محمد بن راشد آل مكتوم ... متى تتعلم

لندن:
«الشرق الأوسط»

وقعت طيران الإمارات ونادي آرسنال الإنجليزي في لندن أمس أكبر صفقة رعاية في تاريخ كرة القدم بقيمة إجمالية قدرها 100 مليون جنيه إسترليني (662.2 مليون درهم إماراتي).
وسيطلق اسم الإمارات على الملعب الجديد لنادي آرسنال الجاري العمل به حاليا في اشبورتون جروف شمال شرقي لندن لمدة 15 موسما، حيث سيسمى «ملعب الإمارات»، كما ستحمل قمصان لاعبي الفريق شعار الشركة لمدة ثمانية مواسم بدءا من موسم 2006ـ2007، الموعد الذي سيترك فيه النادي مقره الحالي في ها يبري لينتقل إلى الملعب الجديد الذي تبلغ كلفة بنائه نحو 500 مليون دولار وستبلغ سعته 60 ألف متفرج.
وفضلا عن ذلك، سيقوم نادي آرسنال بتأسيس مدرسة لكرة القدم في الإمارات.
ويذكر أن «طيران الإمارات» هي الراعية لفريق تشيلسي اللندني أيضا مقابل 30 مليون جنيه إسترليني، لكن العقد معه ينتهي بنهاية الموسم الحالي. وتعليقا على الصفقة الجديدة أكد الشيخ محمد بن راشد آل مكتوم، ولي عهد دبي وزير الدفاع، على أهمية الرياضة كوسيلة حضارية للتواصل بين الشعوب، وخاصة كرة القدم، التي تحظى بشعبية لا تدانيها أية شعبية لرياضة أخرى...
شوف يا محمد بن راشيد مش كان تدفع 100 مليون جنية استرلينى
ولا اولاد عمكم يتبرعوا لجنينة الحيوانات بمليون جنية استرلينى ومش كان قولتوا ونبهتوا على انة الرياضة وسيلة حضارية للتواصل بين الشعوب انتوا لسة فى نظر العالم الغربى عالم ما متحضر
وبالمناسبة لو انتا ما متحضر يبقى مافى اساس للتواصل ويبقى الخلاك تدفع 100 مليون اسرلينى غشاااااااااااااااك وانتم ونحن فى نظر بريطانيا والعالم الغربى وخصوصا انتوا ناس الخليج تصنفوا على انكم ركاب جمال وسكان خيام فاعليكم الله ريحونا من سياسة الركوع والتهليل
والتكبير للغرب فمهما فعلتم انتم ارهابيين ومسلمين متخلفين ورعاة جمال وا وا وا وا
اصحوا اصحوا من سباتكم العميق دة اصحوا من الولاء والطاعة العمياء للبشرة البيضاء والعيون الخدر ..........!!!!!!!!!!!!!!!! عجبى عجبى يا برج العرب البنوك ورفعوك وافتخروا بيك
ناس بن راشد المكلومين على امرهم وفى النهاية اتضح ليهم انة مهندس البرج صممة على شكل صليب فى مواجة الكعبة ويا ناس دبى انتوا عارفين الكلام دة صاح ولا ما صاح
لينا الله فى الدنيا دى

Salamat Hisham

Albegn3 aldeeeeeeeeek mno

hehehehehehehehee

I DONT KNOW BRO
YOU TELL ME

الاخ هشام امين
تحيه طيبه

هكذا مواضيع لا تخصنا ولا من قريب او بعيد ولا مكانها هذه المساحة الطيبه .

ارجو منك سحب هذا البوست والامر متروك لتقديرك الامور.

لك منى كل تقدير واحترام.

مع تحياتى

الاخ هشام مدنى

حكاية سحب البوستات دى ما ختيناها وراء ظهرنا ولا شنوا

مع احترامى لرائيك الشديد

((**هكذا مواضيع لا تخصنا ولا من قريب او بعيد**))
طيب لو ما بتخصك انساها وما تقرب عليها وخليك بعيد تسلم

الاخ الكريم هشام امين

تحيه طيبه

هذه لا تعنى الحرية واستهداء بالله وارجوك مرة اخرى سحب البوست

لك منى الشكر والتقدير

هشام مدنى

هشام مدنى

يا زول البوست دا ما بنسحب من هنا . و لو انسحب انا بتبناه و بجيبو تانى .
انت لو خايف من الكلام الزى دا احترم نفسك و ما تعلق .. أقرا و بس .
الشىء التانى : لو انت آراءك دايما كدا . الرجاء خلع العمة اللى فى راسك دى .

أسحب قال ...... لا قبة ...

عبد اللطيف
هههههههههههه قهقهقهقهقهقهقهقهقهقه
اول مرة اضحك فى البورد دة
شكرا ليك على وضع البسمة فى فاهنا
مع الاعتزار لعمنا هشام مدنى

الاخ الكريم عبداللطيف خليل محمد على

تحيه طيبه

ليس املك ما اخاف عليه او منه ولكن اود ان اسئلك ماذا نستفيد من هكذا مواضيع؟؟

على العموم لك الشكر والتقدير
مع تحياتى

Quote: الاخ الكريم عبداللطيف خليل محمد على تحيه طيبه ليس املك ما اخاف عليه او منه ولكن اود ان اسئلك ماذا نستفيد من هكذا مواضيع؟؟ على العموم لك الشكر والتقدير مع تحياتى

معليش انتا برضوا وتابع
عمنا هشام مدنى الموضوع دسم ومادة اخبارية قوية ولو ما فية استفادة ما كان جريدة الشرق الاوسط طارت بية السماء وانا القارىء شفتا وقريت واتمعنتا ودة كان راءى وسطرتة !!!!!
ولو صبرتا ليوم بكرة حتلاقى ناس الجرايد فى امريكا برضوا
جايبنوا ولو صبرتا اسبوع كمان ناس الكومدى سنتر حايعملوا ليك منة فلم وطبعا ما تمجيد لناس المكتوم ولخيالك ان يتصور عارف لية لانة وبصراحة القروش كتيرة شديد علشان تديها لناس انجلترا فى وقت هم نفسهم بحاربوا فى كل ما هو عربى وبيسنوا لهم قوانين
ويفصلوها كمان على مقاسنا ويسجنوا بيها الغلابة الماعندهم زنب

Quote: وفى النهاية اتضح ليهم انة مهندس البرج صممة على شكل صليب فى مواجة الكعبة

بآااااااالغت.....

أقول ليك كلام...تعال نطالب (بفصله)...

هشام أمين

أحييك ..

فوق ..

الاخ هشام انا اعتقد ان الشيخ محمد بن راشد سابق لعصره وانسان متحضر يعرف لغة العصر ويتعامل معها بكل ذكاء ودون ضجيج
يبدو انك لم تر دبي وكيف اصبحت والى اين تسير ..
وارجوك اخى الا تنظر للاشياء كما تنظر الجماعات الاسلامية المتطرفة لكل شىء جميل وحسن من قال لك ان البرج مشيد فى صورة صليب فى مواجهة الكعبة وهب ان ما قلته صحيح ايه يعنى وما تاثيره على الاسلام والمسلمين وانت يا اخى هل تعلم قصة الصليب وهل تصدقها قبلا لتذمها وتحاسب الاخرين عليها ...انا اربا بك ان تقول وتكتب مثل هذا تعال الى دبى لترى ماذا فعل محمد بن راشد واذهب لاى دولة تهيمن عليها تلك الرؤى المنغلقة لتحكم بالعدل والانصاف وتبتعد عن القول المطلق الذى لا معنى له ..

الكيك
ازيك معليش الرؤية ما منغلقة زى ما انت قلتا لكن دة راءى
ولا رائيك شنوا؟؟

يا الكيك

سلام ..

يا خى صاحب البوست ما بنظر للأشياء بعينك انت .. له رأي آخر . لا تحجر .
ثم ان المسألة ليست ( عمارات و شوارع ظلط ) لكن يبدو انك راجى ليك صدقة ..

حليم سلام

والله شوف البريحك و اعملة

حليم سلام

والله شوف البريحك و اعملة

الأخ هشام

لك التحية

يا اخي ان انجازات دولة الأمارات في خدمة مواطنيها
ودعم القضايا العربية لا ينكرها احد

والعمل الخيري الذي تقوم به لا ينكرها الأ مكابر
اما العقد الذي تتكلم عنه كان بأسم شركة الأمارات
وليس الدولة وليس محمد بن راشد ،،
واذا كنت لا تعرف من هو محمد بن راشد فأسال
الأف السودانيين في دبي ،، يحكوا ليك عن اعماله وعدله
وحبه الخاص للسودانيين
اما اذا كنت تتكلم عن صرف بذخي لأمراء الخليج ،، فهذا شأن اخر
ولكن ،، الم تشاهد الصرف البذخي في احتفالات الأنقاذ ،،
واعراس الشهيد ،، واخيرا الم تسمع بي دق الريحة لبنت النائب
الأول ،، ابحث عن هذا البوست هنا ،، وستعرف ،، كم بلغ ذلك الصرف
في وطن يموت اطفاله من الجوع
تسكت عن الحمار وتشطر علي البردعة
لاحظ ان دولة الأمارات قد وفرت كل شئ لمواطنيها
ونحن دولة الأنقاذ قد اخذت كل شئ من مواطنيها

ونسكت عن هذا ،، ونهاجم ذلك ،، عجبا

مع احترامي لوجه نظرك

انت يا حنين مالك دايماً مايع و ماسك العصاية من النص ؟

الاخ الكريم هشام امين
تحيه طيبه
هذه المرة الثالثة ارجو منك سحب هذا البوست .استهداء بالله ياخى هكذا مواضيع لا تهمنا بشى


لك منى الشكر والتقدير

هشام مدنى

عبد اللطيف
لك التحية
ارجو ان نتبادل الأحترام
قبل الحوار

كتبت

Quote: دايماً مايع و ماسك العصاية من النص

ولي عودة

ونسكت عن هذا ،، ونهاجم ذلك ،، عجبا

مع احترامي لوجه نظرك


انت لو بتحترم وجهات النظر تعليقك سخيف كدا ليه ؟

عبد اللطيف يا هلا
التقول شنوا بس معليش عمنا هشام مدنى برضوا لة وجة نظر
وعندنا مقبولة وارجو انة ما يزعل مننا

احمد حنيين الواعى
تحية

انت الوحيد الفهمتا نصف المقصود من البوست دة (البزخ الشديد) برغم من انك ما تطرقت الى الدهنسة البيمارسوها الخليجين والتملق للغرب والتبجيل لة حتى فى تعليم ابنائهم
وين بيتم وزى ما انتا عارف فى كلية سانت هيرس بانجلترا
اما العقد انة باسم دولة الامارات فالمعروف انة اقتصادها فى جيبهم هم وبس الا من رحم ربى
وحكاية حب الناس للسودانيين فى دول الخليج دى كانت زمااااااااااااااان واسى الوضع
اتغير كتيييييييير وانتا ادرى

لا يا هشام

انا ذكرت النص الوارد من حنين فى تعليقو عليك لك الماوس خزلنى و ما جات
فى الquate

معليش تابع

عبد اللطيف شايف والله انا زاتى صلحتوا
معليش انتا برضوا وتابع

الأخ هشام امين..
الرجل لديه مال ومن حقه ان يستثمر امواله فى اى مكان فى الدنيا يرى انه ممكن ان يحقق له ارباح..ومن حكم فى ماله ما ظلم.
اين المشكلة اذن ؟

Salam Hisham
This is a straight commercial deal and it is not a donation. All analysis so far shows that Emirate is the biggest winner in this deal.
Crudely, the deal could be summarised as this:
1. Every week Emirates name is on TV for at least 90 minutes for 8 years
2. For 15 years the name Emirate is on all papers and TV whenever Arsenal is playing
Compare this with the cost of a 30 seconds add slot on TV during a football match, which is nearly quarter of a million dollars

At least half of the British public watch football. If only 1% of this number uses Emirates to travel to the far east or Australia then the cost of sponsorship is covered and the company will make handsome profits.
The figures quoted above are very conservative and in reality many more people will be aware of Emirates and will use its services.
Emirates airline now flies from several British airports and they are targeting all those travelling to the East. They provide a more convenient routing for those outside the southeast of Britain.
This sponsorship deal is much cheaper for the company to achieve brand recognition than paying for adds on TV or papers, and if their services match their commercial acumen then they will win big.
Zaki

قلقو

Quote: الأخ هشام امين.. الرجل لديه مال ومن حقه ان يستثمر امواله فى اى مكان فى الدنيا يرى انه ممكن ان يحقق له ارباح..ومن حكم فى ماله ما ظلم. اين المشكلة اذن ؟

يا قلقوا احيك على السؤال القيم بتاعك دة
بس المشكلة ما استثمار وربح وخسارة
المشكلة ليها ابعاد سياسية اكتر يعنى علشان ناس الخليج ما تصلهم لغة الديمقراطية وتغير الحكام والانتخابات يعملوا شنوا يعملوا شنوا لازم يا الحبيب يضخوا قروش فى اقتصاد الدول المعنية دى علشان يضمنوا رضاها وبعدين انتا يا قلقوا ما سمعتا قبال اسبوعين بصفقة المليارات الوقعتها الامارات مع بوينج علشان تبنى ليها طيارات
ههههاااا انتا يا ابوى قايل الامريكان والانجليز ديل عورا نووووووو ديل ازكياء وبيعرفوا كيف يرجعوا قروشهم
اقول ليك حاجة شركة بوينج قبال شهرين بدوا فى مراقبتها لانه كشفوها بتكشف العقودات بتاعت الطيران وتقوم تعمل عطاء اقل من الباقين علشان تشيل العطاء ما تعلن افلاسها ودى قضية مشهورة هنا وبما انة القضية لسة ماشة ما ممكن وانا رجل اعمال ناجح اقوم ادخل كمية من القروش دى فى شركة بيحققوا معاها وما معروف حاتمشى ولا تقعد
وعليك الله افهم الباقى ولو عاوز تواصل انا معاك
واللع يديك العافية

ملحوظة القصة ما قصة قروش واستثمار ما اهو الكويت لليوم ما قادرة ترجع القروش الاتنهبت منها فى اسبانيا وانجلترا هيع قال استثمار قال

والله لكن ياهندسة الكلام قصة الصليب المقابل الكعبة دا.
دي عليك الله مصدرا وين والقالا ليك منو

يعني أبرهة جديد.

بعدين يا خي محمد بن راشد دا الله أداهو وشعبو غرقان في النعيم فعندو الحق يسوي أي حاجة

لكن ناس قريعتي راحت المجوعين ناسهم ويصرفوا في الملايين على الفارغة والمقدودة ديل يقولو عليهم شنو.

شماشى
هاهاها ناسنا ديل برضوا ليهم الله

الأخ هشام
ردك غير مقنع..فالمال والأستثمار ليس له وطن واظن امارة دبى بالذات ليست فى حوجة لتلعب بولوتيكا كما يقال فهى بلاد مفتوحة للغادى والرائح,لأنهم لو كانوا كذلك لكان حالهم مثل حالنا اليوم..وبعدين يااخ هشام هناك شخص يريد ان يستثمر اموال شركته وهى طيران الأمارات فى فريق ارسنال شهير لكرة قدم فما العيب فى ذلك ؟..والله لو كان قد قال انه سيتثمر امواله فى فريقى الهلال او المريخ لأتهمته بالسفه والتبديد لكن الرجل يعرف تماما اين يضع امواله..
بعدين اجابتك على سؤآل الأخ شماسى كذلك غير مقنعة..الرجاء ان ترد بصورة مقنعة شوية.
مع نحياتى.

صاح اخي قلقو

الأخ هشام عندما يتعلق النقد بي ناس الأنقاذ يهرب
من الأسئلة

وهذا ما كتبته
ومازلت في انتظار راي الأخ هشام

Quote: اما اذا كنت تتكلم عن صرف بذخي لأمراء الخليج ،، فهذا شأن اخر ولكن ،، الم تشاهد الصرف البذخي في احتفالات الأنقاذ ،، واعراس الشهيد ،، واخيرا الم تسمع بي دق الريحة لبنت النائب الأول ،، ابحث عن هذا البوست هنا ،، وستعرف ،، كم بلغ ذلك الصرف في وطن يموت اطفاله من الجوع تسكت عن الحمار وتشطر علي البردعة لاحظ ان دولة الأمارات قد وفرت كل شئ لمواطنيها ونحن دولة الأنقاذ قد اخذت كل شئ من مواطنيها ونسكت عن هذا ،، ونهاجم ذلك ،، عجبا

الأخ احمد حنين..
تتذكر دق الريحة ؟ داك ماكان يوم من ليالى الف ليلة..ودارفور تحترق.
مع تحياتى وودى

الأخ/ هشام
يؤسفنى ان اقل لك ان مثل هدا الكلام الدى تكتبه لا ينم الا عن نفس حاقده كارهة لا تقوم الأمور على وجهها الصحيح.
عندما خرجت من السعوديه وتركت العمل فيها بعد ثلاث سنوات كنت قد قررت الا أعمل فى أى دولة عربية اخرى وكنت أحسب جميع الدول العربيه الخليجيه متشابهة، ففؤجئت عندما جئت الى دبى فى أول مرة من خلال دورة تدريبيه لمدة عشرة أيام، فؤجئت بهدا المستوى الرائع من التقدم والتحضر والتعامل الراقى من أهل هدا البلد الكرماء.
يا سيدى صدقنى لو قلت لك فى هده البلده لا يوجد شخص محتاج أو معدم!! فهل حدث هدا فى اى بلد اسلامى حتى فى زمن عمر بن عبدالعزيز؟؟
بالطبع لا يستطيع اى شخص ان يقل انهم قد وصلوا لدرجة الكمال، لكن صدقنى انهم يتفوقون على الكثير من دول العالم التى نسميها متحضره وهما وكدبا بما فى دلك أمريكا.
صدقينى لو بادلتنى بحالك فى امريكا ومعه ملايين الدولارات فلن ارضى بدلك ولقد شاهدت الفرق بين البلدين.
هنا لا يوجد خوف ولا تلاحظ حشود الشرطه تملأ الشوارع، بل قد لا تصادف رجل شرطه واحد طيلة اليوم.
ولا أريد ان اعمل دعاية لطيران الأمارات لكن هل تعلم انها الشركه الأولى فى العالم لمدة ثلاث سنوات متتاليه؟؟؟
ياسيدى انهم يعرفون قيمة الأعلان ومردوده، فان كنتم تعيشون فى امريكا بعقلية التجارة التى كانت تمارسها (حبوباتنا واجدادنا) فداك وشانكم.
هل تعلم أن طيران الأمارات لها 6 رحلات يوميا الى لندن؟؟؟
فكيف حدث دلك بغير الدعايه والخدمه المحترمه التى تقدم للعميل؟؟
قد اعدرك فمن المؤكد انك قد حولت دلك المبلغ الى مايعادله من الجنيه السوداني الدى اضعف قيمته جماعتك ناس الأنقاد الدين انصرفوا الى حروب جهاديه كادبه فى الوقت الدى انصرف فيه الأخرون لبناء بلدانهم وأنسانهم.
أكتفى بهدا القدر واعتدر حيث استخدم حرف الدال بدلا عن (الزاء) لعطل فى الكى بورد.

احمد حنين انقاذ شنوا ودق ريحة شنوا ما تغور الانقاذ ولا تتحرق
وبالمناسبة الفعل الشين منكور ولو فى سورينام عديلة

Hisham, when Emirates sponsored Chelsea couple of years ago, everybody was questioning that move, but look at it now and I can challenge you if you can get me somebody in the whole of UK who doesn’t know about “Fly Emirates”. You are talking about the English premier league here and how massive it in east and south east asia.

If you are talking about it being a waste of money then you are wrong, and if you are talking about stupid people wasting their money then it’s envy. And if it’s all about the gunners then hands-off mate

الحرية الموجوده في دبي


البارات مليانه


المساجد مليانه


والنص والنص موجود



برج العرب على شكل صليب معلومه صحيحه

وهل أفضل ان يصلب (برج العرب) أن كان صحيحا، أم ان يصلب الأنسان فى زمان الخلافة الأسلاميه الأنقاديه؟؟ وفى زمن أهل الهوس الدينى؟؟
هل افضل ان يصلب برج العرب ام الواثق صباح الخير، ومجدى، وجرجس.
وان يصلب المعلمين والعمال والمزارعين من اجل جهاد زائف وخائب؟؟
هل افضل ان يصلب برج العرب أم القصر العشوائى الدى بناه على الحاج على قارعة الطريق العام.
ياسيدى ان القانون فى دبى وألأمارات مع السكارى اشد مما هو موجود فى السودان حيث الجلد والسجن والغرامه، لكنهم لا ياخدون الناس بالشبهات ولا يقفدون فوق الحيطان ولا يبحثون عن السكارى، لكنهم ان جاءوا بأرجلهم وأزعجوا الأخرين لوجدوا العقوبه.
نحن لا نقل أنهم وصلوا الكمال، لكنهم من افضل البلدان العربيه على الأطلاق. لا نفاقا وتحيزا غير مبرر وأنما هو الحق والحق وحده.

الاستاذ هشام والاخوة المتداخلين

ياهشام إنت ليك الحق تكتب زى ما عايز والمتداخلين ليهم الحق إنهم يتفقوا معاك
أو يختلفوا وأظنك متفق معاى فى الكلام ده لكن بستغرب فى إنك كمان بتقول
هلا للمدعو عبداللطيف وإنت شايف ردوده السوقية الشوارعية الرديئة للاستاذين
هشام مدنى واحمد حنين، وديل ضيوفك فى البوست ده، كنت متخيلك حتقول ليه الكلام
ده عيب منك ،وطالما هو عاطل زى ما ذكر فى أول مداخلة كان تقول ليهو يمشى
يفتش لى شغل بدل الصياعة فى الإنترنت ،

الاخ ترهاقا هلا وسلام والتحيه هى ترحبيات لا اكثر ولا اقل
واعلم اوتفق مع حرية الراى والراى المقابل وليس لى تكميم الافواة
وعلى الكل قول ما يراة صحيح حتى وان كان صارخ
وبمناسبة الشغل معليش ربنا يسهل قول امين

الأخ هشام
تحية طيبة
لقد أوضح الأخوة موقع دبي وهي المرشحة لكي تكون مركز مالي إعلامي تقني سياحي عالمي
لقد بدأت دبي مسيرتها نحو العالمية منذ أكثر من ثلاثون عاماً ولم ترجع للوراء
طبعاً نظام الحكم في الخليج ربما يكون غير مفهوماً لبعض الناس لكن العالم مازال يعترف بحياة المجتمعات وطريقة تنظيمها نفسها حسب تراثها ومفهومها للحياة

ازيد بما كتبوه أن الشيخ محمد بن راشد آل مكتوم شخصية فذة وقوية ونشطة ويعرف ماذا يقدم لبلده وأهله وليس هناك أدنى مقارنة بينه وبين الحكام في بلادنا

وقد حاول شخصياً مد يد العون للسودان لكنه وجد العنت والتطاول منذ مدة والآن دبي ومجموعاتها المالية ينظر إليها للمشاركة في تنمية السودان وهم يدرسون كيفية الدخول بدون الإسطدام بالمفارقات السياسية الموجودة على أرض الواقع


ربما تحدثت من مصدر انطباع شخصي ولكن الواقع يحتاج لتحكيم الرؤية والعقل حتى لا يصبح الهجوم على شخصية كبيرة مثل الشيخ محمد بن راشد آل مكتوم مصدر تسفيه لنا ولعقولنا ونحن نناقش في أمور إنطباعية ...

طيران الإمارات هي ناقل يعمل في مناخ منافسة حرة من خمسة خطوط طيران جميعها تعمل بنجاح وربحية بالمقارنة مع أقدم ناقل في أفريقيا ومشاكله التي لا تخفى عن أحد...

لماذا لم تكتب عن الناقل الوطني السوداني والشخصية الجديدة التي تم تكليفها بتنظيمها وهو السيد كمال عبد اللطيف، هل تعرفه، أسأل من يعرفونه، أو أسأل عن كمال كرشة الذي أصبح وزيراً بمجلس الوزراء والآن هو على رأس الخطوط الجوية السودانية رئيساً لمجلس إدارتها، وماذا تتوقع منه أن يفعل ،، هل يستطيع أن يتقدم بها وقد رأيت الإعلان في سودانيز أو لاين مثل الإعلانات التي لا يمكن أن تقنع أحد،، مثل إعلانات سندس الزراعي وبوابير الصافي جعفر،، أو عروض الأراضي في السفارات،، وهم يعرضون أماكن تجفيف المجاري بالحاج يوسف بأنها أراضي درجة أولى ،، لماذا لا تبحث عن كمال كرشة قبل أن تتحدث عن قامة من قامات الخليج.


( كرشة يعنى بها تخصص علوم اجتماعية وسياسية في جامعة الخرطوم)

وهل تعلم اخى المسافر ان رئيس مجلس الأدارة المكلف والمدير العام كانا رجلى امن؟؟؟
وهل تعلم ماهى المعايير والمقاييس التى تم الأعتماد عليها فى التفنيش؟؟
لقد احتفظوا بالفاشلين من ابناء جلدتهم واستبعدوا خيارهم؟؟؟

أرجو أن لا نكون كسودانيين فقدنا السيطرة على أمورنا لدرجة التعدي على الآخرين، وأن لا ينطبق عليناالمثل السوداني القائل (الما بتلحقو جدعو).

نحن وين والأمارات وين، بل وكل دول الخليج وين؟

إنهم في نهضة وتطور لم تشهد مثلة المنطقة، ورغم عدم الإستقرار الذي تشهده منطقة الشرق الأوسط فقد نجحوا في جذب الإستثمارات والشركات الكبرى والخبرات البشرية. خاصة دولة الأمارات العربية المتحدة ودبي على وجه التحديد. ومن لم يتيح له الزمن زيارتها فعليه أن يشاهد "قناة دبي الإقتصادية" فهي تغني عن القول.

أمامنا طريق طويل لنلحق بهم.

نبدأه بتغيير ما في أنفسنا وطريقة تفكيرنا تجاه الآخرين:

(... إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ) (الرعد:11)

نرجو من الله أن يديمها نعمة عليهم ويزيدها، وأن يوعدنا بنخبة من الحكام والمحكومين تخاف الله في أنفسها والآخرين حتى تتنزل علينا السكينة.

See the list of countries available to trade in
ebay.com

Not a single arabic country in this list (not even UAE that have massive e. trade infrastructure). Not by chance for sure! Not just that. Many technology companies have products localized to all the languages in the world except the Arabic language inspite of the fact that there are Arabic countries that are definitely richer and wealthier than East Asian countries.

All I can say is: they're just wasting their resources, they don't produce technology they just buy it, they don't train their human resources to have tech and science skills and to have real edge. All these are indications of bad signals looming in the air, and they'll pay the price dearly as nations (not individuals) in 15 to 20 years from now at most.

حبة حبة وحتة حتة
وعلشان نبين للمافاهمين ماهو المقصود من البوست نبدا بالاتى:
فى حين ايراد الخبر (وارجوة الانتباة) لم يتم التطرق الى التقدم الهائل والطفرة الحضاريه الحادثة فى دبى .
وللتفسير البسيط
القارىء للسياسة اليوم يعلم مدى الظلم الواقع على العرب والمسلمين فى دول الغرب واخص بريطانيا فى هذ الحديث بعد احداث 11-9 سارعت حكومة بلير بسن قوانين احترازية نالت المجرمين ونالت البسطاء وبيت القصيد هنا البسطاء
(ولو سمحتوا اقروا الكلام دة

Quote: New study highlights discrimination in use of anti-terror laws
2 September 2004, 12:00pm
The Institute of Race Relations publishes today a catalogue that details how hundreds of Muslims have been arrested under terrorism powers before being released without charge; how the special powers granted by parliament to tackle terrorism are being deployed in other spheres, such as in routine criminal investigations or in the policing of immigration; how the media have become 'embedded' in a process that leads to the stigmatisation of Muslims as terrorists


وارجو من المتداخلون التركيز على الUnder Line يعنى ببساطة شديدة كل العرب والمسلمين ارهابيين وزى ما انتوا عارفين التلفزيون ما مقصر فى فرد مساحات كبيرة للسخرية مننا ومن الاخوة العرب بالزات كما اسلفت وباسفاف شديد وطبعا وبما انة حكامنا عاقلين وناصحين وغيورين على المصلحة العامة وما مفروض يقيفوا ضد الحملة دى
باى شكل من الاشاكال لازم يديروا (ويههم) للناحية التانة
وبما نة التلفزيون وصفك بانك غير حضارى وغير متمدن كيف بس ورونى يجوا الحكام الاشاوس ويخطوا خطوة زى دى ويضعوا مبالغ كبرة بالشكل دة فى عجلة اقتصادهم واقتصاد انديتهم ؟؟؟
يعنى يا جماعة دة كلامى هم بينهزروا فينا بحقهم ونحنا برضوا نمشى ونديهم من حقنا بس
انا غيران وزعلان من ولاة الامر فينا لا اكتر ولا اقل
ويا مالك


Quote: طريقة التفكير الجهلاء بعلم الاقتصاد و ال marketing startegies و ال advertisement تجعلني و بوضوح أتنبأ للمدعو هشام بفشله التام من ناحية his career


دى معليش اسال منها اى زول وانا متاكد حيخيبوا ظنك لانى ناقش فى البزنس والكارير بتاعى احمد الله علية
بس انشاء الله تكونا فهمتوا نقتطى؟