سعر اللحم السودانى فى مصر

لماذا يباع سعر اللحم السودانى فى مصر ب 11جنيه رغم الارتفاع الحاد فى اْسعار اللحوم؟

ذكر الاستاذ محمد حسن هارون نائب رابطة دارفور بكندا, فى ندوةAction Darfur - Ottawaان الجنجاويد فى غاراتهم على القرى وانتزاعهم لجيمع الممتلكات يسلمون البهائم للحكومة والتى ترسلها ال سلخانة نيالا بدورها وفى الحال.
يتم ذبح البهائم وتعباْ وتصدر الى مصر حالا.
يستخدم العائد للصرف على الجنجويد.




وطنى صباح الخير!

يا نور يا حبيبتي قنبي في الواطة بلحقوكي تماضر شيخ الدين تقعدي تبكي هكروني وهجروني
باع

سلامات يا نور
الرجاء التعامل بحذر مع مثل هذى المواضيع .. لى اصدقاء من الغرابة يكدحون هناك ليل نهار اخشى ان يصيبهم رشاش .

الأخت الكريمة نور

والله بعتقد إنه الزول لما ينضم حقو ينضم في المعقول ،، وما ممكن الناس تبقى طوالي تستغبى في خلق الله ،، ما كفانا إستغباء ناس الحكومة ... كمان نبقى لي المليشيات وكل واحد داير يبرر شغله يجيب لينا حكاية ممجوجة...

أولاً سعر اللحم السوداني طول عمره رخيص في مصر وقد عشنا هذا منذ مطلع السبعينات...

فما تبرير السيد / محمد حسن هارون نائب رابطة دارفور بكندا في تدني السعر في ذاك الوقت وقبله وبعده ...؟؟؟؟؟

المعروف في مصر أن اللحوم السودانية سواء كانت خراف أو بقر أو جمال رخيصة وأرخص من اللحوم المحلية والتي يطلق عليها (لحم بلدي) ويتميز عن لحمنا بكثرة الشحوم والقادرين على شراء اللحوم لا يفضلون لحومنا ولا حتى الأسترالي والنيوزيلندي.

فأرجو ألا تنقلي عن أصحاب المصالح والمآرب نقل مسطرة وتحققي من المقاصد قبل النشر حتى لا توصمي بغير ما تقصدين.

وبعدين هي سلخانة نيالا دي قاعدين يذبحوا فيها للتصدير أصلاً ؟؟؟

آمل أن يكون الأخوة ثوار دارفور عقلاء وموضوعيين ليتمكموا من خدمة قضية أبنائهم وأهلهم ولا ينجرفون وراء الأهواء ويطلقون الأكاذين الساذجة فيفقدوا إحترام أهلهم قبل غيرهم..
وإن لم يكونوا أمينين في مرحلة الثورة فكيف سنأمنهم عندما ينتصر الحق ويتولون المسئولية ؟؟؟

عندها ستنطبق علينا مقولة (كأننا يا همرو لا رحنا ولا جينا) "ويبقى أحمد زي حاج أحمد" وكده يبقى القتال لزومه شنو والماتوا ماتوا فطيس...

وأخيراً إذا كان المتكلم مجنون فاليكن المستمع عاقلاً....

ولا رأيك شنو يا أختنا العزيزه ؟؟؟