أبو (منو ) و ..أم (شنو ) دعوة للتوثيق

عموم أهل السودان لا يحبون أن يتنادوا بأسماء أكبر الأبناء أو البنات كعادة معظم بلاد بني يعرب ..
( تعال يا أبو فلان .. و روح يا أبو فلانة ) ..
و لا نساءنا يحببن التنادي بأسم عائلة زوجها بعد الزواج كما يفعل الفرنجة و أهل بلاد الغال و بلاد تركب الأفيال ..
و لكننا نعشق إطلاق كلمة ( أم ... ) و كلمة ( أبو ... ) لقرانا و أمصارنا و مدننا و جبالنا و ودياننا ..
تعالوا نوثق لهذه الأسماء .. مع ذكر قصة التسمية ..
على إمتداد حدود بلدنا الحدادي مدادي .. و كل من يعرف شيئا عن سبب التسمية أو أي معلومات .. فليمددنا بما لديه تفضلا ..
بسم الله إبتدينا :
أم درمان ( لا تحتاج إلى تعريف .. و لكنها تحدث عن نفسها ) ..
أبو راقَة : قرية ترقد بالضفة الغربية للنيل .. و تقع بعدها 4 قرى شمالا .. ثم العتمور حتى حدود مصر .. لا أعرف تماما سبب التسمية .. و لكن و الله أعلم أنه إسم لشيخ يرقد تحت أديم أرضها .
أبو فاطنة ( أبو فاطمة ) بالقرب من كرمة .
أبو ديس ( منطقة الرباطاب )
أبو حجار
أبوحراز
جبل أم علي
أم عضام ( و يقال أن إسمها الأصلي .. أم العظماء .. و تقع جنوب الحصاحيصا ) ..
أم سدر
أم دوم
أبوفروع
أبوجابرة
أبو ضلوع ( عتمور كان يمثل بعبعا لكل السائقين و المساعدية و الركاب على خط أمدرمان دنقلا المحس ) ..
أم ضوا بان
أم الطيور
أم بكول ( أم هي أمبكول كلمة واحدة ؟ و البعض ينطقها همبكول .. أيهما أصح ؟؟) ..
أم ضريوة
أبو صارة ( قرية في المحس )
أبو عشر
أبو حمد ( المدينة التاريخية التي ترقد على سنام النيل تتوسد سرج الشمال لترنو شمالا تتابع خط السكة حديد إلى حلفا .. و ترنو غربا لأرض الشايقية و المناصير حتى تخوم الغرب و ترنو جنوبا إلى جسد البلد الممتد .. و ترتاح أيام صيفها على مقرات .. جنة الله في أرض الشمال و ترنو شرقا لأرض البجا و الثغر الحبيب ) ..

أترك المجال للأعزاء و العزيزات ليوافونا بما لديهم ..

ابو جهينه .. سلام
أم ضلوع ( عتمور كان يمثل بعبعا لكل السائقين و المساعدية و الركاب على خط أمدرمان دنقلا المحس ) ..
الاسم ابو ضلوع وليس ام ضلوع
وقد كتب احد المساعديه
فى قوز ابو ضلوع واللورى كان وحلان
اضنانى الشقى يا عمدة القــــيزان

اما كلمة دوم فقد اخذت الام والاب
ام دوم المعروفه
وابو دوم قرب مروى
تحياتى

أوسلي
تحياتي
نأسف للذاكرة الخربة
و تشكر ألوف للتصحيح ..
و تشكر أكثر للمداخلة القيمة

لي قدام

أبو (جهينة) سلامي وإحترامي

Quote: عموم أهل السودان لا يحبون أن يتنادوا بأسماء أكبر الأبناء أو البنات كعادة معظم بلاد بني يعرب ..

ومال جهينة دي حقة صعوط؟؟؟
(أبو) عشر و (أم) دقرسي .. يقع بينهما (ود) الماجدي على شارع مدني الخرطوم

شقيقي الحاج بدر

تحية غليدة
شنو ( أبوجهينة ) حافي كدة ؟ وين كلمة شقيقي ؟؟

Quote: ومال جهينة دي حقة صعوط؟؟؟

أبوجهينة مجرد لقب .. و جهينة إسم جزء من قرية لدينا في منطقتي .. و التسمية لها قصة سأسردها لك لاحقا ..
أرقد عافية و تشكر على المداخلة

شقيقي أبوجهينة (للمداخلة الفاتت)
شقيقي أبوجهينة (لهذه المداخلة)
آسف شديد يا شقيقي فقد أستعجلت في المداخلة خفت يسبقني زول على الصفقة والتي طلعت خاسرة بعد تفنيدك وتعريفك
لك حبي وتقديري وشقشقتي

شقيقي الحبيب بدر

يا زول أي حاجة منك مقبولة .. و مادام الصفقة بتقول إنها خسرتْ .. و لا يهمك عندي ليك صفقة أخرى ستكون أنت صاحب النصيب الأكبر .. إنمهل لى و أنا بجيك ..
أرقد عافية

ابو جهينه الرجل الموسوعه حبابك يا ضلنا .. وكيفنك واريت حالك زين .. انت واخيك البدرى وتسلموا ..
لو ذاكرتك انت خربانه .. معناها اختك معذورة .. وكدى النحاول معاكم ..
ام دوينه قريه فى الجزيرة مش يا البدرى ؟
ام شجرة قرية بالقرب من مدينة القضارف ..ولنا عودة قريب ان شاء الله

أختي الغالية سوما الجنيد

تحياتي و شوقي لا يوصف ..
سعدت بحضورك البهي هاهنا ..
و تشكري على إثراء الموضوع و في إنتظار المزيد ..
تحياتي لزوجك و الأسرة الكريمة

ابو جهينة

من الزعل ما قادر اقراء بوستك دا
تقوم تنسى ابـــــقوتة بحالها
عموما ما مشكلة لى كل لجواد كبوة
ابقوتة
نسبة للشيخ العبيد ابقوتة
هو اول من سكن فى هذه المنطقة وكان بقوت الناس يعنى يصنع لهم القوت والمرياق والتريق لما يجو عابرين من الدويم الى مناطق الحلاوين ...كانو بمكثو مع ايام وليالى...ونار تقابته لا تموت..دا كان فى زمن التركية الاولى
فسميت المنطقة باسمه...وهوجدنا الكبير

سوما ابوادينة.واصلها او ابو اضينة من الاضان
وهو مكتب من مكاتب الرى عبد الماجد تقع شرق ابقوتة

وغير ابو, وام هنالك جمع للامهات يابوجهينة
عندنا فى الجزيرة
امات طيور وامات سعنة..من سعن- بكسر السين والعين
فى السعودية هنالك منطقة تضيف كلمة ام لكل شى
ام سيارة ام بقرة ام نعجة..ديل ناس منطقة ام حائل..غير حائل المعروفة
وفى السيرة..هنالك حديث عن الصيام
هل من ام بر الصيام فى ام سفر
ليس من ام بر الصيام فى ام سفر
ولقدام

الأخ العزيز أبو جهينة
كالعهد بك موضوع آية في الجمال ، وطبعا لمن سمعت بالأمهات والجنيات الشدو خيلهم فرحت شديد وقلت الحكاية فيها أمهات على شاكلة أم رقيقه وأم فتفت وأم علي خاصة وأنني لسوء طالعي أو حسنه لا فرق إطلعت على مقالكم الضافي قبل موعد الإفطار لهذا اليوم بتوقيت ديك بيتنا والعتوت وكديسنا الهرم وبقية العقد الفريد من الحيوانات التي تشاركنا السكن والمأكل والمشرب وأهو طلعنا فرنجه في النهاية عشان ما تجي العجوز الشمطاء برجيت باردو وتدافع عن حقوق الحيوان في بيتنا وتألب علينا الرأي العام العالمي. غير أن نساءنا كن لا يذكرن إسم الزوج في عهو د خلت كان طابعها الخجل والأدب ربما من منظور أهل ذاك الزمان فكن يقلن أبو وليداتي أو أبوكم إذا كان الخطاب لأحد الأبناء.

ما علينا نعود للقرى والحضر ، وسوف أذكر ما تسعفني ذاكرتي الهرمة على تذكره دون أن أقدر على تفسير أسباب التسمية:

هناك أم مغد ولا أدري هل هي بالقاف أم بالغين
أم ضريوه
أم بادر
أم كداده
أم بده
أم دقرسي

أب لعوت (وأحسب أن سبب التسمية لكثرة أشجار اللعوت بالمنطقة)
أب شوش
أب روف
أبو حليمه
أبو نعامه

أما بخصوص الـ kids الأولاد وكده فهناك
ود البشير
ود الحليو
ود راوه
ود درو
ود مدني
ود الفادني
ود شريفي

عزيزي جدا أبوقوتة

تحية و مودة

كان زعلت مني .. معاك حق ..
و أنا جواد يكبو من حين لآخر و هذا لا جدال فيه .. قاتل الله الغربة .. حقك علينا يا أبو الرجال

Quote: ابقوتة نسبة للشيخ العبيد ابقوتة هو اول من سكن فى هذه المنطقة وكان بقوت الناس يعنى يصنع لهم القوت والمرياق والتريق لما يجو عابرين من الدويم الى مناطق الحلاوين ...كانو بمكثو مع ايام وليالى...ونار تقابته لا تموت..دا كان فى زمن التركية الاولى فسميت المنطقة باسمه...وهوجدنا الكبير

كيف لي أن أنسى رجلا بمثل هذه الصفات؟؟ .. رحمه الله و أحسن إليه ..
تشكر على المداخلة القيمة و منتظر المزيد
تسلم

أخي العزيز الوقور الملاعمر
تحية و تقدير

تسلم على المداخلى الثرية كهدنا بك ( و طبعا برضو كالعادة بنطمع في المزيد ) ..

لا أدري إن كان أحد الإخوة يدري سبب تسمية تلك المنطقة ( أبو روف .. أبروف ) .. و هل روف كلمة من لهجة محلية أم لها معنى قريب في اللغة العربية ..

ود أرو ( ORO ) باللغة النوبية تعني الملك .. و معنى الكلمة ود الملك ..

ود راوة .. هل من يعرف سبب التسمية ؟؟

دمت لنا الملاعمر و تسلم

ام فتفت


ابو الدردوق

سي جي

Quote: ام فتفت ابو الدردوق

سجيمان أنت جيعان ولا شنو ؟؟

الغريبة إنو في واحد قال أنو في علاقة وطيدة بين أم فتفت و أبوالدردوق .. ممكن تشرحها لى ..؟
بقول ليك شرح الزول بعد شرحك ..

أبو جهينة أيها الممتلئ جمالاً
مواصلة لما أنقطع من حديث أقول مستعيناً بالله أنه ما بقيت هناك أم درمان وأب روف لابد أن يكون حاصلهما مجتمعين بطريقة أو بأخرى ود نوباوي أعذر خطرفتي فقد تنازعتني بين كوز الموية ويدي الأخرى وهي تهم بإدخال آخر لقمة من صحن الفول في فمي الفاغر.

ابوجهينه
سلام وتحية

ودأرو (حقي لا تودروا)
سوق ام دفسو (نيالا)

الوقور الملاعمر

هنيئا مريئا ( و ما أحلى لقمة فول مع كرعة من موية زير بي كوز ) ..

لا زلنا في إنتظار معنى لكلمة أبروف ..

أرقد عافية

حمزاوي الأصيل
تحية و مودة

حقك ما بننساه تب..

أبو فاطمة .. ما سبب التسمية ؟؟؟

ألرائع أبوجهينة

بصراحة كدا الكبر دخل و الزاكرة بقت ذى
باص الجريف مرة يمشى و مرة يقيف ,,,,
غايتو مذكّر أثنين ,,,

أم لباسة بو لاية جنوب دارفور

أم سيالة على اما اعتقد فى وسط السودان

و لى عـــودة

ابو جهينة العزيز...من الخرتوم سلام
دحين ابو تركتر وابو مفتاح وابو جنوبية وابو جمل وابو تلاتة وخمسة نجوم داخلين
معانا عشان نقول بنكو والا لا....والتحايا لكل المطاميس معاك واخص تمبس،،

بصفتي موظف بإدارة اللاجئين في السودان سابقاً هناك معسكرات للاجئين لها مسميات تخص موضوعك منها :
أم سقطة ( جنوب شرق القضارف )
ام راكوبة ( بالقرب من دوكة والقلابات )
أم قرقور وأم علي ( بالقرب من الشواك )
ود الحليو ود شريفي
ابو رخم ( جمب المفازة والحواتة وهي منطقة خزان أبورخم الذي يجمع بين الرهد والدندر )

ابو بت

عووضة
لووووووووووووووووووووووووووول
عارفك قاصد فتحي فرج الله

للزول السمين
اب زنقلة
اب دفسة
اب لوبة
اب جرغلة
ابو لوبة
اب ناتولة
اب زرد
اب لبقة

جني أب جنية

الأخ عوض الله الفولاني

تحياتي و تقديري

تشكر على الإضافة القيمة و في إنتظار عودتك مرة أخرى
تسلم

صديق الموج

و الله ليك وحشة كبيرة و مشتاقين جدا جدا ..
ترجع بالسلامة

نسيت أبو رحط و أبو كديس

سلامك وصل للكل

الأخ صديق رحمة

تحية و تقدير

تشكر كثيرا على الإضافة الكبيرة ..
ننتظر المزيد

تسلم

الأخ عثمان عووضة

تحياتي

في شايقي جارنا في عطبرة أيام البيرة أم جمل .. حلف طلاق ما يتوب من شراب البيرة إلا الجمل المرسوم في القزازة يبرك

أها يا أبو عفان .. أبو بت دي في ياتو منطقة ؟ ساكوتلس ولا رويال ؟
تسلم

جني
سلام

في الخليج يسمون الجن و إبليس ( أبو مرة ) .. بضم الميم و تشديد الراء مفتوحة ..

نسيت الآتية أسماءهم :
أب لبدة
أب سنكيت
أب تلاليش
أبو ركبة

أها يا جني .. ننتظر مساهمة في الموضوع الأصلي ..
تسلم

أخي أبو جهينة وأنا أستصرخ ذاكرتي الهرمة دون جدوى إستحضرت أسماء المناطق التالية:
أم بريمبيطه
أم الطيور
أم كتتي
أبو دليق
أبو جهل (سوق في غرب السودان)
أبو جابرة (مش محلات البيتزا ، محل الذهب الأسود)

عزيزي الوقور الملاعمر

تحية و سلام

أضفنا لائحتك للقائمة التي أعدها .. فلك أجزل الشكر ..

سؤال :

هناك إسم مثل بانقا .. هل هو إسم حضرمي ( يمني ) لأن الحضارم يبدأون أسماءهم بكلمة ( با ) و هي تعني أبو مثل .. باناجة .. باشراحيل .. باوارث .. و هكذا ..
عندنا في السودان
بانقا
باوارث
بازرعة
باهاى
بامسيكة


( في واحد قال لى ( باجيرو ) ماركة عربات ميتسوبيشي

أرقد عافية

أخي الأستاذ الرائع حد قف تأمل أبا جهينة
أولاً في شأن بانقا ليست حضرمية ولا رومية ولا شامية فهي كلمة مركبة تركيباً شأنها شأن الكسور التي يتعرض لها راكب الأمجاد في أى حادث أو مطب ، يقول أهل بانقا أو دو بانقا أنها أى بانقا تشتمل على كلمتين الأولي بان الشجر المعروف والذي تغنينا له جميعاً "من فريع البان البسوح نديان الله يا سلام سلم" والثانية نقاء وصفاء لكن بعادة قراءة الكلمة إتضح أن المقصود ببان هنا لاح زي حي بانت في أمد رمان وزي ما قال الشعر "بنتم وبنا فما أبتلت جوانحنا شوقاً ليكم ولا جفت مآقينا".
وذا كان كل باء إنقلبت أو نسبت إلى حضرموت فما بال صواريخ باتريوت واللاعب الفذ بافيل نيدفيد وباروش وباسكال مشعلاني

شكرا على البوست الرائع
ام ضبان-
وسميت بذالك لوجود اشجار كثيقه كانت به خلايا للنحل وقيل ان احد الشيزخ قد استقر بها وعرفا كان اهل المنطقة يقولون على النحل ضبان ولكن اهل التوجه الحضارى (الانقاذ) غيروا الاسم الى ام ضوا بان ولا اعرف الى ماذا استندوا والله اعلم

السوكى _منطقة تقع فى ولاية سنار الاسم لموظف حكومى انجليزى ايام الاستعمار
الدندر - اخذت اسمها من نهر الدنر الذى تطل عليه
الحواته _ الاسم نسبة لاعتماد اهل المنطقة على الصيد من نهر الدندر قديما
قلع النحل= المنطقه تقع على وادى فى منتصف سلسلة جبال عديده لتواجد خلايا النحل على الجبال اتى الاسم من ذالك
العطشان = الاسم اتى من عدم وجود مناطق لتوفير المياه قديما وكانت تعتمد على السكك حديد فى نقل صهاريج المياه
وهذه المناطق تقع فى ولاية سنار وعلى امتداد شربط السكة حديد
نواصل

عزيزي الوقور الملاعمر
تحية

تشكر على المعلومة الخاصة بقرية بانقا لأن الموضوع فعلا كان فيه نقاش طويل و مغالطة و الآن إتضح الأمر ..
بكم نواصل و نطمع في مزيد من القرى

تسلم

الأخ العزيز بلدي يا حبوب

تحية و سلام كبير

تشكر على المرور هنا و المداخلة الغنية و نطمع منك أن تزودنا بالمزيد من الأسماء التي تبدأ بأبو و بأم ..

تشكر على تفصيل معنى كلمة ( أم ضبان ) ..
تسلم

أخي بلدي يا حبوب أحسب أن الإسم حقيقة أم ضواً بان وهو قبل جماعة التوجه الحضاري والسم الهاري والمشي الكداري وحالة الطواري فيقال والعهده على الراوي وهو عادة مصدر موثوق به يرفض الإفصاح عن إسمه "أن اإسم جاء من كون المنطقة تزخر بالكثير من الخلاوي والمشايخ" والله أعلم.

الحبيب ابوجيهنة

لا شك ان اى بوست لك هو سياحة رائعة واتمام للمعرفة ولذا يكون فرصة لا تفوت ابدا

قلت يا سيدى :

Quote: أم درمان ( لا تحتاج إلى تعريف .. و لكنها تحدث عن نفسها ) ..

لكن وحات شيخى ما عارف درمان ده منو

طبعا هنالك ام مغد وام سعن وام جر

بالنسبة لام ضبان فكما ذكر الحبيب بلدى يا حبوب

Quote: ام ضبان- وسميت بذالك لوجود اشجار كثيقه كانت به خلايا للنحل وقيل ان احد الشيزخ قد استقر بها وعرفا كان اهل المنطقة يقولون على النحل ضبان ولكن اهل التوجه الحضارى (الانقاذ) غيروا الاسم الى ام ضوا بان ولا اعرف الى ماذا استندوا والله اعلم

فعلا هى ام ضبان ولكنها تغيرت الى ام ضوا بان ايام نميرى الذى غير اسماء كثير من القرى السودانية التى لا نريد ذكرها لكى لا نخدش الحياء العام ..

شكرا للملا عمر للاثراء المعهود ولبقية العقد النضيد ..

لك حبى

عمدتنا الكبير قرشو

تحياتي و تقديري

تشكر على المداخلة الطيبة .. و يكفينا مرورك هنا ..

أمدرمان يقال أنها ( أم دور أمان ) .. أى أم البيوت الآمنة .. و الله أعلم و ننتظر إفادة ناس أمدرمان القدام ..
تشكر يا قرشو

تسلم يا الحبيب
علىيوستك ذو الرائحه الفلكلوريه؟؟
من الاخر جاى واجابه خارج الموضوع الاصلى؟ بنقا اسمى حضرموتى
وراجع سيرة الشبخ التوم ود بانقاونسبه؟
ومقلوب بوستك ما ندعوهم ونسميهم بابائهم
ودالامين(غرب ابو عشر بمسافة 10 كيلو)
ود بتروا بتشديد التاء وضم الواو
ود عشانا
ولك الود
انور

العزيز أبو جهينة المتفرد

إليك مشاركتي

أم دقرسي

أم كويعات

أم مرحي

أم عشر العقليين (غير أبو عشر وهي تقع في منطقة أم حراز الأقمار الصناعية جبل أولياء)

أم حراز

ابو الكيلك (60 كيلو جنوب الخرطوم تقريباً)

أم سدرة

ود علي (منطقة الربع العوامرة)

ود الرد (بالقرب من قريتنا)

أبو حبرة

الأخ العزيز أنور أبوغيداء
تحياتي و مودتي
وين مطول الغيبات ؟ عساك بخير ؟

بخصوص بانقا .. و بالرغم من شرح الوقور الملاعمر .. إلا أن هناك من أتصل بي و أكد لي بأنه إسم حضرمي بحت و أن هناك شيخ مدفون هناك و أصوله حضرمية و إسمه ( با نقاء ) يعني أبو نقاء و حرفه السودانيون إلى بانقا .. و لا زال النقاش دائرا ..
تشكر أنور على المداخلة الثرة و نطمع في المزيد ..

الأخ و الصديق عمر الماحي


تشكر على الإضافة

أبوالكيلك هي غير أبولكيلك المذكورة في التاريخ كإسم لأحد الشخصيات التاريخية ؟

تسلم

يعني يا قرشو يا أخوي طالما إنو أم ضبان سميت لكثرة الضبان فيها حتى وإن كان نحلاً فإنني أجد أنه يجب علينا تغيير إسم السودان إلى أب ضبان أو أب باعوضه - بالمناسبة هناك قرية تسمى الباعوضة على بعد فركة كعب من الكلية الحربية شمال أمدرمان ، يعني لازم تجيها وشايل معاك كينين وكلوروكوين - أها لو حصل وإتغير اسم البلد حا نعمل شنو في الجنسية ونسبنا يبقى في النهاية جزر كمونية وأغني أنا ضباني أنا

Quote: بالمناسبة هناك قرية تسمى الباعوضة على بعد فركة كعب من الكلية الحربية شمال أمدرمان ، يعني لازم تجيها وشايل معاك كينين وكلوروكوين - أها لو حصل وإتغير اسم البلد حا نعمل شنو في الجنسية ونسبنا يبقى في النهاية جزر كمونية وأغني أنا ضباني أنا

ومن قرى غرب الجزيرة
ود عبد الرسول
ودالجترة
ود النورة
ودحسين
ود كمبو
أبوحوة
أم دكت
ود اللمين


وافكر في تأسيس قرية أسميها ودقاسم ،،

ودقاسم
تشكر على إثراء التوثيق

و نعمل توأمة لقرية ود قاسم و مخيمات أبوجهينة

نطمع في المزيد يا أبوطلال

قرية ود قاسم ومخيمات أبو جهينة عبارة رنانة وأجد أنها توأمة غاية في الروعة ، بس أبعدوا عنكم محلات الملا عمر حتى لا تطال قريتكم ومخيكم صواريخ كروز والقنابل الذكية

Quote: بس أبعدوا عنكم محلات الملا عمر حتى لا تطال قريتكم ومخيكم صواريخ كروز والقنابل الذكية

و أنا أشهد أن قنابلك و صواريخك هي مداخلات تتسم بالذكاء و الحنكة ..
فوق دربك يا الملا عمر

هنالك

ابرسوة
ابومروه (بتشديد الواو)
ابو شنب
ابو دقن
ابوعصاية
ابوطاقية
وابوساره او ابساره (هو الجبل الاملس الصعب الصعود)

كما أن هناك

ابكباس (الله لا جابو ليكم)
ابو الشهيق

اما بالنسبة لام دقرسي فهي كما قال صديقنا العزيز عبد الرؤوف، فهي عبارة كان يرددها الشيخ الجليل الذي اسس تلك القرية لحمارته هو يناديها "يا ام دقر ...أرسي" فصارالاسم ام دقرسي

هذا والله اعلم

ولا ننسى

ابوجهينة ( هو احد مبدعي البورد)

سلام
وشكراً ليكم كلكم على التوثيق
حبيت اعرف بس ام طرقاً عراض دي وين
الدنيا ما معروفة امكن نلقى روحنا هناك
السؤال دا باقي لي اهل العوض وشنتير بعرفوا اجابته

الأخ العزيز ياسر
تحياتي .. و ليك وحشة يا رجل .. أين أنت ؟ عل المانع خير

تشكر على الإضافات ..
تسلم

الأخت الجندرية

تحياتي

تشكري على المداخلة ..
و في إنتظار الإجابة على سؤالك من ذوي ( الإختساس ) ..
تسلمي

غايتو يا (( أبو الجا )) ( وإختار إنت مابين جُهينة وجلال )

غايتو كُنت قايل روحى عارف السودان شبر شبر ، لكن قريت كلامك ده وكلام الناس الحلوين ديل وإكتشفت إنّى زول بيش ساى .. انا أطالب بسحب الجنسيّة عنّى .


ـــــــــــــــــــــــــــــــــــــــ
[email protected]

لؤى الحبيب

تحياتي

العفو يا فنان .. إنت سوداني حتى النخاع .. و ما دعوتنا لتوثيق هذه القرى إلا لتعم الفائدة على الجميع ..
تسلم

أم جداد
محطة قطار في الطريق الى عطبرة

ود الشيخ

تحياتي

نطمع بالمزيد

ما عندك عوجة بس النتذكر الراس مكبوس

ود الحوري قرية قبل القضارف

ود الشيخ

Quote: الراس مكبوس

نحن الراس و البطن و العيون و ربك يستر
تسلم

أبو كدوك حي في امدرمان جنب بانت

أم سلمه قرية


سلامتك من كل شر وانحنا كراكتك يا ابا جهينة

أم سنط
أم مرحي (بتشدي الراء)
ود بانقا

شكرا ود الشيخ

شكرا أيها الوقور الملاعمر

لي قدام

هناك مناطق في قري شمال أمدرمان مثل:
أم بطناً طويلة ويقال أنها مسكونة بالجن وسميت بأم بطناً طويلة لعدم وجود غطاء نباتي فيها حيث أنها تتوسط غابة كثيفة "يعني زي القوبة في الراس".
وهناك أم رميده (بكسر الراء وتسكين الميم ولو عشوائياً وشد الياء لمن تحلج) ومن إسمها أيضاً هي منطقة مرعبة حيكت حولها الكثير من الأساطير والقصص.
هناك أم جمال بتشديد الميم وهو الإسم الثاني لمنطقة جبره في كردفان

الوقور الملاعمر

تحياتي و يوم شكرك ما يجي

Quote: أم رميده

هل هي تقع شمال أمدرمان و تابعة لشرق كردفان أن أنها تابعة لمحافظة من محافظات أمدرمان ؟

تسلم

هي على بعد ثمانية عشر كيلاً تقريباً إلى الشمال من الكلية الحربية بوادي سيدنا