وزى ما قال لى صاحبى كثير من الاعضاء يسعون الى الشهره المجانيه بدون مؤهلات.... يعنى تلقى واحد زى كده ما يقدر يكتب كلمتين فوق بعض مدور ليك فى اديب او شاعر او صحفى و نازل فيهو سلخ
وكلما تنتهى عجاجه حتقوم عجاجه تانيه
و يتحول المنبر من مكان للحوار لشئ شبيه بليالى الحلميه
طيفورررررر انا بقيت شغال بى نظرية "لابدلى فوق راى" ويحكى انو اتنين شايقيه بعيد عنك (بى عين قويه لانى شايقى،و رغم انى فى حياتى ماشفت "البلد"!!! شايقية منبر حر ساااكت) المهم الاتنين ماشين قابلم واحد عاتى عندو مشكله مع واحد فيهم، عباس نقول، العاتى قطع لى عباس بلنجه زولنا اتكوم فى الواطه ما قام، صاحبو يقولى قوم اخد حقك، قوم اركز، وعباس متكوم ويقول لصاحبو "خلنى، راقدلى فوق راى"، لحدى ما العاتى اتخارج عباس قام يتنفض، صاحبو سالو "راى شنو الراقد فوقو؟" اجاب عباس الحكيم "باقيلك كان قم، ما كان طبقلى؟؟" فيا طيفور انا من قوم يلبدون فوق راى، ويقومون فوق لا رأى، حلوا مجلس الاداره بعد ما اتكرفس فوق الواطه سنوات وكل ما يقوم يطبقو ليهو، كونوا مجلس حكما و عينوا امين بورد وكل واحد نازل طبق للتانى..... القصه دى فيها غلط كبير جدآ جدآ... انا عباسي لانو فى العجاجه دى لو خشيت اكيد بعوق لى زول
و فعلا عالم وهم ... مرضونا مرض
10-01-2004, 03:56 PM
طيفور طيفور
تاريخ التسجيل: 08-17-2002
مجموع المشاركات: 1666
والله الواحد فعلا بقى يستعجب .. هل العلة فينا ولا في الكي بورد؟؟؟ ودا على وزن علق خطأك على اقرب شماعة
في زمن اخر حذرني صديقي واستاذي بشرى الفاضل من الانسياق خلف عواطفي واحالة كل الاحداث وملابساتها الى حكم العقل.. وكنت اعلم انه على حق وانه ايضا.. اول من يخرق هذه القاعدة.. والا ما خرجت ازرق اليمامة ولا طارت عصافير البنت وتميمتها... وها انا رغم الكتاحة والضرب تحت وفوق الاحزمة... احاول ان اتلمس ما يبقيني معلقا قلبي بهذا المنبر ولي في كل من يمشي على حواف او في لهيب هذا الثرى السايبيري عشم في ان تصفو الايام.. ومحبة احاول عبثا اقتلاعها واخشى ان افلح في مرادي فقد اصبحنا مثل ذلك المجنونٌ.. الذي خطَّ لنزلاءِ العنبرِ خطاً فوق الأرض.. وقال لهم العاقلُ منكم مَنْ يستطيع ان يعبُرْ من تحتِ هذا الخط.. فتسابَقَ كلُّ النزلاءِ، وتسلَّخَتْ الوجوه وسالتْ أنهارُ الدماء، حتى غاب الخطْ.. او كاد ومازال المتحفلون يحاولون عبور الوهم حتى يومنا هذا.. عجبي
انا في الكتاحة .. دي بقيت ما شايف .. وكل ما اجي اخبت لي واحد .. يطلع يا بكري يا عادل .. ارمي عكازي واقوم جاري .. بس الليلة لميت ليك في عمي شوقي .. غايتو .. بس الخوف يضرب تلفون للحاج .. اقوم جاري .. اخلي ليهم البيت .. !
10-05-2004, 02:54 PM
طيفور طيفور
تاريخ التسجيل: 08-17-2002
مجموع المشاركات: 1666
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طيفور
نيازي مصطفى
humida
فيس بوك
تويتر
انستقرام
يوتيوب
بنتيريست