ود قاسم جاء وللا ما جاء

الأخ ود قاسم أعلن عودته للمنبر




ثم غاب


يا بورداب الرياض ورونا الحاصل شنو

الرجل الفاضل ود محجوب..

تحية وتقدير..

وبما اني اعتبر نفسي من بورداب الرياض (بالانتساب).. وبما انهم جميعا الآن نيام.. فسأجيبك على سؤالك الحاني..

ود قاسم جا.. ومن اول امبارح.. والعصفورة بتقول ان عبد الباقي الجيلي كان متغدي معاهو يوم الجمعة بملاح بامية مفروكة بي شمار من ايدين الست فوزية.. وأثناء الغدا حصل الاقتناع..


مرحبا به..

بالمناسبة.. نفتقد بوستاتك الروحية الجميلة.. فاين هي..؟

الغالي ود محجوب

وصل ود قاسم بكل عنفوانه وقد زادته الاستراحة نشاطاً فتتالت منه البوستات فكراً وسياسية و(أحاجي) لطيفة ومواكبة



شكرا على السؤال


العزيزة رجاء

يشرفنا انتسابك وخليك جاهزة لمسئوليات الأنتساب


مع تقديري


أحمد الشايقي

الشقيق ودمحجوب
أنا وعدتك وأوفيت بوعدي ،، وعدت ، وهناك اثنين من البوستات الجديدة قمت برفعها إلى الواجهة هذا الصباح ، هذا غير المداخلات ،،
العزيزة رجاء
بعد أن افترقنا أنا والأخ عبد الباقي الجيلي وأخ عزيز كان برفقته ( عماد دفع الله ) وكانت الجلسة عركية مية في المية ، تلقيت اتصالا هاتفيا من الشقيق ود محجوب ،، ووعدته بالعودة ،،
الشقيق أحمد الشايقي
أعتقد آن الآوان ، والرياض تغلي هذه الأيام ، ونحتاج نوعا من التنسيق والوقفة الجادة من كل الأشقاء ،،

مرحباً بالعم ود قاسم (مجد المواسم) كما أسمته تماضر بت الشيخ

رجوية

مرحباً بك عضواً (نظامياً) ضمن بورداب الرياض ، ليه بالانتساب؟

يعني لو ما أخدتيها إنت ياخدها منو؟

بعدين البوست ده (للأشقاء فقط) ولا شنو؟

طيب خلاص أدونا معاكم عضوية ... بالانتساب برضو

لكن حقيقي فاتتك البامية بالشبت ... تسلم إيد أم طلال..

العمدة ود محجوب ..

شكرا لتضامنك معنا بورداب الرياض ..
وشكرا لعودة الخال ..
في الحقيقة ما وصلت ليهو الوصية المرة الفاتت .. بس الخال عمله قبلما نعمل ليهو غزوة مخطط ليها الجمعه القادمه ..

نطمع في شوفتك بالرياض ..

شكرا لكل من سجل حضورا فى هذا البوست تفقدا


للشقيق ودقاسم .


الأخ تمبس ماشى علينا رمضان


إنشاء الله نسجل ليكم زيارة بعد رمضان



تحياتى لجميع بورداب الرياض




الأخت رجاء شكرا ليك

جفت دواخلنا فعجزنا عن الكتابة الروحية


أرجو من الله أن يجلى صدى نفوسنا ويوفقنا

فى مواصلة ما بدأناه