السيد عادل عبد العاطي اطالبك بفصل سجيمان وكل خريجي جامعة الخرطوم القدامي

الزمان 1982المكان الخرطوم بحري شمال مسجد بحري موقف تكاسي المرسي,كنت في زيارة لاخي في كلية الطب البطري.ركيت عربة تاكسي ماركة اوبل المانية قديمة واتذكر السواق عندو شخبه كبيرة بختهابين
بين الجربوكسي والطبلون حتي لاي يرجع الجربوكسي في الفاضي,وصلت الي المرسي وجدت الطلبة افراد وجماعات .شربت معهم شاي قالو نرتاح شويه عشان طالعين المظاهرة.ياناس مظاهرة شنو انا طالع اسع من مظاهرة في القطينة ,فيها مسيل الدموع جايبنوا من جنوب افريقيا.فرتقوها بكتيبة من سلاح المظلات جبل اولياء.قالو دي مظاهرة من نوع تاني في الجامعة, اسمها مارس الكوارث . طيب خير ذهبت الي الداخليه وانا افكر في مظاهرة الجامعة واتذكر عدد الشهداء الذين قدمتهم جامعة الخرطوم لي الوطن,وتذكرت في تلك اللحظات قافلة طلاب جامعة الخرطوم السنوية لمدينة القراصة مسقط راس الشهيد احمد القرشي التي تمر بمدينة القطينة,وسرحت مع الخيال وتصورت قدوم الجيش الي الجامعة والاحتياطي المركزي ومسيل الدموع .تصورت عسكري يضرب طلقة في الهواء وتصادفني واقع علي الارض والطلبة تصيح لن تموت يا سيف لن تموت ياسيف, وفي تلك اللحظة دخل علينازميل لاخي وقال الناس جاهزة للمظاهرة,خرجت معهم وجدت المظاهرة ولكني لم اري البوليس ولا الجيش ولا الاحتياطي المركزي سبحان الله ياربي ديل بي راقبوهم بالمروحيات ولا كيف,لفت انتباهي لم اري ولا بت واحدة بين المتظاهرين ,سمعت صوت طالبات ولكن كان بعيد مني لم افرز الصوت بقول شنو لكن هتف احد الطلاب قائلا بت الجامعة البايرة ام عينا طايرة, وردد معه المتظاهرون بت الجامعة البايرة ام عينا طايرة, الثانوي العام حب تمام الثانوي العام حب تمام الثانوي العالي عرس طوالي الثانوي العالي عرس,تحركت المظاهرة الي داخلية البنات التي ضمت طالبات البطري والزراعة , وهنالك وقعت الواقعة الطالبات يهتفن محجوزين للمغتربين,اكلوا العدس وضوقوا الفلس .وجدعن الاولاد بي البروات وما بقول اسمها هنا, ولكن كترت الاصوات لم اقدر اعرف الحاصل شنو .لماذا لم يوثق لنا اخوننا من جامعة الخرطوم هذه الايام الجميلة حتي يطلع عليهاكل من يهمه امر هذا الصرح العريق.اطالبك ياسعادة عادل بفصل سجيمان وكل قدامي خريجي جامعة الخرطوم هؤلاء الظلاميين الذين يحجبوا عنا كل معلومة حلوة من جامعة الخرطوم , لامكان لسجيمان بعد اليوم في هذا المنبر هذا الظلامي سجيمان هو مكتب محامي سجيمان
مقدم الطلب ود عوج الدرب

الصديق : ود عوج الدرب

جيب أضانك دي جاي :

(( والله سجيمان دا يفصلكن كلكن ويقعد هو براهووووووووو !!!

شيخنا هين وللا لين ؟؟؟؟؟؟ ))



خضر

الاخ خضر
تحياتي
والله سجيمان هذا كارثة لكن قصص الجامعة حلوه, هو يعرف الكتير

سيف

جدك عوج الدرب....لما عوج الدرب....كلفو كتير؟


يا سيف يا اخوي.... الجماعة الفي المظاهرة ديل... ماخدين شواكيش... من المغتربين..... اها بنوت الجامعة كانن منتظرات المغتربين....وانا بعرف واحدات لي حسي منتظرات.......وحينتظرن...ويتقابلو يوم الموقف العظيم

مسطول سألوة بتعرف يوم الموقف العظيم؟.... قال ايوا.... في ابو حمامة

سجيمان
تحياتي ليك تشكر علي المعلومة الجماعة كانوا مكوكشين من المغتربين, ان اقول الناس دي بتكورك بي زعل ليش, تاريهو دا الكاكوش

up

القدامى دي لحدي سنة كم كدا يعني --

دي الدفع التي تخرجت ستين وسبعين وتمنين الاخ عثمان عوضة

طيب ياسيف --نحنا مع ياتو -ستين ولا سبعين و لا تمانين؟؟

انت تخرجت متين اخوي عثمان عوضة انت اخدت كاكوش في الجامعة

Quote: انت اخدت كاكوش في الجامعة

سيف اخوي انا اخدت كاكوش في كوكادام اوائل السبعينات -- تجي نتبادل؟؟

عثمان عوضة جابت كوكادام الله يستر ماتجيب ليها كوكاين ولا كوكاكولا

دكتور سيف
ما توري سجيمان تكلفة التعويج
اما انا حا اقوم بتكوين الهيئة الشعبية للدفاع عن سي جي

عثمان عووضة
قلت سجيما مالو؟









كل ما تباعد بينا عوارض
كل ما هواك ياطيبة مكنى

ابراهيم بطل اللخبتة من الصباح بودوك النار -- قلت سجيمان السرور -- عيبو لي!!(كان راجل

الاخ ابراهيم علان
عوجان الدرب مش كلف بس لسع بكلف كم. جو جماعة من قرية اسمها الدومة قالوا لي ابوي الشهر الجاي عايزين نطهر اولادنا تعرف ديل مسافرين كم يوم عشان يصلوا لي عندنا عليك امان الله اسبوع , وديل ماعايزين قروش عايزين الناس تحضر عندهم.دي انا وانت وسجيمان وعثمان عوضة ما بنعملنا بنشوفها ودار وقت

فوووووووووووق