عادل عبد العاطي (يزوغ) من المنبر

لكي لا يدخل في احراج لانه مارس ما لا يؤمن به وهو وأد الكلمة وخنق الصوت ولي امين المنبر الادبار هذه الايام لكي لا يجيب علينا ولا يرد علي البوستات التي انزلت في حق دكين وفصله من المنبر وذلك لكي يخرج من الحرج بالردود فهو كلبرالي (دبل) المفروض ان يؤمن ان من حق الكل ان يقولوا ارائهم وافكارهم ويقارعوا بالحجج ولكن لانه يريد الحفاظ علي منصبه الجديد وشديد فانه هرب من الردود
الاخ عادل يعلم احترامنا له جيدا وراينا فيه ونزاهته ولكن ما قام به تجاه دكين يؤلمنا فدكين ليس كغيره من الاعضاء مثله لا يجبر علي ان يقول ما يرضي الاخرين بقدر قوله ما يرضيه هو
لذا نتوقع كنا معاملة افضل للاخ دكين وما كتبه دكين لا يدخل تحت بند الاساءات بقدر ما هو قام بتسمية الاشياء باسمائها او علي الاقل ما يراه هو في وقتها بالرغم من اختلافي ايضا مع دكين في انه لا يملك الحقائق كاملة ولكن احترم فيه حرصه ومثابرته لظهور الحق او ما يؤمن بانه الحق
عادل عبد العاطي شتت وقطع وش من المنبر مع علمنا بتواجده بحكم منصبه وقرائته كل البوستات التي نزلت ولكن هو محرج الان اشد الحرج لذا تواري خلف الشاشة والكيبورد حتي تمر الازمة بسلام
ولكن مافي سلام تاني يا عادل والقوانين دي خليها في رقبتك واسدلها في ستار المنبر لانه حتحتاج ليها كتير
وانا خايف من اليوم النحتاج ليها فيهو معاك انت زاتك

ولانه عادل عنده ضمير

وقف دكين اسبوع ووقف معاهو ؟؟

ياعادل اعمل حسابك وحساب ضميرك دا

الشيوعين ديل ما يلعبوك واحد فيهم يدق بيك قنع ويقيف بيك تلاتة شهور

ولا اربعة شهور وعشرة ايام

أساسى خليك من عبدالعاطى

إنت زاتك كنت شارد وين؟؟؟؟

كده يادوب رجعت للمنبر روحو (الشرسة) اللذيذة

هشام يازول والاسرة الكريمة
طبعا انت الان ببروفايلك والصورة بتشكل تلاقح اجيال يعني يعني الصورة دي قصيت بيها يدنا من الفصاحة تاني ولا كيف
يحفظهم ليك ربنا
انا كنت مشغول شوية والنت الايام دي ماشي بعجل الحديد
زيادة علي المنبر اصبح (مقيل) وما مغري
زيادة علي (الرحول) عز العرب
وحاجات تانية ما بقولها بس

لكن بيني وبينك كدا عادل ما زايغ منا بالله ما بيجيكم في المنبر الاداري واساسي هناك معاكم ؟؟

حسب ماعندي من معلومات ألأخ عادل عندو مشكلة مع الكومبيوتر بتاعو؛ كدي اصبروا عليهو شوية .

خالص التحايا..
الزملاء الاعزاء غير موضوع الكمبيوتر..
الاخ عادل يمر بظروف مرض والدته ارجو التقدير..
ونتمنى للوالده العزيزه خالص الشفاء..

شفاها الله .. ابقى طمنا يا معتز .