دوما -دكين - وبالعكس

ارجوكم--ارجوكم تعالوا
عليكم الله والرسول
عليكم امكم
عليكم السودان تعالوا

الفاضل عثمان..

معك والجميع أنادي على السيدة الفاضلة الحكيمة التي تقول الحق ولو على نفسها.. دوما.. عرفتها جدعة دون أن أراها.. كانت سيدة كثير من المواقف الإنسانية بالمنبر الحر وبحياة أصدقاءها...

دكين.. الزول الكلامو عديييل وناشف ومرة مرة شيييين.. لووووووووول.. ما فعلته لم يستطع عمله الكتيرين.. تعال راجع..

نفتقدكما معا..

نركب اعلى ما فى خيلنا
ونصيح باعلى اصواتنا
ونردد وراء عووضه

ارجوكم--ارجوكم تعالوا
عليكم الله والرسول
عليكم امكم
عليكم السودان تعالوا

رجاء و اوسلي
كان الجماعة ديل جو عندي ليكم بشارة كبيرة خلاس

مشتاقه لي دكين يجيني في ماسنجري

ويكون خاتي لوحه لي شبرين وانا خاته لوحه لي شحتو ونتبادل لوحات تانيه ويسالني يقول لي اخبار صديقك التشكيلي شنو وارسل ليهو اخر لوحاته ويقراها لي ويحللها تحليل يعجز صاحب اللوحه نفسه عن الافصاح به ويصر يتصل بيهو ويتكلم معاهو عشان يعبر ليهو عن اعجابه بي لوحاته


دكين اللعبه المره دي طالت

راوية
اصرخي شديد
قولي لى دكين و دوما عليكم السودان --انا متاكد حيسمعوا

استاذ عثمان

جاياك انا لما حلقي يتبح

انا البوست دا مابفوتو

انا الاتنين ديل فاقداهم هنا وهناك

والله العظيم انا حزين بالجد

Quote: دكين.. الزول الكلامو عديييل وناشف ومرة مرة شيييين..

مرة مرة قال ....

اهداء لدكين

اقترح الفصل بين الخطين؛ ليكون
دوما - البورد - دوما
و

دكين - البورد - دكين

هذا مبدئياً ... فما يصلح لدوما لا يصلح لدكين
وما يصلح لدكين لا "يصح" لدوما....



و اكرر ما قلته سابقاً؛ مستغفراً الله لي ....... و لكم:

" من الله خلقني؛ لم اسمع بمحاكمة انتهت بسجن القاضي"

شيخنا : عووضة

أنا شايل مايكرفوني دا وحايم ماخليت فيافي ولا أودية
ولا زقاق في الحلة دي ... لا حس ولا خبر من دكين بتاعك ولا دوما
ولا عكسهم ذاتو!!.

الله يعينك .

خضر عطا المنان

بارك الله فيك ياخدر الله يخدر ضراعك ومكرفونك

عشان الإتنين ديل فووووق

دوما ـ دكين ـ وبالعودة

هل تم الفصل بين المسارين ام ليس بعد؟

نفترض ان الفصل قد تم؛ و نبدأ بتوجية حديثنا لدكين:

اول حاجة كفارة يا مولانا .... و مشتاقين ياخي .....
و اذكرك و نفسي بالقواعد الاصولية التالية:

اولاً :
الاصل في التدابير التشريعية و التنفيذية و القضائيةانها جارية على حكم القانون؛ و البينة على من يدعي خلاف ذلك.

ثانياً:
العرف اللفظي او العملي حجة اذا اضطرد او غلب.

ثالثاً:
الاصل فيما ثبت بزمان بقاؤه على ما كان عليه لزمن معقول؛
و البينة من يدعي زواله او تحوله




ثم احب ان اؤكد لسيادتكم بأنك ان بقيت او ذهبت؛ سجنت او سحلت؛
الا ان مكانك في نفوسنا سوف يظل كما كان و لن يتغير ...

و السلام لمن معكم

و اذا سمحت لي يامولانا بابداء بعض الملاحظات القانونية العابرة تفسيراً لما حدث لمقامكم؛ فانني اقول بعد ان تأذن لي:

انك كقاضي كان لابد لك من استصحاب المبادئ الفقهية التالية؛
عندما انيطت بك – او انطتها لنفسك –
محكمة " استغفر الله لي و لكم " الشهيرة :

ان الصلح جائزبين المسلمين؛الا صلحاً احل حراماً؛ او حرم حلالاً.

و ان الاصل بقاء ما كان على ما كان.

و ان التصرف على الرعية منوط بالمصلحة.

و ان اعمال الكلام اولى من من اهماله.

و اخيراً :

من استعجل الشيء قبل اوانه؛ عوقب بحرمانه.


و عليه و تأسيساً على ما تقدم؛ و بناءاً لما توفر ليقين للجنة التحقيق التي تم تشكيلها لمراجعة اداءك المهني؛ فقد ثبت بما
لا يدع مجلاً للشك بأنك لم تستصحب معك من القواعد الفقهية المعروفة
و المعمول بها الا القاعدة التي تقول بان:

الاشارات المعهودة للاخرس كالبيان باللسان.

و عليه ترى اللجنة المشكلة بأمر من السيد رئيس القضاء؛
بأن العقوبة التي وقعت عليك لم تكن رادعة بما يكفي.

لذا نامر بأن تعود الى هذا البورد لتقدم دفوعاتك و اسانيدك التي توكأت عليها يومذاك.

و اهو برضو فرصة نشوفك و ربما نحظى بشرف مسكك من رجلك الشمال؛
لمنعك من الاختفاء مجدداً.






هيئة المكتب الخاص للسيد رئيس القضاء

ثم انه و من اسس التقاضي؛ سواء في السودان؛ جزر القمر؛ الحب؛
ان يكون للمتهم محامي يترافع عنه ...

فان عجز عن توكيل محامي؛ يجب على اي المحكمة الموقرة - كمحكمتكم -
ان تشد له محامياً...

____

و بعدين انت يا خوي عادلت سنة كم اصلك ...

نترك المسار السوري قليلاً؛ و نتجه للمسار اللبناني...


خالتنا الكبيرة مقاما و احتراماً دومة؛

و الله مشتاقين ......

دوما-دكين-عثمان عووضة وبالعكس
ملاسي إنت سريرك وينو؟؟؟

وأضيف لهؤلاء
صديقي أهل العوض
وصديقتي بت قضيم

عثمان عووضة - طلحة - و بالعكس

Quote: ارجوكم--ارجوكم تعالوا عليكم الله والرسول عليكم امكم عليكم السودان تعالوا

العيد الجاب الناس لينا؛ ما جابكم ....

ترررا تررررا

أنا زعلان من دكين
زعل شديد

أضفته لماسنجري

لما ظهر ليه الطلب قال لي انتي مني
قلت ليه انا المسافر الظاهر الغبار ما بين ليك اللابسو ملفحة ولا توب

بعد كم يوم اكتشف انه حظرني
بل حذف اتصاله من قائمتي
كيف ما عارف
إلا القى ليك اسمو غير موجود في قائمة الإتصال
بس عايز أعرف التقنية التي استعملها دكين وقام بحذف اتصاله من قائمة الإتصالات لدي
وهل مثل هذا الفعل يمكن يعتبر إجتياح حيز الآخرين

دكين زعلني شديد
شديد شديد شديد
على وزن
شهيد شهيد شهيد

ومن بكرة يا دكين وصيتي تجيبها لك قماري الحي

Quote: إلا القى ليك اسمو غير موجود في قائمة الإتصال بس عايز أعرف التقنية التي استعملها دكين وقام بحذف اتصاله من قائمة الإتصالات لدي

العزيز المسافر
تقنيه ودكين
ماحصـــلت
دكين مابعرف لى قدر دا
هو يادوب بيعرف يولع الجهاز ولما يخلص ((يكتله)) وفى روايه اخرى يطفى


لكن حكايه يكون حظرك دى ممكنه لانه غتيت
وممكن يعملها انا شخصيا بيعملها معاى كتير تقريبا بعد كل شكله وبنتشاكل فى كل مره بنتقابل فيها
لكن بينى وبينك خليك وراهو اى نعم هو براوى حبتين لكن اصيل وقلبه زى الدهب وعشرته بتستحق العناء









كلام لابد منه
انا فخوره جدا بمعرفه دكين ....دكين فعلا عشا بايتات
وعهد اهو قدام الناس دى كلها والله ما ابدل خوتك ولابالدنيا كلها
انا وقفتك معاى دى عمرى ما انساها ليك..........مع الملاحظه انها ما اول مره
انا قبل ما اقول يا ابو مروه انت بتكون فى وشى
وانا قبل كدا لما اتخيلت حنان العالم فى عينك ما كذب

انتو والله كنز وانا عترت عليه

يخليك لى رايوة يادكين


وكل سنه وانت طيب
ومنتظره عيديتى ومابخليها
ويديك الفى مرادك يابركه هذه الايام ياود انيسه

Quote: لكن حكايه يكون حظرك دى ممكنه لانه غتيت

غتاتة شيخ البطاحين

ود دكين خريف البطانة البترى

سيد الشكرة

شيخ العرب

هيلو السارحة هيلو الواردة هيلو البكرة

ساعة الحارة يوم العريب منكسرة

فرتاك جموعهم خلى الرؤؤس منحسرة


بس هو بقول ما بعرف شئ عن ود دكين
ولا ضحوي صاحب ود دكين
ما عارف لمهام الإثنين وراح بيهم لي مصر جابو أنيسة

الناس شايلة تدعي ليه يا ود أنيسة

بس خليه يظهر
ويشوف كيف يكبر سبيب راسه
ويطوطح فوق جملاً هائج
يتلافاه باليمين
ويلقى الأرض جات من فوقه ونزلت بيه للسماء
تاني لا حواي يحويه ولا كواي يكوية
ولا يتلقي في ام شديدة ولا قوز رجب

بس اليفوت العيد
ببقى
زعلان عليك يا دكين
شديد شديد شديد

الأخت راوية .. كل سنة وانت طيبة والجميع بخير

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 عثمان عووضة00
افتقدهما معاك 00
عليك دينكم تعالوا 00

عذري هو
عذب لديه خاطر من العذارى
مليكها في الحي يلتحف الإشارة
في مهده الذكرى
مولود في خدرها ورث الإمارة
وجلس فوق كون من الأطياف
كلما حضرت
توارى

وعهد حبي
من حروف في أسمه رسمته
وأصبح لعيني المزار