انفاسنا
دى عوجة دى قول لى اتعلمتوها وين انتوا؟؟؟؟

الاخ هشام امين

انت تعرف تماما ماذا اقصد واكرر ان تسحب البوست ليس انا متضرر منه ولكن اخرين يجب ان نحترمهم سوف يتضرروا منه. كماذكر لك الاخ عثمان عووضة

مع تحياتى

ايوة طيب ما تقول ليا كدة ن زمان انو فى ناس حتضرر عاشان كدة عاوزك تسحب البوست
بدل ما تدخل ليا فى دمقراطية وما ادراك ما حرية وكلام من هذا القبيل.
يا ابوى الله يديك العافية ويبارك فيك لكن معليش انا فتحتا عيونى فى امريكا وعرفتا انة
راىء بقولوا مهما كان التمن والناس البتخاف تقول الفى راسا علشان نقيب ولا كفيل ولا شيخ
ولا امير بقول ليهم معليش انتوا اغتربتوا غلط ولو انتوا مزنوقين مافى داعى تجرونا معاكم
يعنى قولوا العاوزنة على حسب بيئتكم وانا بقول العاوزة على حسب البيئة الانا موجود فيها
ولك ولعثمان كل الحب

سلامات يا هشام مدني ..



سلامات يا هشام امين
هل ياتري كل من في امريكا ومتربي علي الديمقراطية ونشا في امريكا .. ( وهو مسلم ) بيفكر بالطريقة دي ؟؟
ودي ثقافتو عامله كده ؟؟

Quote: يا ابوى الله يديك العافية ويبارك فيك لكن معليش انا فتحتا عيونى فى امريكا وعرفتا انة راىء بقولوا مهما كان التمن والناس البتخاف تقول الفى راسا علشان نقيب ولا كفيل ولا شيخ ولا امير بقول ليهم معليش انتوا اغتربتوا غلط ولو انتوا مزنوقين مافى داعى تجرونا معاكم يعنى قولوا العاوزنة على حسب بيئتكم وانا بقول العاوزة على حسب البيئة الانا موجود فيها ولك ولعثمان كل الحب

للتوضيح :

انا في الرياض السعودية ..
وسبق زرت دبي

بعدين في نقطة صغيرة ...

في حاجه اسمها ادب .. في طريقة الرد .. وفي طريقة الطرح ..
لمعلومية غايبه عنك .. معظم أو غالبية من هم هنا في هذا المنبر .. معظمهم مقيمين بالخليج .. منهم الطبيب ومنهم البروفيسور ومنهم العالم ومنهم المثقف ومنهم ومنهم ....
ومنهم من هو علم وثقف .. ولي الآن بيأدي في دورو بي كل نكران ذات .. في هذه الدول .. ومنهم من هم بيعولوا اسر وبيربو فيها محترمين نفسهم .. وحاصلين علي احترام الجميع ..
وعندهم من هو في امريكا سوا كان ابن ابنة اخت اخت .. صديق صديقة ............


سبحان الله ..

استغرب في امور غريبه جدا في المكان ده ..

يعنى شنوا يا تمبس ما اقول راءى
؟؟؟؟

ولا لو قلتة و اصريت علية معناة انا قليل ادب؟؟؟


سبحان الله ..

استغرب في امور غريبه جدا في المكان ده

سلام الاخ تمبس



------------------------------------------

هشام امين

الحمد الله تربينا فى السودان واكلنا الكرصه والكسره وملاح الويكه ومع ذلك نحترم الناس
وعيشنا فى اروبا واولادنا تربوا فيها وعلمناهم احترام الكبار.

انتا عارف يا هشام مدنى شكلك كدة راسك ضارب شوية
والامور ملخبتة معاك اكان تاكل قراصة ولا كان تاكل بوش
ولا ملاح ويكة الراى والاتفاق فى الامور العامة ما فية قلة ادب او عدم احترام وعدم مشاركتك الراى ما معناهو انة الناس غلط
لكن شكلك كدة الحكاية دى كلها ما عجباك والقول قولك
فى ناس عايشا فى دبى واحتمال تتضرر من الكلام الانا كتبتة
يعنى الامر كلة بظرميط ولا يتعدى سوى انك عاوزنى ما اعلن راى
علشان ناس راشد ما يزعلوا ويجهجهوا الناس القاعدة هناك دة
احيييييييييييييييييييييييييييك وبشدة وبقول ليك
حكايةالكلام التحت تحت ما لتنفع معاى ولو قلتا ولو سويت دة راى

Husham Madani.

I wonder, what is your problem with the post itself, and do you really want Bakri to delete it?
If your answer is yes, that’s mean we have a serious problem here. Cause you do not have the right to ask for deleting any post in SBD, unless you personally offended by the post.

For all of you me fellow Sudanese:

“Charity start from home”
Let’s take care of our problem then we can talk about the O.P.P’s

Deng

الموضوع بالنسبه لى قد انتهاء