Post: #1
Title: ريحة ابرى حللللللللللوة وتقولو اممممممممممم
Author: ودالجزيرة
Date: 09-15-2004, 08:02 AM
اهلى الحنان سلام وكيف حالكم
على فكرة اليومين ديل فى السودان الواحد لو عندو نزلة ( او انفلونزا) فى السودان بيشم ليك ريحة حلللللللللللللوة اسمها
ريحة الحلو مر او الابرى وطعم اممممممممممممم لزيز ؟
وعندنا كمان فى الجزيرة المعاونة بين الحريم
يعنى يتفقن كل يوم يعوسن لى واحدة وكمان العيانة بعوسو ليها سااااااى ولاتعوس
وربنا يجمعكم بى اهلكم ياناس الغربة وتصومو فى السودان انشاء الله
|
Post: #2
Title: Re: ريحة ابرى حللللللللللوة وتقولو اممممممممممم
Author: Raja
Date: 09-15-2004, 08:38 AM
Parent: #1
العزيز ود الجزيرة..
رمضانكم مالو جاي بدري..؟ انحنا يا دوب اول شعبان عندنا الليلة  ..
طبعا زمان لما كنا في السودان عواستنا كانت بعد يوم 15 شعبان.. وكانت روحنا بتتشحتف من ريحة عواسة الجيران.. ونمشي ونجي نسأل امي انحنا حنعمل الحلو مر متين..؟
رمضان كريم..
|
|