Post: #1
Title: الراكوبة بصوت عاطف أنيس الى خضر حسين ومعتز تروتسكي
Author: الليندي
Date: 09-23-2004, 09:30 AM
الراكوبة
قاسم ابوزيد
ولدوها غنينا وطبل الفرح دقينا
نفس الغبش عرضت
سوولا راكوبه من الجريد والتك
اتمددت رقدت
*****************
من طينتم سووك غيمة مشاوريم
زغردنا يوم ولدوك هتفت نقاقيرم
ما نحن كلنا ليك حلوة وسمح لونك
ما نحن كلنا بيك عشنا العذاب دونك
*****************
ما كنت مرتاحة تسلم مداين القش
ما جمتك راحة ساسات قصورن هش
سرقوها
سرقوها في ليلة بعد الغبش دقسو
قبال تشد حيلا والليل يخت نفسو
شالوها من حتات ودوها لحته
لا فيها راكوبة لافيها عضة جوع
لا امة منكوبة
النوم جفاها شرد
وما اتمددت رقدت
اضغط يمين الماوس واختار save target as
|
Post: #2
Title: Re: الراكوبة بصوت عاطف أنيس الى خضر حسين ومعتز تروتسكي
Author: Raja
Date: 09-23-2004, 10:15 AM
Parent: #1
الليندي.. مصطفى سيدأحمد.. والراكوبة.. وخضر حسين ومعتز تروتسكي..
كلهم لا يمكن مقاومة الدخول اليهم وتحيتهم..
تسلم يا عزيز..
|
Post: #3
Title: Re: الراكوبة بصوت عاطف أنيس الى خضر حسين ومعتز تروتسكي
Author: mahdy alamin
Date: 09-23-2004, 10:20 AM
Parent: #1
الرائع الليندي......
|
Post: #4
Title: Re: الراكوبة بصوت عاطف أنيس الى خضر حسين ومعتز تروتسكي
Author: معتز تروتسكى
Date: 09-23-2004, 10:53 AM
Parent: #1
الليندى ..
وبالقلب فوهة..
يدخل زخام هواك...
فى تلك الراكوبه اللمح ..
ود حسين ..
فقط اليوم لم المحه وانا انتظره..
لكن سيسعد الاعصار..
لانه اتى منك يالليندى..
فقط من يجيرنا..
انا وزولى ود حسين..
نبادلك ..
العض..
ومن الحب ماقتل..
ياصاحبه فى الزمن الصعب.
رجاء..
شكرا لحضورك الانيق ..
كما قلتى ..
مصطفى سيداحمد..
عاطف انيس..ود حسين..
كلهم والهجير..
راكوبة الليندى دليل...
مهدى..
الهجيره..
وحاجات تانيه..
متل..
من طينتم سووك غيمة مشاوريم
زغردنا يوم ولدوك هتفت نقاقيرم
ما نحن كلنا ليك حلوة وسمح لونك
ما نحن كلنا بيك عشنا العذاب دونك
وشكرا لكم يا من فيكم الشعبه .
والاحرين الساس..
وجايين جايين..
كلنا والراكوبه..
والحشد.
التوقيع..
الليندى..
|
Post: #5
Title: Re: الراكوبة بصوت عاطف أنيس الى خضر حسين ومعتز تروتسكي
Author: سفيان بشير نابرى
Date: 09-23-2004, 11:04 AM
Parent: #4
ازيكم ياجماعة...
قلنا نسلم ونسمع شوية...
وراجيكم بهناااااااااااااااااك...
يالليندى- خضر- تروتسكى-
انتو مهدى ودالامين ده زول الحيصحيصا...
عموما سلام كتير لمهدى.
|
Post: #6
Title: Re: الراكوبة بصوت عاطف أنيس الى خضر حسين ومعتز تروتسكي
Author: الليندي
Date: 09-24-2004, 11:25 AM
Parent: #5
رجاء العباسي
شكرا لحضورك المميز وكملتي روعة البوست بطلتك
مهدي الامين
شكراً ليك يا رائع وبوجه ليك سؤال سفيان أنت الفنان مهدي الامين يبدو ذلك
معتز تروتسكي
يا صديق الروح تعرف أغنية الراكوبة دي غناها فنان من عطبلاة اسمو خوجلي هاشم والاغنية ملكو وهي اجمل ما غنى فالتحية له
سفيان في انتظارك انت وخضر ومعتز
|
Post: #7
Title: Re: الراكوبة بصوت عاطف أنيس الى خضر حسين ومعتز تروتسكي
Author: معتز تروتسكى
Date: 09-24-2004, 11:44 AM
Parent: #6
ناصر الليندى..
جيتك صادى نجاح الشوق بالريح...
وبين مسافه ..
جد تتلاقى قوافى ونغم ..
انت الساس..
وكيت تنهد الجروف..
ويبقى البحر الطالع منك هو شايلنا..
اسمع وين ود حسين بقيت اشرك ليهو ..
لانو انا اصلو ايامى فى الاسبوع معدوده..
وكده وهو خاصم يومين..
ينعل ابو الفلس..
مش كان ضربت ليهو كان جيتو عديل
لووووووووووووول..
بعدين ياالليندى..
منو ماكان ..
بترنم بى هاشم خوجى والكان زمان..
تتذكر تتذكر..
اكيد ايامك معاهو ليالى..
وجد اشتقته لى غبار عطبره...
وصديقى ود عطبره ..
ود الفحل ..
احييك ياالليندى...
الف ومالانهايه..
وكوس معاى ود حسين...
|
Post: #8
Title: Re: الراكوبة بصوت عاطف أنيس الى خضر حسين ومعتز تروتسكي
Author: Kostawi
Date: 09-24-2004, 11:57 AM
Parent: #7
|
Post: #10
Title: Re: الراكوبة بصوت عاطف أنيس الى خضر حسين ومعتز تروتسكي
Author: Mannan
Date: 09-24-2004, 08:44 PM
Parent: #8
يا صديق العمر كوستاوى الهجام
منو الختا اسمو فى الصورة دة www.elrasam.com ؟؟ الصورة دى التقطتها انا لعاطف انيس وارسلتها لسودانيز اون لاين ودرب الإنتفاضة وقام صاحبنا لطشها بدون الإشارة للمصدر.
معليش عشان الراكوبة العظيمة (السودان) ممكن نتنازل عن حقوق الطبع بعد ما أعرف صاحب الويب المجهول.
شكرا للصوت الجميل الدى جعل الراكوبة اجمل من قصور الأغنياء. تحيا راكوبة الغبش وتسقط قصور الطغاة..
نورالدين منان
********************
وفى وطن شوهته ذقـــــون * ستأتى اليه الوجوه الحليقة
وتهدر فى ساحة القصريوما * كســيل الزبى من بلاد سحيقة
لتملأ سوداننا بالأمـــانى * وترجعنا للربـــوع الصديقة
ونشعل ساحاتها بالأغــانى * ونزرع للحب أزهى حــــديقة
|
Post: #9
Title: Re: الراكوبة بصوت عاطف أنيس الى خضر حسين ومعتز تروتسكي
Author: mahdy alamin
Date: 09-24-2004, 12:04 PM
Parent: #6
الأعزاء...
التحيه ليك أخ : سفيان
لكنني لست بمن تقصد ذلك الفنان
وشكرآ
مهدي الأمين
|
Post: #11
Title: Re: الراكوبة بصوت عاطف أنيس الى خضر حسين ومعتز تروتسكي
Author: خضر حسين خليل
Date: 09-25-2004, 02:06 AM
Parent: #1
اللندي
اشكرك يازوق
وشكرا لقاسم ابوزيد وشكرا للجميل عاطف من قبل ومن بعد
|
Post: #12
Title: Re: الراكوبة بصوت عاطف أنيس الى خضر حسين ومعتز تروتسكي
Author: samwal ebrahiem
Date: 09-25-2004, 02:22 AM
Parent: #1
تخريمة بسيطة / خضر حسين الجميل ليك وحشه يازول يا راقى ... وكيف حاتم ... بلغه خالص تحياتى
بالمناسبة عندى بوست بعنوان الحلم الجميل ارجو المرور يا خضر رايكم بيهمنى شديد
ايدكم معنا عشان خاطر البوست يكون دائما لى فوق
السمؤل
|
|