Post: #1
Title: فى مقام الإستقالة عن الإستقالة !!!!!!
Author: wadazza
Date: 09-19-2004, 00:40 AM
لكم التحية جميعا....
لاحظت ...أن حجم الإستقالات ..د..قد تمدد عبر هذا المنبر المتاح..فى زمن المنابر مغلقة الأفواه..لكننى أتساءل كغيرى ..الإستقالة من ماذا..ولأجل ماذا ؟؟؟؟...الإستقالة من منبر مثل هذا..تشبه موقف سجين أضرب عن تنفس الأوكسجين ...
وفى الغالب الأعم كما نلاحظ هنا ، تنجم تلك الإستقالات أو ردود الفعل الكاسحة ..عن مناقشة أمر ما..فى بوست ما..فى رأى ما...وهنا مربط حمار النوم ..فلماذا تأخذ الأحلام بالبعض بعيداً إلى تبنى وجهة النظر الأحادية ..فى عصر الرأى والرأى الآخر؟....وقد تنبعث تلك المشكلات من اتهام البعض للبعض بالتهكير ..ودخول غرفة نوم الايميلات..من النوافذ..
وقد تكون تحدير فى الظلام...وقد تكون...وتكون...فتلك الإختلافات السلوكية ..لهاأبعادها السيكولوجية ..فى منبر معظم الأعضاء فيه ..يعانون من غربة مكانية بعيدين عن وطنهم...كمايغيب شرط المعرفة الشخصية ..ويحل مكانه الخيال السايبرى المديد...وقد أعزى كل ما يحدث من انفلاتات ومصادمات ..الى عدم اكتمال أركان النقاش..بفعل مؤثرات ذات أبعاد عاطفية تخيلية...وبالمعنى الأشمل..عدم الإستعداد لتلقى إشارة أخرى سوى تلك التى يضمرها عضو ما..
وبالتالى النيل من مكتسبات ديمقراطية الرأى والرأى الآخر..مع الإحتفاظ بهامش إنقلابى لدى البعض وفقاً لمصلحة ذلك التناقض..
معذرة إن تدخلت هنا ، واناالنائى عن ساحة كم عشقتها..
تحياتى
ود عزة
|
Post: #2
Title: Re: فى مقام الإستقالة عن الإستقالة !!!!!!
Author: garjah
Date: 09-19-2004, 01:06 AM
Parent: #1
يا رااااااجيل
هل انت موجود
تحياتي وشوقي الشديد
|
Post: #3
Title: Re: فى مقام الإستقالة عن الإستقالة !!!!!!
Author: almulaomar
Date: 09-19-2004, 01:20 AM
Parent: #1
الأخ ود عزه
يقيني بأنك إجتهدت في تشخيص ظاهرة الإستقالات وأحسب أنك أصبت فلك أجر الإجتهاد ولك أيضاً أجر الإصابة ولنا الفرحة بعودتك لتسهم مع بقية الأعضاء في إثراء المنبر وتطوير لغة الحوار والنقاش والموضوعات.
أجمل ما في موضوع الإستقالات أنه أعاد لنا ود عزه ومزيداً من عودة المبدعين.
|
Post: #4
Title: Re: فى مقام الإستقالة عن الإستقالة !!!!!!
Author: nadus2000
Date: 09-19-2004, 01:32 AM
Parent: #3
هلا إبن أمنا
الصديق الصدوق ودعزة
ولعلها إعلان عودة "إستقالة عن الإستقالة"، فمرحباً بعودتك.
|
Post: #5
Title: Re: فى مقام الإستقالة عن الإستقالة !!!!!!
Author: اساسي
Date: 09-19-2004, 02:20 AM
Parent: #4
ود عزة
طلع نفسي اطول من نفسك
كنت جراي لكن اكيد ادوك عين
كدي تعال نواصل جكة خفيفة بنصل باذن الله
وعلي الاقل لو واحد وصل كفاية
الدهر انقلب وحالنا حده القيف
ود عزة في المنبر اصبح كانه الضيف
قوليهو يا قرجة قوليهو اوع تقيف
منبرنا من دونك ضارباهو شمس الصيف
هل مازلت تهيم في مضارب الاوحدين ود عزة؟؟
ياخي والله مرات بحس باني ديناصور هنا ما تجي نعيد عهد اجدادنا القدماء
اييق زكرتني ناس الخواض وسونا المريود وصادق وتغريد وناس كتااار
لماهم مدار فيهم الكويس والاحسن من الكويس
يا نادوس ياخي والله مشتاق ليك
وين انت زاتك ووين رقم صفر ؟؟
|
Post: #6
Title: Re: فى مقام الإستقالة عن الإستقالة !!!!!!
Author: Dafi
Date: 09-19-2004, 03:50 AM
Parent: #5
من ضلاماتك...تعال
من شرخة الملكوت....تعال
تعال..ادينا عينين..للصبر
ما السكه ابعد..من حدود الاحتمال
والجرح اكبر من بكاء الليل والنحيب
...................................
ثم اما بعد
كيفن مده ما نشوفك!!؟
|
Post: #7
Title: Re: فى مقام الإستقالة عن الإستقالة !!!!!!
Author: nadus2000
Date: 09-19-2004, 04:41 AM
Parent: #6
Quote:
هل مازلت تهيم في مضارب الاوحدين ود عزة؟؟
ياخي والله مرات بحس باني ديناصور هنا ما تجي نعيد عهد اجدادنا القدماء
اييق زكرتني ناس الخواض وسونا المريود وصادق وتغريد وناس كتااار
لماهم مدار فيهم الكويس والاحسن من الكويس
|
الأخ أساسي
لك التحايا أيها "النوراني" عكس ظلامي، فبالفعل إشتقنا لتلك الأيام الخوالي وذلك النفر الجميل،
حينما كان للمنبر أحلى مودريترز، كنا نعتز بأننا مختلفين، ونفرح بإختلافنا، لا يتجاوز الخلاف حد البوست، والآن صرت أرى البعض يحمر ليك من بوست لي بوست، كأنك كاتل أبوه، مش لأنك قلت له أنني أخالفك الرأي.....
Quote:
يا نادوس ياخي والله مشتاق ليك
وين انت زاتك ووين رقم صفر ؟؟
|
أشرقت الأنوار بطلة ودعزة، وطلتك، أنا بالفعل قللت من مشاركاتي في محاولة لمعالجة الإدمان لهذا البورد، هذا بالإضافة إلا الحالة التي تصيبك حين تطل على الصفحة الأولى، فلن تجد فيه ما يفيد...وحاجات تانية حامياني....
بالمناسبة وين صورتي واللا برضو "هكروك أهلك"
ومرة تانية أهلا بودعزة ونأمل في عودة بقية الأخوان بإختلاف إنتمائهم، وبالمناسبة أين الأخت العزيزة رمانة "ظلامية برضو"، فرغم إختلافي معها إلا أنني بالجد أفتقد وجودها هنا، وكذلك الأخت تغريد والأخ الصادق، وسلبطان وميرفي، وآخرين كثر، أقول لهم عودوا "نشيل كتف البورد الميل"
|
Post: #8
Title: Re: فى مقام الإستقالة عن الإستقالة !!!!!!
Author: يازولyazoalيازول
Date: 09-19-2004, 11:43 PM
Parent: #7
قال أساسى:
Quote: الدهر انقلب وحالنا حده القيف
ود عزة في المنبر اصبح كانه الضيف
قوليهو يا قرجة قوليهو اوع تقيف
منبرنا من دونك ضارباهو شمس الصيف
|
فقلت له:
ما فيش انقلاب للدهر قول يا لطيف
يا السمانى زولك سيد ديار ما ضيف
مؤدب قلمو واعد فهمو الكلامو نضيف
بكره بيجينا ود عازة ونكون فى خريف
تصب مطره ، ويعود المنبر يبقى ظريف
زى ما كان فى أول عهدو جبنه وكيف
ولما يفوتنا ود عازة حروفنا تقيف
أكيد بتعدى يا اساسى سحابة الصيف
|
Post: #9
Title: Re: فى مقام الإستقالة عن الإستقالة !!!!!!
Author: المسافر
Date: 09-20-2004, 00:00 AM
Parent: #8
مرحبتين حباب ود عزة
غيابك علينا طول وعزَ
وجيتة المثلك لينا عزة
وقربك في القراب اعز
|
Post: #10
Title: Re: فى مقام الإستقالة عن الإستقالة !!!!!!
Author: قرشـــو
Date: 09-20-2004, 00:20 AM
Parent: #1
العزيز ود عازة
الف اهلا بيك يا بطل الفضاء السايبيرى
الف اهلا بك يا من حرمنا من طلته البهية
الف اهلا بك يا اعز عزيز ويا من جعلتنا نشتاق حتى يلفظنا الشوق نفسه..
حقيقى منور البورد يا سيدى
شفت كل الاحباب من ما شافوا اسمك تقاطروا وتنادوا احتفاء بك
ارجوك ان تبقى فينا ولا ترحل ...
|
Post: #11
Title: Re: فى مقام الإستقالة عن الإستقالة !!!!!!
Author: الجندرية
Date: 09-20-2004, 00:33 AM
Parent: #1
ود عزة ودافي الاتنين ؟
ياناس خافوا الله فينا
|
Post: #12
Title: Re: فى مقام الإستقالة عن الإستقالة !!!!!!
Author: فتحي البحيري
Date: 09-20-2004, 00:38 AM
Parent: #11
في مقام الانتباه-الاندهاش
الخضوع إلى محض الفرح البريء الساذج
بعودتك كما كم كن
أحبك كما كم كن
|
Post: #13
Title: Re: فى مقام الإستقالة عن الإستقالة !!!!!!
Author: bayan
Date: 09-20-2004, 00:59 AM
Parent: #12
ودعزة؟ ولا عيونى كعبات..
يا حليلك ياخى...
مشيت وين وجيت من وين
اوعى تمشى بالله تانى افتقدنا نجى نلقى الصفحة الاولى كلها بمواضعيك الممتعة والمفيدة..
خلينا نشوفك ساعتيا..
معزتى ومودتى ومحبتى
يا مستنير
دافئ الدافئ وكلماته التى تنثال ادبا وحبا..
ذى ما قالت الجندرية
خافو الله فينا...
نادوس العزيز اوافق وابصم بالعشرة على كل ما قلت..
تحياتى لكما
كان الزول يرجع اسم مسارات
|
Post: #14
Title: Re: فى مقام الإستقالة عن الإستقالة !!!!!!
Author: رقم صفر
Date: 10-30-2004, 02:15 PM
Parent: #13
ود عزه اين انت
اشتاقك والله وصديقي ابو مهيار اين هو ايضا؟
|
|