طلبات زواج......للجادين

سلام
مطلوب عربس :
1. أبيض
2. شعروا ناعم
3. وجيه بلحية محمود عبد العزيز
4. غني

العلم و الدين و الحسب ممكن نتنازل عنو و لا نفاوض فيهو

العدد 12 عريس فقط
يعلن عن العروسات بعد فرز الطلبات

سلام

مليون سلام

سودانية2000

ماذا حل بسودانية 2000 في خواتيم 2004


لك التحية

وللسودان السلام

د.محمد تيراب
________________
الحق يعلو ولا يُعلى عليه

الرسول كان ما زقيتي فوفو دي مع العروسات.....كية في انور كينغ

اهلا بالسودانية (2000) في نهاية (2004) وأهلا بعرايسها وربنا يوفقك ويشجع الشباب ويعطيهم الجرأة لإقتحام تجربة الزواج وقطعا الزواج إستقرار وحصانة وإكمال لنصف الدين
بس تعالي هنا يا سودامية2000 إنتي وضعتي شروطك للعرسان المتقدمين وما قلتي حاجة عن العروسات ودي الحاجة المهمة وعكستي الآية لأن العروس دايما هي المطلوبة والعريس هو الطالب بعدين إذا السودانيين معظمهم غبش من وين حتلقي ناس بيض وبي دقون
المهم انا بينطبق علي وصفك بس في شرط انتي ما ذكرتيه وما ينطبق علي قطعا ما وضعتي في شروطك إذا كانوا غير متزوجين او متزوجين وحابين التدبيل او ارامل او منفصلين
حددي شروطك أكثر عشان نعرف موقعنا من الاعراب
ولك الشكر وأرجو ان توفقي في المشروع ويبقى مشروع عرس (كورة) إلكتروني عبر النت

Quote: مطلوب عربس : 1. أبيض 2. شعروا ناعم 3. وجيه بلحية محمود عبد العزيز 4. غني

غايتو يا دكتورة نمرة اتنين وتلاته ديل يمكن ننافس فيهم
لكن الاخيرة دي بعتبرا شرط تعسفي
امما ابيض دا في ناس هسي بيجو ينطو ليك في حلقك

الا غايتو ندعم نفسنا بشروط التفاوض

وكدا كدا نشوف لينا واسطه قووووووووية ودعوة مكربة

Quote: يحن لهم قلبي و هم بين أضلعي ***وتشتاق لهم عيني و هم في سوادها

سودانية ارغب في عروس وانا ابيض ليس لدي لحية وانا ثري للغاية زوجتي لاتكون متحجبة ولا كوزة ولا انصارية سنة , علي من ترغب الاتصال بوكيلي سجيمان او وكيلتي رجاء العباسي.
احمل ماجستير في العلوم الاقتصادية
ودكتوراة في العلوم السياسية

Quote: مطلوب عربس : 1. أبيض ( مامشكلة حبة ترطيبة بنجبيها) 2. شعروا ناعم(75%) 3. وجيه بلحية محمود عبد العزيز(100%) 4. غني (وهذا مربط الفرس)

.........................................لكن اهم سعال ....
العمر .....كمهو

ناجي انت ما بتنفع.. خليك مع فوفو (حسب الوصية)

Quote: زوجتي لاتكون متحجبة ولا كوزة ولا انصارية سنة

حظي انا برة ..........
ولكن لما

اهلين سودانية 2000
مواصفات العرسان نوعا ما مقبولة مع صعوبة تواجدها في الشعب السوداني
1.يعني البياض (وهنا الآية اتعكست زمان الواحد بيقول عايز العروس بيضة وحسي البنات هم البيتشرطوا والحل انو يدخل في برميل ديانا او اي كريم بيفتح)ممكن ياخد الخلطة من اختو او بنت الجيران اومن اقرب كشك لقدر ظروفك.
2. الشعر الناعم ما إلك الا soft and beautifal او dark and lovely ، والملاحظ انو السمر عندنا بيكون شعرهم ناعم اللي هم بعض القبايل طبعا.
3. انو يكون وجيه دي اولادنا بتميزو بيها وبذات السمر منهم مع الاعتذار للبيض منهم.
4. نجي لي اهم نقطة الغنى اذا لقيتي المواصفات السابقة ما ح يكون معاها الغنى ، وربنا ما ممكن يعطي الجماعة السمحين كل حاجة ويخلي الباقين لايصين لازم يكون في تعادل والمثل بيقول ليك( يا ماخد القرد على مالو يروح المال ويبقى القرد على حالو)، وهنا الاختيار بيكون صعب يا سمح فقران او شين وغنيان وفي الحالتين الخسارة حاصلة، عشان كدة ما تعشمي بنات الناس ساي احتمال يكون في 2 فقط بيجمعوا المواصفات دي كلها .
والله كريم على الباقيات.
اذا عندكم فايض رسلي لينا معاكم بس يكون كمان متعلم وعندو دين.
عليك الله يا سودانية مواصفات العروسات بسرع فرصة.
لكي التحية

النسجل كدي يمكن يشيلونا في القبول التاني ، ويمكن الأغتراب يشفع لينا في القبول الخاص

الأخت سودانية 2000

سرني طرحك للموضوع بهذا البوح الحميد

في السابق (فرتقت) الكثير من (المشاريع) الرائعة بسبب الكتم المتأدب الموروث في بيئة السودانيين وما خلطوا به من شبهات الكرامة, فكانت النتيجة نشوء زيجات غير متوازنة وتفتقد التفاهم.

عندي, الكرامة هي أن تصلي لمن تستحقين وإذابة (الجليد) هنا أمر مقدس وعلى الطرفين واجب المبادأة
هل أستوفي الشروط بعد هذه المقدمة امممممممم

سؤال هل العروسات الإثنتي عشر من العضوات؟؟؟

هل تنطبق عليهن شروط (مواصفات) موحدة؟؟؟

أياً كان فأنا من (المشجعين).

مع الود


أحمد الشايقي

سودانية

ده موضوع حلو شديد

عليك الله فكيني وسط الاتناشر ديل

الأخت بنت الأحفاد

مرحبا وشكراً للحضور

كنت ممن ناداك بالعودة ويسرني أن تلبي

لك وجود مميز
فانعمي


أحمد الشايقي

اهلين احمد الشايقي

لك التحية

الظاهر انك قاصد

بت الاحفاد التانية

sudania2000
جادين علا
أبيض
2. شعروا ناعم
3. وجيه بلحية محمود عبد العزيز
4. غني

علا ان قتى تربت يداك حرم ما تمرق تانى من التراب
شئ سف تراب عديل

عفـوا.. مكـــرر

لا أعتقــد أن هــذه لغــة ســـودانيـة ألفين

الأخت ســودانيـة ألفين، إذا لم تكتبى هـذا، وهـو ما أظنـه، فأرجـو الكتابـة لأمين المنبـر أو ارسـال رقـمك على الإيميل:
[email protected] بأســرع وقت

وشكــرا
أبوالريش

بعد التحسينات
سودانية 2000
كل المواصفات تنطبق علي ما عدى لحية محمود
لكين بعمل ليك سكسوكة زي حقت أبوعركي
بالنسبة للبياض (الكريمات مالية السوق) كان عايزنو موووف بعملو ليكم.
وبعد داك اتحدى الـ11 الباقين

سودانية ألفين .. سلامين ..

السلام الأول كيف الحال .. والثاني لكن ما بالغت عديل ..

ايه الشروط التعجيزية دي .. شخصياً طلعت منها صفر على تلاتة ..

واو واو شنو؟ .. ولا حتى مدني ..

كبيسة مش لو عملت أحمر شفاه ..

سلام

الأخت سودانية 2000

جرى التغيير على البروفايل الخاص بك أثناء كتابة هذا البوست - لعل الأمر خيرا

هل فعلاً لا ينتمي لك البوست؟


الأخت بنت الأحقاد

مرحبا على أية حال والخطأ مرجوع


أحمد الشايقي

Quote: 1. أبيض

I just wonder if we have white people in Sudan!!

Can someone help me here?

Deng

بي يادينق

بسم الله الرحمن الرحيم
و اللهم صلى على سيدنا محمد
الفاتح لما أغلق

سلام عليكم يا ناس اظنكم ما عرفتو حل اللغر
و هاك قصة الشافعي عليه رضوان الله عندما
جاء ابوه وكان من الصالحين الورعين
مر الاب ببستان وكان جوعانا فاخذ تفاحة و اكل نصفها
و استدرك رعاية حقوق الله ذلك انه لم يساذن صاحب البستان
فسأل عن صاحب البستان حتى وجده و طلب منه العفو
فشرط صاحب البستان للعفو عنه ان يجوزه ابنته العمياء
البكماء الصماء الكسيحة ؟؟؟!! فقبل الرجل
و تم العقد !!!!!!!؟؟
و يا للعجب كانت البنت على العكس !!! و انجبت الشافعي
الذي عندما ذهب ليدرس الفقه سألته امه ماذا حفظت مما
درست فقال : حفظت نصف ما درست!
فكان رد الام : لو أبوك لم يأكل النصف قبل الاستئذان
لحفظت كل ما سمعت !!!
و هنا نقول :
من هو الابيض ؟؟؟؟ أبيض القلب أبيض ضميرك؟
من هو الغني ؟؟ غني النفس ؟
من هو ناعم الشعر ؟؟؟ ناعم الشعور حساس؟...
وهل دقن محمود تعني بالحمد للعزيز الحميد

و نرجو الابن الصالح

و اعذرونا لللاطالة انما الاخوان بحر

../عمر

الأخ عمــر،
هل يمكن أن تفســر هؤلاء أيضــا؟


"3. وجيه بلحية محمود عبد العزيز
4. غني

العلم و الدين و الحسب ممكن نتنازل عنو و لا نفاوض فيهو

العدد 12 عريس فقط"

بسم الله الرحمن الرحيم
و اللهم صلى على سيدنا محمد الفاتح لما اغلق

الكريم ابو الريش تحياتنا

و عن لحية محمود تجد ما لمحناه في اخر الاسطر

و اما مالغي فستجد غنى النفس

و اما 12 عريسا فالعروسات دستة لكن نست حاجة
ان للرجل مثنى و ثلاث و رباع طالما العروسات زي
النجف { شايفات روحن ْ}

اما الاخيرة الدين و الحسب و النسب ...فمن كانت فيه الصفات
اعلاه فاكيد الدين ثابت و قال صلى الله عليه و سلم اذا
اتاكم من ترضون دينه وخلقه فزوجوه .. صل عليه....
ـــــــــــــــ
و تركت لمحة اخرى
فكاني أرى هذه الاخت الكريمة تقف على اللاين و تتفرج
على الاحداث و هي تتكلم ساخرة من الوضع المعروف لدى
الجميع !!
و هاك
ليت شعري
أي طير
يسمع الاحزان تبكي بين اعماق القلوب
ثم لا يهتف في الفجـر برنات النحيـب
في خشوع و اكتئاب

مع اجمل الامنيات لهن و لهم !!!!!!!!!!!!
عمر

تصحيح الخطأ

الأخت بت الأحــفـــاد 2000

(نبهني له الزميل سيف مساعد ببوست منفصل)

له المعزة والشكر

سودانية كالعادة ذكية ولماحة

يا شباب من منكم لا يحمل مواصفات بقرة اسرائيل لمن يرغب فى الزواج منها..صفراء تسر الناظرين

بيضاء و طويلة
شعرها ناعم
عيونها كبار
فمها ودعة..
عندها جواز اجنبى..

فنحن ايضا لنا مواصفاتنا مش بالله؟

شكرا ليك يا خاله بيان لكن ما اظن هذه سودانية

شكرا الاخ احمد الشايقي

الاخت سودانية
السلام عليكم

غايتو ما عارف اقول ليك شنو لكن انتى اتنازلتى عن أهم اشياء
الدين , العلم , الحسب

لكن ما مشكلة

أتقدم بطلبي هذا ولكن انا لى شروط خفية فى العروسة إذا موافقة

صراحة المواصفات دي موضه قديمه خالس خالس...
جني و جن الحلبه اكالين الفسيخ (عذرا للحلبه)
البياض في الوليدات يخربو ما سمح...
لازم يكون اسمر مايل للاخدرار...بلكتير خمري لونو... واهما شي انو اكون صلعه.. ايوه نعم صلعه... اظرف و اكتر ناس زوق لاقيتم كانو صلعه .. ما عارفه لييه

الشنب اهم شي ... محمود عبد العزيز بلخرابه..ما بريدو ما بريدو..قال لحيتو قال...

اماقصة القروش دي... حبوبتي مره قالت.. يا واخد القردعلي مالو يروح المال و يفضل القرد علي حالو... لكن برضو مره قالت.. الراجل عيبو جيبو..
و دي قصه اختلفت فيها المذاهب..

بس حاجه قبل الاخيره.. يا بنات عرسن خلو العزيل لانو زي ما قالت.. البت ذي الورده كل ما تكبر كل ما تدبل... بلعربي كدا لا كريم ديانا لا موية الوضو بتحل..عرسو و توكلوعلي الله.. الله يقطع الدش و سنينو اللخبت موازينا.. شعر سبيبي شنو و هنود منو..

حاجه اخيره... كلو فوله و ليها كيال...

قد ينطبق عليّ البند الرابع و50% من البند الثالث لأن مقدمة
الرأس تساقطت بسبب الأملاح الزائية في الماء TDS وما تبقى
احافظ عليه بـ هير جرو

وما بإستطاعتي إجتياز البندين الأول والأخير إن كان غنى النفس هو الأسمى ، وعن البياض ما أكثر البدرة والسوائل المبيضة مع تقديم الصنفرة
وإن كنت أحد المحظوظين فلدي شرطين هما
الأول ان تكون طبيبة والشرط الثاني احتفظ به للمستقبل

السلام عليكم
فلاشات ملونة :

أحمر : أرسل الي والدته بهدف ايجادفتاة تمتاز بالجمال و الجمال فقط :: وجد ما يريد :: تم الزفاف :: عادت الزوجة من قطر بورقتها بعد اقل من شهر :: الحجة عدم الختان الفرعوني :: العريس مستشار قانوني !!!!!!!!!!!!!!!!!!!!!!!


أصفر : حضر الي السودان بعد زواجه من امريكية بيضاء ..و رزق بابن واحد : : بحث عن الزوجة و الجمال فقط :: لجأ الي اخته الصغيرة لمعاونته ناقشته في الطريقة ..والفترة القصيرة ..قالت الدين يا أخي قال :: الجمال ما يرضيني : : ماشة تدخلني الجنة معاها مالي و مالها :: كان يجلس في بوابة الاحفاد و الاهلية طوال اليوم وجد ضالته بعد شهر من المتابعة الدقيقة : : وحين قرب منها قال وشها من قريب ذي الضاربها لغم : : سافر بلا زواج و بقي مع الامريكية و هو يردد عاوز سودانية : العريس مهندس كمبيوتر

أخضر :

غابت زمنا من البلد عادت اصيلة بكل الجمال و البساطة و العلم احبته بعمق :: وحافظت علي العهد :: ووجدته تزوج تلميذته :: وواصل يراسلها ويبيعها السراب ويقبض انفاس متلهفة مشتاقة و صوت متحشرج غربة ..وحدة ..و حب ...عرفت مؤخرا انه ينوي الزواج باخري ...اكثر جمالا و اصغر عمرا:::: استاذ جامعي

عفوا سادتي

قصدت في الطرح اعلاه ان أسبر اغوار الرجل ....نعم انه الغثيان الذي شعر به كل من قرا طرحي احساس بالقرف من الموضوع و تفاهة كاتبته ...قالها البعض مغلفة ...ونطقها البعض ...مباشرة عبر التلفون و الايميل و اكتشف الهدف كل من عمر و بيان .....


السؤال : لما الاستنكار .....و انت تفعلون ....مالكم كيف تحكمون .........

لما يتحرك الرجل لمواجهة الخطر من سطحية المتعلمة التي حطت عليها و لا يفعل لذاته ؟؟؟ هل هو الحب؟؟ ام الانانية ؟؟

مواجهة بسيطة مع ذواتنا و سنجد ان من حق كل بشر تحديد خيارته ...بلا وصاية ...

عاتبة انا عليك اخي المتعلم و انت تريدني صديقة و زميلة و ترفضني زوجة ....و تنظر الي بعين الشفقة مسكينة ضيعت عمرها قراية ....و حين تتزوج التاجر او غير المتعلم ....مسكينة مضغوطة بيلوجيا و اجتماعيا ....و يمصمص شفايفه شفقة عليها ...و يضحك من خيارها في حين انه بذات المركب ...

السؤال : لما فقدنا الثقة في بعضنا... و تاهت خطانا الما و غربة ........

سؤال اخر ::

هل لنا ان نختار الجمال كما تفعلون ....هل الجمال هو بياض اللون و صفاء العيون ...و كتسانئة الشعر ...هل تكون المتعلمة سطحية حين تطلبه جميلا يحرك الجسد و غنيا يحرك الانانية ...هل تكون المراة بلا دين اذا اغفلت عن الدين ..في اختيارها ...هل تصبح الحياة نعيما بجمال الشارب او بفتنة الجسد ام بتوأمة الروح و توافق العقول ...يغفل كثير من الرجال و النساء علي حد سواء عن هذا في الاختيار و يكون الفراق ..او الجحيم ...

ملحوظة ::
العروض قائمة باضافة الشروط الاتية :

5. عدم التفتح الذهني
6. عدم المقدرة علي التعامل مع الكمبيوتر
7. يفضل من يجهل اللغات الاجنبية
8. التجارة العامة و خاصة المقاولات و المقدرة علي تكوين الشركات الوهمية
9. ان يجيد السكوت و عدم المجادلة في السياسة
10. ان يجيد الكذب

ملحوظة : العروسات متعلمات جدا...

و في امان الله

سودانية

الأخت سودانية 2000


(..هل تكون المراة بلا دين اذا اغفلت عن الدين ..في اختيارها ...هل تصبح الحياة نعيما بجمال الشارب او بفتنة الجسد ام بتوأمة الروح و توافق العقول ...يغفل كثير من الرجال و النساء علي حد سواء عن هذا في الاختيار و يكون الفراق ..او الجحيم ...)

هذا ما عنيته وربما لم تنتبهي له

احمد الشايقي
سعدت ايامك بالهناء
لم تفهمني
الموضوع كتبته بالمقلوب لاثارة ردة الفعل وقد كان
اردت القول يمكننا فعل ذلك اذا اردنا و من حقنا
والاستنكار اكد نظريتي..........وقد عنيت ما لم اقل
ان الدين و الاخلاق هي الاساس دائما و ابدا

سلمت سيدي

اجمل اللحظات عندما تونست معك في التلفون , وانت سودانية صريحة عشان كده كنت متاكد دي ما سودانية التي كتبت الكلام ده

Dear Sistr

I concur ,100%

With my appreciation

Alshaigi

برتقالي : عاد في إجازة من تلك المنطقة التي يقطنها في الحدود حيث كان يعمل في منظمة بدولة أخرى تتاخم دولته ، كله لهفة لمحبوبته ومعه هدية جميلة كم أحبتها هي ( قطعة من قماش الفساتين الرائعة ، وقارورة عطر فائحة ، وشي من طلاء ، .... الخ ) لم تقابله الأسرة بما تعود ، هناك شي في أعينهم غارقٌ في الأحزان ، سلم عليهم بسرعة فائقة ، ودلف الى الباب ليصل محبوبته ، ولكنه توقف على صياح أخته ( عادل ، عادل ، ياعادل ، سافرت الى أوروبا ، تزوجت ، جاها عريس مستعجل وأختارت أوروبا البيضاء بدلاً عن أفريقيا السمراء ) في هذه الأثناء كان راسه قد أتخذ من صدر أخته مرقداً بينما أختارت الدموع معانقة الفستان وألتفت أمه وأخواته في كومة من الحزن.
ملحوظة : نبقي على عرضنا مع دمج الشروط الجديدة تحت البند 10:
5. عدم التفتح الذهني
6. عدم المقدرة علي التعامل مع الكمبيوتر
7. يفضل من يجهل اللغات الاجنبية
8. التجارة العامة و خاصة المقاولات و المقدرة علي تكوين الشركات الوهمية
9. ان يجيد السكوت و عدم المجادلة في السياسة
10. ان يجيد الكذب

فالي متي يستمر الكذب بيننا ؟؟؟؟

العزيز صديق
اشكرك
اري انك مميز والحق يقال....اشكرك علي البريد المتواصل مع امنتاتي لك بكل التوفيق...

بنفسجي :

قال : اريدك زوجة
قالت : لا اعرفك
قال : نتعارف
قالت : كيف
قال : هذا جوالي وذاك بيت الاسرة
قالت : هذا جوالي وذاك بيت الاسرة
قال : أحببتك لصدقك
قالت : احببتك لانك واضح ومستقيم الخطي
قال : متي
قالت : غدا تزور ابي


وزغردت الافراح خلال ثلاثة اشهر من اول التقاء

بسيطة برضو...ستة كان احسن ...و لا شنو...قال اسبوع قال...

صديق النور رحمة ...سلمت لخطك الواضح

عزيزتي سودانية2000
رفقاً بأحلام العزابة والترابة والغلابة والتعابة إلى آخر ملحقات (آبة) باستثناء التابة واليابة..
بعد قراءة الشروط، وملحقاتها في آخر البوست، أود لفت كريم انتباهكم (بصيغة المذكرات الداخلية في الدواوين الحكومية) إلى التالي:

1. إذا كان البوست مقصوداً به المستمتين على تراب الخرطوم (مساكين)، فصحيح أن كثير من الشباب- بالمعنى الإطلاقي- يحتاج لمثل هذا البوست، لكن الصحيح أيضاً أن الشابات هن أكثر احتياجاً.. آخر إحصاءات مركز نسيت اسمو في الخرطوم تعلن بوضوح مؤلم أن نسبة العنوسة في الخرطوم وحدها 83.7% ناهيك عن الأقاليم.. والسبب: الحرب، الضائقة الاقتصادية ونواتجها مثل الهجرة والاغتراب (ديل نحن) وأشياء أخرى.
   
2. ولو كان المقصود به شباب الخليج وعتاة عزابته، فببساطة خُمَي وصرَي.. ليش؟ لأن أهل الخليج، حتى الكماسرة منهم، لهم وضاءة وعليهم مسوح نعماء وإن كان كاذباً لكنه جاذب.. هاك قصة قصيرة حدثت لي أنا الممعوط دا شخصياً.. زمان قبل الاغتراب كانت بنات الحلة يتحاشيننا (نحن مجموعة العزابة العاملين في مختلف دواوين وأضابير الخرطوم)، ويطنشن مننا في الحفلات. في واحدة منهم كانت ماسحاني أنا بالذات، ومرة أحرجتني لأنو طلبت من الجنبها تقوم ترقص معاي، باعتبار إنو الأحرجتني عندها موضوع مع واحد صاحبي، وأنا برة اللعبة.. وبرضو أحرجتني وحمت البنية المسكينة ترقص معاي بحالتي الصعبة ديك (كنت شغال وعندي مرتب، تخيلي؟) أها، ربك رزقني بعقد في الخليج، ورجعت أول إجازة، لقيت الحلة كلها عارفاني جاي، وأبالغ ليك كمان، البت الأحرجتني ديك جات هي وأمها البيت زيارة يتحمدلو لي أمي السلامة، وشايلين حلاوة.. وهي كانت لو لقتني في الشارع بتعمل عندها حول مستديم (المعنى إنها ما شايفاني)، ورقبتها مشموطة (عشان ما تتلفت جيهتي).. في سري قلت: ما قلتو نوبة؟؟ اللهم لا شماتة.
   لذلك، واستطراداً على ما سبق، فالجاي من الخليج، ولو بعكس مواصفاتك دي، وعندي صوفتين وربع بس في راسو اللي عامل زي تنك الموتر السوزوكي بتاع ناس الأمن داك، واضنينو زي مرايات اللوري، وعيونو زي خطرات المرسيدس، وجيبو ساكن فيهو الدود.. برضو عندو الأفضلية..
   والسبب انتو...
   
3. أها لو قاصدة ناس الخليج، والعروسات برضو في الخليج، أمانة ما وقعوا رجال.. وكان كدي لمي إعلانك ده.. أمات البنات ديل ما في أمل يوافقن ولو اتضح إنو مواصفاتك موجودة وبزيادة.. ليش؟ لأنو (....).
   

** معلومة اخيرة:
- شخصي الضعيف الممعوط دا، خارج المنافسة... لأنو عرسي رابعة عيد رمضان ده إنشاءالله.. وكلكم معزومين.. وإنت بالذات عشان اوريك الأحرجتني ديك وبورتها اللي هسع فقراء سنار كلهم ما حلوها..

الاخ serenader

الف شكر علي القصة الشيقة و هي درس لمن يعي ان الامر ليست مالا مادام الشخصية هي ذات الشخصية ...يعني الخليج بكون خلاك احلي برضو ....

بس ما ليها حق ...مبروك مقدما....

الموضوع للرجال حين يختارون ...يستبعدون معظم الاشياء و يفكرون في بعض الاشياء وحين يقع الفاس في الراس يقولوا يا ريت اللجري ما كان...

صديقة تزوجت خلال عشرة ايام من مغترب جاء و معه الشيلة يبحث عن البيضاء...

دقنة اتفق معاك مافي بيض البشر الا القليل من المغاربة و الحلبة ...وبعض اليهود...هي انا ما عنصرية دي بلدكم وتركيبتها كدة ....

سودانية 2000
ابيض = ممكن بالنيه
شعروا ناعم= المشكلة الشمامبو المعروض فى السوق العربى قالوا البيض المعمول فيه فاسد
وجه بلحية = بينى وبينك اصلو الامواس الفى السوق كلها بقت ضاربه واللحية بقت فرض
غنى = بسيطة اركب مكنة والى واعمل شركة نظافة ولاية البحيرات

تحياتى

بلدي يا حبوب
اتفق معك كلو ممكن .....اذا انعدمت المصداقية
ارسل الي احدهم يريد مساعدتي في ايجاد عروسة بالمواصفات :
بيضاء
جميلة
متدينة
محجبة
خريجة طب او صيدلة او اسنان
من اسرة مميزة
وترغب في الحياة في اروبا او الامريكيتين

اها يا بنات فيكم واحد كدة ...هس العمر اقل من 25

لووووووووووووول

السلام عليكم
معليش لعدم التواصل اصلها سودانت من البيت بقت زي بصات الجريف زمااااااااااان هسي بقت سياحي و امجاد....والصفحة تفتح في ساعة و نص بالتمام......عجبي !!!
الموضوع قصدت منه تبادل الكراسي ...يعني انتو براكم الدايرين بيضاء و شعرها طوال....مع انكم بقيتو ممقلبين مع الكريمات و الشعر المزروع ...هاههاههاها
بجيكم بالتفاصيل ..بس فاتورة الكافي دي علي منو فيكم انا فلسانة من يوم جيت السودان نهائي....

والله يا سودانية المواصفات دى منطبقة على عديل كدى
انت ما نقصة غير اسمى
السمؤل

Sudania2000

Nice post and as we used to say fe koor Handsa "Alshark gabd ooowo", I agree with you

Most of us think from the outside in, which usually does not work

Akhr alkalam
Ihy ya Kholasia

Sudania..
Iam in the queue
you got one for me

وأنا برضو بعتذر لأني طولت ما مريت من هنا بسبب العكاكيز المدورة برة..
المهم.. ممكن سؤال؟
إنت في قائمة المرشحات؟ (يعني لو اتضح إنو فعلاً في واحد بالمواصفات دي)
أها، وأزيدك كمان: أظنك كتبت المواصفات أعلاه بحثاً عن واحد على مقاسك ولونك
** شفتي نظرية المؤامرة دي كيف؟

سودانية مية تلاتة وعشرين

ممكن تكلميها. اخوك طويل وابيض وشعرو نااااعم كالحرير وكمان طويل القامة.

نسيت اقول ليك. على شرط تكون هدية ورضية ويا ريت تكون ما بتعرف عربي او انجليزى