حشرجة ........ احتمال تكون قصيدة

حشرجة

شفت كيف !
الغربة زاتا حردت طفولتى
وملت احتضار الزمن المخيف
والزول جواها عايش نقيض
مختل توازنو الكان حريف
معقولة دى ... تجى كيف ؟

كل الجمال الشايلو من اول طريق
اصبح حكاية مقلوبة عند ناس الفريق
والناس مالاقية
الا تكون وكالات
شايلا حالى وحال غربتى
وما بتجيب الا الحريق
ما بتودى جقمة من الحنين
ولا وردة كايسة وصل
شرقت صباحاتا مع البريق

عارف التعب واحساس القوافى
وحاجات مخفية
تقدر تقول سر المنافى
شالا السحاب موديها وين ؟
وين موديها السحاب ؟
ياهو الزمن الخرافى
شوقك يجيك مليان مسامير
تطعن قليبك القالوا حافى !
ما بتخش دون رضاها
لزاها احساس مجرم مجافى
كيف بتتعلم من الدرس الصعب ؟
وكيف يكون عرف التصافى ؟!
ما القلب خاشاهو زفرة وحشة دايمة
وعمروا ما شاف المرافى

جوايا سفر مستديم
جوايا جوة النخاع
شوق قديم
شلتو من كنت قدر دة
شلت فى خاطرى الجحيم
لا عرفت اضحك
لا ابكى
ولا مات بين عيونى
وهو كظيم
اعتقدت انو الفرح مشوار حنين
وانو مرات الريد عظيم
لكن ما كان الاعتقاد
اظنو شيطاناَ رجيم
دغدغ سفرى المستديم
وكان معاى وقتما شاء
ووقتما اكون زى حميم
مبارينى وكت كنت بلعب
شليل الطار
وكان وسط الزفة زول رحيم

الا فى السفر البعيد ما كان ملاذ
لقيت عشمى وسط النار مليان بجاز
احتمل نيرانا الشعللت مواعيد
الانحياز
احتمل قدر المشاوير الدابا تنضح
قدرك مش قليل لى ناس عزاز ؟
قدر المسافة الفرتقت بينا العواطف
ما خلاص !!!
ما المطر زاتو كره الرذاذ
المطر اصبح يعاين
بين فجوة البعد اللى ضاعت
ما ختا بيناتا موية
اهدانا من سقف الظنون
امطار نشاز

فى الغربة تهطل من سنين
كان فرتقوها
وكان وزعوها
تملأ الارض والمسافة البين السما
دة كان اتجمعت
وفيها الريد نما
فرتقوها وقالوا تانى جمعوها
بعدما ...
صادف انينا انينى
كلما ....
قلت اتجمع معاها
تلقانى اسرح فى حكاية المنفى
من جديد دونما ...
اشرح كيف يكون الزول جديد
خالى من الزهج الفريد
والكون جواهو وزع نشيد
دوزن قصيدة الظلمة والمظلمة
سواها اغنية الذكرى
لحن للطيف
يا غربة يا لا ملهمة
منك شكيتك يا سجم
يا مجرمة

الفاتح
17/9/004م

*`~~`*

ya hbiby jerry
very nice i miss you
tom
looool

العزيز جدا عمر رجب

الحب والحب ليك قدر نيتك السمحة

وبشكر جيتك فوق سطوح البوست
ادينى معاك حبة ريد ... وتسلم يا امير

صديقي الفاتح..

Quote: جوايا سفر مستديم جوايا جوة النخاع شوق قديم شلتو من كنت قدر دة شلت فى خاطرى الجحيم لا عرفت اضحك لا ابكى ولا مات بين عيونى وهو كظيم اعتقدت انو الفرح مشوار حنين وانو مرات الريد عظيم لكن ما كان الاعتقاد اظنو شيطاناَ رجيم دغدغ سفرى المستديم وكان معاى وقتما شاء ووقتما اكون زى حميم مبارينى وكت كنت بلعب شليل الطار وكان وسط الزفة زول رحيم

دي ما حشرجة.. دي صحي صحي قصيدة..

Quote: الا فى السفر البعيد ما كان ملاذ لقيت عشمى وسط النار مليان بجاز احتمل نيرانا الشعللت مواعيد الانحياز احتمل قدر المشاوير الدابا تنضح قدرك مش قليل لى ناس عزاز ؟ قدر المسافة الفرتقت بينا العواطف ما خلاص !!! ما المطر زاتو كره الرذاذ المطر اصبح يعاين بين فجوة البعد اللى ضاعت ما ختا بيناتا موية اهدانا من سقف الظنون امطار نشاز

الحبيب الفاتح التحيات النواضر

ابداع حقيقي مافي كلام ، وخيال واسع ، وفيها روح شعراء عصرنا حيث سيطرت روح الاحباط ومعاناة الالام المهاجر والشتات علي النص ، الحبيب متي يتلون شعرنا وابداعنا بروح جديدة اكثر تفاولا واقل حزنا؟ ، مع التاكيد علي اننا نستطيع ان نعبر عن حزننا بصورة اجمل من التعبير عن افراحنا ...


عميق مودتي ياحبيب وواصل ابداعك .....

العزيزة رجاء العباسى

اتسرب بين مسامات القلم خلسة
عارفة ليه ؟
عشان ضحكت شديييد بالتعليق
شكرا ليك مرتين على مرورك
وسط الحشرجة بس حاسبى ما تصيبك
النحنحة الكتيرة فيها

تسلمى يا اميرة

الحبيب محمد عبد الرحمن

تسلم يا حبيب لمرورك فوق سطوح البوست

الحزن جوانا صوفى , وما اعتقد انو سيخرج بين يوم وليلة , لكن حتماً ستضاء العتمة التى تسكننا بورود جاية بس لحدى الزمن داك تبدو الاشياء غيبوبية الشكل .... كثيرون عاشوا الفلسفتين لكن الغالبة كانت للحزن المستديم وانت عارف السبب وبوعدك بمحاولة التخلص من الحالة دى .

انا سميتها غبار ... والغبار برشة موية او تنجيل للواطة كحزام بفوت

بهديك واحدة كدة اعتقد ما فيها تراجيديا كتير.


كن ارتباط

وختمت بيك شهر الوقوف
بالثوانى والامانى
والليالى الحارقة للمشوار
تطوف
وختمت بيك شهر الوقوف
ارتحت فى عينيك اظن
وضحكت لما فيهن
صابنى خوف
اعددت من جواك مدن
مقرية ساحات الحروف
مشتولة بالشوق الكبير
مسقية بعنبر صباحك
فيك ايقاع القطوف
انت سحر المعانى الجوانا
وابتسام دهشة ولوف
انتهز فرصة صفاك
واعلن افراح الظروف
ختمت عندك حزنى
وألم حارق حشايا
ملانى خوف
انت السعادة
والنسيمات النغيمات
والنجيمات
وخضرة اعماق الجروف
المناحات بعدت خلاص
والحزن صابو الكسوف
يلا نمرح من جديد
يلا نرتاح بين عيونا
ونقرأ فى جوانا شوف

وتسلم يا امير

alfatih salam

اهديك هذه النصوص التى نشرتها فى يناير بدايات هذا العام تحت عنوان حشرجات
اهو الواحد/ه فينا بتحشرج بالحنين الى يوم تقوم عواصف الفجر المحتمل


إمرأة من عاصفة ونار/ اسم المجموعة الجديده

Frau aus Orkan und Feuer




حشرجات

{1}

فى بدايات فجر العام
وبهمسة شجن باحت
لهذا العام ريش من قزح
فى نهايات الفجر ايقنت انه ظمأ سراب
وانها عاشقة منيت منذ مارس بالهزيمة
واللغة الأليمة
وانتظار وطن يترجل عكس ريح الانكسار
ولكن....


{2}

رحل عام
كتبته بحنين باكى
هلّ جديد
ربما يكتبنى من غير انين

{3}

على حد الحنين هتفت
انت او الطوفان
لا انتظرنى على ضفة النشيد المشتهى
ولا الطوفان غسلنا من وجع الهزيمة


فيينا: مفترق الزمن: 2003/04





لن

وان طرق فالتين طرف حلم قديم
وأتانى بالزهور الحمراء تلك التى اشتهيها
ان هدهد نشيج روحى
وكسى
بالنجمات جروحى
فلن افتح
ساوصد نوافذ تلك الحجرة الحنينه
وستنطفىء فوانيس
شعلها لهيب لوعتى
وجسدى يترقفص فى فوهة الروح بلا مشاعل


لن افتح لفالنتين
ولن استجديه ان يبقى
فليذهب برياحينه
وهدهداته
ولتنطفىء نجماته
فماعدت إمرأة تنثر رياحين الحب فى حديقه
لذا لن افتح



فيينا.. وفالنتن ينتظر 2004



الى متى
وانت ترجحنى مابين حياة لاتعطى فيها
وبين موت لا يفنينى
الى متى؟؟؟؟



14/2/2004

العزيزة دكتورة اشراقة

فوهة الروح تدرك معانى الانسراب
رعشة
ووردة حمراء
لغة تحترف معنى العذاب
لا تجزعى
فالحب بساتين
الحب غايات للجمال
كالشاطئ المسحور صوب الغياب


افتح النوافذ
الشرايين ... الامل , فانا معك انتظر فالنتين ...
فى الرحيل نتدارك الطشاش .. ولكنا حتماً لن نزول ... فقط نتوارى قليلاً ثم تمطرنا الورود الناعسة كانت.
لك الجمال والشكر مرتين للاهداء .

بالمناسبة بقول ليك مبروك للمحموعة الجديدة ( حشرجات ) وياريت تعادينى عسى ان اصبح عاشقا يهيم على صفحات الكتابة

تعرفى .... قبل العيون الايادى هى الاتكلمت

تسلمى يا اصيلة

نعم
انها حشرجة خراج روح القبح
وبقاء الجمال الشاعرى

jerry
when r u going 2 come 2 me ya jerrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrrry
shino ya mnga
al7asil
ya ngggggggala
ya wrda
ya pakistani
ya tora booora
ya zhra
ya monda
ya ana
akhook
Tom
www.tom.com
www.omerragab.com
www.nasjota.com
tany shino mmm
www.sudanrap.com
www.omdur.com
www.bravoltd.com
mashallah
and more

الفاتح

دى ما فيها احتمالين

دى قصيدة

وقصيده تلقائية وحزينة وجميلة

وانت تبرا من الحشرجة.....

احب هذا التداعى البرىء التلقائى الذى تبثه من حين لاخر فى صفحات المنبر

وانت كاتب لى قبل كده...ووعدتك انى ارد عليك وارفع البوست ...واخلفت وعدى

لا عن قصد وجريرة...ولكنها القسمة ونصيب التى تمنعنى مرات كتيرة ...وتدخلنى فى اضافرينى من زول جميل زيك ...ما اديهه بقدر ما ادانى ...

لسه وعدى قائم ولسه حبى لك قائم...ومستطيل...

شكرا اخوى

تماضر
و اشراقة
ورجاء
و
و
و شعر
الفاتح انت شيوعي ولا شنو؟؟

الحبيبة
الاديبة
لنا
الروح فرتقت ....
بفتش ليها واكوس ... بس جمالها
اظن يجوز ... ولحدى الشاطئ ليك الجمال

شكرا لوصولك هنا

جيرى يا افغانى
قلت لى تورا بورا ؟
بس اللويا جيرقا ليها رافع
خليك مرافع .. عن حضورك
بجيك وحات الطاحونة

ابتسم فى الغياب لحدى ما تلقانى قدامك

العزيزة
الجميلة

تماضر
.. قلتى احتمالين
يبدو شوفى بقى طشاش .. عشان اعتقادى فى الحشرجة دى ما على قدر الشوق ، شخبتها على الرجفة .
وبعدين معقولة بس ؟
انا عايز اشوفك هنا تكفى يا ملهمة .. وزى ماقالت سلمى الشيخ لو ما قريتك بتجينى كوفارة .. تسلمى لينا وحاتك ... خلينى فى طرف التوب كان دايرة تكويهو فتشينى ..

انتى عارفة انا فرحان بيك قدر شنو الليلة ؟
دى بحسوها بس ما بتتقال... وحبى ليك مربع .. قول شيرى

المبدع محمد
لكن دى قوية
ضحكت لمن طاقيتى وقعت فى الترعة
قالوا الجماعة فى بيت اشباح رقدوا قش وكت فتحوا الباب
وقام الفاتح على الشارع قال ليهم يعنى شنو؟ ما بت زينا ..
تسلم يا غالى الحروف ومنتظرين اوسلو 5

اسمع انت حشرجتك دى الداك التصريح تتطلعها منو ..
وبعدين الواحد مايكتب فى الناس..
يعنى الزول يلقى قصة حياتو كلها مشروره حشرجات..
alfatih
تسلم اليد البتكتب بيها..
ويلسم سيدها..
عملته لينا ابو الشهيق..
من كترت ماحشرجنا...
وسلمت ياعزيز

يا زول الكلام دخل الحوش الفتوى بتاعت الاستاذة تكفى
يالله فى انتظارك
تحياتى الفاتح

العزيز معتز
قلت لى الواحد يلقى القصة
مشرورة فى حبل الحشرجة ؟
اعمل حسابك بس من الشهقة
الفيها اهات قبال كدة حرنت
وحلفت بأبوها ما تمشى الا
تجيب كثافتى ... ابعد فى الليل
من الشموع العاملة لون ..
بتشتهيك الحشرجة لو نظرت فيها

لك المحبة وتسلم يا عزيز