أُمســية مع (تولــوس)..

سعد بورداب الرياض كثيراً بزيارة الاخ محمد (تولوس) قادماً من مدينة أبها..فى زيارة عابرة وسريعة..يوم الاثنين 13/9/2005م..
وفور سماع الخبر تجمع نفرٌ كريم من بورداب الرياض فى دار الاخ (الصادق خليفة) بتنسيق السباق دائماً اخ الاخوان (وراق) فىامسية جميلة ذات نسيم عليل تنذر بقرب ذهاب صيف الرياض الحارق ..وقد امتدت تلك الجلسة الى ما بعد منتصف الليل ..تُناول فيها عدد من المواضيع..

كان ضمن الحضور الخال ود قاسم ..احمد حنين...شتات..معتصم دفع الله..محمد الشيخ...تمبس..وراق..الصادق خليفة ..الشاعر يوسف حمد النيل الذى اتحفنا برائعة شعرية

هذا وقد التقطت بعض الصور التذكارية ستعرض قريباً..

التحية والشكر للاخ تولوس ونتمنى ان نحظى بلقائه مرة اخرى..

شكـــــــــــراً

اخي العزيز وليد طه والله سعدت جدا باللقاء الكبير الذي جمعني باخوة اعتز كثيرا بمعرفتهم واشتاق واحن اليهم دوما ... ولن اجد الكلمات التي توصف سعادتي بذلك ولكن يكفي ما يعكسه القلب من مشاعر صادقة وجميلة...

سوف اقوم بتنزيل الصور تباعا واترك تحديد الشخصيات للاخوة الكرام

نحى الاخ تولوس مرة اخرى...

الصورة الاولى معتصم دفع الله ووليد طه..

ثم صورة المجموعة الذين تم ذكرهم حسب التفصيل..




افتقدنا الاستاذ ابو جهينة والاستاذ حمزاوى..ودكين ..العريس وليد 399 الرائع ابوقوتة وبقية العقد
لهم اطيب التحيات

بختكم يا بورداب الرياض

الاخ تولس يستاهل التكريم


منتظرين التوثيق

عزيزي ود بابكر تيحاتي لك ياغالي...


الصادق

وراق وتولوس

تمبس وشتات

الخال العزيز ود قاسم

الشاعر الرقيق الاخ يوسف حمد النيل والاخ العزيز الخلوق احمد حنين

الاستاذ الاديب محمد الشيخ

الاخ عبد الله بابكر شكراً للمرور
واليك التوثيق...

لك الود

تلك كانت أمسية جميلة ، وستظل في الذاكرة ،،
الحوارات كانت تسخن وتعتدل ، وفي منتهى الود والحميمية ،، والشاب الرائع تولوس يحمل من المعلومات والمعرفة والمقدرة على الحوار أكثر مما يقدمه هنا في المنبر ،، وقد أفادنا كثيرا بمعرفته بالنت والكمبيوتر ،،
بيت الصادق خليفة ضمنا بدفء وكأنه دارنا الخاص ، وقد أطلقت عليه ( خبثا ) دار حزب الأمة ،، وقد غمرتنا مجموعة حزب الأمة بكرم فياض رغما عن أنهم كانوا عزابا ،،
الشاعر يوسف حمد النيل ( قريبي ) كان ملح الجلسة ، أشجانا بقصيدتين ولولا ميلنا للحوارات والحوارات المضادة لأخذنا منه أكثر .
نوقش خلال الجلسة إمكانية قيام منتدى مصغر يضم البورداب وأصدقاءهم ينعقد مرتين كل شهر ، ويهتم باجتماعيات الأعضاء ، وبالأدب والشعر ، وبالحوار العلمي والسياسي وشئون الوطن ،، وقد كلف معتصم دفع الله بالكتابة عن هذا الموضوع ، إلا أن معتصم تجول إلى ابن ( عاق ) بفعل عدوى انتقلت إليه من صلاح شتات ومحمد الشيخ ،،

نعم

الشكر للأخ تولوس لهذة اللمة الرائعة
وللمعلومات التي اتحفنا بها عن الهكر
والمنتديات والشبكة العنكبوتية

وشكرا لدار حزب الأمة
الحبيب الصادق خليفة
والحبيب وراق

ومازلنا في انتظار امين منتدي الرياض الثقافي
المبدع معتصم دفع الله ،، ليعلن عن ضربة البداية

الخال ود قاسم
معتصم بجهز في مفاجأة ،، اخنق الصبر

خلاص يا جماعة سميتوها دار حزب الأمة.. عايزين تجيبوا لينا الهواء.. ربنا يجازي محنكم.. والله كانت جلسة جميلة لا تنسى وزداها ألقاً حضوركم الكريم مع بهاء حبيبنا تولوس.. بس كتروا من الجلسات دي يا ناس الرياض وأكيد بتجيب تمنها..
بجيكم راجع تاني.،

بورداب الرياض كعادتهم ما يجمع بينهم اكثر من ما يفرق ، الاحساس الصادق دون رياء تجاه بعضهم البعض و الحميمة ، ما ان وصلهم خبر حضور العزيز محمد عثمان( تلوس) الى الرياض حتى تقاطروا جميعهم للسلام عليه والترحيب به في دراهم قبل ان تكون دارنا او دار حزب الامه كما اطلق عليها الاخ الحبيب ودقاسم ، الاخ تلوس رجل هادي، انيق اضافة الى المامه و معرفته بكثير من بوطن الامور كما انه رجل شديد التمسك بدينه.
حقيقة كانت امسية رائعة بكم اخوتي وافتقدنا كثيراً الاخ ابوجهينة و العم حمزواوي و العريس وليد والاخ مهدي و الاخ دكين ونتمنى ان تتكرر وفي انتظار الاخ معتصم دفع الله لتفعيل المنتدي .

ولي عوده

اهلا بورداب الرياض واهلا بضيفكم

اولا وليد طه صاحب البوست
ميه مسا وشويه شوق
معتصم يا ذوق كتير سلام وود
الصادق
اهلا ومنور
بالمناسبه الصوره دى اوسم... ممكن تغير بيها الفى البروفايل ولو عاوز اى مساعده رقبتنا سداده نحنا نحب نخدم وعذرا للمدام على قول انور كنج لاشئ شخصي لكن فى سبيل نهضه وتطور البورد
اسماعيل وراق
كالعاده حيويه..... وسلام كتير ليك والاسره
الضيف العزيز تولوس
اهلا بيك باسم رابطه بورداب الرياض
صلاح شتات الغالى
ازيك واحوالك كيف
تمبس
يا غالــــــــى
يا زول انت احلويت كدا لى وبقيت وسيم وقيافه
ود قاسم سلامات وود وشوق
محمد الشيخ
فرحتنى ابتسامتك دى شديد وعقبالى تتفك الدبرسه الانا فيها وعينى بارده صلاتى على محمد(دا لى لفه العمه)
احمد حنين يا ذوق اهلا بيك انت وضيفك

راويـــة عديل كده؟!
هوشوية شوقك هين؟

لكن مااطلالةو أشراقة وانبثاقة و.....الخ
عوداً حميداً وميت مرحبة ..وتستاهلى سلام جمهورى ..وسمفونيات العودة
بس خلى معتصم دفع الله يقوم بالسلامة..

شاكرين سيناريو التحايا والتحايا..
زى ما شايفة بورداب الرياض جسم واحد وكل من جاء الى الرياض يصبح جزء لا يتجزأ منا..
واكيد منتظرين جيتك كمان عشان نعمل جلسة ما حصلت...



مش مرة كده كنتى جاية الرياض عمرة؟

كميةمودة..

طييييييييييييييييييب يا ناس الرياض

بقت فيها عفانات، عديل كدا .....

على العموم الايام بيننا ...

تولوس ...

شرفت الديار ... وكان بودنا الشوفه يا غالي

عموماً مكانك "محفور" ومحفوظ في القلوب

بس تقول شنو ...

Quote: زى ما شايفة بورداب الرياض جسم واحد

قال جسم واحد واتصلنا بيك في الجوال قال


وليد احمد

تولس .. حبوب .. شخصية ظريفة لي ابعد الحدود

والحاجه اللزيزة .. في واحد قال لي انا كنت قايل تولس ده ظلامي .. لكن طلع ظلامي مفتح

تولس .. شكرا للامسية الجميلة والصدفة الجمعتنا بيك .. وفي انتظارك تاني في طريق العودة..وليد طه ..
والا اقول ليك ... خليك

( ابو الرور )
أول حاجه منوره والله وحمد الله علي السلامة ..

وبعدين احلويت دي ... مكنه منك

المره الفاتت قلت ليك رقم التلفون راح مني .. ما اشتغلتي بي ..
حسع تاني بقول ليك .. ياخي اخسري فينا دوراررررين تلاتة شان تعرفي مشتاق ليك كيف .

الخميس داك الله انا كنت وين
والله والله ما متذكر
لكن خلونى اتذكر

طبعا ما عارف اقول شنو
لكن والله كانت مناسبة عشان الواحد يجتمع
فيها معاكم.بالاخص الزول السمح تولوس

طبعا انا بزعل من الصادق خليفة
لانه عارف تلفونى وجوالى

طبعا يوم فى الشارع العام شفت الخال ودقاسم
ومعاه طلال وفى ناس راكبين فى السيارة
وبس اتلخبت فيه لانه كان لابس عمه
عموما مرحب بالرجل السمح تولوس
شكرا وليد طه على هذه التحف
تمبس انا شفت بوم الجمعة فى ماشى على
خان شليلة
ولكم جميعا ودى

ابوقوته ..
التلفون في البروفايل ..

بطل القتاتة البتعمل فيها دي .. خطوتين منك في التخصصي

ما أسعدنا بلقاءك أخي تولوس ..
فقد كانت أمسية رائعة تلك التي قضيناها معك ..
وبعد ما تجي من الإجازة إن شاء الله أول حاجة تعمله تجي تقضي معانا كم يوم ..
شكراً بورداب الرياض فقد كنتم حضوراً جميلا ً ..
وأكثر روعة ..


وليد العريس ما تزعل يا أخوي ..
إتصلت على تليفوك لقيتو مقفوووووووووووووول ..
لك العتبى حتى ترضى ..

العزيزة راوية
شكراً يا ذوق على كلماتك الرائعة ..
سلام شدييييييييد وشوق أكثر ..

الاخت الكريمة راوية تحياتي واحترامي لك واشكرك جدا علي الترحيب المتجدد ودائما انت سباقه لكل ماهو طيب وكريم وجميل

واسف جدا لعدم تمكني من الرد السريع عشان كنت طيلة الفترة السابقة مع اهلي في المحمية ... وهاكم من كسلا اجمل تحية...

العزيز وليد وضيوفو..

ســـلام ومحبة زيادة حبتين..

طبعا من أول يوم كتبت البوست ده كنت دايرة ادخل اقول ليك انا عارفة كمان وصل الرياض الساعة كم.. لأن العزيز وراق كان يحادثني واستأذن للذهاب لإحضار محمد (تولوس)..

تحياتي ليكم جميعا.. وطبعا اول مرة اعرف ان تولوس من السعودية..

ما تسألوني كنتا فاكراهو من وين..؟؟

استمتعت لرؤية كل الصحاب في الصور..

دمتم..

رجاء..أُسعدتى صباحاً..
احييك بأسم بورداب الرياض ..

وجزيل الشُكر للمرور والطلة البهية..


عايزين نشوفك ولو عُمرة..

سلام

أنا دايما ناسيني في اللمات الحلوة
مرات أقول أنا زول ما مهم عشان كدا دايما في الظل وما تحت النظر
كدا يا الصادق ....؟؟؟؟
معليش أرجو أن لا انسى في المرات القادمة
التحية للأخ تولوس وحقيقة هو من الشخصيات التي كنت أمني نفسي برؤيتها
ولكن الجايات أكثر

التحية للاخ العزيز تولوس وبورداب الرياض الحلوين

عادل

اخي عادل شكر للحضور الجميل ورمضان كريم وتصوم وتفطر علي خير
وربنا ينصرك ويعينك علي الحزن والالم الكبير
حقيقة اخي العزيز اتمني ان التقي بك وانشالله يكون عما قريب... تحياتي لك