Post: #1
Title: الدعايه الانتخابيه لود عوج الدرب لاسقاط سجيمان وجني في الدوائر الخارجية
Author: saif massad ali
Date: 08-31-2004, 09:33 AM
صفك داير الهجوم زحفك غطي النجوم
يابلدنا لي متين هذا الوجوم
يادراس العلوم السادة ال ليكم بلوم
طول حكما ظلوم عاد العفين البلوم
شوفهم لبسوا الهدوم قائلين ليهم بدوم
واحدين ربوا الجضوم واحدين صلبهم ردوم
خلو المخزن خراب خموا المال بي الجراب
نحن نسف التراب وهم في العود والشراب
ضوقناالخمستاشر العجاف جوعناووادينا جاف
حازه ارجلنا الكتاف والهول في راسنا لاف
قالوا بدوروا الولا فوق الجوع والغلا
الله يزح البلا عاد لعبوابينا الكمبلا
هذا الحال ماهو ماش راح الخيط والقماش
والزول عامل طناش راكب احلامو ماش
هذا الحال مابمش تدخل تغني وتمش
جوزاه رامي النمش وعاد يكبس سيد التبش
|
Post: #2
Title: Re: الدعايه الانتخابيه لود عوج الدرب لاسقاط سجيمان وجني في الدوائر الخارجية
Author: jini
Date: 08-31-2004, 10:23 AM
Parent: #1
Quote: واحدين ربوا الجضوم واحدين صلبهم ردوم
Quote:
يا ود عوج الدرب
الجضوم و اللوز الملتهبة دي تخصص سجيمان أنا ما عندي بيها شغلة!
Quote:
ضوقناالخمستاشر العجاف جوعناووادينا جاف
Quote:
ياخوي ومعاها ستاصشر نميري
إمن داير نسقطنا في الدوائر ونحن زمان دارت علينا الدوائر وأكل علينا الدهر وشرب وبال علينا كمان.
جني
|
|
|
|
|
|