Post: #1
Title: العجـــــــــــــــــــــــــــــااااااااااااااجة
Author: طيفور
Date: 09-30-2004, 12:12 PM
بالله الواحد ما يغلت يدخل بورضي السجم دا يلقي العركة قايمة
والعفار لى حد السما الشي شنو...؟؟
وحات الله ذكرتوني السوداني اللفاها مع كفيلو السعودي في المكتب
ؤشابكوا ليك وديني وايماني يا أنا يا إنتا في البلد دي...!!
العجيب .. الزول يرغي ويزبد ... والجماعة يحجزوا فيهوا...
وهو شابك ليك الكفيل.. علي الايمان يا انا يا انتا في البلد دي
قسس والله
|
Post: #2
Title: Re: العجـــــــــــــــــــــــــــــااااااااااااااجة
Author: نيازي مصطفى
Date: 09-30-2004, 12:31 PM
Parent: #1
|
Post: #3
Title: Re: العجـــــــــــــــــــــــــــــااااااااااااااجة
Author: Elnasri Amin
Date: 10-01-2004, 06:18 AM
Parent: #1
والله قصتك قصه .....
لكن ذولك ده مش كان احسن يسال
"ارشو؟"
ايام الديمقراطيه فى السودان.. كل يوم فى اضراب و كل زول عايز مطالبو تتحقق بصرف النظر عن الاخرين
حسى نفس المشكله كل زول عندو راى فى زول حردان ....
تعرف يا طيفور انا من ذمان قنعان من السودان لسبب واحد وهو نحن شعب كلامه كتير و نفسه ضيق و قليل العمل
دلوقت انا انا بديت اقنع من البورد
ياخدوا حريه كامله يقولو اساءات وعنصريه وتعدى على المقدسات
ياخدوا حريه مشروطه يقولو تكميم افواه ودكتاتوريه..
يجى عادل يقولو وووب
يجى بكرى يقولو الروب
الناس دى لا بعجبهم العجب ولا الصيام فى رجب.....
وزى ما قال لى صاحبى كثير من الاعضاء يسعون الى الشهره المجانيه بدون مؤهلات....
يعنى تلقى واحد زى كده ما يقدر يكتب كلمتين فوق بعض مدور ليك فى اديب او شاعر او صحفى و نازل فيهو سلخ
وكلما تنتهى عجاجه حتقوم عجاجه تانيه
و يتحول المنبر من مكان للحوار لشئ شبيه بليالى الحلميه
عالم وهم
|
Post: #4
Title: Re: العجـــــــــــــــــــــــــــــااااااااااااااجة
Author: مراويد
Date: 10-01-2004, 06:45 AM
Parent: #1
طيفورررررر
انا بقيت شغال بى نظرية "لابدلى فوق راى"
ويحكى انو اتنين شايقيه بعيد عنك (بى عين قويه لانى شايقى،و رغم انى فى حياتى ماشفت "البلد"!!! شايقية منبر حر ساااكت) المهم الاتنين ماشين قابلم واحد عاتى عندو مشكله مع واحد فيهم، عباس نقول، العاتى قطع لى عباس بلنجه زولنا اتكوم فى الواطه ما قام، صاحبو يقولى قوم اخد حقك، قوم اركز، وعباس متكوم ويقول لصاحبو "خلنى، راقدلى فوق راى"، لحدى ما العاتى اتخارج عباس قام يتنفض، صاحبو سالو "راى شنو الراقد فوقو؟" اجاب عباس الحكيم "باقيلك كان قم، ما كان طبقلى؟؟"
فيا طيفور انا من قوم يلبدون فوق راى، ويقومون فوق لا رأى،
حلوا مجلس الاداره بعد ما اتكرفس فوق الواطه سنوات وكل ما يقوم يطبقو ليهو، كونوا مجلس حكما و عينوا امين بورد وكل واحد نازل طبق للتانى.....
القصه دى فيها غلط كبير جدآ جدآ...
انا عباسي لانو فى العجاجه دى لو خشيت اكيد بعوق لى زول
و فعلا
عالم وهم ... مرضونا مرض
|
Post: #5
Title: Re: العجـــــــــــــــــــــــــــــااااااااااااااجة
Author: طيفور
Date: 10-01-2004, 03:56 PM
Parent: #1
الاعزاء
نيازي
النصري
ومراويد مساكم الله بكل خير
والله الواحد فعلا بقى يستعجب .. هل العلة فينا ولا في الكي بورد؟؟؟
ودا على وزن علق خطأك على اقرب شماعة
في زمن اخر حذرني صديقي واستاذي بشرى الفاضل من الانسياق خلف عواطفي
واحالة كل الاحداث وملابساتها الى حكم العقل.. وكنت اعلم انه على حق
وانه ايضا.. اول من يخرق هذه القاعدة.. والا ما خرجت ازرق اليمامة ولا
طارت عصافير البنت وتميمتها... وها انا رغم الكتاحة والضرب تحت وفوق
الاحزمة... احاول ان اتلمس ما يبقيني معلقا قلبي بهذا المنبر ولي في
كل من يمشي على حواف او في لهيب هذا الثرى السايبيري عشم في ان تصفو
الايام.. ومحبة احاول عبثا اقتلاعها واخشى ان افلح في مرادي فقد اصبحنا
مثل ذلك المجنونٌ.. الذي خطَّ لنزلاءِ العنبرِ خطاً فوق الأرض.. وقال لهم العاقلُ
منكم مَنْ يستطيع ان يعبُرْ من تحتِ هذا الخط.. فتسابَقَ كلُّ النزلاءِ، وتسلَّخَتْ
الوجوه وسالتْ أنهارُ الدماء، حتى غاب الخطْ.. او كاد
ومازال المتحفلون يحاولون عبور الوهم حتى يومنا هذا.. عجبي
|
Post: #6
Title: Re: العجـــــــــــــــــــــــــــــااااااااااااااجة
Author: humida
Date: 10-01-2004, 04:06 PM
Parent: #5
والله .. قسس ..
انا في الكتاحة .. دي بقيت ما شايف ..
وكل ما اجي اخبت لي واحد .. يطلع يا بكري يا عادل ..
ارمي عكازي واقوم جاري ..
بس الليلة لميت ليك في عمي شوقي ..
غايتو .. بس الخوف يضرب تلفون للحاج ..
اقوم جاري .. اخلي ليهم البيت .. !
|
Post: #7
Title: Re: العجـــــــــــــــــــــــــــــااااااااااااااجة
Author: طيفور
Date: 10-05-2004, 02:54 PM
Parent: #6
Quote: انا في الكتاحة .. دي بقيت ما شايف ..
وكل ما اجي اخبت لي واحد .. يطلع يا بكري يا عادل .. |
ياكين ما بالغتا
جنث بوليغ يا... يا.. يا حميضة
Quote: بس الليلة لميت ليك في عمي شوقي ..
غايتو .. بس الخوف يضرب تلفون للحاج ..! |
دي اظن فيها  عديييييل يا مان
غايتو انا من هسي بعمل الواجب
هيع.. هيع
|
Post: #8
Title: Re: العجـــــــــــــــــــــــــــــااااااااااااااجة
Author: humida
Date: 10-06-2004, 10:52 AM
Parent: #7
والله .. يا عصفور ..
الواحد رتب اوضاعه كويس الايام الفاتت ..
وحدد اتجاه الاستثمار الفكري بتاعو في البنبر الحار دا ..
اها الليلة اتفأجانا في الرداي .. قالوا الريس الكبير كرش الامة ..
اها منتظرين .. قانون الاستثمار الجديد ...
انشاء الله .. يكون فيهو عفو ضريبي ..
ريحونا من الرشاوي ..
Ooooooooooops
قصدي .. التطيبل ..
|
Post: #9
Title: Re: العجـــــــــــــــــــــــــــــااااااااااااااجة
Author: طيفور
Date: 10-27-2004, 02:10 AM
Parent: #8
جاييك يا حمو
افطر بس
|
|