Post: #1
Title: عنصرية عديل كدا ونحنا خلاص ....؟
Author: مهاجر
Date: 09-28-2004, 08:07 AM
Parent: #0
هذا الموضوع كتب في احد المنتديات العربية وسوف احاول ارفق الردود ايضا حتي تعرفوا نظرة العرب لنا
واحد سوداني يحكي قصته مع الإنترنت والشات
يقول
النت ده حاجة عجيبة خالص
تعرفت فيها على بنت
راسلتها في الميل .. وبدأ قلبي ليها يميل
غابت عني أيام وليالي .. دورت عليها في كل مكان
دورت عليها في جوجل وياهو وكتبت يا ناس ياهو
حبيبي تايه وين ألقاهو؟ ولا حد رد عليَّ
نصحوني ناس الخبرات .. قالولي دور عليها في الشات
الشات ده مليان بنات من كل الألوان والجنسيات
دخلت الشات .. ودورت من بين القنوات
ما لقيت اسمها من بين المسميات
كلمت لي زول من اليابان خبير في الكمبيوتر فنان
قلت ليهو هاو آر يو ، قال لي شنج ينج فاين ثانكيو
قلت ليهو أنا من السودان .. مشتاق لحبيبتي ولهان
وده النك نيم ليها دلني عليها يا زول
أخد مني الزول النك وقعد يتكتك تك تك تك
لحد ما لقاها
قالي (شونج بينج يو) تلاقيها في الآيسيكو
دخلت ليها في الآيسيكيو
ولقيت حبيبي اللي ضيعتو
وبكل لهفة وشوق كلمتو
قالت لي : بدك شو؟
قلت ليها إنتي البنت اللي أدور عليها من زمان
قالت لي : أنتا من أيا مكان؟
قلت ليها أنا من السودان
وراسي مثل الرمان .. وكرشي شوي مليان
قالت لي : مامعئولة هيك إنسان
أنا بدي راجل فهمان أبظاي متل السوبر مان
ولونه أبيض فتحان .. مافي منو في البلدان
ولأني حلوه وبمشي متل الغزلان
وطرفي حلو ونعسان
ووجهي ينور متل الشمعدان
ما بأبل أتجوز من السودان
ولا أفريقيا ولا بلوشتان
بدي واحد فتحان أبيض متل الأسنان
ممكن يكون من شرق أوروبا
أو حتى من كردستان
لأني حلوة وبيضة من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبان
كره حياته وصار ندمان
ترك النت وهو غضبان
وراح يدور على عروسة سمرة
من كسلا وأم درمان
|
Post: #2
Title: Re: عنصرية عديل كدا ونحنا خلاص ....؟
Author: elsawi
Date: 09-28-2004, 09:30 AM
Parent: #1
Salam Muhajir
She rescued him from herself
Elsawi
|
Post: #3
Title: Re: عنصرية عديل كدا ونحنا خلاص ....؟
Author: Raja
Date: 09-28-2004, 09:35 AM
Parent: #1
مهاجر العزيز..
ازيك.. وليك وحشة..
| Quote: كلمت لي زول من اليابان خبير في الكمبيوتر فنان |
من اليابان ولا من كوريا..؟
ده يكون أنور كنج..
لووووووووووول
يا عم.. ده عالم ما يستهلوش الرد عليهم.. وزي ما بيقولو كـبـًر الجمجمة..
|
Post: #4
Title: Re: عنصرية عديل كدا ونحنا خلاص ....؟
Author: Frankly
Date: 09-28-2004, 10:04 AM
Parent: #1
الاخ مهاجر شكرا جزيلا للمادة
فهي في وجهة نظري جميلة و ممتعة جدا ولا ارى فيها اي عنصرية
وقد تحدث في واقعنا مرات ومرات
والقصة كلها قبول ورضاء
كما ان الرجل يختار فللمرأة ايضا حق الخيار
وفي الاخير الحمد لله ربنا يعوضو احسن منها من بنات بلدو المافي زيهم
وعسى ان تكرهوا شيئا وهو خير لكم
|
Post: #5
Title: Re: عنصرية عديل كدا ونحنا خلاص ....؟
Author: محمد الامين احمد
Date: 09-28-2004, 12:00 PM
Parent: #1
الاخ مهاجر
سلام،
اتسرعت فى اتهامك للجماعة
هذه الابيات كتبها السيد/عمر رجب
يعنى كلمات سودانية
وممكن تسمعها أغنية كمان لو عايز بصوت Zihab
Quote: Omar Ragab:
Salam
ya hbibna amgd
this lyrics is written by me
tslam ya hbib
u can hear it as song
www.omerragab.com
then go 2 zihab keif
|
و ممكن ترجع للوصلة التالية
واحد سوداني يحكي قصته مع الإنترنت
و لك التحية
|
Post: #6
Title: Re: عنصرية عديل كدا ونحنا خلاص ....؟
Author: Frankly
Date: 09-28-2004, 12:59 PM
Parent: #5
الاخ العزيز محمد الامين احمد
شكرا جزيلا للتوضيح
وإبداع يا عمر يا رجب يا فنان يا رائع
|
|