اشادة بالشاعر خضر عطا المنان ... والرئعة هميمة هل من مؤيد

بسم الله الرحمن الرحيم
فتحت هذا البوست للاشادة بالاستاذ والشاعر المرهف والمناضل الصنديد خضر عطا المنان متعه الله بالصحة والعافية فهو واحد من الاشخاص الذين ناضلو من آجل سودان ديمقراطى معافى وسليم ولكنه مجهول لدى كثيرا من الناس .... وطرح العديد من المواضيع الشيقة فى هذا الحوش العامر كما انه لدية اسلوب راقى يجذب كل من قراء كتابته. هيا اخوتى واخواتى الفاضلات للاشادة بهذا الرجل الذى يغرس فى نفوسنا الفرحة والبهجة
كما ايضا احب الاشادة بالاخت الرائعة هميمة فهى تمتلك زوق رفيع ومعاملة نادرا ما يجدها الانسان فى هذا الزمن الأغبر
كما ان لهما الفضل فى اشتراكى واخذ العضوية فى هذا المنبر الحر
الى الامام استاذى خضر والى الامام اختى هميمة فنحن من ازركم نشيد
خالص حبى وتقديرى
سمؤل

رغم تجافي المواقف السياسية الا اني اشهد بان خضر رجل ذو خلق ...الشكر موصول لهميمة ومرحبا بك فارسا ننتظر عطاءه في المنبر

فوق فوق خضرنا فوق

اتفق معك

أحبتي :

السموءل
أماني السني
الموصلي

الشكر لكم بلا حدود.. وأأمل أن أكون بالفعل كذلك يوما من الأيام .

وما أنا الا واحد ممن لا ينتمون الا لطين بلد أسمه السودان .
ولا أخالني الا صوتامن أصوات عديدة توزعت بها المنافي .. وأمتلأت
بها معسكرات اللجوء في اركان الدنيا الاربعة .. وتحلم يوما بالعودة
على سحائب تمطر حبا لوطن يسع الجميع دون استثناء أو اقصاء لأحد مهما
كان أصله .. نسبه .. عرقه .. دينه .. فكره ........ الخ .

هذه بعض من ملامح مما أحمله اليكم جميعا حتى ـ يا فاضلتي أماني السني ـ لمن يختلفون معي في توجهاتي السياسية أو أطروحاتي الفكرية .. واللتين ـ أعلنها هنابصراحة لك وللأخرين أيضا ـ بانهما لا يقومان الا على ايماني المطلق بأن الانتماء لحزب أسمه السودان لن يكون الا المخرج الوحيد ـ في خاتمة المطاف ـ من هذه الشرنقة التي تخنق اليوم وطنا تكالبت عليه المحن والاحن من كل حدب وصوب ..والأجمل يا سيدتي أماني ـ حسب ما اعتقد ـ هو أن تحب الجميع وان تحترم حتى من لا يتفقون معك في ما انت مؤمن به وما يشكل قناعات لديك ..
تلك هي الروح التي يمكن بها وحدها تجنب المزالق في المكايد والضغائن والكراهيةوالحسد ..

هذا هو أنا يا من تتفقون معي .. وانتم ـ يا أحبيتي ـ يا من تختلفون معي .. وبالتأكيد ليس في حب السودان .. فأنتم جميعا
وأنا أحسب نفسي واحد منكم نستنشق هواءا ونشرب ماءا ونعيش حياة
أسمها حب السودان .. وان عبر كل منا عن ذلكم العشق على طريقته ..


أكرر شكري لكم وأبايعكم فردا منكم يا سادتي /سيداتي / آنساتي .

خضر عطا المنان

الحبيب الصديق العزيز : سيف

عفوا فقد سقط اسمك سهوا في القائمة أعلاه.. فالمعذرة .
كما اشكر لك يا سيدي مشاعرك الطيبات .. وأأمل أن أكون عند
حسن ظن الجميع ..

خضر عطا المنان

الصديق خضر
يستحق كل الخير
متعه الله بالصحة والعافيه
لك كل تقدير واحترام

خضر زول مو هين وماهو ساهل

يستحق نشيلو فوق روسينا

اخواتى الاعزاء :
1/ امانى السنى : شكرا كتير على الاشادة بذلك الصرح الشامخ شموخ سودانينى الحبيب ( خضر عطاالمنان ) رغم التجافى السياسى لكى حبى وتقديرى
2/ سيف مسعد على : يا رائع وكل زوق ونظر فوق كمان وكمان عشان خاضر خضرنى الصنديد
3/ الموصلى الجميل / يا صاحب الحنجرة الذهبية وامبراطور التوزيع الموسيقى الجميل فى السودان لكى حبى وتقديرى للاشادة بى تاج راسنا خضر الانسان الجميل
4/ الحبيب الغالى خضر عطا المنان : مزيدا من الكلام المعسول ايها الرائع كلماتك جميلة للغاية تعبر عن انسان يعشق محبوبة اسمها السودان عشقا جما
5/ هشام مدنى : ايها الانسان الراقى كلما نظرت الى صورتك فى البورد يعودنى الحنين والشوق الى بى ليس هنالك ملامح شبه ولك يضع العمامة كما تضعها انت شكرا كتير للاشادة بى الشاعر المرهف خضر
6/ سجيمان : كلامك فى محلو فعلا خضر ماهو زولا هين شكرا كتير على المرور والاشادة
خالص حبى وتقديرى للجميع
السمؤل

الحبيب شيخنا في الحوش الكبير : سجيمان

يسلم لينا راسك ( حتى لو كان به بقية طشمة!!!!!! )

فهذا الراس كم أسعدنا يا سيدي .

السلام والتحية لك يا واحة واستراحة في زمن الهجير المر ..

خضر عطا المنان

الأخ السمؤال

لك التحية سيدى وانت تشير ببنانك لعلم شامخ فى سماء الوطن الحبيب رغم ان البعض لا يعرفونه ولكنه اخ وحبيب وصديق قديم وهو كما اشرت شاعر مخضرم عطر الساحات بحلو اشعاره منذ السبعينات من القرن الماضى وكم اسعد الحضور فى ليال جميلة لن تتكرر ولكن الشتات والغربة جعلته مختفيا عن الاضواء مما حدا بالبعض لعدم معرفته وازيدك سيدى فهو فوق الشعر السلس المتدفق منه بلا ترتيب مسبق فهو متحدث لبق يسحر الالباب حينما يتحدث فى اى موضوع وتكاد ترجوه ان لا يتوقف وكم شهدت له محافل وصفت له ايادى بشدة فهو فكر وأدب وشعر وثقافة ثرة لا تحد..

مرحبا بالشاعر الفذ خضر عطا المنان رفيق الشباب والايام الجميلة ..

وثانية شكرا لى اخى السمؤال على احساسك بهذا الكنز الموجود بيننا وتنبيه الاخرين له ..

Quote: كما ايضا احب الاشادة بالاخت الرائعة هميمة فهى تمتلك زوق رفيع ومعاملة نادرا ما يجدها الانسان فى هذا الزمن الأغبر

الأخ السمؤال

هل هنالك اخت تحمل اسم هيمة ؟؟؟؟

لان هنالك اخ وصديق وزميل قديم هنا يحمل ذات الاسم

مع تحياتى

الحبيب : خضر
فوق
فوق
فوق
.
.
.
والمؤيدين كثر

الغالى قرشو
لادرى ولكن هميمة ان كانت مؤنث ام مذكر فصاحب هذا الاسم له الفضل فى اشتراكى فى المنبر الحر .... وعموما انا كان رجلا فله العتبة حتى يرضى عنى ... وانا كان تشابه اسمى فلها التحية والتقدير

قرشو : شكرا على المرور بالبوست والتعليق حول الاشادة بالانسان الجميل خضر عطاالمنان ...... كما لكى شكرى على الاضافات الاخرى
ومنكم نستفيد يا مبدعى بلادى الحبيبة ...... وايضا يا قرشو هنالك شى اخر ربما لا تعرفه هو بان هذا الخضر كافح وناضل من اجلى حتى اخذت العضوية فى هذا البورد الجميل بى ناسو وليس الا

الحبيب الغالي : قرشو

بحق أخجلتني يا صديق العمر

وهل أنا الا رفيق عمدة اعتز به وأفخر .؟؟؟

فأنت في هذا الحوش الكبير محل تقدير واحترام الكل .


لك المحبة يا صاحب اليراع النقي والمشاعر الصادقة الاصيلة

وهل انا كل ذلك يا سيدي ؟؟؟؟

عموما التحية الانحناءة لك .

خضر عطاالمنان

مقاطع أحفظها منذ أمد طويل لشاعرنا الجميل الإنسان خضر ادلي بها في هذا المحفل الكريم
وكلي أمل في أن يصححها وينزل القصيدة كاملة

قولتله بي لهف مبروك
وعارف الناس كتير سألوك
وعارف قبلي كم رادوك
وعندك كم قليب مملوك
إلا أنا الملهوف وأنا المزهول
وإنت الجايه من بلدا بعيد مجهول
بدور اسأل سؤال وأقول
واخاف عليك سؤالي يطول
متين طليتي دنيتنا ومن وين البشر جابوك
وقلولي ليا بس أرجوك
شن سموك وامك مين ومين هو أبوك
ولم عليها خفتة تمام
وخفتة جوابه يا أهلي
قريت قريت في عيونه ألف كلام
كلام ما فهمه زول قبلي
وكان السمحة بي قبلي
وبي لهفة وخجل مشيوب تعاينلي
ومن أعماقة ضحكتلي
وقالت لي يا خلي يا خلي
عشان عينيك رادوني وريد للدنيا ذادوني
وليك أصبحت ريد كلي
عشان خاطري وشعور خجلي
وخوفي عليك من أهلي
ابوي خلي ابوي خلي وسيب امي
وليك بقولة بس اسمي
ويبقه كفاك واسمي ملاك

ويستمر المبدع الإنسان في تجاوز حدود النص لكي نتجاوز معه حدود المتعة ونصاب جميعا بألق الجمال ... زدنا بصوتك الدافئ وحسك المميز أيها الفنان لعلنا في تجاوزنا لحد هذا الفضاء ندرك بانا قد وجدنا ما يلهي هذا الروح المعنا

خالص حبي ومحبتي
طارق ع الأحمدي

طارق الجميل :
تحية مملؤة بالحب الاخوى الصادق ..... ايها الرائع شكرا جميلا على قصيدة شاعرنا وتاج راسنا خضر المبدع خضر الصنديد ..... يالله يا خضر كان فى القصيدة باقى اكملو لينا عشان الفرحة تسكن قلوبنا الحزينة ... حقيقة قصيدة جميلة جمال اهلى فى السودان وفيها حنين جميل للشمال عامة وبلاد الشايقية بصفة خاصة ..... فانا اعشق الشعر الشايقى عشقا جما ...... وحقيقة يا خضرنا ملاك تحفة فى قمة الجمال والروعة
ولسه فوق عشان خاطر البوست يرتفع لى فوق
السمؤل

القصيدة يا سادتي قديمة منذ عقد الثمانينيات .. عنوانها * ملاك *

ساحاول بعد العثور على النص الاصلي نشرها كاملة , ان شاء الله .

الشكر لكما : طارق والسموءل .. ولكما المحبة

خضر عطا المنان

تسلمى يا خضر يا غالى وانحن فى انتظار ملاك منك انت شخصيا سيدى
وانا ايضا اعرف قصيدة اخرى للشاعر الشايقى والفنان والاستاذ عبدالروف ابوزيد تدعو ملاك لعلك تعريفه اخى الحبيب خضر
بس للاسف انا ما حافظ نص القصيدة لكن عارف اول مقطع فيها وبيقول
ملاك اليلة يوم عيدى ملاك لبست جديدة

كلمة لابد منها :

أولا أن يكون شخصي الضعيف موضوع يتحدث عنه الأخرون .. فهذا يشعرني
بالحرج الشديد.. لا لشيئ الا لاني اعتدت طوال عملي منذ سنين في هذا
الميدان ( الاعلام)أن أكون انا من اكتب عن الآخرين .. وأنا من يحاورهم
.. وأنا من يستنطقهم .. وليس العكس .. فربما من هنا نشأ هذا الحرج الذي أعنيه. . وأنا هنا صادق معكم وقبلا مع نفسي في ما اقول .

ولما كنت امام التزام أخلاقي ووعد اليكما ( السموءل وطارق ).. فهاهو أنا افي بوعدي وأنشر ( ملاك ) كاملة رغم ان البحث عنها بارشيفي لم يكن بالامر اليسير نسبة لقدمها ( أكتوبر عام1980) ..
وهي قصيدة تحاول تصوير قصة واقعية عشتها أنذاك :

(( كنت في مشاركا في سهرة تلفزيونية وفي برنامج ( للأسف نسيت أسمه
الان ) ولكن أذكر مقدمه تماما هو الأستاذ ( على الريح ) .. وقد كانت سهرة اسبوعية مشهورة أنذئذقد استمرت تقدم عبر تلفزيون السودان
لعدة سنين .. وبعدها بعدة ايام ـ وبينما كنت أسير بأحدى فرندات
السوق الأفرنجي بالخرطوم حيث الباعة المتجولون يفترشون الأرض ـ
فاذا بها تحييني ثم تستوقفني مشيدة بما ما شاركت به من شعر في تلك
السهرة . كانت بحق فتاة رائعة الحسن والجمال .. حسن وجمال يكشفان عن خلق رفيع ولمسة خجل ريفية بديعة . كانت فتاة فارعة القوام .. لها من العيون ما ينطق .. ليل حالك السواد ينسدل على كتفيها
ليرتاح فوق ذلكم القوام الفارع ..ويناجي حبيبا غائب في المجهول .
سألتها: ماأسمك ؟؟ .. فقالت : ملاك ... كانت هي المرة الأولى التي اصادف فيها طوال حياتي : ( اسما على مسمى ).)) .
وبقية القصة ربما ترويهاالقصيدة لمن يسافر منكم بين سطورها :


(( قلتلا بى لهف مربوك :
عارف الناس كتير سألوك
وعارف قبلي كم رادوك
وعندك كم قليب مملوك

الا أنا الملهوف .. أنا المذهول
وأنتي الجاية من بلدن بعيد مجهول
بدور اسال سؤال وأقول
واخشى عليك سؤالي يطول :

متين طليتي دنيتنا
ومن وين البشر جابوك
قولي ليا بس ارجوك
شن سموك
وين ولدوك
أمك مين
ومين هوأبوك ؟؟ )) .

ولما عليها خفتا تمام
وخفتا جوابا يا أهلي
قريت في عيونا الف كلام
كلام ما فهمو زول قبلي
وكان السمحة بى قبلي
بى لهفة وخجل مشبوب
تعايلي .. وتعايلي

بسمت لي
ومن اعماقا ضحكت لي
وقالت لي :

(( يا خلي .. يا خلي
عشان عينيكا رادوني
وريد للدنيا زادوني
وليك اصبحت ريد كلي
عشان خاطري وشعور خجلي
وخوفي عليك من اهلي
أبوي خلي .. أبوي خلي
وليكا بقولو بس اسمي
ويبقى كفاك
واسمي ملاك )) .


قلتي ملاك ؟؟
منو السماك ؟؟
منو الاختار حروفو معاك ؟؟

صحيح والله انتي ملاك
أريت عيني زمان شايفاك
وأريت دنياي زمان عارفاك

الا عينيكي لو تسمح
عليك مولاك
بدور أسأل:
منو الرباك ؟؟
منو الرباك ؟؟

أكيد زولن تعب بوراك
شالو نهار كايسو رضاك
ساهر ليلي كلو معاك
وفد يوم ما غفل خلاك


وانتي ملاك .. وما احلاك
جميل بلدن رحابو حواك
وجميل بلدن روالو صباك
سمح بلدن نسيمو غشاك
وعطر يوم ترابو شذاك
سعيد بيتن في يوم ضماك
وشارعن يوم تزورو خطاك

تساؤل أخير
وآسف جد على التأخير
جاوبي على سؤالي أنا :
اصدق كيف ولدتي هنا ؟؟

لا .... لا
وأنتي ملاك
انتي هلاك
أنتي ملاك
محلو هداك
بعيدة سماك
وسامي علاك
ومابتنفع ارضنا معاك

عفة وذوق
مكانك فوق
وما ملحوق

لا أيدن تطول تدناك
ولا زولن عيونو تراك
وجل الواحد السواك

بس رحماك
وانتي ملاك
خديني معاك
أنا التائه
ملكني هواك
ولي من ايدو
مافي فكاك
مافي فكاك

خديني معاك
انا الهومت في دنياك
وبحلم اني من يومداك
ساكن فوق معاكي هناك
أنا واياك .. أنا واياك
لا زولن سوايامعاك
ولا انسان معايا سواك

ومن يومداك
عيوني الولهى ما شايفاك
مفكرة جادة في لقياك
وفي ابعد بطاح كايساك
ومالاقياكي .. ما لاقياك

عاد كيفن بطيقو جفاك
وكيف العيشة تاني وراك
أنا الأنسان
أنا الانسان
وانتي ملاك
ولو حاولت يوم ابراك
بذوب أتلاشى فيهو ضياك
ولو حاولت أشابيلك
وليكي أزيدأزيد كوراك
يجيني صداك
يقول لي هاك
هاك يا زولي هاك وهاك
اتلفت يمين وشمال
وما القاكي ..ما القاك


أنا المتخوف أصلي من يومداك
ومتهيب دخول دنياك
خايف بعد أهواك
وفي عيني أشيلو هواك

تفوتيني وتروحي هناك
وأفضل اتوه
أقيف مشدوه
تقول معتوه
أكوس لنداك
احوم كل الدروب بوراك
ما القاكي .. ما القاك


وانتي هناك
طيفي معاك
يبقى عزاك
ويبقى لهاك

وأنا المسكين معاي ذكراك
وراجي في يوم عيوني تراك
وكل ما اقول قليبي نساك
بلا فجأة .. وبدون ميعاد
تطلي علي .. تبيني براك
أشوفك راقصة في دنياي
وفي ضحكة ابوي اقراك
وفي عيوني امي البريدا
وفي رؤى احلامي السعيدة
وفي كل البيوت ألقاك
وفي كل البيوت ألقاك ..

###############################

احبتي الكرام

بعد ارسال هذه القصيدة تذكرت الان اسم البرنامج المعني :

وهو (( عالم النجوم ))

وكان الاستاذ (علي الريح ) يقدمه قبل ان يتجه لتقديم البرامج الرياضية.

فالمعذرة .. والعتب على الذاكرة يا سادتي / سيداتي / آنساتي .

ولكم جميعا محبتي

خضر عطا المنان

الحبيب الغالى : خضر عطا المنان
لك منى جميع الكلمات التى كتبت على وجه الكرة الارضية لكى تعبر عن معانى الشكر .... لكى منى كلمات تملئ الفراغ الموجود بين السماء والارض تعبيرا لفخرى بمعرفتك الجميلة .......
الصنديد خضر : يجوش بداخلى كميات من الكلمات والاحاديث لكى تعبر عن الاعجاب والثناء بشخصك الكريم ولكن ترفض اناملى ان تكتب على كيبورد الحاسب الآلى ويتبعثر لسانى برهة من الزمن ..... وهذا ان دل على شى انما يدل على احترامى الكثير لشخصك العزيز ......
خضر الجميل : شكرا كتير على الوفاء والالتزام بالرغم من ان ذلك كلفك الكثير من الوقت والتعب والمشقة بالبحث داخل الارشيف ..... واذا انت اطلقت على اسم سمؤل الوفاء لاننى محتفظ بجميل شقيقك عواطف معلمتى الاولى ...... انا اليوم اطلق عليك الوفاء بكل معانيه ... فانت الوفاء فى حد ذاته وان لم اكن ابالغ فكلمة الوفاء جاءت لكى تعبر عن شخصيك السوية
الرائع خضر : التحية لبرنامج عالم النجوم الذى اخرج منك هذه التحفه ملاك .... والتحية للاستاذ على الريح الذى استضافك فى هذا البرنامج وليتنى كنت وقتها ادرك الامور وافهم الكلمات لكى استمتع واتذوق القصائد التى قدمتها وطالما اشادت بها ملكة الحسن والجمال ( ملاك ) فلا بد من انك ابدعت فى هذه السهرة فانا اعلم تمام ان الابداع احد صفاتك..... وللاسف استاذى الفاضل وقتهافى عام ( 1980 ) كام عمرى لم يتجاوز الثلاثة اعوام
سؤال اخير يا مبدع : هل هذه الملاك عرفت بعد ذلك انك كتب فيها هذه القصيدة الرائعة
خضر الجميل : وانت تحكى قصة القصيدة وبالتحديدعندما قلت برندات السوق الافرجنى ... عاودنى الحنين والشوق الى سودانى الجميل فهذا المنطقة بالتحديد عيشت بها اجمل ايام عمرى
الحبيب خضر : مما يذدنى فخرا انك زكرت انت الذى تحاور وتسال فى كل مرة اما فى هذه المرة فالحور من اجلك انت مما يتسبب ذلك فى إحراج لك فانا افتخر باننى اول من طرق الباب للحوار معك
حبى وتقديرى
السمؤل

ألف شكر لك ياسموءل يا وفي .

وعبرك تحيات اجلال وتقدير لكل أؤلئك الذين غمروني برقيق مشاعرهم
عبر هذا البوست الجميل ..

خضر عطا المنان

خضر الجميل لم ترد على سؤالى : هل هذه الملاك عرفت بانك كتبت فيها هذه التحفة الجميلة ( القصيدة ) الرائعة
كما اننى سوف ارسل اليك رسالة خاصة فى إيميلك الاكترونى ....
عشان خاطر البوست يرتفع لى فوق وفوق وفوق كمان وكمان
السمؤل

يستحق كل الاشادة والتشجيع....وهميمة ايضا

انا معكم ...فيهما

عشان انا عارف انت معانا فيها اندهشت جدا لمن ماشاركتى .... بالرغم من انو العقيد الفريد إمثلك يا استاذه كلو شارك .... والهما الجميل الموصلى .... لكن لمن عرفت انقطعت عن البورد عزرتك
حبى وتقيدرى
السمؤل

كما قلت ويستمر المبدع الإنسان في تجاوز حدود النص فنتجاوز معه حدود المتعة ونصاب جميعا بألق الجمال ... زدنا بصوتك الدافئ وحسك المميز أيها الفنان لعلنا في تجاوزنا لحد هذا الفضاء ندرك بانا قد وجدنا ما يلهي هذا الروح المعنا


طارق ع الأحمدي

شكراً أخى سمؤال على هذا البوست

وخضر الذى عرفته عبر هذا المنبر ، عرفته رجل شهم وجاد ومحترم بكل مافى الكلمة من معنى ، والحديث عن الرجل يطول لما فى الرجل من خصال حسنة يصعب حصرها فى هذه المساحة .. التحيّة لك وللأستاذ خضر والأخت هميمة .





________________________________________________________
[email protected]

العزيز الوفي : سموءل

كلا للأسف .. لم ألتق تلك (الملاك ) منذاك اليوم .. ولكني لازلت
ـ وحتى اليوم ـ أحلم بلقائها مرة أخرى !!!.

ويا مليون مراحب بك فبريدي الاليكتروني الخاص مفتوح لك
في أي وقت ..

خضر عطا المنان

سحابتنا في هجير المنافي : تماضر

شكرا لمرورك من هنا وللاطراء .

وهل تعتقدين ـ ياسيدتي ـ بعد 30 عاما من العطاء داخل (الوطن المختطف !!! ) وبين ردهات المنافي لازلت احتاج ( تشجيعا!؟!؟!؟!) .

لك الود .

خضرعطا المنان

طارق سيداحمد

كم أنت رائع حين تكتب
يا ممتع الحرف والتعبير.

لك ودي سلامي .

خضر عطا المنان

الحبيب العائد: لؤي

ألف حمد لله على سلامة العودة أولا .

كيف كانت رحلتك الى بلاد العم سام ؟؟ وكيف ( عمنا المناضل الجسور
جورج بن W بوش ‍‍‍‍‍‍‍‍؟؟؟؟؟ ) .

ولقد افتقدك المنبر حقا.

احرفك عني ـ يا سيدي ـ تنم عن كرم اصلك وطيب معدنك .. فالعبير
هنا من تلكم الزهرة.

لك عاطر محبتي


خضر عطا المنان

up
up
up
up
up

التحايا للرائع خضر

اكثر من رائع

الحبيبان : OSLY2 وهشام

هذا بعض بعض من روعتكما .

لكما معا مودتي ممزوجة بعظيم تقديري وشكري .


وين أنت يا أوسلي الزمن دا كلو ؟؟؟؟؟.


خضر عطا المنان

الرائع خضر

بالله قصسدة تانى لو تكرمت

اكرمك الله

شكرا لحضورك البهي يا صديقي هشام .

وها أنا يا الحبيب أنزل عند رغبتك وأسمعك ولمن يود ممن وشحوني
هذه القلادة المتلألئة من مشاعر ود ومحبة أعتز بها كثيرا .

ولأنها نالت أعجاب الكثيرين .. وقد سبق ان نشرتهاهنا في هذا
المنبر ( الوطن المفترض ) .. وقدقال أحدهم بأنه لم يعثر عليها ثانية.. واعتزازا بكل ماينتمي لذلكم البلد المختطف وترابه المنكوب ..وفخرا بكل أنثى في بلادي ..اعيد نشرها هنا وهي بعنوان : أرتحت ليك :


ارتحت ليك
ارتحت ليك
لأنك من تراب بلدي
عجين الطين مع الرملة

ملاح الويكة والسبروق
لقمة زول رجع مريوق
وتاريخ الوطـن جملـة

ولانك في سما بلدي
غيوم بى خيرا بتعدي
ومحاسن للعيون تملا

مزارع في الخريف خدرا
جداول موية منــحدرة
وملامح اخلاقنا مكتملة

مكانك في الفؤاد جوا
وغرامك فينا شن سوا
عامل فينا جد عملة

سابنا على المدى المشتاق
نسافر في المدن عشــــاق
ونكتب في الشعر جملــــة ..

*************************

ارتحت ليك ....
لأنك نبتة فوق النيل
ضاربة جذورا في الأعماق
ولانك أنتي سوميــتا
مضوية في الليدين والساق
ولهفة زول سنين غايب
راجع للبلد مشــتــــاق ..

وارتحت ليك ...
لأنك للجمال عنوان
وفي عينيك أغاني زمان
ملامح عزنا الســــودان

ولانك رنة في طنبور
ولانك شقشقة عصفور
ينطط فوق غصين فرحان

ولأنك يا صفا عمري
ضحكة فجرنا البدري
ودليل الضايع الضهبان

تائه في صحاري الهم
سحايب احزانو تتلملم
تمطر آهة في الوديــان
وشاف عينيك
وارتاح ليك
رقص طربــــــــان
عانق فيكي أم درمان
لقاك في دربو ملجأ أمان
وفي زمن الضياع عنوان ..

**********************

للجميع خالص آيات محبتي .

خضر عطا المنان

Quote: وهل تعتقدين ـ ياسيدتي ـ بعد 30 عاما من العطاء داخل (الوطن المختطف !!! ) وبين ردهات المنافي لازلت احتاج ( تشجيعا!؟!؟!؟!) . لك الود .

العزيز خضر ..

ارجو الا تكون قد فهمت اننى لم ادر ما اقول...صدقنى كلنا نحتاج التشجيع فى كل مراحل العمر والابداع...انا فقط اقارن بالضد...عندما تجتمع القوى "غير المشجعه" لتسلب منك طعم الحياة ومعنى ان تكون ...فتصاب بالخذلان ...فانك ستعرف ان "التشجيع" هو شىء ثمين لا يجب ان نرده...

لكننا طبعا لا نعرف طعم العافية حتى نحس بالاسقام وتعترينا الالام

اجدنى خجلى من كلماتى الشحيحة فى حقك...فانا فى فترة نقاهة بعد ان المت بى علة "الخذلان" من القوى المعاكسة ..ومازلت اشعر بطعمها مريرا فى حلقى.
لا اراك الله مكروها فى ادائك الجميل...

لك المحبة "والتشجيع" والقلوب الخضر تنبض لاغنياتك ...وطين لين تغرس فيه جميل غرسك ...فتصير غابة ..." والناس حطابة" ...

والعتبى...

وما زلت ـ وستظلين ـ أنت ياتماضر :

سحابتنا في هجير المنافي .

لك الود.

خضر عطاالمنان

المبدع خضر عطاالمنان : كلماتك جميلة ورائعة (وارتحت ليك ) قصيدة فى قمة الروعة والجمال ....... كلماتك يا جميل فيها شئا من الدف وعندما يقراه الانسان يغمره احساس من الفرحة .... وانا حقيقى يااستاذ خضر ارتحت ليك بكل ما تحمل هذه الكلمة من معانى
لك حبى وتقديرى
السمؤل

السموءل

كفاك غزل في عمو دا !!!!!!!! .

بالمناسبة معلمتك عواطف تسلم عليك كتير كتير .. ومن خلال قالت
كمان بترسل تحياتها بلا حدود لكل الذي تداخلوا هنا من دون فرز.


يديك ألف عافية يا ابني .


خضر عطا المنان

الرائع خضر عطا المنان من الاقلام المميزه جدا وكثيرا ما نستمتع معه بما يخطه يراعها فاتمني له ميزد من التقدم

عمنا الغالى خضر : فرحنى خبر معلمتى عواطف برسالها السلام .... هل تعلم يا خضر انا عندما دخلت الصف الاول ابتدائى كنت بعرف اقراء الصحيفة كاملة كل هذا من فضل معلمتى عواطف بعد فضل ربى اولا ... بلغها خالص تحياتى واشواقى ..... وانشاءالله سوف احاول الاتصال بها لاننى عرفت من خلال اسرتى انها مازلت تسكن المنزل المجاور لنا يعنى يا خضر نحن جيران حيطة بالحيطة ....... بالمناسبة رسلت ليك الرسالة فى بريدك الخاص ارجو الافادة فى بريدى الخاص لانو الموضوع خاص حبتين
السمؤل

حــــــــاضــــــر يـا الحـبـيـب .

بالتاكيد سأقرأه وارد عليك .

خضر عطا المنان

الاخ 7abib_alkul شكرا على المداخلة والمرور والاشادة بالاستاذ خضر عطا المنان
الحبيب الغالى خضر / شكرا كتير على الاستجابة برضو دى كان عشمى فيك يا عمى العزيز

وابصم بالعشره لهذا الرائع الجميل صاحب القلم المهذب والحرف الانيق
والذى دوما يثبت مفهوم إحترام الراى والراى الاخر ..
التحية للاخ العزيز خضر عطاالمنان
والتحية للاخت الكريمه هميمه
عبدالعزيز خطاب

تسلم يا خطاب ياكلك زوق وانسانية
شكرا كتير على المرور بالبوست والاشادة بالرائع خضر فهذه نعم شهادة
الحبيب خضر / مرة ثانية لماذا اختفت صورتك التى تظهر تحت اسمك ارجو الافادة علما باننى زكرت ليك الموضوع فى بوستيك بتاع مواسم لفت النظر
السمؤل

حبيب الكل :

ياسلام عليك .

وما أنا يا حبيب الكل الا امتداد لكم .. بل اعتبر نفسي جزءا
أصيلا منكم .

وما حروفي الا صيحة حب من بعض مما أحسه تجاه امثالك يا سيدي.

شكرا للمرور .


خضر عطا المنان

وابصم بالعشرة لهذا الرائع الجميل صاحب القلم المهذب والحرف الانيق
والذى دوما يثبت مفهوم إحترام الراى والراى الاخر ..

التحية للاخ العزيز خضر عطاالمنان ..
والتحية للاخت الكريمه هميمه ..

عبدالعزيز خطاب


******************************

شكرا يا خطاب يا عظيم .

وما ذلك الا من رفيع ذوقك .. وكرم أصلك .. وطيب منبتك يا سيدي .

لك مني المحبة كلها.

خضر عطا المنان