يا ناس ما شوفتوا معتصم دفع الله

السلام عليكم ورحمة الله
أيها السادة الكرام
كان معنا هنا في هذا المنبر شاب بشوش طيب الخلق والمعشر صديق للجميع شعلة من النشاط أفتقدته فجأة ، أنه الشاب / معتصم دفع الله .
ومن باب الشفقة ذي ما بيقولوا اهلنا ولعل المانع خير وعشان مشتاقين نسأل عنه ؟

حمزاوى
ياحبى البداوى
دا جواله
0507909071

لو لقيته قلو جوال ابقوتة كم
او الرقم المجانى حقنا كم
بكون مشى الشرقية مع وليد طه
اصله بتاع ضهب من زمن بومبى
ولك ودى
ياشفيف

يا ابو النسب ..

تشوف سيدنا النبي ..


معتصم كان .. موعوك حبتين .. وحسع حرق تش ..

يا ابوقوته..

عليك الله حاول خلص ساعات دوامك دي .. وحاول خلينا نشوفك

بلاي قلت لي وليد طه بتاع ضهب؟؟ حالتو لسه ما غير العربية

لكن يا تمبس أخوي نحن بلاكم بنبقى ؟ ..
يا رفيق الدرب والأيام العصيبة ..
فأنت لا تحتاج لكلمات شكري ..

قلت لي وليد ما غير العريبة ؟ ..
بس خليهو يجي بيها بكرة والله نكشف حالو ..

تعرق يا أبوقوتة ..
حكاية الضهب دي الناس تقوم تصدقه جد جد ..
وأنا وأخوي الكاشف دا نلقى نسفنا فعلاً مضهبين ..
لكن بيني وبينك قول لوليد طه دا روق شويييييييييية ..

تشكر على إتصالك يا حبيب ..
وخليك قريب تاني زوغة ليك مافي ..

تسلم

ابوقوته اخوي
انت الشفيف
ود دفع الله ضهبان
في بومبي صديق كتير
وليد طه من اندنا
هم الاتنين بخير
ربنا يطمنك ويسلمك

والله اليومين ديل صديق كتير تعبان ..
كتيييير مافي كويس ..
الله كريم ..
ضهب ضهب .. غرامة غرامة ..
نسوي شنو ؟

تمبس حبيب الجميع
ود دفع الله كان بعافيه شوية
سلامتو ما يشوف شر
دوام ابوقوته طويل طول يجنن
تمبس نسيبي اصلو ابوقوته
شغال مراقب عمال
العمال بيقولوا ليه
فلوس شوية شغل شوية
صديق خلي ولي

حمزاوي
إنت ذاتك غاتس وين ؟
ما تجيبك إلا البوستات إياها ،، والله أقوم عليك أخليك تتاوق في المنبر 24 ساعة ،،
معتصم كان تعبان شوية ، وبقى كويس الحمد لله ،،
شوف لينا لمة كده ، قبل رمضان ،،

تمبس
شكرا
والله ياتمبس انا بعرفك وشفتك كتير
انت ياهو شكلك دا وصورتك دى
ولا دى قديمة

حمزاوى زى ما قال الخال
اقرب لمة قبل رمضان
باذن الله لو ماسارفرت
ولكم ودى

تعرف يا خال زمان كنت بخاف من سكين شتات ..
علا الآن بقيت أخاف من عكازك ..
يعني شنو نفوت ليكم البلد دي ؟ ..



وبيني وبينك كان ما جيتكم ديك ما كنت بقيت كويس ..
يخليك لينا يا خال ..

دفعتي ودقاسم
سلام وتحية
علمت بالوعكة الصحية للحبيب ودفع الله والحمد لله حسع بقي تمام التمام
مشتاقين للمه حلوه
انت عملت شنو في الموضوع بتاع نجمتع ونتونس اسبوعيا ذي ما شرحت لي .
بخصوص صوم رمضان السنة دي انا صايم صوم الاصالة ذي صلاة الاصالة بتاعت الشيخ
انتو الحقوا نفسكم الرمضان السنة دي في صيف وحر

العزيز معتصم..

ألف لا بأس عليك.. وسلامتك وكل ناس الرياض كرامتك.. إلا زول واحد حيعرف روحو..





الوردة دي هكرتها ليك من ناجي الملك..


سلامتك.. ونتمنى الطلًة..


شكرا يا حمزاوي على البوست اللفتة..

العزيزة رجاء

تسلمي من كل شر وربنا يديك الصحة والعافية ..
تشكري على الورود وإن شاء الله مفرهدة بين يديك ..

ويا ريت كل الهكر يكونوا زيك كده بيهدوا ورود بدل المصائب ..

الخال حمزاوي...تحيات

معتصم دفع الله... بعد اجراء كل الفحوصات عليه وعرضه على الاختصاصيين
فى مجال (الحردة)اتضح انو................













بطنو غرييقة..

وليد طه

روووووووووووووووووق بس ..
وبعدين غير العربية وتعال بدري ..

الحبيب حمزاوي
تسلم من كل شر ..
شكراً لسؤالك وإتصالك للإطمئنان على صحتنا ..
ولكلماتك الطيبة التي منحتنا عافية التواصل ..
وعندنا الكثير البخلينا دائماً مع بعض الخال ودقاسم ما قال ليك ؟ ..
ولا أقول ليك دي خليها مفأجاة ..
لك كل الحب التقدير ..

معتصم
سلامات يا حبيب وكفارة ليك

الاخ معتصم
الف كفارة وسلاماتك والمملكة كلها كرامتك !!! وجدت هذا البوست وعلمت منه بوعكتك ، أتم الله صحتك ، وربنا يديك العافية
ملحوظة : أكان ما عرفتني اسال مني الطيب حسن مع أنو ذاكرتو أكعب منك لكن الواحد يسوي شنو مع أصحابو المعببين ديل.
الف كفارة ياسيدي وانا طبعا عرفتك من الصورة مع ولدنا تولوس.

كيفك يا صديق
ألف شكر لك وليك وحشة والله ..
قبل كم يوم كان الطيب حسن بيتكلم معاي بالتليفون ..
وقتها لم أقرأ ردك علشان أكلمه ، وين إنت حالياً خلينا نشوفك يا راجل ..




تخريمة ..
كان علي ذاكرة الطيب في دي عندك حق ..
دا عايز ليهو أب قريد ..

سلااااااااااااام كتير ..

الله يسلمك يا أبو محمد
وما تشوف شر إن شاء الله

الغالية راوية
حمداً لله على السلامة ..
وشكراً على الوردة والأغنية يا ست الذوق ..
سلام كتيييييييير ..
وشووووووووووووق لا يوصف ..
لك خالص ودي ..

السلام
للناس الحلوين
استاذة رجاء مرسلة وردة يا رودة انتي يا فرايحية
ذكرتني اغنية بنات عمي البلابل لون المنقة الشايلة المنقة
استاذة راوية
الحمد لله انك رجعتي يا استاذة بدونك الدار خراب
يا بهجه مسرة واصلي وما تخلي البيت
شكرا جزيلا يا بناتي يابناتي العباسي علي الطلة

الخال ودقاسم
ابوقوته
ود دفع الله
وليد طه
ابومحمد
وكل بورداب الرياض الليله حنتلاقى في الاستراحة
الدعوة مقدمة من الاخ ودالباوقة

حمزاوى يارائع شكرا ليك كتير على لفتاتك البارعة دى ... وهذا ان دل على شى انما يدل على إصلك الجميل ما انت دائما اصيل
الاخ معتصم دفع الله / سلمتك والآلم بيزول وكفارة ليك يا احلى زول
قالو متألم شويه ياخى بعد الشر عليك ,,,,, والف حمدلله على السلامة
السمؤل

الحبيب سمؤل
أولاً مرحب بك في سودانيز أون لاين وعذراً إن لم نكن من المرحبين بك ..
فقد كنت غائباً لفترة ليست بالقصيرة فلك العتبى حتى ترضى ..
وشكراً لكلماتك الرائعة ..
وإن شاء الله ما تشوف شر ..

تسلم

ابن عمي / سموأل
هكرفي
شكرا جزيلا
ولك حبي وتقديري

معتصم انشاء الل ماتشوف شر

فعلا اخبارك انقطعت

نتمنى لك العافية والمعافاه

وبالمناسبة لابد من التجهيز لافطار رمضان من هسع

علشان نحجز الاستتراحة من دلوقت و ننظم القعدة وتكون احسن من بتاعت السنة الفاتت

العزيز صلاح غريبة
وينك يا راجل والله مفتقدنك ..
ومشتاقين ليك كتيييييييييييير ..
تسلم من كل شر ..
وكان على فطور رمضان ما عندك مشكلة نحن جاهزين وعندنا كمان برنامج جميل حا يعجبك ..
لسه في مرحلة الترتيبات ..

أرقد عافية

عزيزي الاخ / صلاح غريبة
مشتاقين
ماجيت حفلة ود الباوقة ليه
تجهزون حفلة افطار رمضان من حسع
انتو ما تخلوا الرجال يشرف ويصل بعدين جهزوا الافطار
صدقني طوالي لمن شفت الطلب عطشت وريقي نشف

معت (صم) (ز)...
سلامتك..
والمنبر كلو كرامتك...
نحتاجك فى مساحات العدم ياراجل..
نحتاجك منذ الصباح الى المساء..
يوماتى والحين..
شكرا حمزاوى..
وشكرا كتيرا معتصم..
الانسان الولوف...